Nea Yɛbɛka Afa Yɛn Nsɛmma Nhoma Ho

The Watchtower January 1

Kenkan Genesis 2:16, 17. Afei ka sɛ: “Ebinom ka sɛ na Onyankopɔn nim sɛ Adam bɛyɛ bɔne. Afoforo nso susuw sɛ sɛ Onyankopɔn nim sɛ Adam bɛyɛ bɔne a, ɛnde na kɔkɔbɔ a ɔde maa wɔn no kyerɛ sɛ ɔyɛ nyaatwom. Wususuw ho dɛn? [Twɛn ma ommua.] Asɛm a ɛwɔ kratafa 13 yi kyerɛkyerɛ ɔkwan a Onyankopɔn fa so de ne tumi hu nea ɛbɛba daakye no mu.”

Awake! January

“Ebinom gye di sɛ ɔsom mu gyidi nnyina ntease so na mmom sɛnea obi te nka so. Wususuw ho dɛn? [Twɛn ma ommua.] Sɛnea Bible no kyerɛ no, ɛnsɛ sɛ yegye ɔsom bi di kɛkɛ. [Kenkan 1 Yohane 4:1.] Asɛm a ɛwɔ kratafa 28 no kyerɛkyerɛ ɔkwan a yɛbɛfa so ama yɛn gyidi agyina ntease so mu.”

The Watchtower February 1

“Ɛnnɛ, awaregyae abu so paa. Wohwɛ a, dɛn titiriw na ama aba saa? [Twɛn ma ommua.] Afotusɛm a ɛwɔ ha yi aboa awarefo pii. [Kenkan 1 Korintofo 10:24.] Nsɛmma nhoma yi ka nneɛma asia a okununom ne ɔyerenom ka tia wɔn ahokafo ne Bible nnyinasosɛm a sɛ wɔde di dwuma a ebetumi aboa wɔn no ho asɛm.”

Awake! February

“Ɛte sɛ nea nnɛ nnipa pii ani abegye abayisɛm ho. Wususuw sɛ asiane biara nni ho sɛ obi de ne ho bɛhyɛ ahonhonsɛmdi mu? [Twɛn ma ommua.] Tie kɔkɔbɔ a Onyankopɔn de maa tete Israelfo yi. [Kenkan Deuteronomium 18:10-12.] Nsɛmma nhoma yi ma yehu nea Bible ka fa ahonhonsɛmdi ho.”