TALI KI FESILI MAI TE TUSI TAPU
E mata, e mafai eiloa o maua se lalolagi e aunoa mo te mativa?
Ka Aumai Pefea ne te Atua se Lalolagi e Aunoa mo te Mativa?—MATAIO 6:9, 10.
E tamate ne te mativa a te fia miliona o tino i tausaga katoa e auala i te fiakai mo masaki. E tiga eiloa e mau‵mea a nisi koga i te lalolagi, koi ma‵tiva eiloa a tino e tokouke.—Faitau te Ioane 12:8.
E manakogina se pulega i te lalolagi ke fakagata a te mativa. E ‵tau o maua ne se vaegā pulega penā a te malosi ke tufatufa faka‵pau atu a mea i te lalolagi ki tino kae fakagata foki a taua, telā ko te pogai sili o te mativa. Ko oti eiloa ne folafola mai ne te Atua se vaegā pulega penā mō te lalolagi.—Faitau te Tanielu 2:44.
Ko oi e mafai o fakagata ne ia a te mativa?
Ko oti ne ‵tofi aka ne te Atua tena Tama, ko Iesu, ke pule mai ki te lalolagi kātoa. (Salamo 2:4-8) Ka faka‵sao ne Iesu a tino ma‵tiva kae fakagata atu foki ne ia a puapuaga mo faifaiga fakasaua.—Faitau te Salamo 72:8, 12-14.
E pelā mo te “Pelenise o te Filemu,” ka aumai ne Iesu a te filemu mo te tokagamalie ki te lalolagi. Kae ka ‵nofo eiloa a tino katoa i te lalolagi i olotou fale totino, fai a galuega fakafia‵fia, kae uke olotou mea‵kai.—Faitau te Isaia 9:6, 7; 65:21-23.