Nhyehyɛe Ma Dapɛn a Efi Ase October 1
DAPƐN A EFI ASE OCTOBER 1
Dwom 103 ne Mpaebɔ
□ Asafo Bible Adesua:
bt ti 27 ¶10-18 (Simma 30)
□ Teokrase Ɔsom Sukuu:
Bible akenkan: Daniel 4-6 (Simma 10)
No. 1: Daniel 4:18-28 (Simma 4 anaa nea ennu saa)
No. 2: Nea Enti a Nokware Kristofo Kwati sɛ Wɔde Wɔn ho Bɛhyɛ Ahonhonsɛmdi Mu (Simma 5)
No. 3: Ɔkwan Bɛn na Onyankopɔn Faa so De Akwankyerɛ Maa N’asomfo a Wɔwɔ Asase so Tete No?—rs-E kr. 281 ¶1-2; +lv kr. 48, adaka (Simma 5)
□ Ɔsom Nhyiam:
5 min: Fi Bible Adesua Ase wɔ Memeneda a Edi Kan no Mu. Ma wɔmfa nsɛm a yebetumi aka a ɛwɔ kratafa yi no nyɛ sɛnea yebetumi afi Bible adesua ase wɔ Memeneda a edi kan wɔ October mu no ho ɔyɛkyerɛ. Hyɛ wɔn nyinaa nkuran ma wɔmfa wɔn ho nhyem.
15 min: Dɛn na Yetumi Yɛe wɔ Afe a Etwaam no Mu? Ɔkasa a ɔsom adwuma sohwɛfo ma. Ka nea mo asafo no tumi yɛe wɔ ɔsom afe a etwaam no mu ho asɛm, na twe adwene si nneɛma a ɛhyɛ nkuran a mutumi yɛe no so, na kamfo wɔn sɛnea ɛsɛ. Bisabisa ɔdawurubɔfo biako anaa baanu ma wɔnka osuahu a ɛhyɛ nkuran a wonyae nkyerɛ. Kyerɛ ɔsom adwuma no afã bi a ɛsɛ sɛ asafo no bɔ mmɔden wom wɔ ɔsom afe a ɛreba no mu, na kyerɛ akwan a mubetumi afa so ayɛ saa.
10 min: Akwan a Yɛbɛfa so De Nsɛmma Nhoma Ama wɔ October Mu. Ɔkasa ne nkɔmmɔbɔ. Fa anibu 30 kosi 60 ka nea enti a asasesin no mufo ani begye nsɛmma nhoma no ho kyerɛ. Afei, gyina Ɔwɛn-Aban no mu nsɛm a edi kan no so bisa atiefo ma wɔnkyerɛ nsɛm a ɛkanyan anigye a wobebisa, ne afei kyerɛwsɛm a wɔbɛpɛ sɛ wɔkenkan. Fa Awake! no nso mu nsɛm a edi kan no di dwuma, na sɛ bere wom a, ka nsɛmma nhoma no mu biako mu asɛm foforo bi ka ho. Ma wɔnyɛ sɛnea yebetumi de nsɛmma nhoma no mu biara ama ho ɔyɛkyerɛ.
Dwom 85 ne Mpaebɔ