Ke Fia‵fia ki te Otou Fakamoemoega

A te fakamoemoega e fai pelā me se taula. (Epe. 6:19) E fesoasoani mai ke mo a ma kasa ‵tou vaka i te feitu faka-te-agaga māfai ko fakafesagai atu ki peau o te moana sou. (1Ti 1:18, 19) E mafai o aofia i te moana sou a fakalavelave fakafi‵ta, ko te ‵galo atu o kope faka-te-foitino, masaki mō se taimi leva, te mate atu o se tino pele, io me ko nisi mea fakama‵taku kolā e mafai o fakamasei aka ei ‵tou fakamaoni.

E fai ne te fakatuanaki mo te fakamoemoega ke mafai o lavea faka‵lei ne tatou a te taui telā ne folafola mai. (2Ko 4:16-18; Epe. 11:13, 26, 27) Tela la, faitalia me i ‵tou fakamoemoega ko te lagi io me ko te lalolagi, e ‵tau o fagai faeloa ne tatou i aso katoa mai te mafaufau ‵loto ki folafolaga kolā ne fakamau i te Muna a te Atua. Tela la, kafai ko mafatia tatou i fakalavelave faiga‵ta, ka faigofie ke fakatumau ne tatou a te fiafia.—1Pe 1:6, 7.

KE ONOONO KI TE VITIO KE FIA‵FIA KI TE FAKAMOEMOEGA, KAE TALI A FESILI MAI LALO:

• Kaia e fai ei a Mose mo se fakaakoakoga ‵lei ke tau‵tali ki ei?

• Ne a te tiute e tuku atu ki ulu o kāiga?

• Ne a mataupu e mafai o aofia i Tapuakiga a Kāiga?

• E mafai pefea o fesoasoani mai te fakamoemoega ke mafai o fakafesagai atu koe ki fakalavelave mo te loto talitonu?

• Ne a mea e olioli koe ki ei?