Akoako au Akoga Faka-te-Tusi Tapu ke ‵Kai Malosi i te Feitu Faka-te-Agaga

Ko te mea ke fakama‵lie aka a olotou manakoga faka-te-agaga kae ke ma‵tua ‵lei i te feitu faka-te-agaga, e ‵tau mo tino a‵koga ki te Tusi Tapu o tauloto ki mea e uke atu i lō muna‵tonu kolā e akoako ne tatou ki a latou. (Mat 5:3; Epe 5:12–6:2) E ‵tau foki o tauloto latou ki te auala ke fagai a latou eiloa i te feitu faka-te-agaga.

Mai te kamataga, fakaasi ki au tino a‵koga ki te Tusi Tapu te auala ke fakatoka ki olotou akoga faka-te-Tusi Tapu, kae fakamalosi latou ke fai penā. (mwb18.03 6) Fakamalosi latou ke ‵talo a koi tuai o fai olotou sukesukega totino. Fesoasoani ki a latou ke iloa o ‵sala kae fakaaoga a mea faigaluega mō fai a sukesukega i te itaneti. Fakamatala atu te auala ke iloa o ‵sala a fakamatalaga ‵fou i luga i te jw.org mo te Leo Fakasalalau o te JW^®. Ke akoako malielie latou ke iloa o fai‵tau ki te Tusi Tapu i aso katoa, ke fakatoka mō fakatasiga a te fakapotopotoga, kae ke ‵sala atu ki tali o olotou fesili. Fesoasoani atu ki a latou ke mafaufau ‵loto ki mea e tauloto ne latou.

ONOONO KI TE VITIO FESOASOANI KI AU AKOGA FAKA-TE-TUSI TAPU KE ‵KAI MALOSI I TE FEITU FAKA-TE-AGAGA, KO TALI AKA EI A FESILI KONEI MAI LALO:

• 

  Ne fesoasoani atu pefea a Neeta ki a Jade ke lavea ne ia me i te faiga o sukesukega e se aofia fua i ei te mauaga o tali?

• 

  Se a te mea ne fesoasoani atu ki a Jade ke talitonu me e tonu eiloa a Ieova i te fakatapuga ne ia o amioga fakatauavaga sē ‵tau?

• 

  Se a te mea ne fatoa iloa aka ne Jade e uiga ki te mafaufau ‵loto?