Talia te Fesoasoani Mai ‵Tou Taina Tali‵tonu

Ke maua ne tatou te fesoasoani, ne tuku mai ne Ieova a ‵tou taina mo tuagane “i te lalolagi kātoa” e pelā me se fesoasoani ki a tatou. (1Pe 5:9) E fesoasoani mai latou ke fakafesagai atu tatou mo te manuia ki fakalavelave e fe‵paki mo tatou i te galuega talai. E pelā me se fakaakoakoga, ne aoga ki te apositolo ko Paulo a te fesoasoani mai i a Akuila mo Pisila, Sila, Timoteo, mo nisi tino.—Gal 18:1-5.

E mafai pefea o fesoasoani atu a taina kolā e ga‵lue fakatasi mo koe i te galuega talai? E tuku atu ne latou a manatu aoga ke mafai o fakafesagai atu ki tekemaiga, ke fai a toe asiga, io me ofo atu ke fai ne akoga faka-te-Tusi Tapu. Mafaufau ki se tino i tau fakapotopotoga telā e mafai o fesoasoani atu, ko fesili atu ei ki a ia. E mautinoa eiloa me ka aoga katoa ki a koulua tokolua, kae ka fakatau ati aka foki ne koulua te fiafia i a koulua eiloa.—Fpi 1:25.

ONOONO KI TE VITIO KE MAUA TE FIAFIA I TE FAIGA O SOKO—TALIA TE FESOASOANI O IEOVA—‵TOU TAINA, KAE TALI A FESILI KONEI:

• 

  Ne fakamalosi atu pefea a Neeta ki a Jade ke kau ki se fakatasiga a te fakapotopotoga?

• 

  Kaia e ‵tau o ‵kami ne tatou a nisi tino talai ke ‵kau mai ki se akoga faka-te-Tusi Tapu a tatou?

• 

  Se a te mea ne ‵pau te fia‵fia o Jade mo Abigay ki ei?

• Ne a atamai e mafai o tauloto ne koe mai tino kolā e ga‵lue fakatasi mo koe i te galuega talai?