Fakamatalaga mō Tino e ˋKau ki te Fono

TAINA FESOASOANI A taina fesoasoani ne ˋtofi aka ke fesoasoani ki a koe. Fakamolemole ke gaˋlue fakatasi mo latou mai i te fakaˋlogo ki fakatonuga e tuku atu ne latou e uiga ki te koga e fakatu ei a mea fakateleˋtele, te auala e olo atu ei a tino, tausiga o nofoga, mo nisi mea aka.

PAPATISOGA Ka tausi a nofoga kolā e pili ki mua i te tulaga mō tino ka papatiso. E ˋtau mo tino ka papatiso o sagaˋsaga i konā a koi tuai o kamata te lāuga o te papatisoga i te taeao o te Aso Ono. E ˋtau o puke mai ne tino taki tokotasi se solo mo se gatu koukou telā e mata ˋtau.

MEAALOFA Ne fakamāumāu eiloa a tupe e uke i te fakatokaga o nofoga, mea fakaˋlasi leo, vitio, mo nisi mea aka ko te mea ke gali te fono kae fesoasoani mai foki ki a tatou ke momea aka te ˋtou fakapiliˋpili ki a Ieova. E fesoasoani eiloa otou meaalofa ke mafai o ˋtogi a mea konei kae ke ˋlago atu foki ki te galuega i te lalolagi kātoa. E isi ne pokisi o meaalofa ko oti ne fakamailoga kae fakaˋtu i koga katoa o te fale tenei ke mafai o pili ki a koutou. Kafai e mafai, tuku atu tau meaalofa e auala i te neti mai i te fano ki te donate.jw.org. E loto fakafetai eiloa matou ki meaalofa katoa konā. E fia fakafetai atu foki te Potukau Pule ki te otou kaimaˋlie o ˋlago atu ki manakoga o te Malo.

FESOASOANI MUAMUA Fakamolemole masaua i te fakatokaga tenei mō mea ˋtupu fakafuasei fua.

KOPE GALO MO KOPE MAUA A kope katoa e maua kae sē iloa me i a ai, e ˋtau o ave ki te matagaluega o Kope ˋGalo mo Kope Maua. Kafai e galo sau mea, fano ki te matagaluega tenei kae fai sau fakamatalaga e uiga ki au kope. Tamaˋliki kolā ko ˋgalo mai i olotou mātua, ke ave foki ki te matagaluega tenei. Kae ke mo a e fakauke ne tatou a galuega a tino kolā e aofia i galuega penei, fakamolemole onoono kae tausi fakaˋlei otou tamaˋliki.

NOFOGA Fakamolemole ke amanaia ki nisi tino. Masaua me mafai fua o taofi ne koe a nofoga mō tino o te otou kāiga mo latou kolā ne olo tasi atu mo koutou i otou mea fakateleˋtele, tino o te otou kaufale, io me ko tino kolā e sukeˋsuke mo koe ki te Tusi Tapu. Fakamolemole sa tuku se mea ki luga i nofoga kolā e se fakaaoga ne koutou.

TAVINIGA FAKAVOLENITIA Kafai e fia fesoasoani koe ki galuega kolā e aofia i te fakatokaga mō te fono, fakamolemole ke fakailoa atu ne koe ki te Matagaluega o Fakamatalaga mo te Taviniga Fakavolenitia.

Ne fakatoka ne te Potukau Pule o Molimau a Ieova