E Mata, e Mafai o Ga‵lue Fakatasi Koe mo Nisi Tino?

I fakapotopotoga e uke, e isi ne tino talai kolā ko se maua o ‵kau malosi atu ki te galuega talai ona ko masaki io me ko te olaga matua. (2 Koli. 4:16) E mata, e mafai o ga‵lue fakatasi koulua mo se tino penā i te faiga o se akoga faka-te-Tusi Tapu? Kafai e se mafai o tiakina ne te tino talai a te fale, kāti e mafai o fai ne koe tau akoga i tena fale. Io me e mafai o fai a fakatokaga i nisi taimi ke avatu ne koe se tino talai telā e se malosi ‵lei ki nai fale i te galuega mai fale ki fale io me se toe asiga e tasi io me lua? E tokouke a tino talai ma‵tua e lasi ‵ki te lotou atamai i te galuega talai. Tela la, ka se iku atu fua au taumafaiga ki te fakamalosi atu ki a latou. Ka maua foki ne koe a mea aoga mai i ei. (Loma 1:12) E se gata i ei, au taumafaiga ke fakaasi atu te alofa i te auala tenei ka taui atu eiloa ne Ieova.—Faata. 19:17; 1 Ioa. 3:17, 18.