Nea Yɛbɛka Afa Yɛn Nsɛmma Nhoma Ho

The Watchtower October 1

“Nnipa pii adwene yɛ wɔn sɛ Onyankopɔn nhu yɛn amanehunu ne yɛn dadwen. Wo nso wote nka dɛn? [Twɛn ma ommua. Afei kenkan Dwom 34:18.] Sɛ obi te nka sɛ ne so nni mfaso, odi awerɛhow ma ɛboro so, anaa obu ne ho fɔ dodo a, asɛm a ɛwɔ kratafa 19 no kyerɛkyerɛ sɛnea Onyankopɔn bɛboa no ma wadi adwene a ɛnteɛ yi so.”

Awake! October

“Ebinom bu Onyankopɔn sɛ ɔyɛ tumi bi kɛkɛ. Afoforo nso susuw sɛ ɔyɛ obi a ɔwɔ atenka. Wo nso wudwen ho dɛn? [Twɛn ma ommua.] Tie anigyesɛm yi. [Kenkan 1 Petro 5:6, 7.] Asɛm a ɛwɔ kratafa 29 no fi Bible mu bua asɛmmisa yi, So Onyankopɔn yɛ obi a ɔwɔ hɔ ankasa?”

The Watchtower November 1

“Yɛn nyinaa pɛ sɛ yenya abotɔyam. Wususuw sɛ sika na ebetumi ama yɛanya abotɔyam? [Twɛn ma ommua.] Bible kyerɛwfo bi suae sɛ tebea biara mu no ɔbɛma kakra a ɔwɔ no asɔ n’ani. [Kenkan Filipifo 4:11, 12.] Nsɛmma nhoma yi ma yehu nneɛma anum a ɛwɔ Bible mu a ɛma yenya abotɔyam.”

Awake! November

“Wɔn a wonnye Onyankopɔn nni no mu binom ka sɛ nneɛma bɔne a wɔyɛ wɔ Ne din mu no ma wɔte nka sɛ sɛ nyamesom nni hɔ a, anka eye. Wudwen ho dɛn? [Twɛn ma ommua.] Nea edi so yi yɛ ade biako a enti atoro som ma yehu amane. [Kenkan 2 Timoteo 4:3, 4.] Nsɛmma nhoma yi ma yehu adwene a ɛnteɛ a wɔn a wonnye Onyankopɔn nni no kura no bi.”