Nea Yɛbɛka Afa Yɛn Nsɛmma Nhoma Ho

Ɔwɛn-Aban May 1

“Abofra bi wu tumi ma awofo di yaw a wɔn werɛ mfi da. Wususuw sɛ ɛhe na wobetumi anya awerɛkyekye? [Twɛn ma ommua. Afei kenkan Romafo 15:5.] Nsɛmma nhoma yi ka akwan a Onyankopɔn fa so kyekye wɔn a wɔredi awerɛhow no werɛ no bi ho asɛm.”

Awake! May

“Ebinom di yiye wɔ asetra mu, bere a nnipa ɔpepem pii nso di hia. Wususuw sɛ bere bi bɛba a obi renni yiye nsen ne yɔnko wɔ asetra mu? [Twɛn ma ommua.] Hwɛ sɛnea Onyankopɔn bu ahiafo. [Kenkan Dwom 22:24.] Nsɛmma nhoma yi kyerɛkyerɛ Bible mu anidaso a ɛwɔ hɔ ma ahiafo no mu.”

Ɔwɛn-Aban May 15

“Wubebua asɛm yi dɛn? [Kenkan asɛmmisa a ɛwɔ nsɛmma nhoma no anim no. Afei twɛn ma ommua.] Bible no ma yenya nea yebegyina so anya anidaso. [Kenkan Mateo 6:9, 10.] Nsɛmma nhoma yi kyerɛ sɛnea Onyankopɔn Ahenni bɛma wɔayɛ Onyankopɔn apɛde wɔ asase so.”

Awake! May

“So wususuw sɛ Onyankopɔn adi kan ahyehyɛ yɛn nneyɛe ne nea ɛbɛto yɛn daakye no ato hɔ? [Twɛn ma ommua.] Sɛnea Bible mu asɛm yi kyerɛ no, Onyankopɔn ma nnipa kwan ma wɔpaw sɛnea wɔbɛbɔ wɔn bra. [Kenkan Deuteronomium 30:19.] Eyi kyerɛ nea Bible ka fa asɛm no ho.” Fa asɛm a ɛwɔ kratafa 12 no kyerɛ no.