MANATU I TE 5

Faitau Faka‵lei

1 Timoteo 4:13

MEA E ‵TAU O FAI: Faitau faka‵lei i se leo maluga a pati i te itulau.

Fakatoka faka‵lei. Fai ke iloa ne koe te pogai ne tusi ei te mataupu tenā. Fakamasani o faitau a pati e uke, i lō pati takitasi. Fakaeteete ke mo a ma fakaopoopo, tiaki, io me sui a pati. Onoono faka‵lei ki fakamailoga kolā e ‵sae mai i nisi pati.

Fakamolemole ki se taugasoa ke fakalogologo ki tau faitauga kae ke fai mai ne ia a pati kolā ne faitau ‵se ne koe.
Fakaleo faka‵lei a pati takitasi. Kafai e se iloa ne koe o fakaleo se pati, ‵sala ki ei i se tikisionale, fakalogo ki te pukega o te leo o te faitauga ki te tusi tenā, io me fesili atu ki se tino apo i te faitau mō se fesoasoani.
Faipati faka‵lei. Ke fakaleo faka‵lei a pati, kilo faka‵lei ki mua kae ‵tala tou gutu ke matala faka‵lei. Taumafai malosi ke faipati faka‵lei atu koe.

Ke mo a ma tō fakaleo fakamaea ne koe a pati i te mea ma fai ei ke se ‵tagi ‵lei tau faitau.