Nsɛm a Yebetumi Aka

De afi Bible adesua ase wɔ Memeneda a edi kan wɔ August mu

“Ɛnnɛ nkurɔfo taa yɛ Yesu ho mfonini de kyerɛ sɛnea na ɔte wɔ mfe mpem abien a atwam no. Wɔyɛ no te sɛ akokoaa a ɔda mmoa adididaka mu anaasɛ ɔbarima a wɔasɛn no wɔ asɛndua so. Nanso, dɛn na wususuw sɛ Yesu reyɛ seesei? [Twɛn ma ommua.] Hwɛ asɛm a wɔaka wɔ ha yi.” Fa August 1 Ɔwɛn-Aban no ma ofiewura no, na munsusuw asɛm a ɛwɔ asɛmti ketewa a edi kan wɔ kratafa 16 ase, ne anyɛ yiye koraa no kyerɛw nsɛm a ɛwom no mu biako ho. Gyaw nsɛmma nhoma no ma no na yɛ nhyehyɛe san kɔsra no na munsusuw asɛmmisa a edi hɔ no ho.

The Watchtower August 1

“Nnipa pii gye anwonwade di. Afoforo nso adwene mu yɛ wɔn naa wɔ ho. Wususuw sɛ anwonwade tumi sisi ankasa? [Twɛn ma ommua.] Saa anwonwade a wɔahyɛ ho bɔ sɛ ɛbɛba daakye yi ama nnipa pii anya anidaso. [Kenkan kyerɛw nsɛm a ɛwɔ kratafa 9-10 no mu biako.] Nsɛmma nhoma yi de nsɛm abiɛsa a nkurɔfo taa ka de bɔ anwonwade gu ho mmuae ma.”

Awake! August

“Nnansa yi nnipa pii suro sɛ wɔn nkutoo bepue, titiriw anadwo. Wususuw sɛ biribi wɔ hɔ a yebetumi ayɛ na ama nsɛmmɔnedi abrɛ ase wɔ saa wiase yi mu? [Twɛn ma ommua.] Nsɛmma nhoma yi kyerɛ nneɛma bi a yɛn nyinaa betumi ayɛ na ama asomdwoe a ɛwɔ yɛne afoforo ntam no mu ayɛ den. Ɛsan nso ma yehu sɛnea nkɔmhyɛ a ɛyɛ anigye yi bɛbam.” Kenkan Dwom 72:7.