BIBLE MU AKORADE | 1 KORINTOFO 7-9

Sigyadi Yɛ Akyɛde

Mfe pii ni na Kristofo bebree ahu sɛ sigyadi so wɔ mfaso pa ara. Efisɛ obi yɛ osigyani a, otumi nya bere pii de trɛw ne som adwuma mu. Bio nso, otumi trɛw ne dɔ mu ne afoforo bɔ na otumi bɛn Yehowa kɛse.

Anuanom mmarima mmiɛnsa bi a wɔyɛ asigyafo retrɛw wɔn som adwuma mu wɔ afe 1937 wɔ Australia; onuawa bi a ɔyɛ osigyani a owiee Gilead ma wɔde no kɔɔ Mexico wɔ afe 1947 — Anuanom mmiɛnsa bi a wɔretrɛw wɔn som adwuma mu wɔ afe 1937 wɔ Australia; onuawa bi a owiee Gilead ma wɔde no kɔɔ Mexico wɔ afe 1947

Onua bi redi adanse wɔ Brazil; anuanom bi a wɔyɛ asigyafo resua ade wɔ Ahenni Asɛmpakafo Sukuu wɔ Malawi — Onua bi redi adanse wɔ Brazil; anuanom bi resua ade wɔ Ahenni Asɛmpakafo Sukuu wɔ Malawi

DWINNWEN WEI HO: Sɛ woyɛ osigyani a, ɔkwan bɛn so na wubetumi de saa hokwan no adi dwuma yiye?

Dɛn na anuanom a wɔwɔ asafo no mu betumi ayɛ de ahyɛ asigyafo nkuran na wɔaboa wɔn?