Asemmisa Afã

● Dɛn nti na ɛsɛ sɛ wunya w’ankasa nhomakorabea?

Ntease titiriw biako ne sɛ kokoam adesua ho hia ma Yehowa Adansefo. (Yoh. 17:3) Ɛyɛ ahotɔ sɛ wubenya nhomakorabea wɔ fie sɛnea ɛbɛyɛ a wobɛyɛ nhwehwɛmu, wobɛma nsemmisa ahorow ho mmuae, na woasiesie wo ho ama Kristofo nhyiam horow. Ɛnsɛ sɛ yebu Kyerɛwnsɛm mu amanneɛbɔ a nsa betumi aka wɔ ɔkwan a ɛyɛ mmerɛw so no adewa.

Ntease foforo a enti ɛsɛ sɛ wonya nhomakorabea wɔ fie no fa nokwasɛm a ɛyɛ sɛ ɛsɛ sɛ Kristoni biara ‘soa n’ankasa asɛyɛde ho adesoa’ no ho. (Gal. 6:5) Sɛ asemmisa bi sɔre a, eye sɛ yebenya su a ɛne sɛ yɛn ankasa bedi kan ayɛ yɛn nhwehwɛmu na ɛno akyi ansa na sɛ ɛho hia a, yɛabisa afoforo. Yebetumi ama yɛn nhumu ne ntease tumi horow anya nkɔso denam Onyankopɔn Asɛm no ho asuafo mmɔdenbɔfo a yɛbɛyɛ na yɛde ofie nhomakorabea adi dwuma pa no so.​—Heb. 5:11-14.

Mmofra binom awofo aboa wɔn ma wɔn ankasa ahyehyɛ wɔn nhomakorabea a na wɔwɔ wɔn mprempren ne daakye nyinaa ahiade wɔ adwenem. Akyinnye biara nni ho sɛ nhomakorabea pa yɛ apɛgyade kɛse wɔ Kristofo fi mu.