Wo Ne Yehowa Adamfofa No Som Bo Ma Wo Anaa?

Yehowa Adansefo wɔ hokwan soronko bi. Ɛne sɛ, yɛahyira yɛn ho so abɔ asu, enti yɛne Awurade Tumfoɔ Yehowa afa adamfo, na yɛbɔ mmɔden sɛ yɛbɛhyɛ mu den. Bio nso, ɔnam ne Ba no so atwe yɛn aba ne nkyɛn. (Yoh 6:44) Afei nso, otie yɛn mpaebɔ.—Dw 34:15.

Ɛnde, abusuabɔ a ɛsom bo a yɛne Onyankopɔn wɔ no, yɛbɛyɛ dɛn abɔ ho ban? Ade baako a ɛsɛ sɛ yɛyɛ ne sɛ, ɛnsɛ sɛ yesuasua nneɛma bɔne a Israelfo no yɛe no. Bere a wɔne Yehowa yɛɛ apam no, ankyɛ biara na wɔkɔsom abosom. Wɔyɛɛ sika nantwi ba honi bi, na wɔsom no. (Ex 32:7, 8; 1Ko 10:7, 11, 14) Yɛn nso, yebetumi abisa yɛn ho sɛ: ‘Sɛ yehyia sɔhwɛ a, yɛyɛ yɛn ade sɛn? Sɛnea yɛbɔ yɛn bra kyerɛ sɛ yɛne Yehowa adamfofa no som bo ma yɛn anaa?’ Sɛ yɛdɔ yɛn soro Agya no paa a, yɛbɛtwe yɛn ho afi biribiara a okyi ho.—Dw 97:10.

HWƐ VIDEO A YƐATO DIN BƆ WO NE YEHOWA ABUSUABƆ NO HO BAN (KOL 3:5) NO. WUWIE A, BUA NSƐMMISA A EDIDI SO YI:

• Dɛn ne anibere?

• Adɛn nti na ɛsɛ sɛ yɛtwe yɛn ho fi anibere ne abosonsom ho?

• Abusuabɔ bɛn na awaresɛe ne abosonsom wɔ?

• Adɛn nti na wɔn a wɔwɔ asɛyɛde wɔ Onyankopɔn som mu paa na ɛsɛ sɛ wɔhwɛ ma wɔn ahokafo nsa ka nea wohia?