Munguan Abosonsom

Ɛbɛyɛ sɛ Israelfo suaa abosonsom bere a na wɔwɔ Egypt no. Ɛnnɛ, nneɛma bi wɔ hɔ a yɛyɛ a, ɛbɛkyerɛ sɛ yɛde yɛn ho rehyɛ abosonsom mu. Ebi wɔ hɔ mpo a, ɛyɛ den sɛ yebehu. Ɛwom, yɛrenhyɛ da nkotow bosom bi anim sɛ yɛresom no, nanso sɛ yɛanhwɛ yiye a, nneɛma bi a yɛn ani gye ho betumi abɛyɛ sɛ bosom, na ebetumi ama ayɛ den sɛ yɛde yɛn koma nyinaa bɛsom Yehowa.

Mfoni: Abusua bi mufo reyɛ nneɛma a wɔyɛ no daa. 1. Agya bi a ɔyɛ kapentani reyɛ adwuma. Ebinom apɔn rekɔ fie nanso ɔda so reyɛ adwuma. 2. Ne ba no rebɔ video game. 3. Ne yere nso retotɔ nneɛma wɔ sotɔɔ bi mu.

Nneɛma a da biara meyɛ no, emu nea ɛwɔ he na ebetumi ama ayɛ den sɛ mɛsom Yehowa yiye? Mɛyɛ dɛn adi saa ade no so?