E Mata, ko Toka Koutou?

Kafai ko poko se fakalavelave o te natula i te koga e ‵nofo ei koutou, e mata, ko toka koutou? A mafuie, alikeni, afi, mo lōfiaga e mafai o ‵tupu fakafuasei kae lasi te lotou fakamaseiga. E se gata i ei, a amioga takafia‵toa, te sē toka te mafaufau, mo famai e mafai fua o ‵tupu i so se koga e aunoa mo se fakailoaga. (Fai 9:11) E se ‵tau o mafau‵fau tatou me se mafai o ‵tupu a vaegā fakalavelave penā i koga e ‵nofo i ei tatou.

E ‵tau mo tatou taki tokotasi o fakatoka faka‵lei ki so se fakalavelave e tupu. (Fat 22:3) E tiga eiloa e tuku mai ne te fakapotopotoga a Ieova se fesoasoani i taimi o fakalavelave ‵tupu, e se fakauiga i ei me ko seai ne fakatokaga e ‵tau o fai ne tatou.—Kal 6:5, fml.

KE ONOONO KI TE VITIO E MATA, E TOKA KOUTOU MŌ SE FAKALAVELAVE O TE NATULA? KAE TALI A FESILI MAI LALO:

• 

  E mafai pefea o fakatoka tatou i te feitu faka-te-agaga i taimi o fakalavelave ‵tupu?

• 

  Kaia e tāua i ei ke . . .

  • • fesokotaki faeloa mo toeaina i te taimi mai mua, te taimi e tupu i ei, mo te taimi mai tua o te fakalavelave?

  • • fakatoka a kope mō fakalavelave ‵tupu fakafuasei?—g17-E.5 6

  • • sau‵tala ki vaegā fakalavelave e mafai o ‵tupu mo mea e ‵tau o fai i vaegā tulaga penā?

• 

  Ne a auala e tolu e mafai o fesoasoani tatou ki nisi tino māfai ko pokotia ne se fakalavelave o te natula?