E Mata, e Toka Koe o Fakafesagai Atu ki Taua e Fai ne Tino i Tou Fenua?

Ona ko te pili mai o te gataga o te olaga tenei, e fakamoe‵moe tatou me ka gasolo aka eiloa ki luga a taua e fai ne tino i tou fenua, amioga takafia‵toa, mo taua. (Fks 6:4) E mafai pefea o toka tatou mō mea faiga‵ta i aso mai mua?

• Ke toka i te feitu faka-te-agaga: Ke iloa a fakatakitakiga mai te Tusi Tapu mo tala kolā ka fakamalosi ei tou loto talitonu ki a Ieova mo tena fakapotopotoga kae fesoasoani atu ke tumau koe i te sē kau ki se feitu. (Fat 12:5; jr-E 125-126 ¶23-24) Tenei te taimi ke fakamalosi aka a vā fakataugasoa i loto i te fakapotopotoga.—1Pe 4:7, 8

• Ke toka i te feitu faka-te-foitino: Fai se palani ke nofo atu i se koga telā e puipui faka‵lei ei koe kae lava a mea mo ou tausi. E se gata i ei, ke fakatoka se palani mō se koga ke faka‵lafi ki ei. Ke fakamautinoa me e ‵fao ne koe ki tau ato a mea e manakogina ke puipui ei koe mo tupe. Ke iloa o fesokotaki atu ki toeaina, kae ke fakamautinoa aka me e mafai o fesokotaki latou ki a koe.—Isa 32:2; g17.5 3-7

Taimi o taua, ke fakatumau tau polokalame faka-te-agaga. (Fpi 1:10) Kalo kea‵tea mai te fano mai te suā koga ki te suā koga vaganā e manakogina ke fanatu koe ki se koga faka‵lafi. (Mat 10:16) Ke tufatufa atu au mea‵kai mo nisi mea tāua ki nisi tino.—Lom 12:13

ONOONO KI TE VITIO KO TOKA KOE MŌ FAKALAVELAVE ‵TUPU? KAE TALI AKA A FESILI KONEI MAI LALO:

• E mafai pefea ne Ieova o fesoasoani mai ki a tatou i taimi o fakalavelave ‵tupu o te natula?

• Ne a auala aoga e mafai o fakatoka ki ei tatou?

• E mafai pefea o fesoasoani atu tatou ki nisi tino kolā e pokotia i fakalavelave ‵tupu o te natula?