Tumau i te Toka i te Fakaotiotiga o “Aso Fakaoti”

I te taimi koi kufaki ei tatou i te fakaotiotiga o “aso fakaoti,” e fakamoe‵moe tatou ke gasolo aka o uke a fakalavelave. (2Ti 3:1; nwtsty study note i te Mat 24:8) Kafai ko fe‵paki mo fakalavelave o te natula, e maua faeloa ne tino o Ieova a fakatakitakiga i te taimi tonu kolā ka faka‵sao ei olotou ola. A te ‵sao o tatou i aso mai mua, e faka‵na loa ki te ‵tou faka‵logo ke fakatoka i te taimi nei, i te feitu faka-te-agaga mo te feitu faka-te-foitino.—Luk 16:10.

• Fakatoka i te feitu faka-te-agaga: Fakatoka se polokalame ‵lei. Tauloto ki auala kese‵kese o te galuega talai. Sa manavase māfai ko ‵vae keatea a koe mai nisi tino o te fakapotopotoga mō se taimi sē tumau. (Isa 30:15) E se mafai loa o ‵vae kea‵tea a koe mai i a Ieova mo Iesu.—od 176 ¶15-17

• Fakatoka i te feitu faka-te-foitino: Mai tafa o te ato mō mea tupu fakafuasei, e ‵tau mo kāiga takitasi o fakatoka a meakai, vai, vailakau, mo nisi kope penā ke toka māfai ko manakogina ke ‵nofo i se koga mō se taimi tai leva atu.—Fat 22:3; g17.5 4, 6

ONOONO KI TE VITIO KO TOKA KOE MŌ FAKALAVELAVE ‵TUPU? KAE TALI A FESILI KONEI:

• 

  E fakatoka pefea tatou i te feitu faka-te-agaga ki se fakalavelave o te natula?

• 

  Kaia e ‵tau mo tatou o . . .

  • fakatumau se fesokotakiga ‵lei mo toeaina?

  • fakatoka a kope mō fakalavelave ‵tupu?

  • toe sau‵tala ki fakalavelave o te natula kolā e mafai o ‵tupu mo mea e ‵tau o fai ne tatou i vaegā tulaga takitasi penā?

• 

  Ne a auala e tolu e mafai ne tatou o fesoasoani ki nisi tino māfai ko fe‵paki mo se fakalavelave o te natula?

FESILI IFO, ‘Ne a akoakoga e uiga ki te fakatoka faka‵lei e mafai o aoga ki a tatou i te famai tenei ko te Kolonavailasi?’