Суббота, июль 26
Бурганның ынак ажы-төлү дег, Аңаа дөмей боорун оралдажыңар (Эф. 5:1).
Иегованың дугайында чылыг-чымчак, өөрүп четтирип, ынакшылдыг чугаалаар болзувусса, ону өөртүр бис. Суртаалывыстың кол сорулгазы — Иеговаже кижилерни хаара тудуп, бис ышкаш көрүштүг болурунга дузалажыр бис (Иак. 4:8). Библиядан Иегованың ынакшылын, чөптүг-шынныын, мерген угаанын, күжүн болгаш өске-даа кайгамчыктыг шынарларын улуска көргүзеринге ынак бис. Чуртталгавыска Иегованы өттүнерин кызар болзувусса, ону өөртүр бис. Ооң ачызында улус бисти бо делегейден аңгы деп эскерип кааш, чүге ылгалып турарывысты билип алыксай бээр чадавас. Ынчан ону тайылбырлап бээр арга тыптып кээр (Мф. 5:14—16). Түңнелинде ажык чүректиг улустуң Бурган-биле чоокшулажыр аргазы тыптып кээр. Бараалгалывыс болгаш алдынып турарывыс-биле Иегованы алдаржыткаш, ооң Ада чүрээн өөртүп турар бис (1 Тим. 2:3, 4). w24.02 ар. 10, абз. 7
Улуг-хүн, июль 27
Чүгле сорук киирер... эвес, а... сойгалаар [база] (Тит. 1:9).
Чедишкен христиан кижи болурда, ажыктыг мергежилге өөренири чугула. Ол мергежил чыышта хүлээлгелерни күүседиринге, өске кижилер-биле эки хамаарылгалыг болурунга дузалаар. Оон аңгыда, бодун база өг-бүлезин азыраар ажыл тып алырынга херек. Чижээ, эки номчуп, бижип өөрен. Бурганның Сөзүн хүннүң-не номчуп, ооң дугайында боданып чоруур кижини Библияда аас-кежиктиг болгаш чедиишкинниг кылдыр көргүскен (Ыд. ыр. 1:1—3). Библияны хүннүң-не номчуп турар болзуңза, угаан-бодалың Иегованың ышкаш апаар. Ынчан шиитпирлер хүлээрде, бодуңнуң угаан-бодалыңга эвес, а библейжи дүрүмнерге даяныр сен (У. ч. 1:3, 4). Акы-угбаларга библейжи өөредилге, чагыг-сүме херек. Эки номчуп, бижип билир болзуңза, чыыштарга тодаргай харыыларың, илеткелдериң-биле өске улустуң бүзүрелин быжыктырып болур сен. Оон аңгыда, ажыктыг демдеглелдерни кылып болур сен. Ол демдеглелдер сээң бүзүрелиңни быжыктырар, өске улусту деткииринге дузалаар. w23.12 ар. 26—27, абз. 9—11
Понедельник, июль 28
Силерниң-биле чаңгыс эптиг Бурган бо делегей-биле чаңгыс эптиг Эрликтен артык күштүг (1 Ин. 4:4, Чаа делегей).
Коргуушкунга алысканда Иегованың Эрлик чок делегейге чүнү кылыр дээнин боданыңар. 2014 чылдың регион шуулганынга ачазы өг-бүлезинге 2 Тимофейге 3:1—5-те сөстер дываажаңга мындыг болур деп чугаалажып турган: «Чаа делегейге дыка аас-кежиктиг үелер кээр. Улус чаагай сеткилдиг, Бурган-биле найыралга хамааржыр чүүлдерге ынак, биче сеткилдиг, томаанныг, Бурганны алдаржыдар, ада-иезинге дыңнангыр, өөрүп четтирер, шынчы, кижилерге ынак, чугаакыр, өске кижилер дугайында экини чугаалаар, бодун туттунуп билир, чымчак, буянга ынак, ынаныштыг, чайлап бээринге белен, өрү көрдүнмес, таалалга бодаарга Бурганга ынак база бердинген чорукка башкартыр апаар. Олар-биле эдержип чор». А силер өг-бүлеңерге азы эш-өөрүңер-биле чаа делегейге чуртталганы чугаалажыр-дыр силер бе? w24.01 ар. 6, абз. 13, 14