Isaya

18 Ole wa nchi ya wadudu wenye mabawa yanayovuma

Katika eneo la mito ya Ethiopia!+

 2 Inatuma wajumbe kupitia baharini,

Wanaovuka maji katika vyombo vya mafunjo, ikisema:

“Nendeni, enyi wajumbe wenye mbio,

Kwa taifa lenye watu warefu na walio na ngozi laini,*

Kwa watu wanaoogopwa kila mahali,+

Kwa taifa lenye nguvu, linaloshinda,*

Ambalo nchi yake imefagiliwa na mito.”

 3 Enyi wakaaji wote wa nchi nanyi wakaaji wa dunia,

Mtakachoona kitakuwa kama ishara* iliyoinuliwa juu ya milima,

Nanyi mtasikia sauti kama ya pembe inapopigwa.

“Nitaendelea kutulia na kutazama* mahali pangu palipofanywa imara,

Kama joto linalometameta pamoja na mwangaza wa jua,

Kama wingu la umande katika joto la mavuno.

 5 Kwa maana kabla ya mavuno,

Ua linapokamilika na kuwa zabibu inayoiva,

Machipukizi yake yatakatwa kwa miundu

Vikonyo vitakatwa na kuondolewa.

 6 Wote wataachwa waliwe na ndege wanaowinda wa milimani

Na wanyama wa duniani.

Ndege wanaowinda watawala wakati wa kiangazi,

Na wanyama wote wa dunia watawala wakati wa mavuno.

 7 Wakati huo zawadi italetwa kwa Yehova wa majeshi,

Kutoka kwa taifa lenye watu warefu na walio na ngozi laini,*

Kutoka kwa watu wanaoogopwa kila mahali,

Kutoka kwa taifa lenye nguvu, linaloshinda,*

Ambalo nchi yake imefagiliwa na mito,

Mpaka mahali pa jina la Yehova wa majeshi, Mlima Sayuni.”+