Salamo

26 A haava ia ˈu, e Iehova, ua haere noa hoi au ma te hapa ore.+

E Iehova, ua tuu vau i to ˈu tiaturiraa ia oe ra ma te feaa ore.+

 2 A hiˈopoa ia ˈu, e Iehova, e a tamata ia ˈu.

A tamâ i to ˈu mau manaˈo hohonu roa ˈˈe* e to ˈu aau.+

 3 Tei mua noa to here taiva ore ia ˈu,

E te ora nei au ia au i ta oe parau-tia.*+

 4 Aita vau e amuimui* ra i te mau taata haavare,+

E te ape nei au i te feia o te huna ra o vai ratou.*

 5 Mea hae na ˈu te pǔpǔ feia ohipa ino,+

E aita vau e amuimui* ra i te feia ino.+

 6 E horoi au i to ˈu rima ei taata hara ore,

E e haaati au i to fata, e Iehova,

 7 No te haamauruuru ia oe ma te reo puai+

E no te faaite i ta oe mau ohipa faahiahia atoa.

 8 E Iehova, mea au na ˈu te fare e parahi ai oe,+

Te vahi e vai ai to hanahana.+

 9 Eiaha e haapohe ia ˈu e te feia rave hara atoa ra,+

Eiaha e rave i to ˈu ora e to te feia haavî* atoa ra,

10 Ua rave to ratou rima i te ohipa haama,

E ua î to ratou rima atau i te ohipa petaraa.

12 Te tia ra to ˈu avae i nia i te hoê vahi parahurahu.+

E arue au ia Iehova i roto i te amuiraa rahi.*+