Nhyehyɛe Ma Nnawɔtwe a Ɛfiri Aseɛ December 29

Dwom 37 ne Mpaebɔ

Asafo Bible Adesua:

cl ti 18 ¶1-8 (Simma 30)

Teokrase Ɔsom Sukuu:

Bible akenkan: Yosua 12-15 (Simma 10)

Teokrase Ɔsom Sukuu Ntĩmu (Simma 20)

Ɔsom Nhyiam:

Bosome yi Asɛmti: Fa “nneɛma pa” a yɛanya no bi ma.​—Mat. 12:35a.

Dwom 89

20 min: Kɔ So Fa “Nneɛma Pa” Kyerɛkyerɛ Wo Bible Asuafoɔ ne Wo Mma a Wɔwɔ Asafo no Mu. (Mat. 12:35a) Ɔkasa ne nkɔmmɔbɔ. Ma anuanom nhu sɛnea wɔde asɛm a ɛwɔ 1 Korintofoɔ 13:11 ne 1 Petro 2:2, 3 bɛboa wɔn Bible asuafoɔ ne wɔn mma a wɔwɔ asafo no mu ma wɔahu nea ɛsɛ sɛ wɔyɛ. Sɛ wɔka sɛ ‘yɛnka asɛm no mu nufosuo nhwɛ’ a, ɛkyerɛ sɛn? Kyerɛkyerɛ mu na anuanom nhu sɛnea wɔbɛboa wɔn Bible asuafoɔ ne wɔn mma ma wɔayɛ saa. Ma wɔnhu sɛnea wɔde Marko 4:28 bɛyɛ adwuma. (Hwɛ December 15, 2014 Ɔwɛn-Aban, kr. 10, nky. 6-8.) Bisabisa ɔdawurubɔfoɔ bi a waboa ne Bible suani anaa ɔwofo a waboa ne ba ma wanya nkɔsoɔ wɔ nokorɛ no mu nsɛm.​—Efe. 4:13-15; hwɛ May 2014, Yɛn Ahenni Som no Asɛmmisa Afã.

10 min: “Da Ahɔhoyɛ Adi na Wo ne Afoforɔ Nkyɛ ‘Nneɛma Pa’ (Mat. 12:35a).” Ɔkasa ne nkɔmmɔbɔ. Mfasoɔ anaa osuahu bɛn na ebinom anya afi ahɔhoyɛ mu? Ma atiefoɔ nka sɛnea yɛbɛtumi ayɛ yɛn nuanom nyinaa ahɔhoɔ, ɛnkanka wɔn a wɔyɛ berɛ nyinaa som adwuma no. Nhyehyɛeɛ bɛn na moayɛ wɔ mo asafo mu a mode ma ahɔhoɔ a wɔbɛma ɔkasa aduane? Ka ho asɛm.

Dwom 124 ne Mpaebɔ