1 Beresosɛm

7 Isakar mma ne Tola,+ Pua,+ Yasub ne Simron,+ wɔyɛ baanan. 2 Tola mma ne Usi, Refaia, Yeriel, Yamai, Yibsam ne Semuel; wɔyɛ wɔn agyanom abusuafie mpanyimfo. Tola asefo no, na mmarima akokodurufo a wɔn ho yɛ den wom. Dawid nna no mu no, na wɔn dodow+ yɛ mpem aduonu abien ne ahansia. 3 Usi mma no bi ne Yesrahia; na Yesrahia mma ne Mikael, Obadia, Yoel, Yisiya ne, , wɔyɛ baanum. Wɔn nyinaa yɛ abusuafie mpanyimfo. 4 Na wɔn asefo a wofi wɔn agyanom abusuafie a wɔka wɔn ho yɛ asraafo mpem aduasa asia a wɔkɔ ɔsa; ná wɔn yerenom ne wɔn mma dɔɔso.+ 5 Na wɔn nuanom a wofi Isakar abusuakuw nyinaa mu, mmarima dodow a wɔkan wɔn no yɛ mmarima akokodurufo a wɔn ho yɛ den+ mpem aduɔwɔtwe ason.+

6 Benyamin+ mma ne Bela,+ Beker+ ne Yediael,+ wɔyɛ baasa. 7 Bela+ mma ne Esbon, Usi, Usiel, Yerimot ne Iri; wɔyɛ baanum. Wɔyɛ wɔn agyanom abusuafie mpanyimfo; mmarima dodow a wɔkan+ wɔn no yɛ mpem aduonu ne aduasa anan. 8 Beker mma ne Semira, Yoas, Elieser, Elioenai, Omri, Yeremot, Abia, Anatot ne Alemet; eyinom nyinaa yɛ Beker mma. 9 Sɛ wobu wɔn agyanom abusuafie mpanyimfo ano a, wɔn dodow+ yɛ mmarima akokodurufo a wɔn ho yɛ den mpem aduonu ne ahanu. 10 Yediael+ mma no bi ne Bilhan, na Bilhan mma ne Yeus, Benyamin, Ehud, Kenaana, Sitan, Tarsis ne Ahisaha. 11 Eyinom nyinaa yɛ Yediael mma. Wɔyɛ wɔn agyanom fie mpanyimfo, na wɔn dodow yɛ mmarima akokodurufo a wɔn ho yɛ den+ mpem dunson ne ahanu, asraafo a wɔkɔ ɔsa.

12 Supim+ ne Hupim+ yɛ Ir+ mma; Husim asefo nso yɛ Aher mma.

13 Naftali+ mma ne Yasiel,+ Guni,+ Yeser ne Salum.+ Bilha+ asefo ne wɔn.

14 Manase+ mma no bi ne Asriel a ɔne ne yefam Siriani no woo no no. (Ɔbea yi na ɔwoo Gilead agya Makir.+ 15 Makir ware maa Hupim ne Supim, na ne nuabea din de Maaka.) Ne ba a ɔto so abien ne Selofehad,+ na mmabea+ na Selofehad woe. 16 Na Makir yere Maaka woo ɔbabarima, na ɔtoo no din Peres; ne nua din de Seres, na ne mma ne Ulam ne Rekem. 17 Ulam mma no bi ne Bedan. Eyinom nyinaa yɛ Gilead a Manase ba Makir woo no no mma. 18 Ne nuabea ne Hamoleket a ɔwoo Ishod, Abiesar+ ne Mahla no. 19 Na Semida woo Ahian, Sekem, Liki ne Aniam.

20 Efraim+ asefo ne Sutela+ ne ne ba Bered ne ne ba Tahat ne ne ba Eleada ne ne ba Tahat, 21 ne ne ba Sabad ne ne ba Sutela ne ne ba Eser ne ne ba Elead. Gat+ mmarima a wɔwoo wɔn asase no so no kunkum wɔn efisɛ wɔbɛfaa wɔn nyɛmmoa. 22 Wɔn papa Efraim dii ho awerɛhow nna pii,+ na ne nuanom ba bɛkyekyee ne werɛ. 23 Akyiri yi, ɔkɔɔ ne yere ho, na onyinsɛn+ woo ɔbabarima. Ɔtoo no din Beria efisɛ ɔwoe no na awerɛhow+ wɔ ne fie. 24 Ne babea ne Seera; ɔno na ɔkyekyee anafo+ ne atifi+ Bet-Horon+ ne Usen-Seera. 25 Efraim ba ne Refa ne Resef,* ne ne ba Tela ne ne ba Tahan, 26 ne ɔno nso ba Ladan, ne ɔno nso ba Amihud, ne ɔno nso ba Elisama, 27 ne ɔno nso ba Nun,+ ne ɔno nso ba Yehosua.+

28 Wɔn agyapade ne wɔn atenae ne Betel+ ne ɛho nkurow, ne n’apuei fam, Naaran,+ ne n’atɔe fam, Geser+ ne ɛho nkurow, ne Sekem+ ne ɛho nkurow kosi Gasa* ne ɛho nkurow; 29 Manase nkurow nkyɛn nso, na wɔwɔ Bet-Sean+ ne ɛho nkurow, Taanak+ ne ɛho nkurow, Megido+ ne ɛho nkurow, Dor+ ne ɛho nkurow. Nkurow yi mu na Israel ba Yosef asefo+ tenatenae.

30 Aser+ mma ne Yimnah,+ Yiswa, Yiswi,+ Beria,+ ne wɔn nuabea Serah. 31 Beria mma ne Heber ne Malkiel a ɔwoo Basait no. 32 Heber woo Yaflet, Somer, Hotam, ne wɔn nuabea Sua. 33 Yaflet mma ne Pasak, Bimhal ne Aswat. Eyinom ne Yaflet mma. 34 Semer mma ne Ahi, Roga, Yehuba ne Aram. 35 Ne nua Helem mma ne Sofa, Yimna, Seles ne Amal. 36 Sofa mma ne Suah, Harnefa, Sual, Beri, Yimra, 37 ne Beser, Hod, Samma, Silsa, Yitran ne Bera. 38 Yeter mma ne Yefune, Pispa ne Ara. 39 Ula mma ne Arah, Haniel ne Risia. 40 Eyinom nyinaa yɛ Aser mma; wɔyɛ wɔn agyanom abusuafie mpanyimfo,+ mmarima akokodurufo+ a wɔn ho yɛ den. Wɔyɛ mmapɔmma mu atitiriw; wɔn a wɔabobɔ wɔn din+ a wɔkɔ ɔsa no dodow yɛ mmarima mpem aduonu asia.+