‘Wɔka Ɔdɔ Ne Papayɛ Ho Asɛm’

NNANSA yi, wɔde ani asi Yehowa Adansefo a wɔwɔ France so denneennen sɔre tia wɔn sɛe wɔn din. Wɔn asɔretiafo de nsɛm a enni nnyinaso ne atosɛm ka wɔn ho nsɛm wɔ baguam. Wɔ 1999 afe no mfiase no, Yehowa Adansefo a wɔwɔ France nyinaa kyekyɛɛ kratawa a wɔato din People of France, You Are Being Deceived! (Francefo, Wɔredaadaa Mo!) Wɔbɔɔ atosɛm a wɔaka afa wɔn ho no gui wɔ saa kratawa yi mu.

Wɔyɛɛ ɔsatu no wiei nna kakra akyi no, Owura Jean Bonhomme, oduruyɛfo a na kan ɔyɛ Mmarahyɛ Baguani no kyerɛw krataa a obiara betumi akenkan bi kɔmaa ɛhɔnom atesɛm krataa bi. Ɔkyerɛwee sɛ: “Ɛtɔ mmere bi a, Yehowa Adansefo ba me fie. Wɔba ne me bɛbɔ papayɛ ne ɔdɔ a yebenya ama nnipa nyinaa ho nkɔmmɔ. . . . Wɔmfa wɔn asɛm no mpuapua nkurɔfo. Wofi odwo mu kasa, na wofi ayamye mu tie nsɛm a ɛkyere m’adwene no.”

Bere a Owura Bonhomme reka Yehowa Adansefo honhom fam gyinabea ho asɛm no, ɔkae sɛ: “Wɔn nsɛm a wiase no nnye ntom no ntumi mpira obiara. Nanso, amanyɔfo binom nsɛm a ntease nnim no betumi asɛe ɔmanfo asomdwoe ne biakoyɛ.”