Zaburi
Kwa kiongozi. Muziki wa Daudi.
13 Ee Yehova, utanisahau mpaka lini? Milele?
Utanificha uso wako mpaka lini?+
2 Nitahangaika kwa wasiwasi mpaka lini,
Nikiwa na huzuni moyoni mwangu kila siku?
Adui yangu atanishinda mpaka lini?+
3 Nitazame na unijibu, Ee Yehova Mungu wangu.
Yatie nuru macho yangu, ili nisilale usingizi katika kifo,
4 Ili adui yangu asiseme: “Nimemshinda!”
Usiruhusu wapinzani wangu washangilie kuanguka kwangu.+
5 Lakini mimi, ninautumaini upendo wako mshikamanifu;+
Moyo wangu utashangilia kwa sababu ya matendo yako ya wokovu.+
6 Nitamwimbia Yehova, kwa maana amenithawabisha kwelikweli.*+