Te Galuega ki te ‵Kamiga o Tino ki te Fono

I tausaga takitasi, e olioli malosi eiloa tatou ki te ‵kaiga faka-te-agaga i ‵tou fono i te atufenua. Ko te mea ke ‵tami foki a nisi tino ki te aga ‵lei o Ieova, ka ‵kami ne tatou a tino e tokouke ke ‵kau mai foki ki a tatou. (Sal 34:8) Ka fakaiku aka ne kau toeaina a te ‵toe auala ‵lei ke fakaaoga ei a pepa ‵kami.

MANATU KE MASAUA

• E fai mafea taku fono?

• E kamata mafea te galuega ki te ‵kamiga o tino i taku fakapotopotoga?

• Ne a taimi e fai ei a fakatasiga mō te galuega talai i taku fakapotopotoga?

• Ne a oku fakamoemoega mō te galuega tenei?

• Ko oi a tino e mafaufau au o ‵kami mai?

NE A AKU PATI KA FAI ATU?

Mai tua o pati fakatalofa masani, e mafai ne koe o fai atu:

“E aofia eiloa matou i se galuega telā e fai i te lalolagi kātoa ke tufatufa atu a te pepa ‵kami tenei ki se mea tāua ‵ki. A te po o te masina, te taimi, mo te koga e fai ei e fakaasi mai katoa i te pepa ‵kami. E fia‵fia malosi matou o ‵kami koe ke kau mai ki a matou.”

E MAFAI PEFEA O ATI AKA NE KOE A TE FIAFIA O TE TINO?

E tiga eiloa e fia ‵kami ne tatou a tino e tokouke ki te fono, e ‵tau o matapula‵pula tatou ki so se tino fiafia.

I te fakaotiga o vaiaso, e mafai o ofo atu ne koe te mekesini fakatasi mo te pepa ‵kami.