Kaia e Fakatāua ei ne Koe a te Tapuakiga ‵Ma?

Ne fakamalosigina eiloa a tino Iutaia kolā ne ‵nofo fakapagota ne te fakaasiga a Esekielu e uiga ki te faletapu, me ne tuku atu ki a latou se fakamoemoega me ka toe mafai o fakatu aka a te tapuakiga ‵ma. I aso fakaoti konei, a te tapuakiga ‵ma ko oti ne “faka‵mautakitaki i luga i taulu o mauga,” kae e aofia tatou i tino mai fenua katoa kolā e olo atu ki luga i ei. (Isa 2:2) E mata, e mafaufau ‵loto koe ki tou tauliaga ke iloa kae ke tavini atu ki a Ieova?

FAKAMANUIAGA E MAUA MAI TE TAPUAKIGA ‵MA:

• 

  Ka maua i ei a meakai faka-te-agaga e uke kolā ka tali aka ei a fesili tāua i te olaga, ko fakatakitakiga aoga, mo se fakamoemoega mautinoa.​—Isa 48:17, 18; 65:13; Lom 15:4

• Se kautaina a‵lofa i te lalolagi kātoa.​—Sal 133:1; Io 13:35

• Te tauliaga ke fai pelā me ne tino e ga‵lue fakatasi mo te Atua i se galuega fakamalie loto telā e se toe fakafokifoki.​—Ga 20:35; 1Ko 3:9

• Ka fakamalosi tatou ne te “filemu o te Atua” i taimi o fakalavelave.—Fi 4:6, 7

• Se lagonaga ‵ma.​—2Ti 1:3

• “Te va fakataugasoa pili mo Ieova.”​—Sal 25:14

I auala fea e mafai ei ne au o fakaasi atu me e fakatāua ne au te tapuakiga ‵ma?