Salamo

145 E faateitei au ia oe, to ˈu Atua te Arii,+

E arue au i to iˈoa e a muri noa ˈtu.+

 2 E arue au ia oe i te roaraa o te mahana.+

E arue au i to iˈoa e a muri noa ˈtu.+

 3 E Atua rahi o Iehova e e au ia aruehia oia.+

Eita e nehenehe e taa i to ˈna rahi.+

 4 E arue tera e tera uˈi i ta oe mau ohipa.

E faaite ratou i ta oe mau ohipa puai.+

 5 E faaite ratou i to hanahana e to tura,+

E e feruriruri au i ta oe ra mau ohipa faahiahia.

 6 E faaite ratou i ta oe mau ohipa* mǎtaˈuhia,

E e faaite au i to oe rahi.

 7 E manii mai ta ratou mau parau arueraa ia haamanaˈo ratou i to maitai rahi,+

E no to parau-tia, e umere ratou.+

 8 E Atua aumihi e te aroha hamani maitai o Iehova,+

O te ore e riri oioi e o tei rahi i te here taiva ore.+

 9 Mea maitai o Iehova i nia i te mau mea ora atoa,+

E te itehia ra to ˈna aroha hamani maitai i roto i ta ˈna mau ohipa atoa.

10 E faahanahana ta oe mau ohipa atoa ia oe, e Iehova,+

E e arue to feia taiva ore ia oe.+

11 E faaite ratou i te hanahana o to tiaraa arii+

E e faatia ratou i to puai,+

ל [Lameda]

12 Ia ite te taata i ta oe mau ohipa puai+

E te unauna o to tiaraa arii hanahana.+

13 E tiaraa arii mure ore to oe,

E e vai â ta oe faatereraa e hope noa ˈtu te mau uˈi atoa.+

14 E turu Iehova i tei hiˈa+

E e faatia oia i tei roohia i te ati.+

15 Te fariu ra te mata o te taata atoa i nia ia oe ma te tiaturi.

Te horoa ra oe i ta ratou maa i te taime tano.+

16 Te hohora ra oe i to rima

A haamâha ˈtu ai i te hinaaro o te mau mea ora atoa.+

17 E parau-tia ta Iehova i ta ˈna mau ohipa atoa.+

E ore oia e taiva i roto i te mau mea atoa ta ˈna e rave.+

18 Tei pihai iho Iehova i te feia e tiaoro ra ia ˈna,+

Te feia e tiaoro ra ia ˈna ma te parau mau.*+

19 E haamâha oia i te hinaaro o te feia e mǎtaˈu ra ia ˈna.+

E faaroo oia i ta ratou aniraa i te tauturu, e e faaora oia ia ratou.+

20 E tiai Iehova i te feia e here ra ia ˈna,+

E haamou râ oia i te feia ino.+

21 E arue au ia Iehova.+

Ia arue te mau mea ora atoa i to ˈna iˈoa moˈa e a muri noa ˈtu.+