Fesoasoani ki Au Akoga Faka-te-Tusi Tapu ke ‵Kalo Kea‵tea Mai Taugasoa Ma‵sei

Ke maua se vā fakataugasoa mo Ieova, e ‵tau o filifili ne tino a‵koga ki te Tusi Tapu a taugasoa ‵lei. (Sal 15:1, 4) Ka fakamalosi ne taugasoa ‵lei a latou ke fai te mea tonu.—Fat 13:20; lff mataupu 48.

Kafai ko fesoasoani atu ki au akoga faka-te-Tusi Tapu ke ‵kalo kea‵tea mai taugasoa ma‵sei, ke loto malamalama. Kāti e faigata ki a latou ke tiakina olotou taugasoa i te lalolagi. Tela la, ke fakaasi atu tou saga tonu ki au akoga faka-te-Tusi Tapu. E mafai o fakaasi atu ne koe mai te lafo atu o se fekau i te selefoni, telefoni atu io me asi atu ki ei. Kafai ko ga‵solo ki mua au tino a‵koga, e mafai o fakamasani ne koe latou ke fai taugasoa mo tino o te Atua. Kae ka mafai o lavea faka‵lei ne latou me uke atu olotou taugasoa ‵lei ne maua i lō olotou taugasoa kolā ne tiakina. (Mko 10:29, 30) Ka maua foki ne koe a te fiafia māfai ko lavea ne koe te kāiga o Ieova e gasolo aka faeloa o tokouke.

ONOONO KI TE VITIO FESOASOANI KI AU AKOGA FAKA-TE-TUSI TAPU KE ‵KALO KEA‵TEA MAI TAUGASOA MA‵SEI, KAE TALI AKA A FESILI KONEI:

• Ko oi a taugasoa ma‵sei?—1Ko 15:33

• I te auala fea ne fakaataata ei ne Jade a maopoopoga faka-Kelisiano?

• Ne fesoasoani atu pefea a Neeta ki a Jade ke sui ana taugasoa ma‵sei?