Teokrase Nsɛmmansɛmma
◆ Nnipa 960 na wɔkɔɔ ɔmantam nhyiam a wɔyɛe wɔ Aruba no ase na wɔbɔɔ 21 asu.
◆ Nnipa 2,336 na wɔkɔɔ ɔmantam nhyiam horow abien a wɔyɛe wɔ Bahamas no ase na wɔbɔɔ 34 asu.
◆ Bolivia bɔɔ ɔsram dwumadi fɛfɛ wɔ July mu ho amanneɛ na wonyaa adawurubɔfo dodow a ɛsen biara foforo 5,401 ne Bible adesua 9,009. Sɛ wɔkyekyem a asafo mu adawurubɔfo nyaa nnɔnhwerew 13.6 wɔ ɔsom adwuma no mu.
◆ Amerika Samoa nyaa adawurubɔfo dodow a ɛsen biara foforo 110 wɔ June mu.
◆ Argentina bɔ adawurubɔfo dodow a ɛsen biara foforo a ɛyɛ 86,882 ne Bible adesua 86,637 ho amanneɛ wɔ June mu. Wɔ asram abiɛsa ɔsatu a wɔyɛe nnansa yi mu no, wonyae nsɛmma nhomakra 26,685.
◆ Ecuador ani gyei sɛ ɛbɔɔ adawurubɔfo dodow a ɛsen biara foforo a eye 11,534 ho amanneɛ wɔ June mu. Wonyaa Bible adesua dodow a ɛsen biara 22,184.
◆ Ghana bɔɔ adawurubɔfo dodow a ɛsen biara foforo a eye 32,614 ho amanneɛ wɔ August mu. Sɛ wɔkyekyem a, ɛboro afe a etwaam no de so 14%. Daa akwampaefo 2,937 a wobuu akontaa wɔ August mu no nso yɛ dodow a ɛsen biara foforo. Sɛ wɔkyekyem a, asafo mu ɔdawurubɔfo biara nyaa nnɔnhwerew bɛboro 12.
◆ Guatemala bɔɔ adawurubɔfo dodow a ɛsen biara foforo a ɛyɛ 9,587 ho amanneɛ wɔ June mu. Wɔbɔɔ daa akwampaefo ne sankɔhwɛ dodow foforo ho amanneɛ nso kaa Bible adesua 12,659 ho
◆ Japan bɔɔ adawurubɔfo dodow a ɛsen biara foforo ho amanneɛ wɔ June mu—119,498. Adawurubɔfo no de “Hwɛ!” nhomawa no redi dwuma wɔ ɔkwan pa so ma enti Bible adesua dodow kɔɔ soro bɛyɛ 3,000 wɔ ɔsram biako mu. Wobu Bible adesua 166,277 ho akontaa.
◆ Peru bɔ wɔn adawurubɔfo dodow a ɛsen biara foforo a ɛto so abiɛsa ho amanneɛ na 24,807 buu akontaa wɔ June mu a eye nea ɛboro afe a etwaam no de so 16%.
◆ Senegal nyaa adawurubɔfo dodow a ɛsen biara foforo a ɛyɛ 492 wɔ June mu a eye nea ɛboro afe a etwaam no de so 9%. Sɛ wɔkyekyem a, asafo mu adawurubɔfo nyaa nnɔnhwerew 14.6 wɔ asɛnka mu.
◆ Yɛate se wɔagyae yɛn nuanom a na wɔakyere wɔn ato afiase wɔ Burundi ne Rwanda no. Yɛda Yehowa ase sɛ mprempren wɔwɔ ahofadi. Wɔ anuanom no sɔhwɛ ahorow nyinaa akyi no, wɔyɛ den wɔ gyidi mu na wɔkɔ so de wɔn ho to Yehowa so.