Tali ki Fesili Mai te Tusi Tapu

Ne māfua mai pefea te Tiapolo?

Ne seki faite ne te Atua a te Tiapolo. Kae ne faite ne te Atua a te agelu telā ne fai fakamuli mo fai te Tiapolo, io me ko Satani. Ne fakaasi mai ne Iesu me e isi se taimi ne fai ei ne te Tiapolo a te meatonu kae seki agasala. I te kamataga eiloa, a te Tiapolo se agelu amiotonu a te Atua.​—Faitau te Ioane 8:44.

E mafai pefea o fai se agelu mo fai te Tiapolo?

Ne fakaiku aka ne te agelu telā ne fai mo fai te Tiapolo ke ‵teke atu a ia ki te Atua kae fakamalosi atu ki te tauavaga muamua ke ‵kau atu ki a ia. I konā, ne fai ei a ia eiloa mo fai a Satani, te tino ‵teke telā e “takitaki ‵se” ne ia a tino.​—Faitau te Kenese 3:1-5; Fakaasiga 12:9.

E pelā mo nisi mea ola ata‵mai katoa a te Atua, ne maua ne te agelu telā ne fai mo fai te Tiapolo a te saolotoga ke filifili i te va o te faiga o te mea tonu mo te faiga o te mea ‵se, kae ne ati aka ne tou tagata se manakoga ke tapuaki atu a tino ki a ia. Ne malosi atu a tena manakoga ke maua ne ia a tavaega i lō tena manakoga ke fakafiafia atu ki te Atua.​—Faitau te Mataio 4:8, 9; Iakopo 1:13, 14.

Ne tumau pefea te fakamalosi atu o te Tiapolo ki tino? E mata, e ‵tau koe o mataku ki a ia? E mafai o maua ne koe a tali ki fesili konei i te Tusi Tapu.