Fesoasoani ki Au Akoga Faka-te-Tusi Tapu ke ‵Kau ki Fakatasiga

A fakatasiga a te fakapotopotoga se vaega tāua o te tapuakiga ‵ma. (Sal 22:22) A latou katoa kolā e tapuaki ki a Ieova e maua ne latou a te fiafia mo fakamanuiaga. (Sal 65:4) E pelā mo te masani, e ga‵solo vave eiloa ki mua a tino a‵koga ki te Tusi Tapu māfai e ‵kau faeloa ki fakatasiga.

E mafai pefea o fesoasoani atu koe ki au akoga faka-te-Tusi Tapu ke ‵kau ki fakatasiga? Mai te ‵kami faeloa o latou ke ‵kau ki fakatasiga. Fakaasi ki a latou te vitio Ne a Mea e Fai i se Kingdom Hall? Fakamatala atu ki ei a mea aoga e maua mai fakatasiga. (lff mataupu 10) E mafai o fakaasi atu ne koe ki a latou se manatu tāua ne tauloto ne koe i te fakatasiga io me fakamatala fakatoetoe ki a latou a mea ka sau‵tala ki ei i te suā fakatasiga. Tuku atu ki au tino a‵koga a tusi kolā ka fakaaoga. E se gata i ei, ke tuku atu se fesoasoani aoga. Kāti e manakogina ne latou se mea fakateletele. So se taumafaiga e fai ne koe ka aoga ‵ki eiloa māfai ko kau atu tau tino akoga ki se fakatasiga mō te taimi muamua.—1Ko 14:24, 25.

KE ONOONO KI TE VITIO FESOASOANI KI AU AKOGA FAKA-TE-TUSI TAPU KE ‵KAU KI FAKATASIGA, KAE KE TALI AKA A FESILI KONEI MAI LALO:

• 

  Se a te avanoaga ne fakaaoga ne Neeta ke ‵kami ei a Jade ki se fakatasiga a te fakapotopotoga?

• 

  Kaia e fia‵fia ei tatou māfai ko ‵kau mai ‵tou tino a‵koga ki te Tusi Tapu ki fakatasiga?

• 

  Se a te mea ne lavea ne Jade i te taimi muamua ne kau atu ei tou fafine ki se fakatasiga?