Nea Yɛbɛka Afa Yɛn Nsɛmma Nhoma Ho

The Watchtower August 1

“Wususuw sɛ dɛn na nnipa hia na ama wɔanya anigye? [Twɛn ma ommua. Afei kenkan Mateo 5:3.] Eyi ne nneɛma a ɛma yenya anigye no mu biako pɛ a Yesu kaa ho asɛm. Asɛm yi ma yehu ade a yesua fi Yesu hɔ a ɛbɛma yɛanya anigye ankasa.” Fa asɛm a ɛwɔ kratafa 16 no kyerɛ no.

Awake! August

“Adaemonesɛm, asumansɛm, ne abayisɛm abu so wɔ sini ahorow mu nnɛ. Wususuw sɛ adaemone wɔ hɔ ankasa? [Twɛn ma ommua. Afei kenkan 1 Korintofo 10:20.] Asɛm yi ma yehu nea Bible ka fa adaemone ho ne sɛnea yebetumi abɔ yɛn ho ban afi wɔn ho.” Fa asɛm a ɛwɔ kratafa 20 no kyerɛ no.

The Watchtower September 1

Ka asɛm bi a ɛhaw ɔmanfo wɔ mo mpɔtam hɔ. Afei ka sɛ: “Woasusuw nea enti a nkurɔfo yɛ nneɛma bɔne a ɛte saa ho pɛn? [Twɛn ma ommua.] Bible no ma yenya anidaso. [Kenkan 2 Petro 3:13.] Nsɛmma nhoma yi ma yehu nea Bible ka fa nea enti a nkurɔfo di nsɛmmɔne ne ɔkwan a Onyankopɔn bɛfa so ama nneɛma bɔne to atwa nnansa yi ara no ho asɛm.”

Awake! September

“Wususuw sɛ mobile fon, nsɛm a wɔde fa kɔmputa so mena, kɔmputa so nkɔmmɔbɔ, ne abɛɛfo kwan a wɔfa so ne nkurɔfo di nkitaho no ayi ankonamyɛ afi hɔ anaasɛ ama ankonamyɛ abu so? [Twɛn ma ommua.] Hwɛ nyansahyɛ bi a ebetumi aboa ma yɛadi ankonamyɛ so. [Kenkan Asomafo Nnwuma 20:35.] Nsɛmma nhoma yi san de Bible mu afotu a mfaso wɔ so ma.”