Nea Yɛbɛka Afa Yɛn Nsɛmma Nhoma Ho

Ɔwɛn-Aban May 1

Kenkan Mateo 24:3. Afei ka sɛ: “Ebinom susuw sɛ asɛmmisa yi fa yɛn asase yi awiei ho. Wususuw sɛ wɔbɛsɛe asase no? [Twɛn ma ommua.] Mmuae a Yesu de mae no kyerɛ sɛ ɛnyɛ asase no na wɔbɛsɛe no, na mmom ɛfa biribi foforo ho. Asɛm a ɛwɔ kratafa 16 yi kyerɛkyerɛ mu kɔ akyiri.”

Awake! May

“Asɔfo binom kyerɛkyerɛ sɛ sɛ yɛyɛ ade a ɛsɔ Onyankopɔn ani a, ɔbɛma yɛanya yɛn ho. Nanso, ebia wunim nnipa papa bi a wodi hia. Wususuw sɛ Onyankopɔn pɛ sɛ yenya yɛn ho? [Twɛn ma ommua. Afei kenkan Hebrifo 13:5.] Nsɛmma nhoma yi kyerɛkyerɛ sɛnea Onyankopɔn hyira yɛn no mu.” Fa asɛm a ɛwɔ kratafa 12 no kyerɛ no.

Ɔwɛn-Aban June 1

“Nhoma ahorow a wɔkyerɛ sɛ ɛboa ma wɔtete mmofra, wonya ɔdɔ, ne nea ɛma wodi yiye abu so nnɛ. So w’ankasa woakenkan bi ahu sɛ ɛboa? [Twɛn ma ommua.] Nnipa pii bu wɔn ani gu akwankyerɛ a edi mu yi so. [Kenkan 2 Timoteo 3:16.] Nsɛmma nhoma yi kyerɛkyerɛ nea enti a yebetumi de yɛn ho ato Bible so no mu, na ɛde emu afotu a mfaso wɔ so ma.”

Awake! June

“Sɛ woahyɛ no nsow a, wogye nyinsɛn a wotu gu ho akyinnye denneennen. Wususuw sɛ Bible no betumi aboa obi ma wasi nea ɛsɛ sɛ ɔyɛ ho gyinae? [Twɛn ma ommua. Afei kenkan 2 Timoteo 3:16, 17.] Nsɛmma nhoma yi ma yehu nea Bible ka fa asɛm yi ho.”