Zaburi

65 Ee Mungu, sifa inakungojea Sayuni;+

Tutatimiza nadhiri zetu kwako.+

 3 Dhambi zangu zimenilemea,+

Lakini unafunika makosa yetu.+

 4 Mwenye furaha ni yule unayemchagua na kumleta karibu

Ili akae katika nyua zako.+

Tutaridhika na wema wa nyumba yako,+

Hekalu lako takatifu.*+

 5 Utatujibu kwa matendo ya uadilifu yanayoogopesha,+

Ee Mungu wa wokovu wetu;

Wewe ndiye Tegemeo la miisho yote ya dunia+

Na wa wale walio mbali ng’ambo ya bahari.

 6 Uliimarisha kabisa milima kwa nguvu zako;

Umevaa uwezo.+

 7 Unazituliza bahari zilizochafuka,+

Kishindo cha mawimbi yake na msukosuko wa mataifa.+

 8 Wale wanaokaa sehemu za mbali wataogopeshwa na ishara zako;+

Utawafanya wale wanaoishi upande wa mashariki mpaka upande wa magharibi wapaze sauti kwa shangwe.

 9 Unaitunza dunia,

Unaifanya izae kwa wingi* na kuitajirisha sana.+

Kijito kinachotoka kwa Mungu kimejaa maji;

Unawapa nafaka,+

Kwa maana hivyo ndivyo ulivyoitayarisha dunia.

10 Unajaza maji katika mitaro yake na kusawazisha udongo wake uliolimwa;*

Unailainisha kwa manyunyu ya mvua; unabariki mimea yake.+

11 Unauvika mwaka taji kwa wema wako;

Vijia vyako vinafurika kwa wingi wa vitu.*+

12 Malisho ya nyikani yanaendelea kufurika,*+

Na vilima vimevishwa shangwe.+

13 Malisho yamefunikwa na makundi ya kondoo,

Na mabonde yamefunikwa* na nafaka.+