“Monkɔ So Nsusuw Saa Nneɛma Yi Ho”

Nneɛma bɛn na ɛsɛ sɛ yɛkɔ so dwinnwen ho? Filipifo 4:8 ka sɛ, biribiara a ɛyɛ nokware, biribiara a ɛsom bo, biribiara a ɛteɛ, biribiara a ɛho tew, biribiara a ɛyɛ fɛ ne biribiara a wɔka ho asɛm pa. Ɛwom, wei nkyerɛ sɛ Bible mu nsɛm nko ara na ɛsɛ sɛ yedwinnwen ho bere nyinaa, nanso ɛsɛ sɛ nea yedwinnwen ho no sɔ Yehowa ani. Ɛnsɛ sɛ ɛyɛ nneɛma a ɛbɛma ayɛ den sɛ yebedi Yehowa nokware.—Dw 19:14.

Yɛyɛ nnipa yi de, sɛ yɛyere yɛn ho sɛ dɛn mpo a, adwene a ɛmfata betumi aba yɛn tirim. Afei nso, ɛsɛ sɛ yɛko tia Satan a ɔyɛ “wiase yi nyame” no nso. (2Ko 4:4) Esiane sɛ ɔno na odi wiase yi so nti, dwumadi ahorow a ɛkɔ so wɔ television, radio, ne intanɛt so no, emu dodow no ara nyɛ papa. Ɛno nti, nneɛma a yɛhwɛ, yetie anaa yɛkenkan no, ɛsɛ sɛ yeyiyi mu. Sɛ yɛanyɛ saa a, ɛbɛsɛe yɛn adwene, na nkakrankakra yɛn abrabɔ bɛsɛe.—Yak 1:14, 15.

HWƐ VIDEO A YƐATO DIN MMA BIRIBIARA NSƐE WO NOKWAREDI—ANIGYEDE A ƐMFATA NO. WUWIE A, BUA NSƐMMISA A EDIDI SO YI:

• 

  Dɛn na na onua no rehwɛ wɔ ne fon so no? Ɔkwan bɛn so na enyaa ne so nkɛntɛnso?

• 

  Sɛn na Galatifo 6:7, 8 ne Dwom 119:37 boaa no?