Ke Fai Pelā me se Tino Fesoasoani i te Galuega Talai
1. Ne a mea aoga e maua ne tatou mai te ga‵lue tasi mo se tino i te galuega talai?
1 I te taimi e tasi, ne uga atu ne Iesu ana soko e toko 70 ke olo o talai, kae ne “uga atu ke olo takitokolua.” (Luka 10:1) E seai se fakalotolotolua me ne talia ne ana soko a te fakatokaga tenei ke fesoasoani kae fakamalosi atu te suā tino ki te suā tino i te taimi ne talai ei latou. I te taimi e olo fakatasi ei tatou mo te suā tino talai i te galuega talai, e mafai pefea o fesoasoani atu tatou?
2. Kafai ko fai ne ‵tou ‵pea a olotou fakamatalaga, i te auala fea io me kaia e ‵tau o fakalogo‵logo faka‵lei tatou?
2 Mai te Fakalogologo: Ke fakalogologo faka‵lei māfai ko fai a te fakamatalaga a ‵tou ‵pea. (Iako. 1:19) Kafai e faitau se tusi siki, ke tautali faka‵lei koe ki ei. Ke kilo atu ki te tino telā e faipati, faitalia me ko ‵tou ‵pea io me ko te tino i te fale. Kafai e fakalogologo faka‵lei koe ki te sau‵talaga, e mafai o fakamalosi atu a te mea tenei ki te tino i te fale ke fai penā.
3. Ko te taimi fea e mafai o fakaavanoa mai ne ‵tou ‵pea ke fai‵pati tatou?
3 Ke Loto Malamalama i te Taimi e Faipati ei: Kafai e fai ne ‵tou ‵pea a tena fakamatalaga, e āva tatou mai i te talia ke kamata ne ia. (Loma 12:10) E ‵tau o ‵kalo keatea tatou mai te fakalavelave atu. Kafai ko ‵galo ana manatu io me fakasae aka ne te tino i te fale se manatu ‵teke io me se fesili kae e manako tou ‵pea ki se fesoasoani, e taumafai tatou o fakaopoopo atu ki manatu o ‵tou ‵pea i lo te kamata ne tatou se mataupu fakaa‵tea. (Faata. 16:23; Fai. 3:1, 7) Kafai e fai‵pati tatou, e ‵tau o fakaopoopo atu ‵tou pati ki te talaiga e fai ne tatou.—1 Koli. 14:8.
4. Se a te mea ka fakaopoopo atu ki ‵tou fiafia mo te manuia i te galuega talai?
4 I te taimi ne fakaotioti ei a te galuega talai a te 35 ‵pea o soko, ne ‵foki mai latou “mo te fia‵fia.” (Luka 10:17) Ka maua foki ne tatou a te fiafia mo te manuia i te ‵tou galuega talai i te taimi e fakalogo‵logo kae fakaiku aka ne tatou ke fai‵pati atu māfai ko fesoasoani atu tatou ki ‵tou ‵pea.