Zaburi

86 Tega sikio lako,* Ee Yehova, nawe unijibu,

Kwa maana ninateseka nami ni maskini.+

Mwokoe mtumishi wako anayekutumaini,

Kwa maana wewe ni Mungu wangu.+

 3 Nionyeshe kibali, Ee Yehova,+

Kwa maana ninakulilia wewe mchana kutwa.+

 4 Mfanye mtumishi wako ashangilie,

Kwa maana ninakugeukia wewe,* Ee Yehova.

 5 Kwa maana wewe, Ee Yehova, ni mwema+ na uko tayari kusamehe;+

Una upendo mwingi mshikamanifu kwa wote wanaokuitia.+

 6 Ee Yehova, sikiliza sala yangu;

Na usikilize sihi zangu za kuomba msaada.+

 7 Ninakuitia wewe katika siku ninayotaabika,+

Kwa maana utanijibu.+

 8 Hakuna yeyote aliye kama wewe kati ya miungu, Ee Yehova,+

Hakuna kazi zilizo kama kazi zako.+

 9 Mataifa yote uliyoyaumba

Yatakuja na kuinama mbele zako, Ee Yehova,+

Nayo yatalitukuza jina lako.+

10 Kwa maana wewe ni mkuu, nawe unafanya mambo yanayostaajabisha;+

Wewe ni Mungu, wewe peke yako.+

12 Ninakusifu, Ee Yehova Mungu wangu, kwa moyo wangu wote,+

Nami nitalitukuza jina lako milele,

13 Kwa maana upendo wako mshikamanifu ni mkuu kwangu,

Nawe umeuokoa uhai wangu* kutoka katika vina vya Kaburi.*+

14 Ee Mungu, watu wenye kimbelembele wanainuka dhidi yangu;+

Kundi la wanaume wakatili wanataka kuniua,*

Nao hawakuheshimu kamwe.*+

15 Lakini wewe, Ee Yehova, ni Mungu mwenye rehema na huruma,*

Si mwepesi wa hasira, nawe una upendo mwingi mshikamanifu na uaminifu.*+

Mpe mtumishi wako nguvu zako,+

Na umwokoe mwana wa kijakazi wako.

17 Nionyeshe ishara ya* wema wako,

Ili wale wanaonichukia waione na kuaibika.