Ayubu
10 “Nayachukia sana* maisha yangu.+
Nitamwaga malalamiko yangu.
Nitasema waziwazi katika mateso yangu makali!*
2 Nitamwambia Mungu: ‘Usinitangaze kuwa mwenye hatia.
Niambie kwa nini unapambana nami.
3 Je, unafaidika unaponikandamiza,
Unapodharau kazi ya mikono yako+
Huku ukipendelea ushauri wa waovu?
4 Je, una macho ya kimwili,
Au je, unaona kama mwanadamu anayeweza kufa anavyoona?
5 Je, siku zako ni kama siku za wanadamu wanaoweza kufa,
Au je, miaka yako ni kama ya mwanadamu,+
6 Hivi kwamba utafute kosa langu
Na kuendelea kutafuta dhambi yangu?+
8 Mikono yako mwenyewe ilinifinyanga na kuniumba,+
Lakini sasa unataka kuniangamiza kabisa.
10 Je, hukunimwaga kama maziwa
Na kunigandisha kama jibini?
11 Ulinivisha ngozi na nyama,
Na kunifuma kwa mifupa na misuli.+
13 Lakini ulikusudia kwa siri kufanya mambo haya.*
Najua kwamba mambo haya yametoka kwako.
14 Ikiwa ningetenda dhambi, ungenitazama,+
Nawe hungenisamehe kosa langu.
15 Kama nina hatia, ole wangu!
16 Nikiinua kichwa changu juu, unaniwinda kama simba+
Na kuonyesha tena nguvu zako dhidi yangu.
17 Unaleta mashahidi wapya dhidi yangu
Na kuzidisha hasira yako dhidi yangu,
Huku shida baada ya shida ikinikabili.
18 Basi kwa nini ulinitoa katika tumbo la mama yangu?+
Laiti ningekufa kabla ya jicho lolote kuniona.
19 Ingekuwa kana kwamba sikuwahi kuwepo;
Ningetolewa moja kwa moja tumboni na kupelekwa kaburini.’