Fakaaoga te jw.org i te Galuega Talai​—“Become Jehovah’s Friend”

I te ulutala tenei “Bible Teachings” i te jw.org, e isi se vaega mō tamaliki telā e fakaulutala penei, “Become Jehovah’s Friend” kae aofia i ei a pese, vitio, mo nisi mea aka foki kolā e mafai o fai ne tamaliki. E mata, ko oti ne fakaaoga ne koe te vaega tenei i te galuega talai? Kafai e sukesuke koe ki te Tusi Tapu mo se mātua telā e isi ne ana tamaliki, kaia e se fakaasi atu ei ne koe ki ei? I te faiga tenā, ka fai ei ke fiafia a ia o toe onoono ki nisi vaega i te ‵tou Web site.

I te taimi ne tufa ei te Te Tala ‵Lei Napa 38, ne fetaui se taina mo se fafine kae tuku atu ne ia te tamā pepa telā ne faitau foki loa ne tou fafine i te taimi tenā. E isi ne ana tamaliki kae ne fia iloa malosi ne latou a mea e uiga ki te tamā pepa tenā. Ne fakamatala fakatoetoe atu ne te taina tenei kae fakasino atu ki fakatuatusi i luga i te itaneti kolā e maua i te fakaotiga o te tamā pepa tenei. Ona ko te mea ne fakaasi mai ne te fafine a tena fiafia, ne fakaaoga ei ne te taina te avanoaga tenei ke fakaasi atu ne ia se vitio e tasi a Kalepo mai i tena mobile ki te fafine mo ana tamaliki.

Ne fakamatala atu ne se tuagane ki se fafine e ga‵lue tasi mo ia kae isi ne ana tamaliki, a te ‵tou Web site mo fakamatalaga kolā e tuku mai ei mō kāiga. Ne onoono fakatasi te fafine mo ana tamaliki ki te jw.org. Fakamuli ifo, ne fai atu tou fafine ki te tuagane i ana tamaliki ne oloolo sale i tua i te fale kae usu ne latou te pese “Preach the Word,” telā se pese e tasi mai i pese i te vitio “Become Jehovah’s Friend.”

Ke fakamasani ki te vaega tenei kae ‵kopi a vitio, pese, mo nisi mea kolā e fai ne tamaliki ki loto i tau mobile. Mai te faiga tenā, ka mafai ei o toka koe ke fakaaoga te vaega tenei o te jw.org i te galuega talai. Se mea faigaluega tāua ‵ki telā e fesoasoani mai ke pologa tatou ki te Aliki!​—Galu. 20:19.