YEREMIYA
1 Evi olondaka via Yeremiya* omõla a Hilikiya, umue pokati kovitunda vio ko Anatote+ kofeka ya Benjamini. 2 Ondaka ya Yehova yeya kokuaye koloneke via Yosiya+ omõla a Amoni,+ soma yo Yuda, kunyamo 13 wuviali waye. 3 Eye wa yi tambulavo koloneke via Yehoyakimi,+ omõla a Yosiya, soma yo Yuda, toke kesulilo liunyamo 11 wa Sedekiya+ omõla a Yosiya, soma yo Yuda, eci o Yerusalãi yambatiwa kumandekua kosãi yatãlo.+
4 Ondaka ya Yehova yeya kokuange yiti:
5 “Osimbu kua citiwile nda ku kũlĩha,*+
Kuenda osimbu kua citiwile* nda ku nõla+ oco o linge upange umue u likasi
Nduprofeto wolofeka.”
6 Pole, nda popia siti: “Avoyo we, A Ñala Tõlo Yehova!
Ame si ci tẽla oku vangula,+ momo ame ndimõla* waño.”+
7 Noke Yehova wa ndi sapuila hati:
“Ku ka popie hoti: ‘Ndimõla waño.’
Momo ove o sukila oku enda ku vosi vana ndu ku tuma,
Kuenda o sukila oku popia ovina viosi nda ku handeleka.+
9 Kuenje Yehova wolõla eka liaye kuenda wa ndi lamba komẽla.+ Noke Yehova wa ndi sapuila hati: “Ame ndi kapa olondaka viange vomẽla wove.+ 10 Tala, etaili ñasi oku ku ĩha omoko yatiamẽla kolofeka lo kolosoma, oco o tukũle loku kupula, oku kundula kuenda oku nyõla, oku tunga kuenda oku kũla.”+
11 Ondaka ya Yehova yeya vali kokuange yiti: “Nye o lete a Yeremiya?” Kuenje ame nda tambulula hati: “Ndi lete ocanja cimue cuti wamendua.”*
12 Yehova wa ndi sapuila hati: “Ove wa ci mola ciwa, momo ame ñasi oku lavulula, oco ndi tẽlise ondaka yange.”
13 Ondaka ya Yehova yeya kokuange onjanja yavali yiti: “Nye o lete?” Nda tambulula hati: “Ndi lete ombia* yimue yi kasi oku feloka* kuenda omẽla walio wa imba ovaso konano.” 14 Kuenje Yehova wa ndi sapuila hati:
“Konano ku ka tunda ohali
Yi ka katukila olonungi viosi viofeka.+
15 Momo ‘ndi kasi oku laleka apata osi ovosoma o konano’ oco Yehova+ a popia,
‘Kuenda ovo va keya; omunu lomunu o ka tumbika ocalo caye
Poku iñilila kuolombundi vio Yerusalãi,+
Oco a katukile ovimbaka vialio viosi via ñualako
Kuenda oku katukila alupale osi o Yuda.+
16 Kuenje ndi ka sandeka asombiso ange poku va katukila omo lievĩho liavo liosi,
Momo ovo va ndi yanduluka,+
Kuenda ovo va kasi oku tuimisila owisi wovilumba kolosuku vikuavo+
Loku kekamẽla kovopange ovaka avo muẽle.’+
17 Pole, ove o sukila oku lipongiya oco wende,*
Kuenje votoka kuenda va sapuila ovina viosi ndu ku handeleka.
Ku ka va yokokele,+
Oco ame si ka ku yokokisile kovaso yavo.
18 Momo etaili nda ku lingisa olupale lumue lu kuete ociteyuilo,
Ongunji yimue yutale kuenda ovimbaka viosipi, oco o tamalãle lofeka yosi,+
Kolosoma vio Yuda kuenda kolombuale vialio,
Kovitunda vialio kuenda komanu vofeka.+
19 Kuenje ovo va ka linga muẽle uyaki love,
Pole, ka va ka ku yula,
Momo ‘Ame ñasi love,’+ oco Yehova a popia, ‘oco ndu ku popele.’”
2 Ondaka ya Yehova yeya vali kokuange yiti: 2 “Kuende, sapuila o Yerusalãi hati: ‘Ca popia Yehova ceci hati:
“Ame ndi ivaluka ciwa elitumbiko* liove eci wa kala umalẽhe,+
Ocisola wa enda oku lekisa eci wa kala ondombua,+
Kuenda ndomo ove wa enda oku ndi kuama vekalasoko,
Vofeka yimue ka mua kũlĩwile ombuto.+
3 Isareli wa kala umue o kola ku Yehova,+ apako atete oku ungula kuaye.”’
‘Vosi vana va seteka oku u nyõla va enda oku kuata eko.
Ovitangi via enda oku iya kokuavo,’ oco Yehova a popia.”+
4 Yeveleli ondaka ya Yehova, Anjo ya Yakoba,
Kuenda apata osi onjo ya Isareli.
5 Ca popia Yehova ceci hati:
“Eko lipi vakukululu yene va sanga kokuange,+
Oco va kale ocipãla lame,
Kuenda oku kuama oviñumañuma+ ka vi kuete esilivilo loku li lingisa ovo muẽle okuti, ka va kueta esilivilo?+
6 Ovo ka va pulile vati, ‘Yehova o kasi pi,
Una wa tu upa vofeka Yegito,+
Una wa tu songuila vekalasoko,+
Vofeka yimue yakango haiyo yeyuka ovitunu,
Vofeka ya kukuta+ kuenda mu sangiwa ulembo walua,
Vofeka yimue okuti lomue wa endelamo
Kuenda muna omanu ka va la tungamo?’
7 Noke ame ndo neni vofeka yimue yoviti vialua viapako,
Oco vuli apako alio kuenda ovina vialio viwa.+
Pole, ene weyi kuenda wa sepuli ofeka yange;
Wa lingisi okuti ocipiñalo cange ci linga ocina cimue ca vĩha.+
8 Ovitunda ka via pulile vati: ‘Yehova o kasi pi?’+
Vana va talavaya Locihandeleko ka va ndi kũlĩhĩle,
Angombo va ndi sinĩla,+
Ovaprofeto va imbila owanji vonduko ya Baale,+
Kuenda ovo va kuama vana ka va ponduile oku va kuatisa.
9 ‘Omo liaco, ndi kamamako oku nena alundi kokuene,’+ oco Yehova a popia,
‘Kuenda oku nena alundi komãla vomãla vene.’
10 ‘Yoki okalunga toke koviwulu* viokalunga ko Kitimi+ kuenda tali.
Tumi omunu umue ko Kedare+ kuenda lavululi ciwa;
Tali nda kua pitile ale ocina cimue ndeci.
11 Anga hẽ ofeka yimue ya pongoluile ale olosuku vialio la vina okuti halosukuko?
Pole, omanu vange muẽle va pongolola ulamba wange locina cimue ka ci kuete esilivilo.+
12 Vanji loku ci komõha ene availu;
Lulumi locinjoko,’ oco Yehova a popia,
13 ‘Momo omanu vange va linga ovina vivali vĩvi:
Ovo va ndi yanduluka, ono yovava omuenyo,+
Kuenda va li fẽlela* ovo muẽle ovisimo,
Ovisimo via toka, muna ka mu pondola oku kala ovava.’
14 ‘Anga hẽ Isareli ukuenje umue, ale upika umue wa citiwila vonjo?
Omo liaco, momo lie eye a eciwila oco a pundiwe?
Via lingisa ofeka yaye ndocikuata cimue ca vĩha.
Alupale avo a timĩhiwa vondalu, oco okuti ka mu kala olonungi.
16 Omanu vo ko Nofe*+ kuenda vo ko Tafanese+ vamamako oku lia ekolowa liutue wove.
17 Haveko hẽ o kuete eko omo liovina viaco
Poku yanduluka Yehova Suku yove+
Osimbu eye a kala oku ku songuila vonjila?
19 Evĩho liove nda lia ku lunguile,
Kuenda ekambo liove liekolelo nda lia ku pisile
Tala kuenda kũlĩha ndomo ca vĩha kuenda cilula,+
Oku yanduluka Yehova Suku yove;
Ove kua ndi sumbilile,’+ oco ca popia Ñala Tõlo, Yehova ukualohoka.
20 ‘Tunde kosimbu nda nyanyõla okanga yove+
Kuenda nda tepa alienge ove.
Momo koviwulu viosi kuenda vemẽhi lioviti via pulika,+
Omo ove wa enda oku pekaila, oco o linge upuepue.+
21 Ame nda ku kũla nduti umue wayuva a kusuka,+ kombuto yalio ya yelisiwa;
Omo liaco, ove wa pongoloka ndati ovianja viovusenge viuti wayuva ka wa kũlĩhĩwile kovaso ange?’+
22 ‘Ndaño ove wa lisukuile losoda kuenda lonjapãu yalua,
Eko liove nda liamamako oku kala ndetime kovaso ange,’+ oco Ñala Tõlo Yehova a popia.
23 Ove o pondola ndati oku popia hati: ‘Ame sia vĩhisiwile.
Ame sia kuamele va Baale?’
Tala ekalo ove wa lekisa kocimbota.
Kũlĩhĩsa eci ove wa linga.
Ove o kasi ndongamelo yomange ya pama,
Yi yolokela oko loko okuti, ka yi kuete ocimãho,
24 Ocimbulu cimue covusenge caka oku kala vekalasoko,
Oku lehũlula ofela vonjongole yalio yalua.
Helie o pondola oku ci tateka eci oco ci kuata onjongole yoku lipekela?
Lacimue ocimbulu culume ci likavisa oku sandiliya ocimbulu caco comange.
Eci oco ci kuata onjongole yoku lipekela,* ovio viu ko sanga.
25 Ku ka ecelele okuti, ovolu ove ka a kapiwa olohaku
Kuenda enguli liove li kukuta.
Pole, ove wa popia hati: ‘Si pondola oku litiukamo!+
26 Ndeci ocimunu ci kutisiwa osõi eci ci kuatiwa,
Cimuamue haico, onjo ya Isareli ya kutisiwa osõi,
Ovo, olosoma viavo kuenda olombuale viavo,
Ovitunda viavo kuenda ovaprofeto vavo.+
27 Ovo va sapuila uti umue hati: ‘Ove wu isiange,’+
Kuenda kewe limue hati: ‘Ove wa ndi cita.’
Pole, ovo va njimba onyima okuti, ovipala viavo havioko.+
Kuenda eci otembo yovitangi viavo yi pitĩla va ka popia vati:
‘Katuka kuenda tu popele!’+
28 Kaliye olosuku wa li pangela ove muẽle vi kasi pi?+
Ovio vi votoke, nda vi pondola oku ku popela kotembo yovitangi,
Momo olosuku viove via livokiya ndalupale ove, A Yuda.+
29 ‘Momo lie vu lisiõsuĩla kokuange?
Momo lie vosi yene vu lekisila esino kokuange?’+ Oco Yehova a popia.
30 Nda ponda omãla vene elivova.+
31 Acitumbulukila, kũlĩhĩsi ene muẽle ondaka ya Yehova.
Anga hẽ nda linga ndekalasoko ko Isareli
Ale ofeka yimue yowelema walua?
Momo ava okuti omanu vange, va popia vati: ‘Tu kasi oku enda lelianjo.
Anga hẽ ka tu ka tiuka vali kokuove’?+
32 Anga hẽ ufeko umue wosombo ivalako ovina viaye vioku liposuisa,
Anga hẽ ndombua ivalako uvia waye woku liposuisa?
Omanu vange muẽle va njivala vokuenda kuoloneke ka vi tendiwa.+
33 Okãi, ove wa loñoloha poku pongiya onjila yove yoku sanda ocisola!
Wa lipindisa ove muẽle volonjila via vĩha.+
34 Ndaño muẽle uwalo wove wa vĩhisiwa losonde yomanu olohukũi haivo ka va kuete eko,+
Ndaño sia muĩle okuti va kasi oku nyana vonjo yove.
Osonde yavo yi kasi kuwalo wove wosi.+
35 Pole, ove o popia hoti: ‘Ame si kuete eko.
Ocili okuti, eye ka ndi kuetele vali onyeño.’
Ndi kasi oku nena esombiso kokuove
Momo wa popia hoti: ‘Sia lingile ekandu.’
36 Momo lie ku limbukila onjila yove ka ya sungulukile?
37 Omo liovina viaco, ove o ka tunda loku kapa ovoko ove kutue,+
Momo Yehova wa likala vana ove wa kolela;
Ovo ka va ka ku nenela onima yiwa.”
3 Omanu va pula vati: “Nda ulume umue o nyãla ukãi waye kuenda noke yoku u siapo o linga ukãi wulume ukuavo, anga hẽ eye nda wa tiukila vali kukãi waco?”
Anga hẽ ofeka eyi ka ya vĩhisiwile yosi?+
“Ove wa linga upuepue lomanu valua,+
Kuenje cilo o tiuka kokuange?” oco Yehova a popia.
2 “Petuila ovaso ove koviwulu kuenda tala.
Pi ove kua putuiwile?
Ove wa enda oku tumãla kolonele violonjila oku va kevelela,
Ndomunu umue ukuakutungayala* vekalasoko
Ove o kasi oku amamako oku vĩhisa ofeka
Lupuepue wove kuenda evĩho liove.+
4 Pole, cilo o vilikiya kokuange loku popia hati:
‘A Isiange, ove wukamba liange tunde vumalẽhe wange!+
5 Anga hẽ o kamamako locikumbiti otembo ka yi pui,
Ale oku seleka onyeño otembo yosi?’
Eci oco ove o popia,
Pole, ove wamamako oku linga evĩho liosi o tẽla oku linga.”+
6 Koloneke via soma Yosiya,+ Yehova wa ndi pula hati: “‘Ove wa mola ukahonga Isareli a linga? Eye enda kolomunda viosi via lepa kuenda vemẽhi lioviti via pulika oco a linge upuepue.+ 7 Ndaño noke yoku linga ovina evi viosi, ame ndamamako oku u sapuila oco a tiuke kokuange,+ pole, eye ka tiukile; kuenda Yuda wamamako oku vanja ovina huvaye ukãi ukuelimbi a kala oku linga.+ 8 Eci nda ci mola, nda tuma kupãla Isareli wa linga ukahonga lukanda umue woku linyãla+ omo liukahokolo waye.+ Pole, Yuda ukuosuanji, huvaye ka kuatele usumba; eye wa fetikavo oku linga upuepue.+ 9 Eye ka kapeleko upuepue waye kuenda wa vĩhisa ofeka poku linga ukahokolo lovawe kuenda loviti.+ 10 Ndaño lovina evi viosi, huvaye Yuda ukuosuanji, ka tiukile kokuange lutima waye wosi, pole, wa ci linga lombambe,’ oco Yehova a popia.”
11 Noke Yehova wa ndi sapuila hati: “Isareli ukuokahonga wa li lekisa eye muẽle okuti ukuesunga okuti, Yuda ukuosuanji ci sule.+ 12 Kuende, sapula olondaka evi konele yonano viokuti:+
“‘“Tiuka a Isareli ukuesino,” oco Yehova+ a popia.’ ‘“Si ka vanja lonyeño* kokuene,+ momo ame ndukuacili,” oco Yehova a popia.’ ‘“Si kamamako locikumbiti otembo ka yi pui. 13 Limbuka ño eko liove, momo ove wa sinĩla Yehova Suku yove. Ove wamamako oku eca oviali* viove kovingendeleyi* vemẽhi liuti wosi wa pulika, pole, ove kua pokuile kondaka yange,” oco Yehova a popia.’”
14 “Tiuki ene amãla vakuesino,” oco Yehova a popia. “Momo ame ndi ka linga cime cene* ukuacili; kuenda ame ndi ka vupi okuti, volupale lolupale mu tunda umue kuenda vepata lepata mu tunda vavali, oco ndu vu neni ko Siono.+ 15 Ndi ka eca kokuene angombo va linga ndomo ci likuata locipango cange*+ kuenje ovo va ka vu tekuli lolondunge kuenda lelomboloko. 16 Koloneke viaco, ene vu kalua kuenda etendelo liene li ka livokiya vofeka,” oco Yehova a popia.+ “Lomue o ka popia vali hati: ‘Ocikasia covisila via Yehova!’ Ovo ka va ka sokolola vali kokualio ndaño oku ci ivaluka ale oku ci kuatela ongeva kuenje oco ka ci ka pangiwa vali. 17 Kotembo yaco, ovo va ka vilikiya o Yerusalãi kocalo ca Yehova;+ kuenda olofeka viosi vi ka likongela viosi konduko ya Yehova ko Yerusalãi+ kuenje ka va ka kuama vali utima wavo wa siva haiwo wa vĩha.”
18 “Koloneke viaco, onjo ya Yuda kuenda onjo ya Isareli+ vi ka endela kumosi kuenje ovo va ka tunda kofeka yo konano oco va ende vofeka nda eca ku vakukulu yene ndocipiñalo.+ 19 Ame nda sokolola ndoco: ‘Nda kuata esanju poku ku kapa pokati komãla vange kuenda nda eca kokuove ofeka yimue yiwa okuti, ocipiñalo cimue ciwa pokati kolofeka!’*+ Nda simavo okuti, ene vu pondola oku ndi vilikiya okuti, ‘Isiange!’ kuenda ka vu liwekapo oku ndi kuama. 20 ‘Ocili okuti, ndeci ukãi umue ukuosuanji a siapo ulume* waye, ove Anjo ya Isareli, wa lekisa usuanji kokuange poku ndi pakula,’+ oco Yehova a popia.”
21 Koviwulu ku yevala ocileñi cimue,
Oku lila kuenda apingilo omanu va Isareli,
Momo ovo va pengisa onjila yavo;+
Ovo va ivala Yehova Suku yavo.+
22 “Tiuki ene amãla vakuesino.
Ndi ka kayisa ekalo liene liesino.”+
“Tu kasi palo! Tueya kokuove,
Momo ove, A Yehova, ove Suku yetu.+
23 Ocili okuti, oviwulu kuenda onjuela yo kolomunda, ovina viaño.+
Ocili okuti, ku Yehova Suku yetu, oko ku kasi epopelo lia Isareli.+
24 Pole, tunde eci tua kala amalẽhe,+ ocina ci kutisa osõi,* ca siata oku lia epako liupange wa vakukululu yetu,
Oviunda viavo kuenda olongombe viavo,
Omãla vavo valume kuenda omãla vavo vakãi.
25 Tu pekeli vosõi yetu,+
Kuenda esepu lietu li tu sikĩlĩle,
Momo tua lueyela Yehova Suku yetu,+
Etu kumue la va isietu, tunde vumalẽhe wetu toke etaili,+
Kuenda ka tua pokuile kondaka ya Yehova Suku yetu.”
4 “Ove A Isareli, nda wa tiuka,” oco Yehova a popia,
“Nda ove wa tiuka kokuange
Kuenda nda ove wa tundisa olosuku viove viumbondo kovaso yange,
Ove ku ka kala vali ukuakutila.+
2 Kuenje nda ove wa lisinga,
Vocili, vesunga kuenda vesunguluko, ‘Ndeci Yehova a kasi lomuenyo!’
Olofeka vi ka tambula esumũlũho ovio muẽle omo liaye,
Kuenda vi ka sanjukila vokuaye.”+
3 Ca popia Yehova kalume vo ko Yuda kuenda vo ko Yerusalãi ceci hati:
“Limi ene muẽle losialuwa, ofeka ka ya limĩwile handi,
Kuenda ko kamamiko oku kũla ombuto yene pokati kolosongo.+
4 Lisevisi evamba ku Yehova,
Kuenda sevi evamba ovitima viene,+
Ene alume vo ko Yuda kuenda alonungi vio ko Yerusalãi,
Oco okuti, onyeño yange ka yi taima ndondalu
Loku timĩha okuti lomue o tẽla oku yima,
Omo liovilinga viene vĩvi.”+
5 Ci sapuli ko Yuda kuenda ci sandeki ko Yerusalãi.
Kaluki kuenda siki ombinga vofeka yosi.+
Kaluki lolukandi kuenda popi hoti: “Liongoluili pamosi,
Kuenda tu tilili kalupale a kuete oviteyuilo.+
6 Votoli ondimbukiso* yimue yi lekisa onjila yi loña ko Siono.
Sandi ocitililo kuenda ko ka talami,”
Momo ñasi oku nena ohali yi tunda oku upisa konano+ okuti, ekundu limue linene.
Eye wa tunda kocitumãlo caye oco a lingise ofeka yene ocikuata ca vĩha.
Alupale ene a ka siwa ovingululu okuti, ka mu kala onungi layimue.+
8 Omo liaco, wali ovikelẽyi,+
Lili* kuenda lisiõsiõli,
Momo onyeño yalua ya Yehova ka ya tundile kokuetu.
9 “Keteke liaco,” oco Yehova a popia, “utima* wa soma u ka hongua,+
Kumue lutima* wolombuale;
Ovitunda vi ka kuata ocinjoko calua kuenda ovaprofeto va ka komõha.”+
10 Kuenje nda popia hati: “Avoyo we, A Ñala Tõlo Yehova! Ocili muẽle, ove wa kemba omanu ava+ kuenda o Yerusalãi poku popia hati: ‘Vu ka kuata ombembua,’+ osimbu okuti osipata yi kasi vanguli etu.”
11 Kotembo yaco, eci ci ka sapuiwa komanu ava kuenda ko Yerusalãi ceci hati:
“Ofela yimue ya sanya yi kasi oku tundilila koviwulu vio vekalasoko
Yi ka sikila komõla ukãi* womanu vange;
Oyo ka yi kasi oku iya oco yi tepise ovinene ale oku yelisa olomema.
12 Ofela yi tunda oku upisa kovitumãlo viaco locihandeleko cange.
Cilo, ndi ka sandeka asombiso ange poku va katukila.
13 Tali! Eye o keya ndalende ombela,
Kuenda akãlu aye wuyaki a kasi ndehunguhungu liofela.+
Olokavalu viaye vionjanga okuti, olongonga vi sule.+
Ngongo yetu we, momo tua nyõliwa!
14 Sukula utima wove weyuka evĩho, A Yerusalãi, oco o popeliwe.+
Toke otembo yipi o kamamako lovisimĩlo ka via sungulukile?
15 Momo ondaka yimue yi kasi oku nena asapulo oku upisa ko Dani,+
Kuenda yi sandeka ohali oku upisa kolomunda vio Efarimi.
16 Eci ci sapuili olofeka;
Ci sandeki ko Yerusalãi.”
“Olondavululi* vi kasi oku iya oku upisa kofeka yocipãla,
Kuenda ovio vi ka votola olondaka viavo, poku katukila alupale o ko Yuda.
17 Ovo va ñuala ocingonja olonele viosi vio Yerusalãi ndolondavululi viovusenge,+
Momo oyo ya ndi sinĩla,”+ oco Yehova a popia.
18 “Olonjila viove muẽle kuenda ovilinga viove muẽle, vi ka kupukila kokuove.+
Ocilunga cove, ca lula,
Momo oco ceyukisiwa vutima wove!”
19 Esumuo* liange we! esumuo liange we!
Ndi yevite evalo lialua vutima.*
Utima wange u kasi oku veta vokati kange.
20 Ku lomboluiwa ocilunga kilu liocilunga,
Momo ofeka yosi ya nyõliwa.
Vocipikipiki olombalaka viange via nyõliwa,
Vepuluvi limuamue, olonanga viombalaka yange via nyõliwa.+
22 “Momo omanu vange aveke;+
Ovo ka va ndi kapeleko.
Ovo omãla ka va kuete olondunge, ndaño elomboloko.
Ovo va loñoloha* calua koku linga eci cĩvi,
Pole, ovo ka va tẽla oku linga eci ciwa.”
23 Ame nda vanja ofeka kuenje tala! oyo yi kasi upolokoso kuenda ekalasoko.+
Nda vanja kovailu kuenje ocinyi calio ka ca kaileko.+
24 Nda vanja kolomunda kuenda tala! ovio via kala oku luluma,
Kuenda oviwulu via kala oku li senga senga.+
25 Nda vanja kuenda tala! ka kua kaile omunu laumue,
Kuenda olonjila viovailu via tila.+
26 Nda vanja kuenda tala! oviti viapako via pongoloka ekalasoko,
Kuenda alupale alio a kupuiwa osi.+
Oco ca lingiwa omo lia Yehova,
Omo lionyeño yaye yalua.
27 Momo ca popia Yehova ceci hati: “Ofeka yosi eyi yi ka siala upolokoso,+
Pole, ame si ka nyõla cosi.
Momo ame nda ci popia, ame nda ci sokiya,
Kuenda ame si ka pongolola ocisimĩlo* cange ndaño oku litiulamo.+
29 Poku yeva ocileñi calume vakuakuendela kolokavalu kuenda vakualohonji,
Olupale luosi lu tila.+
Ovo va iñila vusenge,
Kuenda ovo va londa kovawe.+
Olupale luosi lua siwa upolokoso,
Kuenda laumue omunu wa tungamo.”
30 Cilo okuti, ove wa nyõliwa, nye o ka linga?
Ove wa enda oku wala uwalo umue wohusu,
Loku limiangulula lovina viulu vioku liposuisa,+
Kuenda oku finisa ovaso ove lotinda yi tekãva.
Pole, onjila ndomo wa enda oku liposuisa ya kala olivova,
Momo vana va ku sole va ku likala;
Ovo cilo, va kasi oku sandiliya omuenyo wove.+
31 Momo ame ndi yevite onjuela yimue ndeyi yukãi o kasi levalo,
Onjuela yimue ndeyi yukãi o kasi oku cita omõlaye watete,
Ondaka yomõla a Siono ukãi, o kasi oku fuima lohele.
Eye o nyanyumũla ovoko aye loku popia hati:+
“Ngongo yange we, ame nda kava omo liolomondi!”
5 Ñuali ñuali volokololo vio Yerusalãi.
Vanji kolonele vialio kuenda kũlĩhĩsi.
Sandiliyi volokololo vialio kuenda vanji
Nda vu pondola oku sanga omunu umue o lekisa esunga,+
Umue o sandiliya oku kala ukuacili,
Kuenje nda wa sangimo umue, ame ndi ka ecela olupale.
2 Ndaño ovo va popia vati: “Ndeci Yehova a kasi lomuenyo!”
Lopo oku lisinga kuavo nda kua linga kuesanda.+
3 A Yehova, ovaso ove hẽ ka a sandi ocili?+
Ove wa va kangisa, pole, ka ca va kuatisile.*
Ove wa va nyõla, pole, ovo va likala oku tava epindiso.+
4 Pole, nda popia ame muẽle siti: “Ocili okuti ovo omanu vaño.
Ovilinga viavo viuveke, momo ka va kũlĩhĩle onjila ya Yehova,
Esombiso lia Suku yavo.
5 Ndi ka sandiliya alume va kemãla kuenda oku sapela lavo,
Momo citava okuti ovo va kũlĩha onjila ya Yehova,
Esombiso lia Suku yavo.+
Pole, vosi yavo va teya okanga
Kuenda oku tepa ovikolo.”
6 Eli olio esunga lieci ohosi yovusenge ya va katukila,
Ombinji yimue yo vekalasoko yamamako oku va nyõla,
Ongue yimue yi kasi oku lavulula valupale avo.
Omunu wosi o tundamo o liwa.
Momo akandu avo alua;
Ovilinga viavo vĩvi vialua.+
7 Ndi pondola ndati oku ku ecela omo liovina viaco?
Omãla vove va ndi yanduluka,
Kuenda va lisinga kocina cimue okuti Hasukuko.+
Nda tẽlisa olonjongole viavo,
Pole, ovo vamamako oku linga ukahokolo,
Kuenda va liongoluila konjo yocipuepue cimue.
8 Ovo va kasi ndolokavalu vi kuete onjongole yalua yoku lipekela,
Omunu lomunu enda kukãi wulume ukuavo.+
9 “Anga hẽ si sukila oku va yambula omo liovina evi?” oco Yehova a popia.
“Si sukila hẽ oku fetuluinya ame muẽle ofeka yimue ndeyi?”+
10 “Enjui loku katukila ocumbo caye cayuva, lalusoka aye kuenda oku nena ekundu,
Pole, ko ka vi nyõli viosi.+
Tukũli ovianja vialio via lisandula,
Momo ka via tiamẽlele ku Yehova.
11 Momo onjo ya Isareli lonjo ya Yuda
Via ndi lingila usuanji walua,” oco Yehova a popia.+
12 “Ovo va likala Yehova kuenda vamamako oku popia vati:
Layimue ohali yiya kokuetu;
Ka tu ka mola osipata ale onjala.’+
13 Ovaprofeto veyukisiwa lofela,
Kuenda ondaka* ka yi kasi vokuavo.
Ovina evi vi pite lavo!”
14 Omo liaco, ca popia Yehova Suku ukualohoka ceci hati:
“Omo okuti alume ava va kasi oku popia ovina evi,
Ndi ka lingisa olondaka viange ondalu yimue vomẽla wove,+
Kuenda omanu ava va ka linga olohũi,
Kuenje ondalu yi ka va lia.”+
15 “Ndi kasi oku nena kokuene ofeka yimue yocipãla, Anjo ya Isareli,”+ oco Yehova a popia.
“Ofeka yimue yi kasi tunde osimbu.
Oyo ofeka yimue yosiahũlu,
Ofeka yimue okuti, elimi liavo kua li kũlĩhĩle,
Kuenda ovina va vangula ka vi ku lomboloka.+
16 Ocilalo covisongo viavo, ci kasi ndonjembo yimue ya yikuka;
Vosi yavo asualali.
17 Ovo va ka nyõla ovina wongula kuenda ombolo yove.+
Va ka ponda omãla vove valume, lomãla vove vakãi.
Va ka kundula olongombe viove kuenda olomeme viove.
Ovo va ka nyõla oviti viove viayuva kuenda oviti viove viakuyu.
Va ka kundula losipata alupale ove a kuete oviteyuilo ana ove wa kolela.”
18 “Pole, ndaño muẽle koloneke viaco,” oco Yehova a popia, “si ka vu nyõli olumue vosi yene.+ 19 Kuenje eci ovo va pulisa vati: ‘Momo lie Yehova Suku yetu a lingila ovina viosi evi kokuetu?’ ove o sukila oku va tambulula hati: ‘Ndeci ene wa ndi yanduluki ame ndi Suku yene oco vu fendeli olosuku viñi vofeka yene, cimuamue haico vu ka fendela vakualofeka vofeka yina okuti hayeneko.’”+
20 Sapuli eci, konjo ya Yakoba,
Kuenda sandeki eci ko Yuda okuti:
21 “Yeveleli eci, ene amanu waveke haine ka vu kuete olondunge:*+
22 ‘Ene ka vu ndi sumbila?’ oco Yehova a popia,
‘Ka wa sukilili hẽ oku lulumila kovaso ange?
Ame nda kapa eseke ndongave yokalunga,
Ociholo cimue cotembo ka yi pui okuti, ka ci pitahãla ongave yalio.
Ndaño okuti akimba a ndumũha, pole, ka a ci tẽla;
Ndaño okuti õla, pole, ka a pitahãla ongave yalio.+
23 Pole, omanu ava va kuete utima wa siva haiwo wa sina;
Ovo va liyapuisa kuenda va kuama onjila yavo muẽle.+
24 Kuenje ovo ka va popi vutima wavo vati:
“Tu sumbili Yehova Suku yetu,
Una eca ombela votembo yalio
25 Akulueya ene muẽle, a tateka oku tẽlisiwa kuovina evi;
Akandu ene muẽle a ku tateki oku tambula ovina viwa.+
26 Momo pokati komanu vange pali omanu olondingaĩvi.
Ovo va lavulula ocinyama ca kuatiwa.
Va pongiya olonjanjo vi ponda.
Ovo va kuata omanu.
27 Ndocamba ceyuka olonjila,
Olonjo viavo vieyuka lelimbi.+
Eli olio esunga lieci ovo va lingila vakuonene kuenda olohuasi.
28 Ovo va lẽla kuenda ekova liavo li nina;
Ovo vamamako oku linga eci cĩvi.
29 “Anga hẽ si sukila oku va yambula omo liovina evi?” oco Yehova a popia.
“Si sukila hẽ oku fetuluinya ame muẽle ofeka yimue ndeyi?
30 Ocina cimue ci saluisa haico cĩvi, ci kasi oku pita vofeka:
31 Ovaprofeto va kasi oku imba owanji wesanda,+
Kuenda ovitunda vi tateka omanu omo liunene vi kuete.
Kuenje omanu vange muẽle va sanjukila onjila yaco.+
Pole, nye ene vu ka linga eci esulilo li keya?”
6 Amãla va Benjamini, sandiliyi ocitililo ocipãla lo Yerusalãi.
Momo eyambulo li tunda konano li kasi ocipepi okuti, ocilunga cimue cinene.+
2 Omõla ukãi a Siono, wa lisetahãla lukãi umue wa fina haeye o sole ekalo liwa.+
3 Angombo kuenda oviunda viavo va keya.
4 “Lipongiyi oco* vu lingi uyaki layo!
Tu katuki kuenda tu yi katukili vekumbi pongunji!”
“Ngongo yetu we, momo eteke li kasi oku sulila,
Momo ovilembo vioñolosi vi kasi oku livokiya!”
5 “Tu katuki kuenda tu yi katukili vokuenda kuteke
Kuenje tu kunduli olosapalalo viayo vi kuete oviteyuilo.”+
6 Momo ca popia Yehova ukualohoka ceci hati:
“Teti avaya kuenda ñuali ocingonja poku katukila o Yerusalãi.+
Oluo olupale lumue lu sesamẽla oku kangisiwa;
Ka muli cimue, pole, muli lika ohali.+
7 Ndeci ocisimo camamako oku talalisa ovava,
Oluo luamamako oku talalisa evĩho liayo.
Ungangala kuenda enyõleho vi yevalela vokuayo;+
Uvei kuenda efengi, vi kasi kokuange otembo yosi.
8 Kapako elungulo, A Yerusalãi, sanga ndi kala ocipãla love kuenda ndu ku yanduluka;+
Ndi ka ku lingisa ofeka yimue yupolokoso okuti, ofeka yimue ka muli olonungi.”+
9 Ca popia Yehova ukualohoka ceci hati:
“Ovo va ka pupulula ovisupe vio Isareli, ndayuva a sulako kuti umue wayuva.
Pitisa vali eka liove ndomunu umue o kasi oku ongolola ayuva vuti umue wayuva.”
10 “Kulie ndi vanguila kuenda oku eca elungulo?
Helie o ka yevelela?
Tala! Ovatũi avo a sita,* eli olio esunga lieci ka va yevelila lutate.+
Tala! Ondaka ya Yehova yi kasi ndocina cimue ovo va sepula;+
Ovo ka va yi sanjukila.
11 Omo liaco, ndeyukisiwa lonyeño ya Yehova,
Nda kava, si tẽla vali oku ũha.”+
“Oyo yi sukumuĩla komõla o kasi vokololo,+
Kovimunga viamalẽhe va liongoluila pamosi.
12 Olonjo viavo vi ka eciwa komanu vakuavo,
Kumue lovapia avo kuenda lakãi vavo.+
Momo, ndi koluĩla eka liange poku katukila olonungi viofeka,” oco Yehova a popia.
13 “Oku upisa ku o sule toke ku wa velapo, omunu lomunu pokati kavo o linga onganyu yelimbi;+
Oku upisa kuprofeto toke kocitunda, omunu lomunu o kasi oku nyana.+
14 Ovo va seteka oku kayisa ño kilu apute* vomanu vange leselula, poku popia vati:
‘Kuli ombembua! Kuli ombembua!’
Osimbu okuti, ka kuli ombembua.+
15 Anga hẽ ovo va kuete osõi omo liovina via vĩha va linga?
Ovo ka va yevi osõi layimue!
Ndaño oku kũlĩha eci ci linga osõi!+
Omo liaco, ovo va ka kupukila pokati kava va kupuka ale.
Eci ndi ka nena ekangiso kokuavo, ovo va ka kupuka,” oco Yehova a popia.
16 Ca popia Yehova ceci hati:
“Talami panyãha kuenda vanji.
Puli eci catiamẽla kolonjila viosimbu,
Puli apa pa kasi onjila yiwa kuenje endelimo,+
Kuenda sandi epuyuko liene muẽle.”
Pole, ovo va popia vati: “Etu ka tu ka endela vonjila yaco.”+
17 “Kuenje ame nda nõla olondavululi+ via popia viti:
‘Yeveleli lutate kocileñi combinga!’”+
Pole, ovo va popia vati: “Ka tu yevelela lutate.”+
18 “Omo liaco, yeveleli Alofeka!
Kuenda ci kũlĩhi, Ene awiñi,
Ocina ci ka pita lavo.
19 Yevelela, Ove a ilu lieve!
Ndi kasi oku nena ohali komanu ava+
Ndonima yolonjanjo viavo,
Momo ovo ka va yevelela kolondaka viange
Kuenda va likala oku yevelela kocihandeleko cange.”*
20 “Esilivilo lipi ci kuete kokuange nda ove o nena onguendu yo ko Sieva
Kuenda o kalamu* oku upisa kofeka yimue ocipãla?
Ovilumba viene vioku pia elisi ka vi taviwa,
Kuenda ovilumba viene ka vi ndi sanjuisa.”+
21 Omo liaco, ca popia Yehova ceci hati:
“Ndi kapela omanu ava ovawe ocilondokua,
Kuenda omo ovo va ka kupukila,
Olonjali kumue lomãla vavo,
Omunu va lisungue kuenda ekamba liaye,
Kuenje vosi yavo va ka nyõleha.”+
22 Ca popia Yehova ceci hati:
“Tali! Omanu vamue va kasi oku iya oku upisa kofeka yo konano,
Kuenda ofeka yimue yinene yi kasi oku lavuluiwa kolonepa vio kupãla viofeka.+
23 Ovo va ka kuata ohonji kuenda unga.
Ovo olongangala kuenda ka va ka kuata ohenda.
Ondaka yavo yi kõla ndokalunga,
Kuenje ovo va ka endela kolokavalu.+
Ovo va keya ndocimunga cimue cuyaki ndalume vakuavita oco va ku katukile, Amõla ukãi wa Siono.”
24 Tua yeva esapulo liatiamẽla kondaka yaco.
25 Ko ka tundi oku enda vovapia,
Kuenda ko ka endeli vatapalo,
Momo unyãli o kuete osipata yimue;
Kolonele viosi kuli ohele.
26 Amõla ukãi vomanu vange,
Wala ocikelẽyi+ kuenda li tiñolõla vetiko.
Kala lesumuo kuenda lila loku litetela ndu okuti, wa fisa omõla wongunga.+
Momo vocipikipiki ukuakunyõla iya kokuetu.+
27 “Nda ku* lingisa ukuakukũlĩhĩsa utale pokati komanu vange,
Una o linga ekonomuiso lia suapo;
Yevelela lutate kuenda kũlĩhĩsa onjila yavo.
Va kasi ndosipi kuenda utale;
Vosi yavo vakuavitukiko.
29 Iyeveyo* via pia.
Pondalu pa tunda lika osumbu.
Ukuakuyelisa o likolisilako oku yelisa, pole, o ci linga elivova,+
Kuenda vana okuti olondigaĩvi ka vopiwile pokati komanu.+
30 Omanu va ka va tukula vati, opalata ya nyehĩwa,
Momo Yehova wa va likala.”+
7 Ondaka ya Yehova yina yeya ku Yeremiya yeyi yokuti: 2 “Talama pombundi yonjo ya Yehova kuenda sandekapo esapulo liokuti: ‘Yeveleli ondaka ya Yehova amanu vosi vo ko Yuda ene wiñilili polombundi evi oco vu kekamẽli Yehova. 3 Ca popia Yehova ukualohoka, Suku ya Isareli ceci hati: “Pongololi olonjila viene kuenda ovilinga viene kuenje ndi ka ecelela okuti, ene vu amamako oku kala vocitumãlo cilo.+ 4 Ko ka koleli kolondaka viuhembi loku popia hoti: ‘Eyi oyo* onembele ya Yehova, onembele ya Yehova, onembele ya Yehova!’+ 5 Momo nda wa pongololi olonjila viene lovilinga viene; nda vu teyuila esunga li kasi pokati komunu lu a lisungue laye;+ 6 nda ka vu talisa ohali ovingendeleyi, olosiwe,* lovimbumba;+ kuenda nda ka vu pesela osonde yomanu ka va kuete eko kocitumãlo cilo; nda ka vu kuama olosuku vikuavo oco vi ku nyõli;+ 7 ndi ka ecelela okuti, ene wamamiko oku kala vocitumãlo eci, vofeka nda eca ku vakukululu yene otembo yosi.”’”*
8 “Ene vu kasi oku kolela kolondaka viene viuhembi,+ poku kolela kolondaka viaco, ka vi vu kuatisi. 9 Anga hẽ ene vu pondola oku nyana,+ oku ponda, oku linga ukahokolo, oku lisinga luhembi,+ oku eca ovilumba* ku Baale+ kuenda oku kuama olosuku vikuavo vina ka wa kũlĩhĩli, 10 noke wiyi loku talama kovaso yange vonjo yilo yi tukuiwa londuko yange loku popia hati: ‘Tu ka popeliwa,’ ndaño wa lingi ovina evi viosi viumbondo? 11 Anga hẽ onjo eyi yi tukuiwa londuko yange, ya linga ocilala covimunu kovaso ene?+ Kũlĩhi okuti ame muẽle ndi ci lete,” oco Yehova a popia.
12 “‘Omo liaco, cilo kuendi kocitumãlo cange ci kala ko Silo,+ kuna kua kala tete onduko yange+ kuenda limbuki eci nda linga kokuayo omo lievĩho liomanu vange va Isareli.+ 13 Pole, ene wamamiko oku linga ovina evi viosi,’ oco Yehova a popia, ‘kuenda ndaño okuti nda vangula lene olonjanja vialua,* ka wa yeveli.+ Ndamamako oku vu vilikiyi, pole, ene ka wa tambuluili.+ 14 Omo liaco, ndi ka linga lonjo yi tukuiwa londuko yange,+ yina ene wa koleli+ lo kocitumãlo eci nda eca kokuene kuenda vakukululu yene, ndeci nda linga lo Silo.+ 15 Ndi ka vu tundisi kovaso yange ndeci nda tundisa vamanjene vosi okuti, ocitumbulukila cosi ca Efarimi.’+
16 “Catiamẽla kokuove, ku ka likutilileko omanu ava. Ku ka va lilileko, pamue oku va lombelako ndaño oku va pingilako kokuange,+ momo si ka ku yeva.+ 17 Ove hẽ ku lete eci ovo va kasi oku linga valupale o Yuda kuenda volokololo vio Yerusalãi? 18 Omãla va kasi oku tiaña olohũi, va isia va siakãla ondalu kuenda akãi va tama osema oco va linge akende oku lumba ku Nasoma yo Kilu*+ kuenda ovo va pesela ovilumba vioku nyua kolosuku vikuavo, oco va ndi sanumũle.+ 19 ‘Anga hẽ ame va kasi oku ndi sumuisa?’* oco Yehova a popia. ‘Siti ovo muẽle, oco va kutisiwe osõi?’+ 20 Omo liaco, ca popia Ñala Tõlo Yehova ceci hati: ‘Tali! Onyeño yange yalua kuenda oku tema kuange, vi ka wengukila kocitumãlo eci,+ komanu, kovinyama, koviti viovusenge kuenda kapako ovapia; oyo yi ka taima kuenda ka yi ka imiwa.’+
21 “Ca popia Yehova ukualohoka, Suku ya Isareli ceci hati: ‘Kuendi kovaso kuenda kongeli ovilumba viene vioku pia elisi kumue lovilumba vikuavo kuenje li ene muẽle ositu.+ 22 Momo keteke ndopa vakukululu yene vofeka Yegito, ame sia va sapuilile ndaño oku va handeleka cimue catiamẽla kovilumba vioku pia elisi kuenda ovilumba vikuavo.+ 23 Pole, nda ecele kokuavo ocihandeleko eci: “Pokoli kondaka yange kuenje ame ndi ka linga Suku yene kuenda ene vu ka kala omanu vange.+ Olonjanja viosi endeli vonjila ndi vu handeleki, oco ovina viosi vi ende ciwa kokuene.”’+ 24 Pole, ovo ka va yevele ndaño oku vonguila ovatũi avo;+ ovo va nõlapo oku endela volonjila* viavo, poku tamalãla oku kuama utima wavo wa vĩha+ kuenda ovo va njimba onyima kuenda ka va tiukile kokuange, 25 tunde keteke eci vakukululu yene va tunda kofeka Yegito toke etaili.+ Omo liaco, ndamamako oku tuma akuenje vange vosi ovaprofeto kokuene, nda enda oku va tuma eteke leteke, olonjanja viosi.*+ 26 Pole, ovo va likala oku ndi yevelela, ovo ka va yevelele lutate.+ Handi vali, ovo va siva* kuenda ovilinga viavo vĩvi via piãlelepo vali okuti, via vakukululu yavo vi sule!
27 “Ove o ka va sapuila olondaka evi viosi,+ pole, ovo ka va ka ku yeva; o ka va vilikiya, pole, ka va ka ku tambulula. 28 Kuenje ove o ka va sapuila hati: ‘Eyi ofeka yina ka ya pokuile ku Yehova Suku yavo kuenda ya likala oku tava kepindiso. Ocili ca imũha kuenda ka ci tukuiwa vali pokati kavo.’*+
29 “Li pemũla esenya kuenda esinga liaco linasi kuenje imba ocisungo cimue celisiõsuĩlo* koviwulu ka kuli ovikũla, momo Yehova wa likala kuenda o ka yanduluka ocitumbulukila eci co temisa. 30 ‘Momo omanu vo ko Yuda va siata oku linga eci cĩvi kovaso ange,’ oco Yehova a popia. ‘Ovo va kapa oviteka viavo via vĩha vonjo yi tukuiwa londuko yange oco va yi vĩhise.+ 31 Ovo va tunga ovitumãlo via lepa ko Tofete, yina yi kasi Vocimbota Comõla a Hinome,*+ oco va timĩhe omãla vavo valume kuenda omãla vavo vakãi vondalu,+ ocina cimue sia handelekele kuenda lalimue eteke ceyile vutima wange.’*+
32 “‘Omo liaco, tala! oloneke vi kasi oku iya,’ oco Yehova a popia, ‘eci ocitumãlo cilo ka ci ka tukuiwa vali okuti, Tofete ale Ocimbota Comõla a Hinome,* pole, ci tukuiwa hati, Ocimbota Coku Ponda. Ovo va ka kenda ko Tofete toke eci ka ku supi vali ocitumãlo.+ 33 Kuenje ovivimbi viomanu ava vi ka linga okulia kuolonjila viovailu lo kovinyama vio kilu lieve kuenda lomue o ka vi lingisa usumba.+ 34 Ndi ka kapa esulilo kocileñi conjolela kuenda kocileñi cesanju, kondaka ya sandombua kuenda kondaka ya ndombua+ valupale o Yuda kuenda volokololo vio Yerusalãi, momo ofeka yi ka siwa ovingululu.’”+
8 “Kotembo yaco,” oco Yehova a popia, “akepa olosoma vio ko Yuda, akepa olombuale, akepa ovitunda, akepa ovaprofeto kuenda akepa olonungi vio Yerusalãi, a kopiwa vayambo avo. 2 Akepa aco, a ka sanduiwa vemẽhi liekumbi lo vemẽhi liosãi kuenda kolohoka viosi viovailu vina ovo va sole loku vi vumba loku vi kuama, oku vi sanda kuenda oku vi kekamẽla.+ A kepa aco, ka a ka ongoluiwa ndaño oku kendiwa. A ka linga ndotulumu kilu lieve.”+
3 “Kuenje kovitumãlo viosi ndi ka sanduila ocisupe eci, cepata eli lia vĩha cina ci ka puluka, ci ka nõlapo oku fa okuti, oku kala komuenyo hacoko,” oco Yehova ukualohoka a popia.
4 “Va sapuila ndoco, ‘Ca popia Yehova ceci hati:
“Anga hẽ ovo va ka kupuka kuenje ka va ka votoka vali?
Nda umue wa tiukila konyima, anga hẽ ukuavo ka ka tiukilavo?
5 Momo lie omanu ava vo Yerusalãi va kasilili oku amamako oku ndi lingila ovina vĩvi?
Ovo va kakatela kuhembi;
Va likala oku tiuka konyima.+
6 Nda yevelela lutate kuenda ndamamako oku yevelela, pole, onjila ndomo ovo va vangula ka ya sungulukile.
Lomue wa likekembela omo lievĩho liaye ale oku pula hati: ‘Nye nda linga?’+
Omunu lomunu pokati kavo, amamako oku kuama onjila yina vakuavo va kasi oku kuama ndokavalu ka limba vuyaki.
7 Ndaño muẽle onyañe yo kilu ya kũlĩha ovovo alio;*
O pomba, lomiapia kuenda epanda vi kakatela kotembo yavio yoku tiuka.
Pole, omanu vange muẽle ka va kuete elomboloko liesombiso lia Yehova.”’+
8 ‘Vu pondola oku popia ndati hati: “Tu kuete olondunge kuenda tu kuete ocihandeleko* ca Yehova?”
Ocili okuti, opena yuhembi*+ ya vakuavisonehua* yi talavayiwa lika layo oco va kembe.
9 Vakualondunge va kutisiwa osõi.+
Ovo va yokoka kuenda va ka kuatiwa.
Tala! Ovo va likala ondaka ya Yehova,
Kuenda olondunge vipi va kuete?
10 Omo liaco, ndi ka eca akãi vavo kalume vakuavo,
Ovapia avo ku vacime vakuavo;+
Momo oku upisa kutito toke kunene, omunu lomunu pokati kavo o linga onganyu yelimbi;+
Oku upisa kuprofeto toke kocitunda, omunu lomunu o kasi oku nyana.+
11 Ovo va seteka oku kayisa ño kilu apute* omõla ufeko womanu vange leselula, poku popia vati:
“Kuli ombembua! Kuli ombembua!”
Osimbu okuti, ka kuli ombembua.+
12 Anga hẽ ovo va kuete osõi omo liovina via vĩha va linga?
Ovo ka va yevi osõi layimue!
Ndaño oku kũlĩha eci ci linga osõi!+
Omo liaco, ovo va ka kupukila pokati kava va kupuka ale.
Eci ndi ka nena ekangiso kokuavo, ovo va ka kupuka,’+ oco Yehova a popia.
13 ‘Eci ndi vongolola, ndi ka va nenela esulilo liavo,’ oco Yehova a popia.
‘Ka ku ka kala ayuva a ka supa vuti wayuva, ndaño akuyu vuti wakuyu kuenje amẽla a kowuka.
Kuenda eci nda eca kokuavo ci ka nyelela.’”
14 “Momo lie tua tumãlela palo?
Tu liongoluili pamosi kuenda tu iñili valupale a kuete oviteyuilo+ kuenje omo tu fila.
Momo Yehova Suku yetu, o ka tu kundula,
Kuenda eye o kasi oku tu ĩha ovava a kuete owule oco tu a nyue,+
Omo tua lingila ekandu Yehova.
15 Tua kala oku lavoka ombembua, pole, ka kueyile lacimue ciwa,
Otembo yoku kaya, pole, kuli lika ocinjoko!+
16 Oku upisa ko Dani, ku yevalela oku fembula kuolokavalu viovanyãli.
Locileñi coku luluma kuolokavalu viayo,
Ofeka yosi yi luluma.
Ovanyãli veya vofeka kuenda va nyõla ofeka lovina viosi vi kasimo,
Olupale kuenda olonungi vialio.”
17 “Momo ndi tuma olonyõha pokati kene,
Olonyõha vi kuete owule okuti, ka vi pondola oku laviwa,*
Kuenje ovio vi ka ku lumana,” oco Yehova a popia.
18 Esumuo liange ka li kayisiwa;
Utima wange u vela.
19 Oku upisa kofeka yimue yocipãla ku yevalela ondaka yoku pinga ekuatiso
Oku upisa komõla ufeko womanu vange:
“Yehova ka kasi hẽ ko Siono?
Ale soma yalio hẽ hakoko a kasi?”
“Momo lie ovo va ndi sumuisila loviñumañuma via songiwa,
Lolosuku viavo ka vi kuete esilivilo?”
20 “Oku ungula kua pita, ondombo ya sulila,
Pole, etu handi ka tua popeliwile!”
21 Nda sumua omo liapute omõla ufeko womanu vange;+
Nda sumua calua.
Nda kuatiwa locinjoko.
22 Anga hẽ ko Gileada ka kuli onguendu?*+
Anga hẽ ka kuli ukuakusakula?*+
Momo lie omõla ufeko womanu vange ka kayisiwile?+
9 Utue wange nda wa kalele ocisimo cimue covava,
Kuenda ovaso ange a kaile ono yasuẽlẽla nda hĩse!+
Ame nda nda lila utanya luteke
Omo liovivimbi viomanu vange.
2 Vekalasoko nda mua kaile ocitumãlo cimue mu kala vakuakulinga ovongende!
Kuenje nda nda sia omanu vange loku enda ocipãla lavo,
Momo vosi yavo vakuakahokolo,+
Ocimunga cimue comanu vakuelimbi.
3 Elimi liavo li kasi ndohonji;
Kuli uhembi, ka va kũlĩhĩle oku kala vakuacili vofeka.+
“Kevĩho va vokiyako evĩho,
Kuenda ka va yevelela lutate kokuange,”+ oco Yehova a popia.
4 “Omunu lomunu a lunguke lomunu a lisungue laye,
Kuenda ko ka koleli ndaño muẽle ku manjene.
5 Omunu lomunu o limbika u a lisungue laye,
Kuenda lomue o vangula ocili.
Ovo va longisa elimi liavo oku vangula uhembi.+
Va likavisa ovo muẽle omo lioku linga eci cĩvi.
6 Ove wa tunga pokati kuhembi.
Omo okuti ovo olohembi, va likala oku ndi kũlĩha,” oco Yehova a popia.
7 Omo liaco, ca popia Yehova ukualohoka ceci hati:
“Ndi ka va kangula loku va seteka,+
Nye vali ndi pondola oku linga lomõla ukãi vomanu vange?
8 Elimi liavo osongo yimue yi ponda, olio li vangula uhembi.
Lomẽla wavo, va vangula eci catiamẽla kombembua komanu va lisungue lavo,
Pole, vokati va sokiya oku lavekela vonutula.”
9 “Anga hẽ si sukila oku va yambula omo liovina evi?” oco Yehova a popia.
“Si sukila hẽ oku fetuluinya ame muẽle ofeka yimue ndeyi?+
10 Ndi ka lila kuenda ndi ka lisiõsiõla omo liolomunda
Kuenda oku imba ocisungo celisiõsuĩlo* omo liovisenge viekalasoko,
Momo ovio via timĩhiwa oco okuti, lomue o pitamo,
Kuenda ka mu yevalela ocileñi coviunda.
Olonjila vio kilu kuenda ovinyama via tila; ovio via enda.+
11 Ndi ka lingisa okuti, o Yerusalãi yi kala ondunda yovawe,+ ocitililo colombua viovusenge,*+
Kuenda ndi ka lingisa alupale o Yuda alunda okuti, ka mu kala olonungi.+
12 Helie wa piãlapo vali kolondunge okuti, o pondola oku kuata elomboloko lieci?
Kulie omẽla wa Yehova wa vanguila oco eye a ci sandeke?
Momo lie ofeka eyi ya nyõliwila?
Momo lie oyo ya kukutila ndekalasoko,
Oco okuti lomue o pondola oku pitamo?”
13 Yehova wa kumbulula hati: “Momo ovo va likala ocihandeleko* cange cina nda kapa kovaso avo kuenda momo okuti, ovo ka va ci kuamẽle ndaño oku pokola kondaka yange. 14 Handi lopo, ovo va siva poku kuama utima wavo muẽle+ kuenda va kuama oviñumañuma via Baale ndomo olonjali viavo via va longisile oku linga.+ 15 Omo liaco, ca popia Yehova ukualohoka Suku ya Isareli ceci hati: ‘Ndi lingisa okuti, omanu ava va lia ocikũla cilula* kuenda ndi va lingisa okuti, va nyua ovava a kuete owule.+ 16 Ndi ka va sanduila pokati kolofeka vina okuti, ovo kuenda olonjali viavo ka va vi kũlĩhĩle+ kuenje ndi ka tuma osipata kokuavo toke eci ndi ka va nyõla.’+
17 Ca popia Yehova ukualohoka ceci hati:
‘Kuati elomboloko.
Kovongi akãi vana va imba ovisungo vielisiõsuĩlo,*+
Kovongi akãi vana va loñoloha oco veye,
18 Oco veye lonjanga kuenda oku tu imbilako elisiõsuĩlo* limue,
Oco okuti, vovaso etu mu tunda asuẽlẽla
Kuenda vovisokopia vietu mu tunda ovava.+
19 Ko Siono ku yevalela ocileñi celisiõsuĩlo limue liokuti:+
“Tua nyõliwa elisi!
Osõi yetu yalua cimue!
Momo tua sia ofeka kuenda ovanyãli va nyõla olonjo vietu.”+
20 Ene akãi yevi ondaka ya Yehova.
Ovatũi ene a tave ondaka yomẽla waye.
21 Momo olofa vieya polonjanela vietu;
Ovio via iñila volosapalalo vietu vi kuete oviteyuilo
Oco vi nyõle omãla volokololo
Kuenda amalẽhe volokololo.’+
22 Popia ndoco, ‘Ca popia Yehova ceci hati:
“Ovivimbi viomanu vi ka kala ndotulumu vovapia,
Ndovitungu viokaliye violomema via tetiwa, vina ukuakungula a sia konyima,
Okuti lomue o pondola oku viongolola.”’”+
23 Ca popia Yehova ceci hati:
“Ukualondunge ka ka lipande omo liolondunge viaye;+
Ukuonene ka ka lipande omo liunene waye;
Kuenda ohuasi ka yi ka lipande omo liovokuasi aye.”+
24 “Pole, una o lipanda, a lipandele eci:
Oku kuata elomboloko kuenda ukũlĩhĩso watiamẽla kokuange,+
Okuti ame ndi Yehova, Una o lekisa ocisola ka ci pongoloka, esunga kuenda esunguluko kilu lieve,+
Momo ovina evi ovio ndi sanjukila,”+ oco Yehova a popia.
25 “Tali! Kuiya oloneke,” oco Yehova a popia “kuenda ndi tetuluila vosi vana va seviwa evamba la vana ka va seviwile evamba,+ 26 va Egito,+ va Yuda+ va Edome+ la va Amoni+ la Moavi+ kuenda vosi vana va tunga vekalasoko+ okuti, va teta esinga pombandu yutue wavo; momo olofeka viosi ka via seviwile evamba kuenda onjo yosi ya Isareli ka ya seviwile evamba kutima.”+
10 Yeveleli elungulo Yehova a eca kokuene, Anjo ya Isareli. 2 Ca popia Yehova ceci hati:
“Ko ka lilongisi ovituwa violofeka,+
Kuenda ko ka yokoki omo liolondimbukiso viovailu
Omo okuti olofeka via yokoka mekonda liavio.+
3 Momo ovituwa viomanu viesanda.*
Omesele yimue yi teta uti umue vusenge
Kuenda yi linga lawo ociteka cimue.+
4 Ovo va ci posuisa lopalata kuenda lulu+
Kuenje va ci valela lomatelo kuenda lolopeleko oco ka ci ka kupuke.+
5 Oviteka viaco vi kasi ndociñumañuma cimue vepia liatila okuti, ka vi pondola oku vangula;+
Ovio vi sukila oku ambatiwa, momo ovio ka vi endi.+
Ko ka vi kuateli usumba, momo ka vi lingi lacimue cĩvi,
Ndaño oku linga cimue ciwa.”+
6 Lomue wa li soka love, A Yehova.+
Ove wunene kuenda onduko yove yinene haiyo ya pama.
7 Asoma yolofeka,+ helie ka ku kuatela usumba? Momo eci oco ci sesamẽla oku lingiwa;
Momo pokati ka vosi vakualondunge vo kolofeka kuenda pokati kovosoma avo osi,
Ka kuli laumue wa lisoka love.+
8 Vosi yavo ka va sokolola kuenda aveke.+
9 Opalata ya tunda ko Tarsisi+ kuenda ulu wa tunda ko Ufasi,
Upange womesele, povaka wukuakutela utale.
Uwalo wavo walinya a vumbula kuenda ohusu.
Ovina viaco viosi, vi pangiwa lolonalavayi via loñoloha.
10 Pole, Yehova eye Suku yocili.
Eye Suku o kasi lomuenyo+ haeye Soma yotembo ka yi pui.+
Omo lionyeño yaye, ilu lieve li ka luluma,+
Kuenda lavimue olofeka vi ka pandikisa konyeño yaye.
11 * Eci oco vu sukila oku va sapuila hati:
“Olosuku vina ka via pangele ovailu kuenda ilu lieve
Vi ka taka kilu lieve kuenda vemẽhi liovailu a-a.”+
12 Eye Una wa panga ongongo lunene waye,
Una wa tumbika ofeka yima ciwa lolondunge viaye+
Kuenda wa yala ovailu luloño waye.+
13 Eci eye a yevalisa ondaka yaye,
Ovava o kovailu a tumõha,+
Kuenda eye o kokisa okuti, alende* a londa oku upisa kasulilo o kilu lieve+
Eye o tuma oviliakulo kumue lombela,
Kuenda eye o tundisa ofela volosila viaye.+
14 Omanu vosi va tuwa ndaveke kuenda ka va kuete ukũlĩhĩso.
Omunu wosi ukuakutela utale o ka kutisiwa osõi omo liociñumañuma ca songiwa;+
Momo ociñumañuma caye cutale cuhembi,
15 Ovio viesanda,* upange woku yoliwa epembe.+
Eci eteke liavio liesombiso li pitĩla, ovio vi ka nyõleha.
16 Onepa ya Yakoba ka yi sokisiwa lovina evi,
Momo eye Una wa sovola ovina viosi,
Kuenda Isareli ombueti yocipiñalo caye.+
Yehova ukualohoka, oyo onduko yaye.+
17 Ongolola ovikuata viove posi,
Okãi wa ñualiwa ocingonja.
18 Momo ca popia Yehova ceci hati:
“Vepuluvi lilo, ndi takumũila* olonungi ocipãla lofeka,+
Kuenda ndi ka lingisa okuti ovio vi liyaka lovitangi.”
19 Ngongo yange we, omo liepute liange!*+
Apute ange ka a kuete ekayo.
Kuenje nda popia siti: “Ocili, owu owo uvei wange kuenda ndi pandikisa lawo.
20 Ombalaka yange ya nyõliwa kuenda ovikolo viosi viombalaka yange via tepiwa.+
Omãla vange va ndi yanduluka kuenda ka va kasiko vali.+
Ka kuli laumue wa supapo oco a tunge ombalaka yange ale oku votola olonanga viange viombalaka.
Eli olio esunga lieci ka va lekisilile elomboloko,
Kuenda oviunda viavo viosi via sanduiwa.”+
22 Yevelela! Esapulo limue li kasi oku iya!
Onjuvungo yimue yi kasi oku iya oku upisa kofeka yo konano,+
Oco yi kokele alupale o ko Yuda oku siala upolokoso okuti, ocitililo colombua viovusenge.*+
23 A Yehova, nda kũlĩha ciwa okuti onjila yomunu ka ya tiamẽlele kokuaye muẽle.
Omunu enda, ka ca tiamẽle kokuaye ndaño muẽle oku songuila oku enda kuaye.+
25 Lekisa onyeño yove kolofeka vina ka via ku kapeleko+
Kuenda kapata ana ka a vilikiya onduko yove.
Momo ovo va kundula olumue Yakoba.+
11 Eyi oyo ondaka ya Yehova yeya ku Yeremiya yokuti: 2 “Ene amanu, yeveleli olondaka viocisila eci!
“Vi sapuila* komanu vo Yuda kuenda kolonungi vio Yerusalãi 3 kuenda va sapuila okuti: ‘Ca popia Yehova Suku ya Isareli ceci hati: “Wa siñaliwa omunu una ka pokola kolondaka viocisila eci,+ 4 cina nda handeleka ku vakukululu yene keteke nda vopa vofeka Yegito+ vofolono yoku yengulula utale+ poku va sapuila hati: ‘Pokoli kondaka yange kuenda lingi ovina viosi ndu vu handeleki; kuenje vu ka kala omanu vange kuenda ame ndi ka linga Suku yene,+ 5 oco ndi tẽlise ocisila nda lisila la vakukululu yene, poku eca kokuavo ofeka yi tumõha asenjele lowiki,+ ndeci ci kasi oku lingiwa etaili.’”’”
Kuenje nda tambulula siti: “Amene,* A Yehova.”
6 Noke Yehova wa ndi sapuila hati: “Sandeka olondaka evi viosi valupale o Yuda kuenda volokololo vio Yerusalãi viokuti: ‘Yeveleli olondaka viocisila eci kuenda vi kapiko. 7 Momo ame nda lungula levando vakukululu yene eteke nda vopa vofeka Yegito siti: “Pokoli kondaka yange.” Kuenje ndamamako oku va lungula olonjanja viosi* toke etaili.+ 8 Pole, ka va yevele ndaño oku vongola etũi liavo; handi lopo omunu lomunu pokati kavo wamamako oku tamalãla loku kuama utima waye muẽle wa vĩha.+ Omo liaco, nda va nenela olondaka viosi viocisila eci, cina nda va handelekele oku linga pole, ovo va likala oku ci pokola.’”
9 Yehova noke wa ndi sapuila hati: “Pokati komanu vo ko Yuda kuenda polonungi vio Yerusalãi pali usuanji. 10 Ovo va tiukila kakulueya o kosimbu a vakukululu yavo, vana va likala oku pokola kolondaka viange.+ Ovo va kuamavo olosuku vikuavo kuenda va vi vumba.+ Onjo ya Isareli lonjo ya Yuda, va sinĩla ocisila cange cina nda lisila la vakukululu yavo.+ 11 Omo liaco, ca popia Yehova ceci hati: ‘Ñasi oku va nenela ohali yimue+ okuti, ka va ka tẽla oku puluka. Eci va ndi vilikiya oku pinga ekuatiso, ame si ka va yevelela.+ 12 Kuenje alupale o Yuda kuenda olonungi vio Yerusalãi, va ka enda kolosuku vina ovo va siata oku lumbila ovilumba* kuenda oku vi vilikiya oku pinga ekuatiso,+ pole, ovio ka vi ka va popela kotembo yohali yavo. 13 Momo olosuku viene via livokiya calua ndalupale ene, A Yuda kuenda ocina cimue ci kutisa osõi,* wa ci tumbikili ovotala alua ndolokololo vio Yerusalãi okuti, ovotala oku lumbila Baale ovilumba.’+
14 “Catiamẽla kokuove,* ku ka likutilileko omanu ava. Ku ka va lilileko ale oku va lombelako,+ momo si ka yevelela eci ovo va ndi vilikiya omo liohali yavo.
15 Omoko yipi una ame ndi sole a kuete yoku kala vonjo yange,
Osimbu valua va kasi oku tẽlisa asokiyo ãvi?
Anga hẽ lositu* yi kola ovo va ka tẽla oku tateka ohali eci yiya kokuove?
Ove hẽ o ka sanjuka kotembo yaco?
16 Yehova wa enda oku ku tukula okuti, uti woliveira wapulika,
Wa posoka haiwo u kuete apako awa.
Pole, kua kala onjuela yalua kuenje eye wa wimba vondalu,
Kuenda ovo va teya ovianja viawo.
17 “Yehova ukualohoka una wa ku tuika+ wa popia okuti, ohali yimue yi keya kokuove omo liovina vĩvi via lingiwa lonjo ya Isareli kuenda lonjo ya Yuda, vana va ndi lavisa poku lumbila Baale ovilumba.”+
18 Yehova wa ndi sapuila oco ndi ci kũlĩhe;
Kotembo yaco, ove wa ndi kokela oku mola eci ovo va kala oku linga.
19 Ame nda kala ndokameme kamue komboka kambatiwa koku pondiwa.
Sia kũlĩhĩle okuti va kala oku ndi sokiyila ovina vĩvi poku popia vati:+
“Tu nyõli uti lapako aco,
Kuenda tu u teti vofeka yava va kasi lomuenyo,
Oco okuti, onduko yaye ka ivalukiwa vali.”
A Suku, ecelela okuti ndi mola efetuluinyo o nena kokuavo,
Momo ovitangi viange nda vi eca kokuove.
21 Omo liaco, eci oco Yehova a popia catiamẽla komanu vo ko Anatote+ vana va kasi oku sandiliya oku ku ponda kuenda va popia vati: “Ku ka imbe owanji vonduko ya Yehova,+ sanga tu ku ponda;” 22 omo liaco, ca popia Yehova ukualohoka ceci hati: “Ame ndi ka va yambula. Alume amalẽhe va ka fa losipata+ kuenda omãla vavo valume lomãla vavo vakãi, va ka fa lonjala.+ 23 Pokati kavo ka pa ka kala ndaño muẽle ocisupe cimue, momo ndi ka nena ohali komanu vo ko Anatote+ kunyamo wavo woku va yambula.”
12 A Yehova, ove wukuesunga+ eci ndi liyeyela kokuove asakalalo ange,
Eci ndu ku sapuila catiamẽla kovitangi viesunga.
Pole, momo lie onjila yolondingaĩvi ya siatela oku litunda ciwa+
Kuenda momo lie vakuelimbi ka va sakalalele?
2 Ove wa va tuika kuenda ovo va tunda olombombo.
Ovo va kula kuenda va ima apako.
Ovo olonjanja viosi va ku tukula, pole, utima wavo u kasi ocipãla love.+
3 Pole, ove wa ndi kũlĩha ciwa A Yehova,+ ove o ndi lete;
Ove wa kũlĩhĩsa utima wange kuenda wa limbuka okuti, owo u likuete omunga love.+
Va tepa ndomeme yi laika oku pondiwa,
Va soleka toke keteke lioku pondiwa.
4 Toke otembo yipi ofeka eyi yi ka amamako oku hongua
Kuenda ovikũla viovapia osi vi ka kukuta?+
Omo lievĩho lia vana va tungamo,
Ovinyama kuenda olonjila, ka vi kasiko vali.
Momo ovo va popia vati: “Eye ka lete eci ci ka pita letu.”
Ndaño okuti ove wa kolapo vofeka yombembua,
O ka kala ndati pokati kusenge woviti via pulika ocipepi lo Yordão?
6 Momo ndaño muẽle vamanjove, vakuanjo ya isiove muẽle,
Va ku lingila usuanji.+
Ovo va ku kalukila calua.
Ku ka va kolele,
Ndaño okuti ovo va ku sapuila ovina viwa.
7 “Nda yanduluka onjo yange;+ nda siapo ocipiñalo cange.+
Ame nda eca una ndi sole peka liovanyãli vaye.+
8 Ocipiñalo cange ca ndi lingila ndohosi yimue yi kasi vusenge.
Oco, ca ndi komẽla.
Omo liaco, nda fetika oku ci suvuka.
9 Ocipiñalo cange ca ndi lingila ndonjila yimue ya tema yi kuete avala alua;*
Olonjila vikuavo via tema vi ci ñuala ocingonja kuenda vi ci katukila.+
Enjui, liongololi, ene vosi avinyama viovusenge,
Enjui oco vu li.+
Ovo va pongolola onepa yange ya soliwa yofeka oco yi linge ekalasoko.
11 Oyo ya linga ekalasoko.
Oyo yowuka;*
12 Vakuakunyõla veya poku tundilila kolonjila viosi viekalasoko,
Momo osipata ya Yehova yi kasi oku lia oku upisa kesulilo limue liofeka toke kesulilo likuavo liofeka.+
Ka kuli ombembua komunu laumue.*
13 Va kũla otiliku, pole, vongula olosongo.+
Va likavisa ovo muẽle, pole, ka ca va kuatisile.
Va ka kuata osõi yovaima avo
Omo lionyeño yalua ya Yehova.”
14 Ca popia Yehova catiamẽla komanu vosi vãvi va lisungue lame, vana va lamba kocipiñalo nda eca komanu vange va Isareli oco va ci piñale ceci hati:+ “Ame ndi kasi oku va tukũla vofeka yavo+ kuenda ndi ka tukũla onjo ya Yuda pokati kavo. 15 Pole, noke yoku va tukũla, ndi ka lekisa vali ohenda kokuavo kuenda ndi ka nena vali omunu lomunu kocipiñalo caye kuenda vofeka yaye.”
16 “Kuenje nda ovo va likapelako muẽle oku lilongisa onjila yomanu vange loku lisinga vonduko yange, poku popia vati: ‘Ndeci Yehova a kasi lomuenyo!’ ndeci va longisa omanu vange oku lisinga ku Baale, ovo va ka tunga pokati komanu vange. 17 Pole, nda ovo va likala oku pokola, ame ndi ka tukũlavo ofeka yaco, ndi yi tukũla loku yi nyõla,” oco Yehova a popia.+
13 Yehova wa ndi sapuila hati: “Kuende, landa uvia wovalatanya kuenje u itika vombunda yove, pole, ku ka u kape vovava.” 2 Omo liaco, nda landa uvia ndomo ci likuata londaka ya Yehova kuenje nda u itika vombunda yange. 3 Noke ondaka ya Yehova yeya kokuange onjanja yavali yiti: 4 “Tikula uvia una wa landa haiwo wa itika kuenje katuka kuende ko Ferati kuenda oko o u soleka vutelele wewe limue.” 5 Omo liaco, nda enda kuenje nda u soleka ocipepi lo Ferati, ndeci Yehova a ndi handelekele.
6 Pole, noke yoloneke vialua, Yehova wa ndi sapuila hati: “Katuka, kuende ko Ferati kope uvia una nda ku handelekele oku ka u solekako.” 7 Omo liaco, nda enda toke ko Ferati kuenje nda lembulula uvia kuenda nda upa pocitumãlo nda u solekele noke nda mola okuti, uvia waco wa nyõleha; ka wa kuatele vali esilivilo.
8 Noke ondaka ya Yehova yeya kokuange yiti: 9 “Ca popia Yehova ceci hati: ‘Lonjila yimuamue, ndi ka nyõla epela lio Yuda kuenda epela lialua lio Yerusalãi.+ 10 Omanu ava vakuevĩho okuti ka va yongola oku pokola kolondaka viange,+ pole, va tamalãla koku kuama utima wavo+ muẽle kuenda va kasi oku kuama olosuku vikuavo, oku vi vumba loku vi kekamẽla, va ka kala nduvia owu ka u kuete vali esilivilo.’ 11 ‘Momo ndeci uvia u kakatela kombunda yomunu umue, haico nda linga lonjo yosi ya Isareli kuenda lonjo yosi ya Yuda oku kakatela kokuange,’ oco Yehova a popia ‘okuti, va linga omanu kokuange,+ onduko yimue,+ esivayo limue kuenda ocina cimue ca posoka. Pole, ovo ka va pokuile.’+
12 “O sukilavo oku eca kokuavo esapulo eli liokuti: ‘Ca popia Yehova Suku ya Isareli ceci hati: “Esanga liosi linene li sukila oku yukisiwa lovinyu.”’ Kuenje ovo va ka ku tambulula vati: ‘Anga hẽ ka tua kũlĩhĩle ale okuti esanga liosi linene li sukila oku yukisiwa lovinyu?’ 13 Noke va sapuila hati: ‘Ca popia Yehova ceci hati: “Ndi ka yukisa luholua olonungi viosi viofeka yilo,+ lolosoma vi tumãla kocalo ca Daviti, lovitunda lovaprofeto kuenda olonungi viosi vio Yerusalãi. 14 Kuenje ndi ka va nyanyõla omunu lukuavo, ndi ka tata va isia kuenda omãla lonjila yimuamue, “oco Yehova a popia.+ “Si ka lekisa ocikembe, ndaño oku yeva evalo ale oku va kuatela ohenda; lacimue ci ka ndi tateka oku va kundula.”’+
15 Yeveleli kuenda yeveleli lutate.
Ko ka lipandi, momo Yehova wa vangula.
16 Eci ulamba ku Yehova Suku yene
Osimbu eye ka nenele owelema
Kuenda osimbu olomãhi viene ka via lilondokele kolomunda koñolosi.
Ene vu ka lavoka ocinyi,
Pole, eye o ka nena owelema walua;
Eye o ka pongolola ocinyi oco ci linge owelema walua.+
17 Nda ene vu likala oku yevelela,
Ndi ka lilila vuyombeki omo liepela liene.
Ndi ka lolula asuelẽla alua kuenda vovaso ange mu ka tunda asuẽlẽla,+
Momo ocunda ca Yehova+ cambatiwa kumandekua.
18 Sapuila soma la ina ya soma*+ okuti: ‘Tumãli posi,
Momo ekolowa liene lia posoka li kasi kutue, li ka kupuka.’
19 Olombundi vialupale o kombuelo via yika* okuti, lomue o pondola oku vi yikula.
Vosi vo ko Yuda vambatiwa kumandekua okuti, vosi muẽle vambatiwa kumandekua.+
20 Petula ovaso ove kuenda tala vana va kasi oku tunda konano.+
Pi ku kasi ocunda ca eciwa kokuove, olomeme viove via posoka?+
21 Nye o ka popia eci eyambulo liove liya
Oku upisa ku vana ove wa tata otembo yosi ndakamba vove vocili?+
Anga hẽ ku ka kuatiwa lolongembia ndevi viukãi o kasi oku cita?+
22 Kuenje eci ove o popia vutima wove okuti: ‘Momo lie ovina evi via pitila lame?+
Esaya liove lia ku upiwa omo lioku lueya kuove kualua+
Kuenda ovisendemãhi viove via tatiwa lungangala.
23 Anga hẽ u Kusi* umue o pondola oku pongolola ekova liaye, ale ongue yi pondola oku pongolola atota ayo?+
Nda oco, ene vu pondola oku linga eci ciwa,
Ene wa pindisiwi koku linga eci cĩvi.
24 Omo liaco, ame ndi ka va sandola ndovinene vi ambatiwa lofela yo vekalasoko.+
25 Eyi oyo onepa ya tiamẽla kokuove, onepa nda ku tepelako,” oco Yehova a popia,
26 Omo liaco, ndi ka pundula asaya ove toke kocipala cove,
Kuenda osõi yove yi ka muiwa,+
27 Ovilinga viove viukahokolo+ kuenda onjongole yove yalua yoku lipekela,
Upuepue wove, u kutisa osõi.
Koviwulu kuenda kepia,
Nda mola ocituwa cove cumbondo.+
Ngongo yove, A Yerusalãi!
Toke otembo yipi o kamamako loku vĩha?”+
14 Ondaka ya Yehova yeya ku Yeremiya yatiamẽla kovitenya yeyi:+
2 Yuda o lila+ kuenda olombundi via siala upolokoso.
Ovio via kupukila posi lesumuo,
Kuenje oku liyula kuo Yerusalãi kua yevala.
3 Vacime cavo va tuma apika* oku kopa ovava.
Ovo va enda povisimo* viovava kuenje ka va sangi ovava.
Ovo va tiukila lasanga avo upolokoso.
Va kutisiwa osõi kuenda va sumua,
Kuenje va sitika ovitue viavo.
4 Omo okuti osi ya toka,
Omo ka muli ombela vofeka,+
Olongunja vi sakalala kuenda vi sitika ovitue viavo.
5 Ndaño muẽle osonge yomange vusenge, yi ivalako omãla ya cita ndopo
Momo ka muli owangu utalala.
6 Ovimbulu viovusenge via talama kilu lioviwulu.
7 Ndaño okuti akulueya etu a eca uvangi wokuti tu kuete eko,
A Yehova, tu kuatise mekonda lionduko yove.+
Momo ovilinga vietu viekambo liekolelo vialua,+
Kuenda ove tua ku lingila ekandu.
8 Alavoko lia Isareli, Upopeli waye+ kotembo yohali,
Momo lie o kasilili ndocingendeleyi cimue vofeka,
Ndukuakulinga ungende okuti, o talama lika oco a pite uteke?
9 Momo lie o kasilili ndomunu ukuanguengue,
Ndomunu wa pama okuti ka tẽla oku popela?
Ku ka tu yanduluke.
10 Ca popia Yehova catiamẽla komanu ava ceci hati: “Ovo va sole oku tungayala;+ ka va siatele oku lava olomãhi viavo.+ Omo liaco, Yehova ka va sanjukila.+ Kaliye eye o ka ivaluka akulueya avo kuenda o ka va yambula omo liakandu avo.”+
11 Noke Yehova wa ndi sapuila hati: “Ku ka likutilileko omanu ava oco ovina vi ende ciwa kokuavo.+ 12 Eci ovo va likandangiya oku lia, si yevelela apingilo avo+ kuenda eci va eca ovilumba vioku pia elisi lovilumba violomema, si vi sanjukila,+ momo ndi va kundula losipata, lonjala kuenda lefengi.”*+
13 Kuenje nda popia siti: “Haka, A Ñala Tõlo Yehova! Ovaprofeto va kasi oku sapuila kokuavo vati: ‘Ene ka vu ka mola osipata kuenda onjala ka yi keya kokuene, pole, ndi ka eca kokuene ombembua yocili vocitumãlo cilo.’”+
14 Noke Yehova wa ndi sapuila hati: “Ovaprofeto va kasi oku imbila owanji wuhembi vonduko yange.+ Ame sia va tumile, ale oku va handeleka pamue oku vangula lavo.+ Ocinjonde cimue cuhembi loku tãha kumue ka ku kuete esilivilo lelimbi liovutima wavo, ovio va kasi oku vu imbili owanji.+ 15 Omo liaco, ca popia Yehova catiamẽla kovaprofeto va kasi oku imbila owanji vonduko yange ndaño sia va tumile haivo va popia okuti, ka ku ka kala osipata ndaño onjala vofeka yilo, ceci hati: “Ovaprofeto ava va ka fa losipata kuenda lonjala.+ 16 Kuenje atimba vomanu vana va yevelela owanji wavo, a ka imbiwa volokololo vio Yerusalãi omo lionjala kuenda liosipata okuti, lomue o a kenda,+ ndaño ovo muẽle, akãi vavo, omãla vavo valume ale omãla vavo vakãi. Momo ndi ka va nenela efengi va sesamẽla.+
17 “O sukila oku va sapuila olondaka evi,
‘Ovaso ange a lolule asuẽlẽla utanya luteke, ka a ka liwekepo,+
Momo omõla ufeko wosombo womanu vange, wa yuliwa pe kuenda wa nyãnyuiwa,+
Lepute limue lia kãla calua.
18 Eci ngenda kepia kuenda ndi vanja,
Ndi mola vana va pondiwa losipata!+
Kuenda eci ndi iñila volupale
Ndi mola ovovei a kokiwa lonjala!+
Momo ci kaile uprofeto kuenda ocitunda, va tungayala vofeka yina ka va kũlĩhĩle.’”+
19 A Suku, anga hẽ wa likala muẽle pe o Yuda ale wa nyehũla o Siono?+
Momo lie wa tu lemẽhela okuti ka kuli vali ekayo?+
Tua kala oku lavoka ombembua, pole, ka kueyile lacimue ciwa,
Otembo yoku kaya, pole, kuli lika ocinjoko!+
21 Mekonda lionduko yove, ku ka tu likale;+
Ku ka pembule ocalo cove culamba.
Ivaluka kuenda ku ka nyõle ocisila cove letu.+
22 Anga hẽ oviñumañuma ka vi kuete esilivilo violofeka vi pondola oku eca ombela,
Ale anga hẽ ovailu o-o muẽle, a pondola oku tuma ombela yalua?
Haveko lika hẽ o pondola oku ci linga, A Yehova Suku yetu?+
Kuenje etu tu lavoka kokuove,
Momo ove lika o linga ovina evi viosi.
15 Noke Yehova wa ndi sapuila hati: “Ndaño Mose la Samuele va talamẽle kovaso yange,+ nda sia lekisile ohenda komanu ava. Va tundisiwe kovaso yange. Va ende. 2 Kuenje nda ovo va ku pula vati: ‘Pi tu sukila oku enda?’ ove o sukila oku va sapuila okuti: ‘Ca popia Yehova ceci hati:
“Wosi o sesamẽla oku fa luvei u ponda, a fe luvei!
Wosi o sesamẽla oku fa losipata, a fe losipata!+
Wosi o sesamẽla oku fa lonjala, a fe lonjala!
Kuenda wosi o sesamẽla umandekua a ende kumandekua!”’+
3 “‘Ndi ka va nenela afengi akuãla,’*+ oco Yehova a popia, ‘osipata yoku ponda, olombua oco vi koke atimba avo kuenda olonjila viovailu lovinyama vio kilu lieve, oco vi lie loku kundula.+ 4 Ndi ka ecelela okuti, ovo va kala ocikuata cimue cocinjoko kovosoma osi o kilu lieve+ mekonda lia Manase, omõla a Hesekiya, soma yo Yuda, omo liovina a linga ko Yerusalãi.+
5 Helie o ka lekisa ohenda kokuove, A Yerusalãi,
Helie o ka lekisa ocikembe kokuove,
Kuenda helie o ka talama oco a pule ndomo o kasi?’
6 ‘Ove wa njanduluka,’ oco Yehova a popia.+
‘Ove o kasi oku amamako oku njimba onyima.*+
Omo liaco, ndi koluĩla eka liange kokuove loku ku kundula.+
Ame nda kava loku lekisa ohenda* kokuove.
7 Ame ndi ka va pekula longalufu volombundi viofeka.
Ame ndi ka ponda omãla vavo.+
Ndi ka nyõla omanu vange,
Momo ovo va likala oku tinduka volonjila viavo.+
8 Ovimbumba viavo vi ka livokiya calua kovaso ange okuti, eseke lio vokalunga li sule.
Ndi ka nena unyõli oco a va katukile ekumbi pongunji, oku katukila va ina kuenda amalẽhe alume.
Ndi ka va nenela esakalalo locinjoko ocipikipiki.
9 Ukãi una wa cita omãla epanduvali wambuka;
Eye o likolisilako oku fuima.
Ekumbi liaye lia iñila osimbu handi kua kala utanya,
Eye o kutisiwa osõi kuenda o sepuiwa.’*
‘Kuenje vana vatito va supapo pokati kavo
Ndi ka va eca kosipata kovaso yovanyãli vavo,’ oco Yehova a popia.”+
10 Ngongo yange we, A ina yange, omo wa ndi cita,+
Ndimunu umue okuti otembo yosi o litenga vovama kuenda vovoyaki lofeka yosi.
Ame sia levalisile ndaño oku levala;
Pole, vosi yavo va ndi siñala.
11 Yehova wa popia hati: “Ocili muẽle ndi ka ku kuatisa;
Ame ndi ka kala muẽle mitakati yove kotembo yovitangi,
Kotembo yohali omo liunyãli.
12 Anga hẽ umue o pondola oku nyanyõla utale,
Utale u tunda konano kuenda osipi?
13 Ovikuata viove kuenda ovokuasi ove ndi ka vi eca ndovina via pundiwa,+
Ka vi ka kuata ondando, omo liakandu ove osi wa linga kovikanjo viove viosi.
14 Ndi ka eca ovina viaco kovanyãli vove
Oco va vi ambate kofeka yimue ove kua kũlĩhĩli.+
Onyeño yange ya taimisa ondalu
Kuenje oyo yi kasi oku vu taimeli.”+
15 Ove muẽle wa kũlĩha ohali yange, A Yehova,
Njivaluke kuenda tiamisila utima wove kokuange.
Ndi fetuluinyileko vakuakundilambalala.+
Ku ka ecelele okuti, ndi nyõleha* omo lioku livala kuove konyeño.
Kũlĩha okuti mekonda liove, ndi pandikisa koku sanumuiwa oku.+
16 Olondaka viove via sangiwa kuenda nda vi lia;+
Kuenje ondaka yove ya linga onjolela kuenda esanju liutima wange,
Momo ndi tukuiwa londuko yove, A Yehova Suku ukualohoka.
17 Si tumãla pokati ka vana va sole ayele kuenda si va sanjukila.+
18 Momo lie evalo liange ka li pitila kuenda epute liange ka li kayela?
Olio ka li tava oku sakuiwa.
Anga hẽ ove o ka kala ono yimue yovava okuti ka yeci ovava?
Yina ka yi koleliwa?
19 Omo liaco, ca popia Yehova ceci hati:
“Nda ove wa tiuka, ame ndi ka ku tumbulula,
Kuenje ove o ka talama kovaso yange.
Nda ove o tepa eci ci kuete esilivilo kueci ka ci silivila,
Ove o ka kala ndomẽla wange.*
Ovo va ka ñualela kokuove,
Pole, ove ku ka ñualela kokuavo.”
20 “Ñasi oku ku lingisa ocimbaka cimue ca pama cosipi komanu ava.+
Ovo va ka liyaka muẽle love,
Pole, ka va ka ku yula,+
Momo ame ñasi love oco ndu ku popele kuenda oku ku yovola,” oco Yehova a popia.
21 “Ndi ka ku yovola peka liolondingaĩvi
Kuenda oku ku yovola peka liolongangala.”
16 Ondaka ya Yehova yeya vali kokuange yiti: 2 “Ku ka kuele ukãi umue kuenda ku ka citile omãla valume lomãla vakãi vofeka yilo. 3 Momo ca popia Yehova catiamẽla komãla valume kuenda komãla vakãi vana va citiwila vofeka yilo leci catiamẽla ku va ina yavo kuenda ku va isiavo ceci hati: 4 ‘Ovo va ka fa omo liovovei a ponda,+ pole, lomue o ka va lila ale oku va kenda; va ka kala ndotulumu kilu lieve.+ Ovo va ka fa losipata kuenda onjala+ kuenje atimba avo, a ka kala okulia kuolonjila viovailu kuenda kuovinyama vio kilu lieve.’
5 Ca popia Yehova ceci hati:
‘Ku ka iñile vonjo yimue yonambi,
Kuenda ku ka endemo oco o lisiõsiõle ale oku lekisa esumuo.’+
‘Momo ndopa ombembua yange komanu ava,’ oco Yehova a popia,
‘Kumue locisola cange ka ci pongoloka kuenda ohenda.+
6 Ci kaile una unene ale una utito, vosi yavo va ka fila vofeka eyi.
Ovo ka va ka kendiwa,
Lomue o ka va lila,
Lomue o ka liteta eye muẽle ale oku lipemũla esenya omo liavo.*
7 Lomue o ka angiliyila okulia vana va kasi lesumuo,
Oco a va lembeleke omo liovivimbi viavo;
Ndaño muẽle oku eca kokuavo okopo yelembeleko
Oco va nyue omo lioku fisa isiavo ale ina yavo.
8 Handi vali, ku ka iñile vonjo yocipito
Oco o tumãle lavo, oku lia loku nyua.’
9 “Momo ca popia Yehova ukualohoka Suku ya Isareli ceci hati: ‘Pocitumãlo cilo, koloneke viene kuenda kovaso yene muẽle, ndi ka malako ovileñi vionjolela haivio viesanju, ondaka ya sandombua kuenda ondaka ya ndombua.’+
10 “Eci ove o sapuila omanu ava olondaka evi viosi, ovo va ka ku pula vati: ‘Momo lie Yehova a tukuila ohali yosi eyi yalua kokuetu? Ohole yipi kuenda ekandu lipi tua lingila Yehova Suku yetu?’+ 11 Ove o sukila oku va tambulula ndoco: ‘“Momo vakukululu yene va ndi yanduluka,”+ oco Yehova a popia, “kuenda vamamako oku kuama olosuku vikuavo loku vi vumba kuenda oku vi kekamẽla.+ Pole, ovo va ndi yanduluka kuenda ka va kapeleko ocihandeleko cange.+ 12 Ene wa piãlisi ovituwa viene okuti via vakukululu yene vi sule+ kuenda omunu lomunu pokati kene o kuãi esino liutima waye wa vĩha okuti, oku pokola kokuange hacoko.+ 13 Omo liaco, ndi ka vu tundisi kofeka yilo, oco wendi vofeka yimue okuti, ci kaile ene ale vakukululu yene ka wa yi kũlĩhĩli+ kuenje kofeka yaco vu ka vumba olosuku vikuavo utanya luteke,+ momo si ka lekisa ohenda kokuene.”’
14 “‘Pole, oloneke vi kasi oku iya,’ oco Yehova a popia, ‘eci ovo ka va ka popia vali vati: “Ndeci Yehova a kasi lomuenyo una wopa omanu va Isareli vofeka Yegito!”+ 15 pole, va ka popia vati: “Ndeci Yehova a kasi lomuenyo, una wopa omanu va Isareli oku upisa kofeka yo konano kuenda oku upisa kolofeka viosi kuna a va sanduilile!” kuenje ndi ka va nena vali vofeka yavo yina nda eca ku vakukululu yavo.’+
16 ‘Ñasi oku pañinya omanu valua vakuakupipa,’ oco Yehova a popia,
‘Kuenje ovo va ka va pipa.
Noke liovina viaco, ndi ka pañinya anyanga valua,
Kuenje ovo va ka va yeva kolomunda viosi lo koviwulu viosi
Kuenda valeva osi asenje.
17 Momo ovaso ange a lete ovina viosi ovo va kasi oku linga.*
Ovo ka va vundisiwile kovaso ange,
Ndaño akulueya avo ka kua vundisiwile kovaso yange.
18 Tete, ndi ka fetuluinya olumue akulueya avo kuenda ekandu liavo,+
Momo ovo va vĩhisa ofeka yange loviñumañuma ka vi kuete omuenyo* vioviteka viavo via vĩha
Kuenje va yukisa ocipiñalo cange lovina viavo viumbondo.’”+
19 A Yehova, angusu yange kuenda aciteyuilo cange,
Acitumãlo cange coku tila keteke liohali,+
Kokuove olofeka vi keya oku upisa kasulilo o kilu lieve,
Kuenje vi ka popia viti: “Vakukululu yetu va piñala uhembi wosi,
Ovina viaño haivio ka vi kuete esilivilo okuti, ka vi kuatisa.”+
20 Anga hẽ omunu umue o pondola oku li lingila olosuku
Osimbu okuti ovio halosukuko muẽle?+
21 “Omo liaco, ndi ka lingisa okuti ovo va kũlĩha,
Kotembo yaco, ndi ka va lingisa okuti va kũlĩha unene wange kuenda ongusu yange,
Kuenje ovo va ka kũlĩha okuti, onduko yange Yehova.”
17 “Ekandu lio Yuda lia sonehiwa lopena yutale.
Olio lia ngalavaliwa losungu yondiamande vevaya liutima wavo
Kuenda volombinga viovotala avo,
2 Osimbu omãla vavo va ivaluka ovotala avo lolombueti viavo vi kola*+
Konele yuti umue wa pulika, koviwulu via lepa,+
3 Kolomunda kuenda kovaimbo.
Ovikuata viene lovokuasi ene osi, ndi ka vi eca ndovina via pundiwa,+
Ocili, ovitumãlo viene via lepa, omo liekandu wa lingi vovikanjo viene.+
4 Omo lionjongole yove, ove o ka tokoka kocipiñalo nda eca kokuove.+
Kuenje ame ndi ka ku lingisa okuti, ove o vumba ovanyãli vove vofeka yimue kua kũlĩhĩle,+
Oyo yi ka timĩha otembo yosi.”
5 Ca popia Yehova ceci hati:
“Omunu* una o kolela komanu vaño a siñaliwe,+
Una o kolela kongusu yomanu,*+
Kuenda una okuti utima waye u tinduka ku Yehova.
6 Eye o ka kala nduti umue u kasi ulika vekalasoko.
Eye ka ka kuata elavoko lioku mola eci ciwa,
Pole, o ka tunga vovitumãlo viekango vekalasoko,
Vofeka yomongua okuti, lomue o pondola oku kalamo.
8 Eye o ka kala nduti umue wa kũliwa ocipepi lovava,
Okuti u yandisa olombombo vialio toke volui.
Eye ka ka limbuka eci ku iya owuya,
Pole, amẽla aye otembo yosi a ka yova.+
Kuenje kunyamo wocitenya eye ka ka sakalala,
Ndaño oku liwekapo oku ima apako.
9 Utima wa piãla kelimbi okuti, ocina cikuavo ci sule kuenda owo ũvi calua.*+
Helie o pondola oku u kũlĩha?
10 Ame ndi Yehova, ndi kũlĩhĩsa utima,+
Ndi konomuisa ovisimĩlo via longa,*
Oco ngece komunu lomunu ndomo ci likuata lovilinga viaye,
Ndomo ci likuata lepako liovopange aye.+
11 Ndeci onguali yi kongela asaila ana ka ya mbilile,
Haico ci kasi una o lisandela ovokuasi lonjila yimue yuhembi.*+
Ovo va ko sia vokati komuenyo,
Kuenje kesulilo eye o ka lekisa okuti, ka kuete olondunge.”
12 Ocalo culamba cina ci kemãlisiwa tunde kefetikilo,
Oco ocitumãlo, cocitumãlo cetu ci kola.+
13 A Yehova, alavoko lia Isareli,
Vosi vana va ku yanduluka va ka kutisiwa osõi.
14 Ndi kayise, A Yehova kuenje ndi ka kayisiwa.
Ndi popele kuenje ame ndi ka popeliwa,+
Momo ove wucikuata cesivayo liange.
15 Tala! Kuli vamue va kasi oku ndi sapuila vati:
“Ondaka ya Yehova yi kasi pi?+
Yi tẽlisiwe cilo!”
16 Pole, catiamẽla kokuange, sia liwekelepo oku ku kuama ndungombo,
Ndaño oku livela eteke liohali.
Ove wa kũlĩha ciwa ovina viosi omẽla wange wa popia;
Viosi via pita kovaso yove!
17 Ku ka ñokele ocinjoko.
Ove wucitililo cange keteke liohali.
18 Vana va ndi lambalala va kutisiwe osõi,+
Pole, ame si ka kutisiwe osõi.
Ovo va kuatiwe lusumba,
Pole, ame si ka kuatiwe lusumba.
19 Ca ndi sapuila Yehova ceci hati: “Kuende, talama pombundi yomãla vomanu yina olosoma vio Yuda vi iñilila loku tunda lo polombundi viosi vio Yerusalãi.+ 20 Va sapuila okuti: ‘Yeveleli ondaka ya Yehova, ene alosoma vio Yuda, amanu vosi vo Yuda kuenda alonungi viosi vio Yerusalãi, vu iñilili polombundi evi. 21 Ca popia Yehova ceci hati: “Lunguki kuenda ko ka ambati ocilemo cimue keteke Liesambata ale oku ci nena poku pita laco polombundi vio Yerusalãi.+ 22 Ko ka neni ocilemo lacimue oku upisa kolonjo viene keteke Liesambata; kuenda ko ka lingi upange laumue.+ Amamiko oku kolisa eteke Liesambata ndeci nda handelekele vakukululu yene.+ 23 Pole, ovo ka va yevele ale oku vonguila etũi liavo kuenda lesino, va likala* oku pokola ale oku tava kepindiso.”’+
24 “‘“Omo liaco, nda ene vu pokoli kokuange lutima wosi,” oco Yehova a popia, “kuenje ka vu neni ocilemo lacimue poku pita laco polombundi violupale lulo keteke Liesambata kuenda wamamiko oku kolisa eteke Liesambata okuti, ka vu lingi upange laumue keteke liaco,+ 25 olosoma kuenda olombuale vina vi tumãla kocalo ca Daviti+ vi ka iñililavo polombundi violupale lulo poku endela vakãlu wuyaki kuenda kolokavalu, ovo kumue lolombuale viavo, alume vo ko Yuda kuenda olonungi vio Yerusalãi;+ kuenje volupale olu mu ka tungiwa otembo yosi. 26 Kuenje omanu va keya oku tunda kalupale o Yuda, kovitumãlo vi kasi ocipepi lo Yerusalãi, kofeka yo Benjamini,+ kofeka yo kombuelo,+ kovaimbo a kasi kolomunda kuenda ko Negeve,* poku nena ovilumba vioku pia elisi,+ ovilumba,+ ovilumba violomema,+ onguendu kuenda ovilumba violopandu vonjo ya Yehova.+
27 “‘“Pole, nda ene ka vu pokola kokuange okuti, ka vu amamako oku kolisa eteke Liesambata kuenda vu ambati ovilemo loku vi nena poku pita lavio polombundi vio Yerusalãi keteke Liesambata, ndi ka kapa ondalu polombundi viaco kuenda oyo yi ka lia muẽle olosapalalo vi kuete oviteyuilo vio Yerusalãi+ kuenje ka yi ka imiwa.”’”+
18 Ondaka ya Yehova yina yeya ku Yeremiya yeyi yokuti: 2 “Katuka lokila konjo yukuakutalavaya lotuma+ kuenda oko ame ndi ka vanguila love.”
3 Omo liaco, nda enda toke konjo yukuakutalavaya lotuma kuenda eye wa kala oku talavaya valola oku talavaya lotuma. 4 Pole, ocikuata cotuma cina ukuakutalavaya lotuma a kala oku tunga, ca nyõlehela peka liaye. Omo liaco, ukuakutalavaya lotuma, wa ci tungulula kuenda wa tunga ocikuata cikuavo, ndomo eye a yonguile.*
5 Noke ondaka ya Yehova yeya kokuange yiti: 6 “‘Anjo ya Isareli, anga hẽ ame si pondola oku vu lingi ndeci ukuakutalavaya lotuma a linga?’ oco Yehova a popia. ‘Tali! Ndeci ci kasi otuma peka liukuakutalavaya lotuma, haico ene vu kasi peka liange, Anjo ya Isareli.+ 7 Olonjanja viosi eci ndi popia catiamẽla koku tukũla loku nyõla kuenda oku kundula ofeka yimue ale usoma umue,+ 8 kuenje ofeka yaco yi siapo evĩho lialio nda vangula, ame ndi ka pongololavo ocisimĩlo cange catiamẽla* kefengi nda yonguile oku nena poku u katukila.+ 9 Pole, olonjanja viosi eci ndi vangula catiamẽla koku tunga kuenda koku kũla ofeka yimue ale usoma umue, 10 kuenje oyo yi linga eci cĩvi kovaso ange kuenda ka yi pokola kondaka yange, ndi ka pongolola ocisimĩlo cange catiamẽla* kuwa nda yonguile oku yi lingila.’
11 “Cilo, linga ohenda, sapuila omanu va Yuda lolonungi vio Yerusalãi okuti, ‘Ca popia Yehova ceci hati: “Ñasi oku pongiya* ohali yimue kuenda ñasi oku sokolola ndomo ndu ku yambuli. Lingi ohenda, tinduki volonjila viene vĩvi kuenda pongololi olonjila viene lovilinga viene.”’”+
12 Pole, ovo va popia vati: “Eci ka ci kuete esilivilo!+ Momo etu tu ka endela vovisimĩlo vietu muẽle kuenda omunu lomunu pokati ketu, o ka linga ndomo ci likuata lesino liutima waye ũvi.”+
13 Omo liaco, ca popia Yehova ceci hati:
“Lingi ohenda, puli ene muẽle pokati kolofeka.
Helie wa yevele ale ocina cimue ndeci?
Ufeko wosombo wa Isareli wa linga ocina cimue cĩvi calua.+
14 Anga hẽ ocikokoto co Levanone ci takata vasenje koviwulu vialio?
Ale ovava a talala ana a tunda ocipãla a ka takata?
15 Pole, omanu vange va njivala.+
Momo ovo va eca ovilumba* koviteka ka vi kuete esilivilo,+
Kuenda ovo va kokela omanu ocilondokua volonjila viavo, olonjila viosimbu,+
Oco va endele vatapalo año okuti, ka a suñamele kuenda ka a tapikile,*
16 Oco va lingise ofeka yavo ocikuata coku yokoka+
Kuenda ocina cimue coku sika ovilua otembo ka yi pui.+
Omunu wosi o pita ocipepi layo o ka yi vanja locinjoko loku puka puka kutue waye.+
17 Ndofela yo kutundilo, ndi ka va sanduila kovaso yovanyãli.
Ame ndi ka va imba onyima yange okuti, ocipala cange hacoko keteke liavo liohali.”+
18 Kuenje ovo va popia vati: “Enjui, tu sokiyili ongombo yimue Yeremiya,+ momo ocihandeleko* covitunda vietu, elungulo liomanu va loñoloha kuenda ondaka yovaprofeto vetu ka vi ka imũha. Enjui, tu u lundili* kuenda ka tu ka yeveleli kueci a popia.”
19 A Yehova, njevelele,
Kuenda yevelela kueci ovanyãli vange va kasi oku vangula.
20 Anga hẽ eci ciwa ci fetuluinyiwa leci cĩvi?
Momo ovo va fẽlela omuenyo wange ocitunu cimue.+
Ivaluka ndomo nda talamele kovaso yove oku vangula eci ciwa catiamẽla kokuavo,
Oco onyeño yove yi kale ocipãla lavo.
21 Omo liaco, ecelela okuti omãla vavo va fa lonjala,
Kuenda va eca kunene wosipata.+
Akãi vavo va fise omãla vavo kuenda va linge ovimbumba.+
Alume vavo va pondiwe luvei u ponda,
Amalẽhe vavo valume, va pondiwe losipata kuyaki.+
22 Oku lila ku yevalele kolonjo viavo
Eci o nena kokuavo ovingumba ocipikipiki.
Momo ovo va fẽla ocitunu cimue oco va ndi kuate
Kuenda va petuila olomãhi viange oviliva.+
23 Pole, ove, A Yehova,
Wa kũlĩha ciwa ongombo yavo yosi yoku ndi katukila oco va ndi ponde.+
Ku ka ecele okulueya kuavo,
Kuenda ku ka imũle ekandu liavo kovaso yove.
19 Ca popia Yehova ceci hati: “Kuende, ka lande esanga limue liotuma kukuakutalavaya lotuma.+ Ambata akulu vamue vomanu kuenda akulu vamue vovitunda, 2 kuenje kuende Kocimbota Comõla a Hinome+ koku iñilila Kuombundi Yoviyo. Kuenda sandekako olondaka ndu ku sapuila. 3 O ka popia hati: ‘Yeveleli ondaka ya Yehova ene alosoma vio Yuda kuenda alonungi vio Yerusalãi. Ca popia Yehova ukualohoka Suku ya Isareli ceci hati:
“‘“Ndopo ndi nena ohali yimue kocitumãlo cilo kuenda vovatũi a vana va ka ci yeva, mu ka ñoña. 4 Ndi ci linga momo ovo va njanduluka+ kuenda va pongolola ocitumãlo eci okuti ka ci limbukiwa.+ Oko ovo va kasi oku ecela ovilumba kolosuku vikuavo, vina ovo kumue la vakukululu yavo lolosoma vio Yuda, ka via kũlĩhĩle kuenda va yukisa ocitumãlo caco losonde ya vana ka va kuete eko.+ 5 Ovo va tunga ovitumãlo via lepa via Baale oco va timĩhe omãla vavo vondalu ndovilumba vioku pia elisi ku Baale+ okuti, ocina cimue sia handelekele ale oku ci sapula kuenda lalimue eteke ceyile vutima wange.”’*+
6 “‘“Omo liaco, tala! oloneke vi kasi oku iya oco Yehova a popia, “eci ocitumãlo cilo ka ci ka tukuiwa vali okuti, o Tofete ale Ocimbota Comõla a Hinome, pole, ci tukuiwa hati, Ocimbota Coku Ponda.+ 7 Ndi ka tateka asokiyo o Yuda kuenda o Yerusalãi kocitumãlo eci kuenje ndi ka va kokela oku kupuka losipata kovaso yovanyãli vavo kuenda povaka a vana va sandiliya oku va ponda. Kuenje ndi ka eca atimba avo ndokulia kolonjila viovailu kuenda kovinyama vio kilu lieve.+ 8 Kuenje ndi ka lingisa olupale olu ocikuata coku yokoka kuenda ocina cimue coku sika ovilua. Omunu wosi o pita ocipepi lawo o ka lu vanja loku yokoka kuenda o ka sika ovilua omo liafengi alio osi.+ 9 Kuenje ndi ka va lisa ositu yomãla vavo valume leyi yomãla vavo vakãi kuenje omunu lomunu o ka lia ositu yomunu a lisungue laye, omo lioku ñualiwa ocingonja kuenda ohali yavo eci va ka ñualiwa lovanyãli vavo kumue la vana va sandiliya oku va ponda.”’+
10 “Noke tetuila esanga kovaso yomanu vana va ka enda love, 11 kuenje va sapuila okuti: ‘Ca popia Yehova ukualohoka ceci hati: “Ndi ka teya omanu ava kuenda olupale lulo, ndeci omunu a tetula esanga liotuma okuti, lalimue eteke li semũlũiwa vali; kuenje ovo va ka kenda ovivimbi ko Tofete toke eci ka ku kala vali ocitumãlo coku va kenda.”’+
12 “‘Eci oco ndi ka linga locitumãlo eci,’ oco Yehova a popia kuenda kolonungi vialio, oco ndi lingise olupale olu ndo Tofete. 13 Kuenje olonjo vio Yerusalãi lolonjo violosoma vio Yuda, vi ka vĩha ndocitumãlo eci okuti, o Tofete,+ ocili, olonjo viosi okuti valusoka aco va lumbilamo ovilumba kolohoka viosi viovailu+ kuenda kuna va pesila ovilumba vioku nyua kolosuku vikuavo.’”+
14 Eci Yeremiya a tiuka oku tunda ko Tofete kuna Yehova o tumile oku imba owanji eye wa talama vocitali conjo ya Yehova kuenje wa sapuila omanu vosi hati: 15 “Ca popia Yehova ukualohoka Suku ya Isareli ceci hati: ‘Ñasi oku nena volupale olu kuenda kovaimbo alio osi, ohali yosi yina nda tukula yatiamẽla kokualio, momo ovo lesino va likala* oku pokola kolondaka viange.’”+
20 Pasihuri omõla a Imere ocitunda, una wa kalavo usongui wa velapo yonjo ya Yehova, wa kala oku yevelela eci Yeremiya a imba owanji wovina evi. 2 Noke Pasihuri wa veta uprofeto Yeremiya kuenje wo kapa kovikumbi+ via kala Pombundi yo Konano yo Benjamini, yina ya kala vonjo ya Yehova. 3 Pole, keteke lia kuamamo eci Pasihuri opa Yeremiya kovikumbi, Yeremiya wo sapuila hati:
“Yehova wa pongolola onduko yove okuti, ku kala vali Pasihuri, pole, o tukuiwa hati, Ocinjoko Kolonele Viosi.+ 4 Omo liaco, ca popia Yehova ceci hati: ‘Ndi ka ku kokela ocinjoko ove kuenda akamba vove vosi omo liovina vi ka pita lene. Kuenje ovo va ka kupuka losipata kovaso yovanyãli vavo osimbu ovaso ove a ci mola;+ noke ame ndi ka eca o Yuda yosi peka lia soma yo Bavulono kuenje eye o ka va tuala kumandekua ko Bavulono kuenda o ka va ponda losipata.+ 5 Kuenje ame ndi ka eca ovokuasi osi olupale lulo, ovikuata vialio viosi, ovina vialio viosi vi kuete esilivilo kuenda ovipako viosi violosoma vio Yuda peka liovanyãli vavo.+ Kuenje ovo va ka vi punda kuenda va ka vi tambula loku vi ambata ko Bavulono.+ 6 Kuenje catiamẽla kokuove a Pasihuri la vosi vana va kasi vonjo yove, vu kambatiwa kumandekua. Ove o ka enda ko Bavulono kuenda oko o ka fila kuenje oko o ka kendiwila kumue lakamba vove vosi, momo wa va imbila owanji umue wuhembi.’”+
7 Ndaño nda kuata ovisimĩlo via litepa, A Yehova wa ndi tavisa.
Ove wa lekisa okuti wa pama calua okuti, ame ndi sule kuenje wa yula.+
Nda linga ocikuata coku yoliwa epembe eteke liosi;
Omanu vosi va ndi pembula.+
8 Momo olonjanja viosi eci ndi vangula, ndi sukila oku kaluka kuenda ndi sapula hati:
“Ungangala kuenda enyõleho!”
Momo ondaka ya Yehova kokuange ya linga esunga lioku sepuiwa kuenda liepembulo eteke liosi.+
Pole, vutima wange ondaka yaye ya linga ndondalu yi taima ya kakatela vakepa ange,
Kuenda ame nda kava omo lioku yi kuata;
Ame sia ponduile vali oku likandangiya layo.+
10 Momo ame nda yeva ovina vialua vĩvi;
Ocinjoko ca ndi ñuala.+
“U sapuli; Linga tu u sapuli!”
Vosi vana va ndi yonguila ombembua, va kala oku lavulula oco ndi kupuke vati:+
“Pamue eye o ka kembiwa oco a linge ekandu limue,
Kuenje etu tu pondola oku u yula kuenda oku u fetuluinya.”
11 Pole, Yehova wa kala lame ndesualali limue li lingisa usumba.+
Eli olio esunga lieci vana va ndi lambalala va ka lilondokela kuenda ka va ka yula.+
Ovo va ka kutisiwa osõi yalua kuenda ka va ka litunda ciwa.
Esepu liavo liotembo ka yi pui, ka li ka ivaliwa.+
12 Pole, ove A Yehova ukualohoka, o kũlĩhĩsa ukuesunga;
A Suku, ecelela okuti ndi mola efetuluinyo o nena kokuavo,+
Momo ovitangi viange nda vi eca kokuove.+
13 Imbili Yehova! Sivayi Yehova!
Momo eye wa yovola ohukũi peka liolondingaĩvi.
14 Eteke nda citiwa li siñaliwe!
Eteke ina yange a ndi cita, ka li ka sumũlũisiwe!+
15 A siñaliwe omunu una wa nena esapulo liwa ku isiange liokuti:
“Kua ku citiwila omõla umue ulume okuti, ukuenje!”
Poku u lingisa okuti eye o sanjuka calua.
16 Omunu waco, a linge ndalupale ana Yehova a nyõla okuti ka lekisile ohenda.
Eye a yeve olondaka vioku kaluka komẽle kuenda ocileñi cuyaki ekumbi pongunji.
17 Momo lie eye ka ndi pondele osimbu nda kala vimo,
Oco okuti ina yange o kala onjembo yange,
Kuenda lalimue eteke a ponduile oku cita?+
18 Momo lie nda tundila vimo
Oco ndi mole ohali kuenda esumuo,
Loku malusula oloneke viange vosõi?+
21 Yeremiya wa tambula ondaka ya Yehova eci Soma Sedekiya+ a tuma kokuaye Pasihuri+ omõla a Malikiya la Sofoniya+ omõla a Maaseya ocitunda, oco va linge epingilo liokuti: 2 “Linga ohenda pula ku Yehova eci ci ka pita letu, momo Soma Nevukandesa wo ko Bavulono o kasi oku linga uyaki letu.+ Pamue Yehova o ka tẽlisa cimue pokati kovilinga viaye vi komõhisa oco a tu kuatise okuti, soma o tunda pokati ketu.”+
3 Yeremiya wa va sapuila hati: “Eci vu sukila oku sapuila Sedekiya ceci, 4 ‘Ca popia Yehova Suku ya Isareli ceci hati: “Ñasi oku vu pongoluili ovota wuyaki a kasi povaka ene muẽle, ana vu kasi oku yaka lao la soma yo Bavulono+ kuenda va Kaldea vana va kasi kosamua yocimbaka oku vu ñuali ocingonja. Kuenje ame ndi ka ongoluila ovota wuyaki vokati kolupale olu. 5 Noke ame muẽle ndi ka liyaka lene+ leka liange lia pama kuenda unene wange walua, lonyeño, lekaka kuenda oku tema kualua.+ 6 Ame ndi ka ponda olonungi violupale olu, ci kaile omanu kuenda ovinyama. Ovo va ka fa lefengi* limue linene.”’+
7 “‘“Noke liovina viaco,” oco Yehova a popia, “Ndi ka eca Soma Sedekiya wo ko Yuda kuenda akuenje vaye kumue lomanu vo volupale olu okuti, vana va puluka kefengi, kosipata kuenda konjala peka lia Soma Nevukandesa, wo ko Bavulono peka liovanyãli vavo kuenda peka lia vana va sandiliya oku va ponda.+ Eye o ka va ponda losipata. Eye ka ka va kuatela ohenda, ndaño muẽle oku lekisa ohenda ale ocikembe.”’+
8 “Ove o sukila oku sapuila komanu ava hati: ‘Ca popia Yehova ceci hati: “Ñasi oku kapa kovaso yene onjila yomuenyo kuenda onjila yolofa. 9 Vana vamamako volupale lulo, va ka fa losipata, lonjala kuenda lefengi. Pole, wosi o tunda kuenje o li eca ku va Kaldea vana va kasi oku vu ñuali ocingonja, o kamamako oku kala lomuenyo kuenje o ka puluka lomuenyo waye.”’+
10 “‘“Momo ame nda imba onyima olupale olu oco ndi nene ohali okuti, uwa hawoko,”+ oco Yehova a popia. “Oluo lu ka eciwa peka lia soma yo ko Bavulono+ kuenda eye o ka lu timĩha londalu.”+
11 “‘Ku vakuanjo ya soma yo Yuda: Yeveleli ondaka ya Yehova. 12 Anjo ya Daviti, ca popia Yehova ceci hati:
“Teyuili esunga omẽle yosi,
Kuenda yovoli vana va kasi loku nyaniwa peka lia vakuakupunda,+
Oco onyeño yange ka yi ka taime ndondalu+
Kuenje yi timĩha okuti lomue o tẽla oku yima
Omo liovilinga viene vĩvi.”’+
13 ‘Ndi ka ku yambula, Anungi yo vocimbota,*
Ove awe liofeka ya tapika,’ oco Yehova a popia.
‘Catiamẽla kokuene vu popia hati: “Helie o ka tu katukila?
Kuenda helie o ka lundula olonjo vietu?”
14 Ndi ka vu yambuli,
Ndomo vu sesamẽla omo liovilinga viene,’+ oco Yehova a popia.
‘Kuenje ndi ka kapa ondalu vusenge wene,
Kuenda oyo yi ka lia ovina viosi via ku ñuali.’”+
22 Ca popia Yehova ceci hati: “Lokila konjo* ya soma yo Yuda kuenda sandeka esapulo eli. 2 Popia ndoco: ‘Yevelela ondaka ya Yehova Ove a soma yo Yuda, wa tumãla kocalo ca Daviti, ove lakuenje vove kuenda omanu vove vana va siata oku iñila polombundi evi. 3 Ca popia Yehova ceci hati: “Teyuili esunga kuenda esunguluko. Yovoli una o kasi loku nyaniwa peka liukuakupunda. Ko ka talisi ohali ocingendeleyi kuenda ko ka tati lãvi omõla ka kuete isia* ale ocimbumba.+ Kuenda ko ka peseli osonde yomunu ka kuete eko vocitumãlo cilo.+ 4 Momo nda ene wa pokoli lutate kolondaka evi, olosoma vina via tumãla kocalo ca Daviti,+ vi ka iñilila polombundi vionjo eyi, poku endela vakãlu kuenda kolokavalu, ovo kumue lakuenje vavo kuenda omanu vavo.”’+
5 “‘Pole, nda ka wa pokuili kolondaka evi, ndi lisinga ame muẽle,’ oco Yehova a popia ‘okuti, onjo eyi yi ka kala ocitumãlo cimue ca nyõliwa.’+
6 “Momo ca popia Yehova catiamẽla konjo ya soma yo Yuda ceci hati:
‘Ove o kasi ndo Gileada kokuange,
Ndonumbuko yo Levanone.
Pole, ndi ka ku lingisa ekalasoko;
Laumue pokati kalupale ove lu ka tungiwa.+
Ovo va ka nyõla oviti viove via velapo viosedru
Kuenje va ka vimba vondalu.+
8 “‘Kuenje omanu vo kolofeka vialua va ka pita volupale olu kuenda va ka li pula omunu lukuavo vati: “Momo lie Yehova a lingila ocina eci kolupale olu lunene?”+ 9 Kuenje ovo va ka tambulula vati: “Momo ovo va yanduluka ocisila ca Yehova Suku yavo kuenda va kekamẽla olosuku vikuavo loku vi vumba.”’+
10 Ko ka lili omo liomunu wa fa,
Ndaño oku lekisa ohenda kokuaye.
Pole, lili calua omo liomunu una o kasi oku enda kumandekua,
Momo eye lalimue eteke a ka tiuka vali oco a mole ofeka yina a citiwila.
11 “Momo ca popia Yehova catiamẽla ku Sialume*+ omõla a Yosiya, soma yo Yuda una o kasi oku viala pocitumãlo ca isiaye Yosiya+ haeye wa tunda vocitumãlo eci, ceci hati: ‘Eye lalimue eteke a ka tiuka vali. 12 Momo eye o ka fila vocitumãlo cina ovo vo wambata kumandekua kuenda eye ka ka mola vali ofeka yilo.’+
13 Ngongo ya una o tunga onjo yaye okuti, ka ci lingi lesunguluko
Kuenda olohondo viaye viosapalalo okuti ka ci lingi lesunga
Una o lingisa ukuavo oku u talavayela elivova
Okuti ka eci kokuaye ofeto;+
14 Una o popia hati: ‘Ndi ka litungila onjo yimue yinene
Yi kuete olohondo via sanjavala viosapalalo.
Ndi ka yi kapa olonjanela
Kuenje ndi ka yi posuisa losedru kuenda oku yi pindala levala li kusuka.’
15 Anga hẽ ove o kamamako oku viala omo okuti wa tunga elombe liove losedru yalua okuti vakuene ci sule?
Isiove wa liavo kuenda wa nyuavo,
Pole, eye wa teyuila esunga kuenda esunguluko,+
Kuenje cosi ca enda ciwa kokuaye.
16 Eye wa enda oku teyuila ocitangi cesombiso cosuke kuenda cohukũi,
Kuenje cosi ca enda ciwa.
‘Eci hẽ hacoko ci lomboloka oku ndi kũlĩha?’ oco Yehova a popia.
17 ‘Pole, ovaso ove kuenda utima wove via tekela lika konganyu yove yelimbi,
Koku pesela osonde yomunu ka kuete eko,
Loku nyana kuenda oku punda.’
18 “Omo liaco, ca popia Yehova catiamẽla ku Yehoyakimi+ omõla a Yosiya, soma yo Yuda, ceci hati:
‘Ovo ka vo ko lila vati:
“A manjange ulume we! A manjange ukãi we!”
Ovo ka vo ko lila vati:
“A cime we! Ulamba waye we!”
19 Eci eye a fa ovo va ko linga ndeci va linga locimbulu cimue ca fa,+
Etimba liaye li ka kokiwa kuenda li ka imbiwa kupãla,
Kosamua yolombundi vio Yerusalãi.’+
20 Lamanela ko Levanone kuenje kaluka,
Katuila ondaka yove ko Basiane,
Kuenda kaluka oku upisa ko Avarime,+
Momo vosi vakuacisola cove va nyanyuiwa.+
21 Ame nda vangula love eci wa liyeva okuti wa kolapo.
Pole, ove wa popia hati: ‘Si ka pokola.’+
Eci oco ocituwa cove tunde vutila,
Momo ove kua la pokola kondaka yange.+
22 Ofela yi ka songuila angombo vove vosi,+
Kuenje vakuacisola cove va ka enda kumandekua.
Kuenda ove o ka kutisiwa osõi loku sepuiwa omo liohali yove yosi.
23 Ove anungi yo Levanone,+
Ove o linga ocanju cove pokati kolosedru,+
O ka leñaleña eci o kuatiwa levalo,
24 “‘Ndeci ame ndi kasi lomuenyo,’ oco Yehova a popia, ‘ndaño Koniya*+ omõla a Yehoyakimi,+ soma yo Yuda, wa kaile onẽla yondimbukiso peka liange liondio, ame nda ndo tukũlako! 25 Ame ndi ka ku eca peka lia vana va sandiliya oku ku ponda, peka lia vana ove o kuetele usumba, peka lia Soma Nevukandesa wo ko Bavulono kuenda peka lia va Kaldea.+ 26 Ndi ka ku tuma kumue la ina yove wa ku cita, kofeka yikuavo kuna ene ka wa citiwili kuenje oko vu ka fila. 27 Kuenje ovo lalimue eteke va ka tiuka vali vofeka yina ovo va kuetele ongeva.+
28 Anga hẽ ulume u Koniya, eye ombia yimue ya pembuiwa, haiyo ya tetuka,
Esanga limue okuti lomue o li yongola?
Momo lie eye kumue locitumbulukila caye va inasiwila posi
Loku imbiwa vofeka ovo ka va kũlĩhĩle?’+
29 A ilu lieve,* ilu lieve, ilu lieve, yevelela ondaka ya Yehova.
30 Ca popia Yehova ceci hati:
‘Sonehisi ulume u ndomunu umue ka kuete omãla,
Ndulume umue ka ka kuata onima yiwa vokuenda kuomuenyo* waye wosi,
Momo lomue pokati kovitumbulukila viaye o ka kuata onima yiwa,
Poku tumãla kocalo ca Daviti kuenda oku viala vali vo Yuda.’”+
23 “Ngongo yangombo vana va kasi oku nyõla loku sandola olomeme viovusenge wange woku lisila oviunda!” oco Yehova a popia.+
2 Omo liaco, ca popia Yehova Suku ya Isareli catiamẽla koku katukila angombo vana va kasi oku lava omanu vaye ceci hati: “Ene wa sandoli olomeme viange; wamamiko oku vi sandola kuenda ene ka wa vi kapeliko.”+
“Omo liaco, ndi ko ñualelipo omo liovituwa viene vĩvi,” oco Yehova a popia.
3 “Noke ndi kongoluila pamosi ovisupe violomeme oku upisa kolofeka viosi via sanduiwa+ kuenda ndi ka vi nena vali vusenge wavio woku lisila oviunda+ kuenje vi ka licita loku siata kuenda vi ka livokiya calua.+ 4 Ndi ka va votuila angombo vana okuti va ka va lava.+ Ovio ka vi ka kuata vali usumba ale ohele kuenda layimue pokati kavio yi ka nyelela,” oco Yehova a popia.
5 “Tali! Oloneke vi kasi oku iya,” oco Yehova a popia, “eci ndi ka votuila Daviti ocinjovelela* cimue cesunga.+ Kuenje osoma yimue yi ka viala+ kuenda yi ka lekisa olondunge, loku teyuila esunga kuenda esunguluko vofeka.+ 6 Yuda vokuenda kuotembo yaye, o ka popeliwa+ kuenda Isareli o ka tunga loku kolapo.+ Kuenje onduko a ka tukuiwa layo yeyi: Yehova Eye Esunguluko Lietu.”+
7 “Pole, oloneke vi kasi oku iya,” oco Yehova a popia, “eci ovo ka va ka popia vali vati: ‘Ndeci Yehova a kasi lomueyo una wopa omanu va Isareli vofeka Yegito!’+ 8 pole, va ka popia vati: ‘Ndeci Yehova a kasi lomuenyo una wopa loku nena vali ovitumbulukila vionjo ya Isareli oku upisa kofeka yo konano kuenda oku upisa kolofeka viosi kuna nda va sanduilile’ kuenje ovo va ka tunga vofeka yavo muẽle.”+
9 Catiamẽla kovaprofeto ndi popia hati:
Utima wange wa tekela vokati kange.
Akepa ange osi a kasi oku luluma.
Ame ñasi ndulume umue wa kolua
Kuenda ndulume umue wa yuliwa lovinyu,
Omo lia Yehova kuenda omo liolondaka viaye vi kola.
10 Momo ofeka yeyuka la vakuakahokolo;+
Omo liesiñalo, ofeka yi kasi lesumuo+
Kuenda ovisenge vioku lisila oviunda vio vekalasoko via kukuta.+
Ovilinga viavo vĩvi kuenda va talavaya lãvi lunene wavo.
11 “Ci kaile ovaprofeto ale ovitunda, vosi yavo olonanguluke.*+
Ndaño muẽle vonjo yange nda sangamo ungangala wavo,”+ oco Yehova a popia.
12 “Omo liaco, onjila yavo yi ka sielena kuenda yi ka tekãva;+
Ovo va ka sindiwa kuenje va ka kupuka.
Momo ndi ka va nenela ohali
Vunyamo woku tetulula,” oco Yehova a popia.
13 “Kovaprofeto vo ko Samaria+ nda muilako cimue cĩvi.
Ovo va imbila owanji vonduko ya Baale,
Kuenda va yapuisa omanu vange va Isareli.
14 Kovaprofeto vo ko Yerusalãi nda muilako ovina via vĩha.
Ovo va linga ukahokolo+ kuenda va endela vuhembi;+
Ovo va vetiya* olondingaĩvi,
Kuenda ka va sipo ovilinga viavo vĩvi.
15 Omo liaco, ca popia Yehova ukualohoka catiamẽla kovaprofeto ceci hati:
“Ame ndi va lingisa okuti ovo va lia ocikũla cilula*
Kuenda oku eca kokuavo ovava a kuete owule oco va nyue.+
Momo ovaprofeto vo ko Yerusalãi va sanduila unanguluke vofeka yosi.”
16 Ca popia Yehova ukualohoka ceci hati:
“Ko ka yeveleli olondaka viovaprofeto vana va kasi oku wimbili owanji.+
Ovo va kasi oku vu kembi.*
17 Ovo va sapuila olonjanja vialua ku vana ka va ndi sumbile vati:
‘Yehova wa popia hati: “Ene vu ka sanjukila ombembua.”’+
Kuenda ku vosi vana va kuãi utima wavo wesino, va popia vati:
‘Ka kuli ohali layimue yi keya kokuene.’+
18 Helie o kasi pokati komanu vana va kuete ukamba la Yehova
Oco va mole kuenda oku yeva ondaka yaye?
Helie wa yevelela lutate kondaka yaye loku yi pokola?
19 Tali! Ehunguhungu limue liofela lia Yehova li ka wenguka lonyeño;
Ndocipepe cimue ci ka sikila kutue wolondingaĩvi.+
20 Onyeño ya Yehova ka yi ka tiukila konyima
Toke eci eye a ci linga loku tẽlisa ovisimĩlo viutima waye.
Konepa ya sulako yoloneke, vu ka kuata elomboloko liaco lia suapo.
21 Ame sia tumile ovaprofeto, pole, ovo va enda lolupesi.
Sia vanguile lavo, pole, ovo va imba owanji.+
22 Pole, nda ovo va tiamẽlele komanu va kuete ukamba lame,
Ovo nda va ecelela okuti, omanu vange va yeva olondaka viange
Kuenda nda va ecelela okuti, ovo va siapo onjila yavo ya vĩha lovilinga viavo vĩvi.”+
23 Yehova wa popia hati: “Anga hẽ ame ndi Suku lika eci ñasi ocipepi, si Sukukovo eci ñasi ocipãla?”
24 “Anga hẽ omunu umue o pondola oku solama pocitumãlo cimue okuti ame si pondola oku u mola?”+ oco Yehova a popia.
“Anga hẽ si tẽla oku yukisa ovailu kuenda ilu lieve?”+ oco Yehova a popia.
25 “Ame nda yeva ovaprofeto va kala oku imba owanji wuhembi vonduko yange, vati: ‘Nda lota onjoi yimue! Nda lota onjoi yimue!’+ 26 Toke eteke lipi oku imba owanji wuhembi ku kamamako kutima wovaprofeto? Ovo va kasi oku imba owanji u tunda vutima wavo muẽle.+ 27 Ovo va lingisa okuti, omanu vange va ivalako onduko yange poku lomboluila olonjoi komunu lukuavo, ndeci va isiavo va ivalako onduko yange omo lia Baale.+ 28 Uprofeto una o lota onjoi yimue, a lombolole onjoi yaco, pole, una o kuete ondaka yange a lombolole ondaka yange locili.”
“Anga hẽ owangu wa kukuta wa lisoka lolomema?” oco Yehova a popia.
29 “Anga hẽ ondaka yange ka yi kasi ndondalu,”+ oco Yehova a popia, “kuenda ndomatelo yimue yi nyanyõla esenje?”+
30 “Omo liaco, ame ndi yambula ovaprofeto,” oco Yehova a popia, “vana va nyana olondaka viange komunu lukuavo.”+
31 “Ame ndi kasi oku yambula ovaprofeto,” oco Yehova a popia, “vana va kuama elimi liavo poku popia vati: ‘Eye wa ci popia!”’+
32 “Ame ndi yambula ovaprofeto va kuete olonjoi viuhembi,” oco Yehova a popia, “vana va vi situluila haivo va yapuisa omanu vange omo liovohembi avo kuenda oku lipanda kuavo.”+
“Pole, ame sia va tumile ale oku va handeleka cimue. Omo liaco, ka va ka kuatisa omanu vosi ava,”+ oco Yehova a popia.
33 “Kuenje eci omanu ava ale uprofeto umue pamue ocitunda cimue va ku pula vati: ‘Cipi ocilemo* ca Yehova?’ ove o sukila oku va tambulula hati: ‘“Ene amanu ene muẽle vucilemo caco! Kuenda ame ndi ka vu inasi,”+ oco Yehova a popia.’ 34 Catiamẽla kuprofeto ale kocitunda pamue komunu una o popia hati: ‘Eci oco ocilemo* ca Yehova!’ ame ndi ka yambula omunu waco kuenda vakuanjo yaye. 35 Eci oco omunu lomunu pokati kene a kasi oku pula kekamba liaye kuenda ku manjaye hati: ‘Nye Yehova a tambulula? Kuenda nye Yehova a popia?’ 36 Pole, ka vu ka popia vali catiamẽla kocilemo* ca Yehova, momo ocilemo* ondaka yomunu lomunu kuenda ene wa pongololi olondaka via Suku o kasi lomuenyo okuti, Yehova ukualohoka Suku yetu.
37 “Eci o ka sapuila uprofeto ceci hati: ‘Yehova wa ku ĩha nye? Kuenda nye Yehova a popia? 38 Kuenje nda ene vu amamako oku popia hati: “Ocilemo* ca Yehova!” ca popia Yehova ceci hati: “Omo okuti ene vu popia hati: ‘Ondaka eyi ocilemo* ca Yehova,’ noke lioku vu handeleki poku popia hati: ‘Ka citava okuti vu popia hati: “Ocilemo* ca Yehova!”’ 39 tali! ndi ka vu votoli kuenda oku vu tundisi oco wendi kupãla ci kaile ene ale olupale nda eca kokuene kuenda ku vakukululu yene. 40 Kuenje ndi ka nena kokuene eyambulo kuenda esepu okuti, lalimue eteke vi ka ivaliwa.”’”+
24 Nevukandesa soma yo Bavulono noke yoku tuala Yekoniya*+ omõla a Yehoyakimi+ soma yo Yuda kumandekua kumue lolombuale vio Yuda, olomesele kuenda vakuakutela utale,* Yehova wa ndi lekisa akualu avali akuyu a kala kovaso yonembele ya Yehova; eye wa vopa ko Yerusalãi oku va tuala ko Bavulono.+ 2 Vekualu limue mua kala akuyu awa, a soka ndakuyu okaliye, pole, vekualu likuavo mua kala akuyu ãvi okuti, ãvi calua kuenda ka citava oku a lia.
3 Yehova noke wa ndi pula hati: “Nye o lete, a Yeremiya?” Ame nda tambulula siti: “Ndete akuyu; akuyu awa, awa calua, pole, ana ãvi, ãvi calua, o-o ãvi calua okuti ka citava oku a lia.”+
4 Noke ondaka ya Yehova yeya kokuange yiti: 5 “Ca popia Yehova Suku ya Isareli ceci hati: ‘Ndeci akuyu a-a awa, ame ndi ka linga eci ciwa kolomandekua vio Yuda vina ndopa kocitumãlo eci loku vi tuma kofeka ya va Kaldea. 6 Ndi ka vi lavulula omo liuwa wavo kuenda ndi ka ecelela okuti vi tiuka vali vofeka eyi.+ Ndi ka vi luisa okuti, ka vi nyõleha; ndi ka vi kũla kuenda si ka vi tukũla.+ 7 Kuenje ndi ka eca kokuavio utima woku ndi kũlĩha okuti, ame ndi Yehova.+ Ovo va ka linga omanu vange kuenda ame ndi ka linga Suku yavo,+ momo ovo va ka tiuka kokuange lutima wavo wosi.+
8 “‘Pole, catiamẽla kakuyu ãvi okuti, ãvi calua, ao ka citava oku a lia,+ ca popia Yehova ceci hati: “Cimuamue haico ndi ka tenda Sedekiya Soma+ yo Yuda, lolombuale viaye, ocisupe co Yerusalãi cina ca supa vofeka eyi kuenda vana va tunga vofeka Yegito.+ 9 Ndi ka ecelela okuti, ovo va kala ocikuata cimue cocinjoko kuenda cohali kovosoma osi o kilu lieve,+ esanumũlo, olusapo lumue, ocimãho coku pembuiwa kuenda esiñalo+ kovitumãlo viosi vina ndi va sanduila.+ 10 Kuenje ame ndi ka tuma osipata kokuavo oco yi va katukile,+ lonjala lefengi,*+ toke eci ovo va nyõliwa vofeka nda eca kokuavo kuenda ku vakukululu yavo.”’”
25 Kunyamo wakuãla wa Yehoyakimi+ omõla a Yosiya, soma yo Yuda okuti, kunyamo watete wa Soma Nevukandesa wo ko Bavulono, Yeremiya wa tambula ondaka yimue yatiamẽla komanu vosi vo ko Yuda. 2 Ca popia Yeremiya uprofeto catiamẽla komanu vosi vo ko Yuda kuenda kolonungi viosi vio Yerusalãi ceci hati:
3 “Oku upisa kunyamo 13 wuviali wa Yosiya+ omõla a Amoni soma yo Yuda, toke etaili, vokuenda kuanyamo 23, nda enda oku tambula ondaka ya Yehova kuenda oku sapela lene olonjanja vialua,* pole, ene ka vu yevi.+ 4 Kuenje Yehova wa enda oku tuma akuenje vaye vosi ovaprofeto kokuene, poku va tuma olonjanja vialua,* pole, ene ka wa yeveleli lutate ndaño oku kuluila ovatuĩ ene oku va yeva.+ 5 Ovo va enda oku popia hati: ‘Lingi ohenda, tinduki kolonjila viene vĩvi kuenda kovilinga viene vĩvi;+ kuenje vu kamamako oku kala otembo yalua vofeka yina Yehova a eca osimbu kokuene kuenda ku vakukululu yene. 6 Ko ka kuami olosuku vikuavo, ndaño oku vi vumba, ale oku vi kekamẽla, poku ndi sanumũla lovopange ovaka ene; sanga ndi nena ohali kokuene.’
7 “‘Pole, ene ka wa njeveleli,’ oco Yehova a popia. ‘Handi lopo ene wa ndi sanumũli lupange wovaka ene oco vu li neneli ene muẽle ohali.’+
8 “Omo liaco, ca popia Yehova ukualohoka ceci hati: “‘Omo okuti ka wa pokuili kolondaka viange, 9 ñasi oku tuma kapata osi o konano,”+ oco Yehova a popia, “ndi kasi oku tuma Soma Nevukandesa wo ko Bavulono ukuenje wange+ kuenda ndi ka va nena oco va katukile ofeka eyi+ lolonungi vialio kuenda va katukilavo olofeka viosi vi lisungue layo.+ Ndi ka va kundula loku va lingisa ocikuata coku yokoka kuenda ocina cimue coku sika ovilua loku nyõliwa otembo ka yi pui. 10 Ndi ka malako ocileñi conjolela kuenda ocileñi cesanju ci kasi pokati kavo,+ pokati kondaka ya sandombua leyi ya ndombua,+ pokati kocileñi combambo kuenda ocinyi condiyelo. 11 Kuenje ofeka yosi eyi, yi ka kunduiwa loku siala ovingululu kuenda ocikuata coku yokoka kuenje olofeka evi vi ka vumba soma yo Bavulono ci soka 70 kanyamo.”’+
12 “‘Pole, eci ku tẽlisiwa 70 kanyamo ndi ka kangisa+ Soma yo Bavulono kuenda ofeka yaco omo liakulueya avo,’+ oco Yehova a popia, ‘kuenje ndi ka lingisa ofeka ya va Kaldea ekango limue liekalasoko otembo yosi.+ 13 Ndi ka nena kofeka yaco, olondaka viange viosi nda popia vioku yi katukila, oku kongelamo ovina viosi via sonehiwa velivulu eli, vina Yeremiya a imbila owanji olofeka viosi. 14 Momo olofeka vialua kuenda olosoma via pama,+ vi ka va lingisa apika+ kuenje ndi ka va fetuluinya ndomo ci likuata lovilinga viavo kuenda ovopange ovaka avo muẽle.’”+
15 Yehova Suku ya Isareli wa ndi sapuila hati: “Tambula peka liange okopo eyi yovinyu yonyeño yange kuenje nyuisa olofeka viosi kuna hu tuma. 16 Ovo va ka nyua kuenda va ka yengenga kuenje va ka kala ndayui omo liosipata ndi kasi oku tuma pokati kavo.”+
17 Omo liaco, nda tambula okopo ya kala peka lia Yehova kuenda nda lingisa okuti, olofeka viosi vina Yehova a ndi tuma vi nyuako, ndeci:+ 18 oku fetikila lo Yerusalãi kuenda alupale o Yuda,+ olosoma vialio kuenda olombuale vialio, oco va nyõliwe loku kala ocikuata coku yokoka, ocina cimue coku sika ovilua kuenda esiñalo,+ ndeci ci kasi etaili; 19 la Fareo soma Yegito, lakuenje vaye, lolombuale viaye, lomanu vaye vosi,+ 20 kuenda omanu vosi va litepa va kasi pokati kavo; olosoma viosi viofeka yo Usi; olosoma viofeka ya va Filisiti,+ Asikelone,+ Gasa, Ekirone kuenda vana va supa vo Asidode; 21 Edome,+ Moavi+ kuenda va Amoni;+ 22 olosoma viosi vio Turo, olosoma viosi vio Sidono+ kuenda olosoma viocifuka cokalunga; 23 Dedane,+ Tema, Busi kuenda vosi vana va kuete esinga lia tetiwa povipolo;+ 24 olosoma viosi vio Arabia+ kuenda olosoma viosi via litepa via tunga vekalasoko; 25 olosoma viosi vio Simiri, olosoma viosi vio Elami+ kuenda olosoma viosi vio Media;+ 26 olosoma viosi vio konẽle yo konano evi viocipepi kuenda viocipãla okuti, omunu lukuavo kuenda ovosoma osi akuavo a kasi kilu lieve liosi; kuenje soma yo Sesake*+ o ka nyua noke liavo.
27 “Kuenje ove o sukila oku va sapuila hati: ‘Ca popia Yehova ukualohoka, Suku ya Isareli ceci hati: “Nyui kuenda kolui loku lisanjala kuenje kupuki okuti, ka vu tẽla vali oku votoka+ omo liosipata ñasi oku tuma kokuene.”’ 28 Nda ovo va likala oku kuata okopo yi kasi peka liove oco va nyue, va sapuila hati: ‘Ca popia Yehova ukualohoka ceci hati: “Ene vu sukila oku yi nyua! 29 Momo tala! nda ame ndi nena tete efengi volupale lu tukuiwa londuko yange,+ anga hẽ ene ka vu yambuiwa?”’+
“‘Ene ka vu ka puluka, momo ñasi oku tuma osipata oco yi katukile olonungi viosi vio kilu lieve,’ oco Yehova ukualohoka a popia.
30 “Kuenje ove, va imbila owanji wolondaka evi viosi kuenda va sapuila hati:
‘Oku upisa kilu Yehova o ka koma ndohosi,
Kuenda oku upisa kocitumãlo caye ci kola, eye o ka yevalisa ondaka yaye.
Eye o ka komẽla lolukandi kocitumãlo caye a tunga.
O ka kaluka nda vana va kosa ayuva kocikoselo,
Eye o ka imbila lolukandi olonungi viosi vio kilu lieve.’
31 ‘Onjuela yimue yi ka yevalela kasulilo o kilu lieve,
Momo Yehova o kuete ondaka yimue lolofeka,
Kuenda eye o ka ponda olondingaĩvi losipata,’ oco Yehova a popia.
32 Ca popia Yehova ukualohoka ceci hati:
‘Tali! Ohali yimue yi kasi oku lisanduila oku upisa kofeka yimue toke kofeka yikuavo,+
Kuenda ehunguhungu limue linene liofela li ka tunda oku upisa kovitumãlo viocipãla vio kilu lieve.+
33 “‘Kuenje vana va pondiwa la Yehova keteke liaco, va ka sanduiwa kesulilo limue lio kilu lieve toke kesulilo likuavo lio kilu lieve. Ovo ka va ka liliwa, ka va kongoluiwa, ale oku kendiwa. Ovo va ka kala ndotulumu kilu lieve.’
34 Lisiõsiõli, ene angombo kuenda kaluki lolukandi!
Litiñolõli posi, ene asongui vocunda,
Momo otembo yene yoku pondiwa kuenda yoku sanduiwa ya pitĩla,
Kuenje ene vu ka kupuka ndocikuata cimue cotuma ci kuete esilivilo!
35 Angombo ka va kuete ocitumãlo cimue coku tilila,
Kuenda asongui vocunda, ka kuli oku va tilila.
36 Yeveleli! Oku kaluka kuangombo
Kuenda oku liyula kuasongui vocunda,
Momo Yehova o kasi oku nyõla usenge wavo woku lisila oviunda.
37 Kuenje ovitumãlo viombembua via siala upolokoso
Omo lionyeño yalua ya Yehova.
38 Eye wa tunda vocitililo caye ndohosi yimue yumalẽhe,*+
Momo ofeka yavo ya linga ocikuata coku yokoka
Omo liosipata yenyõleho
Kuenda omo lionyeño yaye yalua.”
26 Kefetikilo liuviali wa soma Yehoyakimi+ omõla a Yosiya soma yo Yuda, ondaka ya tunda ku Yehova yeyi yokuti: 2 “Ca popia Yehova ceci hati: ‘Talama vocitali conjo ya Yehova kuenda popia eci catiamẽla komanu vosi va kasi valupale o Yuda, vana va kasi oku iya oco va fendele* vonjo ya Yehova. Va sapuila ovina viosi nda ku handeleka; ku ka kambisepo ondaka layimue. 3 Pamue ovo va ka yeva kuenda omunu lomunu o ka tinduka konjila yaye yĩvi kuenje ame ndi ka pongolola ovisimĩlo viange viatiamẽla* keyambulo nda yonguile oku nena kokuavo omo liovilinga viavo vĩvi.+ 4 Va sapuila okuti: “Ca popia Yehova ceci hati: ‘Nda ene ka vu njevelela poku kuama ovihandeleko viange vina nda eca kokuene, 5 poku yevelela kolondaka viakuenje vange ovaprofeto, vana nda enda oku tuma kokuene olonjanja vialua,* vana ene ka wa yeveleli,+ 6 ndi ka lingisa onjo eyi ndo Silo+ kuenda ndi ka lingisa olupale olu ocikuata cimue cesiñalo kolofeka viosi vio kilu lieve.’”’”+
7 Kuenje ovitunda kuenda ovaprofeto kumue lomanu vosi, va yeva olondaka viaco Yeremiya a vanguila vonjo ya Yehova.+ 8 Eci Yeremiya a mala oku vangula cosi Yehova o handelekele oku sapuila omanu vosi, ovitunda kuenda ovaprofeto kumue lomanu vosi, vo kuata kuenje vati: “Ove o sesamẽla muẽle oku fa. 9 Momo lie wa imbila owanji vonduko ya Yehova poku popia hati: ‘Onjo eyi yi ka kala ndo Silo kuenda olupale olu lu ka nyõliwa okuti ka mu ka kala vali olonungi’?” Noke omanu vosi va ñuala Yeremiya vonjo ya Yehova.
10 Eci olombuale vio Yuda via yeva olondaka viaco, via lamanela oku upisa konjo* ya soma toke konjo ya Yehova kuenje via tumãla puvelo wombundi yokaliye yonjo ya Yehova.+ 11 Ovitunda kuenda ovaprofeto va sapuila olombuale kumue lomanu vosi vati: “Ulume u-u, o sesamẽla oku fa,+ momo eye wa imba owanji wohali yimue yatiamẽla kolupale olu, ndomo wa ci yevi lovatũi ene muẽle.”+
12 Noke Yeremiya wa sapuila olombuale viosi kuenda omanu vosi hati: “Yehova eye wa ndi tuma oku imba owanji watiamẽla koku katukila onjo eyi kuenda kolupale olu, olondaka viosi wa yevi.+ 13 Omo liaco, cilo tinduki kolonjila viene lo kovilinga viene kuenje pokoli ku Yehova Suku yene kuenda Yehova o ka pongolola ovisimĩlo viaye viatiamẽla* kohali eye a popia kokuene.+ 14 Pole, catiamẽla kokuange, ñasi peka liene. Lingi kokuange ndomo ca sunguluka kovaso ene. 15 Pole, limbuki okuti, nda wa ndi pondi, osonde yomunu ka kuete eko, yi wila kokuene muẽle kuenda kolupale olu kumue lolonungi vialio, momo ocili okuti, Yehova eye muẽle wa ndi tuma kokuene oco ndi vangule olondaka viosi evi vovatũi ene.”
16 Noke olombuale kuenda omanu vosi va sapuila ovitunda lovaprofeto vati: “Ulume u-u, ka sesamẽla oku fa, momo eye wa tu sapuila vonduko ya Yehova Suku yetu.”
17 Handi vali, akulu vamue vo vofeka va katuka kuenda va fetika oku sapuila omanu vosi va liongolola vati: 18 “Mika+ wo ko Morasiti, una wa enda oku imba owanji koloneke via Soma Hesekiya+ wo ko Yuda, wa sapuila omanu vosi vo ko Yuda hati: ‘Ca popia Yehova ukualohoka ceci hati:
“O Siono yi ka putuiwa ndepia limue,
O Yerusalãi yi ka linga ondunda yovingululu,+
Kuenda omunda Yonjo* yi ka kala ndovitumãlo via lepa vusenge umue.”’+
19 “Anga hẽ Hesekiya Soma yo Yuda kumue lo Yuda yosi vo ponda? Eye hẽ ka sumbilile Yehova kuenda ka pingile ohenda* ya Yehova, oco Yehova a pongolole ocisimĩlo caye catiamẽla* kohali eye a va sapuilile?+ Omo liaco, etu muẽle tu kasi oku li nenela ohali yalua.
20 “Kuenje kua kala ulume ukuavo wa imba owanji vonduko ya Yehova okuti, Uriya omõla a Semaya wo ko Kiriyata-Yeari,+ una wa imba owanji watiamẽla koku katukila olupale olu kuenda ofeka eyi lolondaka ndevi via Yeremiya. 21 Soma Yehoyakimi+ kuenda asualali vaye vosi va pama kumue lolombuale viosi, va yeva olondaka viaco kuenje soma wa sanda oku u ponda.+ Eci Uriya a ci yeva, wa kuata usumba kuenda wa tilila Kegito. 22 Noke Soma Yehoyakimi wa tuma Elinatana+ omõla a Akibore kuenda omanu vakuavo Kegito. 23 Ovo va nena Uriya oku upisa Kegito kuenda vo weca ku soma Yehoyakimi, una wo ponda losipata+ kuenje etimba liaye wa li kenda kocitumãlo va siata oku kendela omanu vosi.”
24 Pole, Ahikama+ omõla a Siafane+ wa kuatisa Yeremiya okuti, ka eciwa peka liomanu oco vo ponde.+
27 Kefetikilo liuviali wa Yehoyakimi omõla a Yosiya, soma yo Yuda, ondaka ya Yehova yeya ku Yeremiya yiti: 2 “Yehova wa ndi sapuila hati: ‘Li pangela ovikolo kuenda okanga, noke vi kapa kosingo yove. 3 Kuenje vi tuma ku soma yo Edome,+ ku soma yo Moavi,+ ku soma ya va Amoni,+ ku soma yo Turo+ kuenda ku soma yo Sidono,+ peka liolomunga vieya ko Yerusalãi, oco va li sange la Soma Sedekiya wo ko Yuda. 4 Eca kokuavo ocihandeleko eci kolombiali viavo cokuti:
“‘“Eci oco Yehova ukualohoka Suku ya Isareli a popia; eci oco vu sukila oku popia kolombiali viene hati: 5 ‘Ame una nda panga ilu lieve, omanu kuenda ovinyama vi kasi kilu lieve lunene wange walua, lokuokuo kuange kuolõha; kuenje ndi vi eca ku una ndi sanjukila.*+ 6 Cilo, ngeca olofeka evi peka liukuenje wange Soma Nevukandesa+ wo ko Bavulono; ndaño muẽle ovinyama viovusenge ndi vi eca kokuaye oco viu vumbe. 7 Olofeka viosi vi ko vumba kuenda vi ka vumbavo omõlaye kumue lonekulu yaye, toke eci otembo yusoma wavo yi pitĩla kesulilo,+ eci olofeka vialua kuenda olosoma vi kuete unene viu ko lingisa upika wavo.’+
8 “‘“‘Nda ofeka yimue ale usoma umue u likala oku vumba Soma Nevukandesa wo ko Bavulono kuenda oku likala oku kapa osingo vemi liokanga ya soma yo Bavulono, ndi ka yambula ofeka yaco losipata,+ lonjala kuenda lefengi,* oco Yehova a popia, ‘toke eci ndi va nyõla peka liaye.’
9 “‘“‘Omo liaco, ko ka yeveleli ovaprofeto vene, ndaño vakuakutãha, vakuakulota olonjoi, vakuakusingila, lovimbanda viene, vana va kasi oku vu sapuili vati: “Ene ka vu ka vumba soma yo ko Bavulono.” 10 Momo ovo va kasi oku vu imbili owanji wuhembi, omo liaco, ene vu ka ambatiwa ocipãla lofeka yene kuenje ndi ka vu sandoli loku vu nyõli.
11 “‘“‘Pole, ofeka yina yi kapa osingo vemẽhi liokanga ya soma yo Bavulono kuenda oku u vumba, ame ndi ka ecelela okuti, yamamako* vofeka yalio,’ oco Yehova a popia, ‘oco va yi lime kuenda oku tungamo.’”’”
12 Handi vali, Soma Sedekiya+ wo ko Yuda ndo sapuila lonjila yimuamue poku popia hati: “Kapi olosingo viene vemẽhi liokanga ya soma yo Bavulono loku u vumba kumue lomanu vaye kuenda vu kamamako oku kala lomuenyo.+ 13 Momo lie ove kumue lomanu vove vu fila losipata,+ lonjala+ lefengi+ ndomo Yehova a sapuila ofeka yina ka yi ka vumba soma yo Bavulono? 14 Ko ka yeveleli kolondaka viovaprofeto vana va kasi oku popia vati: ‘Ene ka vu ka vumba soma yo Bavulono,’+ momo va kasi oku imba owanji wuhembi kokuene.+
15 “‘Momo ame sia va tumile,’ oco Yehova a popia, ‘pole, ovo va kasi oku imba owanji wuhembi vonduko yange, eli olio esunga lieci ndi ka vu sanduili kuenje ene vu ka nyõliwa kumue lovaprofeto vana va kasi oku vu imbili owanji.”’+
16 Kuenje kovitunda kuenda komanu vosi, nda va sapuila siti: “Ca popia Yehova ceci hati: ‘Ko ka yeveleli kolondaka viovaprofeto vene vana va kasi oku vu imbili owanji vati: “Tali! Ovikuata vionjo ya Yehova ndopo vi ka tualiwa vali ko Bavulono!”+ momo va kasi oku imba owanji wuhembi kokuene.+ 17 Ko ka va yeveleli. Vumbi soma yo Bavulono kuenje vu kamamako oku kala lomuenyo.+ Momo lie olupale olu lu lingila ovingululu? 18 Pole, nda ovo ovaprofeto kuenda nda Yehova wa siata muẽle oku vangula lavo, va linge ohenda, va pinge ku Yehova ukualohoka okuti, ovikuata viosi via supa vonjo ya Yehova, vonjo ya soma yo Yuda kuenda vo Yerusalãi ka vi kambatiwe ko Bavulono.’
19 “Momo Yehova ukualohoka wa popia eci catiamẽla kolongunji,+ Kokalunga+ kosipi, kotuakãlu+ kuenda kovikuata via supapo via siwa volupale olu, 20 vina Soma Nevukandesa wo ko Bavulono kambatele eci eye ambata kumandekua Yekoniya omõla a Yehoyakimi, soma yo Yuda, oku upisa ko Yerusalãi toke ko Bavulono, kumue lolombuale viosi vio Yuda kuenda vio Yerusalãi;+ 21 ocili, ca popia Yehova ukualohoka Suku ya Isareli catiamẽla kovikuata via siwa vonjo ya Yehova, vonjo ya soma yo Yuda kuenda vo Yerusalãi ceci hati: 22 “‘Ovio vi kambatiwa ko Bavulono+ kuenda oko vi ka kala toke eci ndi tiamisila vali utima wange kokuavio,” oco Yehova a popia. “Noke ndi ka vi tiuwiya loku vi nena vocitumãlo eci.”’”+
28 Kunyamo waco, kefetikilo liuviali wa soma Sedekiya+ wo ko Yuda, kunyamo wakuãla, kosãi yatãlo, uprofeto Hananiya omõla a Asure wo ko Giveone+ wa sapela lame konjo ya Yehova kovaso yovitunda kuenda komanu vosi hati: 2 “Ca popia Yehova ukualohoka, Suku ya Isareli ceci hati: ‘Ndi ka teya okanga ya soma yo Bavulono.+ 3 Vokuenda kuanyamo avali,* ndi ka nena vali kocitumãlo eci ovikuata viosi vionjo ya Yehova, vina Soma Nevukandesa wo ko Bavulono opa vocitumãlo cilo loku vi nena ko Bavulono.’”+ 4 Kuenje ndi ka nena vali kocitumãlo eci Yekoniya+ omõla a Yehoyakimi,+ soma yo Yuda kuenda olomandekua viosi vio Yuda okuti, vi ambatiwa ko Bavulono,’+ oco Yehova a popia, ‘momo ndi ka teya okanga ya soma yo Bavulono.’”
5 Noke uprofeto Yeremiya wa vangula luprofeto Hananiya kovaso yovitunda kuenda kovaso yomanu vosi vana va talama vonjo ya Yehova. 6 Uprofeto Yeremiya wa popia hati: “Amene!* Yehova a ci linge! Yehova a tẽlise olondaka vina ove wa imbila owanji, poku tiula ko Bavulono kocitumãlo eci, ovikuata vionjo ya Yehova kuenda omanu vosi vambatiwile kumandekua! 7 Omo liaco, linga ohenda, yevelela esapulo ñasi oku vanguila vovatũi ove kuenda vovatũi omanu vosi. 8 Ovaprofeto vana va ndi liangela kuenda va ku liangela, vokuenda kuotembo yalua va imba owanji watiamẽla kolofeka vialua kuenda kovosoma vakuonene, kuyaki, kohali kuenda kefengi.* 9 Nda uprofeto umue imba owanji wombembua kuenje ondaka yuprofeto waco yi tẽlisiwa, ci ka kũlĩhĩwa okuti, Yehova eye wa tuma muẽle uprofeto waco.”
10 Omo liaco, uprofeto Hananiya wopa okanga posingo yuprofeto Yeremiya kuenje wa yi teya.+ 11 Hananiya wa vanguila kovaso yomanu vosi va kalapo hati: “Eci oco Yehova a popia okuti, ‘Ndi ka teyavo lonjila ndeyi okanga soma Nevukandesa wo ko Bavulono a kapa kosingo yolofeka viosi vokuenda kuanyamo avali.’”+ Kuenje uprofeto Yeremiya wa enda lonjila yaye.
12 Noke yuprofeto Hananiya oku upa okanga kosingo yuprofeto Yeremiya loku yi teya, Yeremiya wa tambula esapulo lia tunda ku Yehova liokuti: 13 “Kuende, sapuila Hananiya okuti: ‘Ca popia Yehova ceci hati: “Ove wa teya okanga yuti,+ pole, pocitumãlo cayo, o ka pangelapo okanga yutale.” 14 Ca popia Yehova ukualohoka, Suku ya Isareli ceci hati: “Ndi ka kapa okanga yutale kosingo yolofeka evi viosi, oco vi vumbe Soma Nevukandesa wo ko Bavulono kuenda ovo va sukila oku u vumba.+ Ndaño muẽle ovinyama viovusenge, ndi ka vi eca kokuaye.”’”+
15 Noke uprofeto Yeremiya wa sapuila uprofeto Hananiya+ hati: “Linga ohenda yevelela, A Hananiya! Yehova ka ku tumile, pole, ove wa lingisa okuti, omanu ava va kolela kuhembi.+ 16 Omo liaco, ca popia Yehova ceci hati: ‘Tala! Ame ndu kupa kilu lieve. Unyamo ulo ove o ka fa, momo ove wa vetiya vakuavo oku siñila Yehova.’”+
17 Kuenje uprofeto Hananiya wa fa kunyamo waco, kosãi yepanduvali.
29 Evi ovio olondaka viukanda uprofeto Yeremiya a tuma oku upisa ko Yerusalãi oco vi ende kakulu va supa pokati komanu olomandekua, kovitunda, kovoprofeto kuenda komanu vosi vana Nevukandesa ambatele kumandekua, poku tunda ko Yerusalãi toke ko Bavulono, 2 noke lia Soma Yekoniya,+ ina ya soma,*+ vakesongo kelombe, olombuale vio Yuda kuenda vio ko Yerusalãi, olomesele la vakuakutela utale* va tunda vo Yerusalãi.+ 3 Eye wa tuma ukanda peka lia Elasa omõla a Siafane+ kuenda lia Gemariya omõla a Hilikiya, vana Soma Sedekiya+ wo ko Yuda a tuma ko Bavulono ku Soma Nevukandesa wo ko Bavulono. Ukanda waco wa popia hati:
4 “Ca popia Yehova ukualohoka, Suku ya Isareli, komanu vosi olomandekua vana nda ecelela okuti, va enda kumandekua poku tunda ko Yerusalãi oku enda ko Bavulono ceci hati: 5 ‘Tungi olonjo kuenda kalimo. Kũli oviti viapako kuenda li kapako aco. 6 Kueli akãi loku cita omãla valume lomãla vakãi; sandeli akãi omãla vene valume kuenda eci omãla vene vakãi oco va kueliwe okuti, va vakuatavo omãla valume lomãla vakãi. Livokiyi kuenda ko ka tepuluki. 7 Sandi ombembua oco yi kale volupale luna ame nda ku kapi kumandekua kuenda likutililiko olupale luaco ku Yehova, momo ombembua yalio yi ka lomboloka ombembua kokuene.+ 8 Momo ca popia Yehova ukualohoka Suku ya Isareli ceci hati: “Ko ka eceleli oku yapuisiwa lovaprofeto vene la vakuakutãha va kasi pokati kene+ kuenda ko ka yeveleli olonjoi va kasi oku lota. 9 Momo ‘ovo va kasi oku vu imbili owanji wuhembi vonduko yange. Ame sia va tumile,’+ oco Yehova a popia.”’”
10 “Momo ca popia Yehova ceci hati: ‘Eci ku tẽlisiwa 70 kanyamo ko Bavulono, ndi ka vu ivaluki+ kuenda ndi ka tẽlisa ohuminyo yange yiwa yoku vu neni vali vocitumãlo eci.’+
11 “‘Momo nda kũlĩha ciwa ovisimĩlo ndu vu kueteli,’ oco Yehova a popia, ‘ovisimĩlo viombembua okuti, haviohaliko,+ oco ngece kokuene ekalo liwa kuenda elavoko limue.+ 12 Kuenje ene vu ka mbilikiya kuenda vu keya kokuange vocakati cohutililo kuenje ame ndi ka vu yeveleli.’+
13 “‘Ene vu ka ndi sandiliya+ kuenje vu ka ndi sanga, momo vu ka ndi sandiliya lutima wene wosi.+ 14 Ndi ka ecelela okuti ene vu ndi sanga,’+ oco Yehova a popia. ‘Kuenda ndi ka ongolola olomandekua viene loku vu kongeli pokati kolofeka viosi kuenda kovitumãlo vina ndo sanduili,’+ oco Yehova a popia. ‘Kuenje ndi ka vu neni vali kocitumãlo cina nda ecelela okuti wendi kumandekua.’+
15 “Pole, ene wa popi hoti: ‘Yehova wa tu katuila ovaprofeto ko Bavulono.’
16 “Momo ca popia Yehova kosoma ya tumãla kocalo ca Daviti+ kuenda komanu vosi va tunga volupale lulo, vamanjene vana ka va ambatiwile kumue lene kumandekua ceci hati: 17 ‘Ca popia Yehova ukualohoka ceci hati: “Ñasi oku tuma kokuavo osipata, onjala kuenda efengi*+ kuenje ndi ka va lingisa ndakuyu a vola* hao ãvi calua okuti, ka a tava oku a lia.”’+
18 “‘Ndi ka va katukila losipata,+ lonjala kuenda lefengi kuenje ndi ka ecelela okuti ovo va kala ocikuata cimue cocinjoko kovosoma osi o kilu lieve+ kuenda esiñalo locikuata cimue coku komõha, ocina cimue coku sika ovilua+ kuenda cesanumũlo pokati kolofeka viosi kuna ndi va sanduila,+ 19 momo ka va yevelele kolondaka viange vina nda tuma kokuavo lakuenje vange ovaprofeto,’ oco Yehova a popia ‘poku va tuma olonjanja vialua.’*+
“‘Pole, ene ka wa yeveleli,’+ oco Yehova a popia.
20 “Omo liaco, yeveleli ondaka ya Yehova amanu vosi vu kasi kumandekua, ene ndo tundisi ko Yerusalãi oku vu tumi ko Bavulono. 21 Ca popia Yehova ukualohoka Suku ya Isareli catiamẽla ku Ahava, omõla a Kolaya kuenda catiamẽla ku Sedekiya, omõla a Maaseya vana va kasi oku imbila owanji wuhembi vonduko yange+ ceci hati: ‘Ñasi oku va eca peka lia Soma Nevukandesa wo ko Bavulono kuenje eye o ka va kunduila kovaso yene. 22 Kuenda eci ci ka pita lavo ci ka kala ndesiñalo li vanguiwa lolomandekua viosi vio ko Yuda, ko Bavulono liokuti: “Yehova a linge love ndeci a linga la Sedekiya kuenda la Ahava, vana soma yo Bavulono a yoka vondalu!” 23 momo ovo va linga ocina cimue ci kutisa osõi ko Isareli,+ poku linga ukahokolo lakãi va vana va lisungue lavo kuenda oku vangula olondaka viesanda vonduko yange okuti, sia va handelekele.+
“‘“Ame Una wa ci kũlĩha kuenda ame ndimbangi yaco,”+ oco Yehova a popia.’”
24 “Kuenje ku Semaya+ wo ko Nehelami o ka popia okuti, 25 ‘Ca popia Yehova ukualohoka Suku ya Isareli ceci hati: “Omo okuti ove wa tuma ovikanda vonduko yove komanu vosi va kasi ko Yerusalãi, ku Sofoniya+ omõla a Maaseya, ocitunda kuenda kovitunda viosi, poku popia hati, 26 ‘Yehova wa ku lingisa ocitunda pomangu yocitunda Yehoyada, oco o linge usongui wonjo ya Yehova, oco o lave omunu wosi eyui una okuti, o li lingisa nduprofeto loku u kapa kovikumbi;+ 27 oco hẽ, momo lie kua lemẽlele Yeremiya u Anatote+ una o kasi oku li lingisa nduprofeto kokuene?+ 28 Momo eye wa tuma esapulo limue kokuetu ko Bavulono liokuti: “Umandekua u ka kala otembo yalua! Tungi olonjo kuenda kalimo. Kũli oviumbo kuenda li apako avio,+—”’”’”
29 Eci ocitunda Sofoniya+ a tangela ukanda waco kovaso yuprofeto Yeremiya, 30 ondaka ya Yehova yeya ku Yeremiya yiti: 31 “Tuma esapulo komanu vosi va kasi kumandekua liokuti: ‘Ca popia Yehova catiamẽla ku Semaya wo ko Nehelami ceci hati: “Omo okuti, Semaya wa ku imbili owanji ndaño sio tumile kuenda wa seteka oku ku vetiyi oku tava kovohembi,+ 32 omo liaco, ca popia Yehova ceci hati: ‘Ñasi oku yambula Semaya wo ko Nehelami kuenda ovitumbulukila viaye. Lomue pokati kepata liaye o ka puluka pokati komanu ava kuenda eye ka ka mola ovina viwa ndi ka lingila omanu vange,’ oco Yehova a popia, ‘momo eye wa vetiya vakuavo oku sinĩla Yehova.’”’”
30 Yeremiya wa tambula ondaka ya tunda ku Yehova yokuti: 2 “Ca popia Yehova Suku ya Isareli ceci hati: ‘Soneha velivulu limue olondaka viosi ndu ku sapuila. 3 Momo “tala! oloneke vi kasi oku iya,” oco Yehova a popia, “eci ndi kongolola omanu vange olomandekua okuti, Isareli kuenda Yuda,”+ oco Yehova a popia kuenda ndi ka va nena vali vofeka nda eca ku vakukululu yavo kuenje ovo va ka yi piñala vali.”’”+
4 Evi ovio olondaka Yehova a sapuila ku Isareli kuenda ku Yuda.
5 Ca popia Yehova ceci hati:
“Tua yeva ovileñi viesakalalo;
Kuli lika ocinjoko, ka kuli ombembua.
6 Lingi ohenda, puli nda ulume o pondola oku cita.
Momo lie ovipala viosi via honguela?
7 Avoyo we! Momo eteke liaco li linga usumba.*+
Ka kuli eteke lia lisoka lalio,
Otembo yimue yohali ku Yakoba.
Pole, eye o ka popeliwa kotembo yaco.”
8 “Keteke liaco,” oco Yehova ukualohoka a popia, “ndi ka teya okanga yi kasi kosingo yove kuenda ndi ka tepa ovikolo* viove volonepa vivali; kuenje ovingendeleyi ka vi ko* lingisa vali upika wavio. 9 Omanu vange va ka vumba Yehova Suku yavo kuenda Daviti soma yavo, una ame ndi ka va katuila.”+
10 “Kuenje ove, okuenje wange Yakoba, ku ka kuate usumba,” oco Yehova a popia,
“Kuenda ku ka yokoke, A Isareli.+
Momo ame ndi ka ku yovola oku upisa kupãla
Kuenda ocitumbulukila cove, oku upisa kofeka yumandekua wavo.+
Yakoba o ka tiuka kuenda o ka tula utima okuti ka sakalala,
Lomue o ka va lingisa usumba.”+
11 “Momo ame ñasi love,” oco Yehova a popia, “oco ndu ku yovole.
12 Momo ca popia Yehova ceci hati:
“Epute liove ka li kuete esaku.+
Olio ka li kuete esaku.
13 Ka kuli laumue o livondelelako ocitangi cove,
Ka kuli lacimue ci sakula epute liove.
Ka kuli onjila yoku ku sakula.
14 Vakuacisola cove vosi va ku ivala.+
Ovo ka va ku sandiliya vali.
Momo nda ku veta ndeci unyãli umue a veta,+
Leyambulo liomunu umue ongangala,
Omo lieko liove linene kuenda akandu ove alua.+
15 Momo lie o litetelela omo liepute liove?
Evalo liove ka li kayi!
Omo lieko liove linene kuenda akandu ove alua+
Oco nda ku lingila ovina evi.
Vosi vana va ku punda, va ka pundiwavo,
Kuenda ame ndi ka eca vosi va ku punda ku vakuakupunda.”+
17 “Pole, ndi ka tumbulula uhayele wove kuenda ndi ka kayisa apute ove,”+ oco Yehova a popia,
“Ndaño va ku tukula okuti wa nyehũiwa poku popia hati:
‘Siono, una okuti, lomue u sandiliya.’”+
18 Ca popia Yehova ceci hati:
“Ñasi oku ongolola olomandekua violombalaka via Yakoba,+
Kuenda ndi ka kuatela ohenda olotavernakulu viaye.
Olupale lu ka tumbuluiwa kilu liomunda yalio,+
Kuenda osapalalo yi kuete ociteyuilo, yi ka talama apa ya kala ale.
19 Ovo va ka eca muẽle olopandu kuenda va ka kaluka lonjolela.+
Ame ndi ka va vokiya kuenda ovo ka va ka tepuluka;+
Ndi ka va luisa,*
Kuenje ovo ka va ka kala vatito ketendelo.+
20 Omãla vaye va ka kala ndeci va kala ale kosimbu,
Kuenda kovaso yange ohongele yaye yi ka kolapo.+
Ndi ka yambula vosi vana vo talisa ohali.+
21 Ombiali yaye yi ka kala umue pokati komanu vaye muẽle,
Kuenda pokati kaye pa ka tunda ombiali yaye.
Kuenje ame ndi ko nena ocipepi kuenda eye o ka amela kokuange.”
“Momo nda hacoko, helie o lukuta* oku amela kokuange?” oco Yehova a popia.
22 “Kuenje ene vu ka linga omanu vange+ kuenda ame ndi ka linga Suku yene.”+
23 Tali! Ehunguhungu limue liofela lia Yehova li ka wenguka lonyeño,+
Okuti, ocipepe cimue ci nyõla ci sikila kutue wolondingaĩvi.
24 Onyeño yalua ya Yehova ka yi ka tiukila konyima
Toke eci eye a ci linga loku tẽlisa ovisimĩlo viutima waye.+
Konepa ya sulako yoloneke, vu ka kuata elomboloko liaco.+
31 “Kotembo yaco,” oco Yehova a popia, “Ndi ka linga Suku yapata osi a Isareli kuenje ovo va ka linga omanu vange.”+
2 Ca popia Yehova ceci hati:
“Omanu vana va puluka kosipata, va sanga ohenda vekalasoko,
Eci Isareli a kala oku enda kocitumãlo caye cepuyuko.”
3 Yehova wa molẽha kokuange oku upisa ocipãla kuenje wa popia hati:
“Nda ku sola locisola ka ci pui.
Eli olio esunga lieci nda ku kokela kokuange locisola ka ci pongoloka.*+
4 Handi vali, ndi ka ku tumbulula kuenje ove o ka tumbuluiwa.+
Ofeko wosombo wo Isareli, ove o ka tikula vali olopandelu viove
Kuenje o ka tunda loku piluka lesanju.*+
5 Ove o ka kũla vali oviumbo viayuva kolomunda vio Samaria;+
Vakuakukũla va ka tuika kuenda va ka lia apako alio.+
6 Momo eteke li kasi oku iya eci olondavululi kolomunda vio Efarimi vi ka kaluka vati:
‘Katuki, tu lamaneli komunda yo Siono, kuna Yehova Suku yetu a tunga.’”+
7 Momo ca popia Yehova ceci hati:
“Imbili Yakoba ovisungo lesanju.
Kaluki lonjolela, momo ene vu kasi kilu liolofeka.+
Ci sapuli; eci esivayo kuenda popi hati:
‘A Yehova, popela omanu vove, ocisupe ca Isareli.’+
8 Ñasi oku va nena vali oku upisa kofeka yo konano.+
Ndi ka vongoluila pamosi oku upisa kolonepa viocipãla vio kilu lieve.+
Pokati kavo pa ka kala omeke kuenda ocilema,+
Ukãi omisi kuenda una o kasi oku cita, vosi pamosi.
Ovo va ka tiuka kulo ndekongelo limue linene.+
9 Ovo va keya loku lila.+
Ame ndi ka va songuila osimbu va pinga ohenda.
Ndi ka va songuila kolondui* viovava,+
Vonjila yimue ya tapika okuti, ka yi ka va kokela oku lilondoka.
Momo ame, ndi Isia umue ku Isareli kuenda Efarimi eye uveli wange.”+
10 Yeveleli ondaka ya Yehova ene alofeka,
Kuenda ci sapuli pokati kovifuka vi kasi ocipãla hati:+
“Una wa sandula Isareli eye u kongoluila pamosi.
Eye u ko lavulula ndeci ungombo a linga locunda caye.+
11 Momo Yehova o ka yovola Yakoba+
Kuenda o ko popela* peka lia una wa pama calua okuti, eye ci sule.+
12 Ovo va keya loku kaluka lonjolela kilu lio Siono+
Kuenje va ka nina luwa wa* Yehova,
Lolomema, lovinyu yokaliye+ kuenda ulela,
Lomãla volomeme kuenda volongombe.+
13 “Kotembo yaco, ufeko wosombo o ka piluka lesanju,
Kumue lalume amalẽhe kuenda alume va kuka.+
Ndi ka pongolola oku lila kuavo oco ku linge onjolela.+
Ndi ka va lembeleka loku eca kokuavo esanju okuti, esumuo liavo halioko.+
14 Ndi ka eca kovitunda okulia kualua,*
Kuenje omanu vange va kekuta lovina viwa ndi ka eca kokuavo,”+ oco Yehova a popia.
15 “Ca popia Yehova ceci hati:
‘Ondaka yimue yi yevalela ko Rama,+ elisiõsuĩlo kuenda oku lila kualua:
Rahele o kasi oku lilila omãla vaye.+
Eye wa likala oku lembelekiwa omo liomãla vaye,
Momo ovo ka va kasiko vali.’”+
16 Ca popia Yehova ceci hati:
“‘Kandangiya ondaka yove koku lila kuenda ovaso ove kasuẽlẽla,
Momo kuli onima yimue omo liupange wove,’ oco Yehova a popia.
‘Ovo va ka tiuka oku upisa kofeka yunyãli.’+
17 ‘Kuli elavoko limue kokuove kovaso yoloneke,’+ oco Yehova a popia.
‘Omãla vove va ka tiukila kocikanjo cavo muẽle.’”+
18 “Ame nda yeva muẽle oku lisiõsiõla kua Efarimi,
‘Ove wa ndi lungula kuenje ame nda lunguiwa,
Ndonãle yimue ka ya pindisiwile.
Ndi tiule vali kuenje ame ndi ka tiuka lonjanga,
Momo ove vu Yehova Suku yange.
19 Momo noke yoku tiukila konyima, nda yeva esumuo;+
Noke lioku kuata elomboloko, nda veta vocikalo cange lesumuo.
Omo liovilinga nda linga vutila wange
Nda kutisiwa osõi kuenda nda kapiwa kutito.’”+
20 “Efarimi hayeko hẽ omõla o soliwe una o ndi sanjuisa?+
Momo olonjanja viosi eci ndu pisa, handi ndu wivaluka.
Eli olio esunga lieci ovisimĩlo* viange via sakalalela mekonda liaye.+
Kuenje ame ndi ka lekisa muẽle ohenda kokuaye,” oco Yehova a popia.+
21 “Likapela olondimbukiso vetapalo,
Kuenda katuila olondimbukiso kokualio.+
Lavulula vetapalo, vonjila ove o ka pita.+
Tiuka, Ofeko wosombo wa Isareli, tiuka kalupale ove a-a.
22 Toke otembo yipi o ka pambuka, Amõla ukãi ku lekisa ekolelo?
Momo Yehova wa lulika ocina cimue cokaliye kilu lieve:
Ukãi umue o ka sandiliya ulume umue lonjongole yalua.”
23 Ca popia Yehova ukualohoka Suku ya Isareli ceci hati: “Ovo va ka popia vali olondaka evi vofeka yo Yuda kuenda valupale alio, eci ndi nena vali omanu vavo olomandekua vati: ‘Yehova a ku sumũlũise, Acitumãlo coku kala cesunga,+ Amunda yi kola.’+ 24 Kuenje vokualio o Yuda kumue lalupale alio osi, va ka tungila vosi pamosi, la vakuakulima kuenda vosi vana va songuila oviunda.+ 25 Momo ndi ka kavuluisa una wa kava kuenda oku tekula omunu wosi o kasi oku hongua.”+
26 Noke yovina viaco, nda pasuka kuenda nda petula ovaso ange kuenje otulo tuange tua kala tuwa.
27 “Tali! Oloneke vi kasi oku iya,” oco Yehova a popia, “eci onjo ya Isareli lonjo ya Yuda ndi ka vi kũla lombuto* yomunu kuenda ombuto yocunda.”+
28 “Ndeci nda va lavulula oco ndi tukũle, oku nyõla, oku teya, oku kundula kuenda oku linga eci civĩ,+ haico ndi ka va lavulula oco ndi tunge kuenda oku kũla,”+ oco Yehova a popia. 29 “Koloneke viaco, ka va ka popia vali vati: ‘Olonjali via lia ayuva a ngangama, pole, ovayo vomãla o-o a siala luña.’*+ 30 Pole, omunu lomunu o ka fa omo lioku lueya kuaye muẽle. Omunu wosi o lia ayuva a ngangama, eye muẽle o ka kuata uña vovayo.”
31 “Tali! Oloneke vi kasi oku iya,” oco Yehova a popia, “eci ndi ka linga ocisila cimue cokaliye lonjo ya Isareli kuenda onjo ya Yuda.+ 32 Oco ka ci ka kala ndocisila cina nda linga la vakukululu yavo keteke nda kuata peka liavo poku vopa vofeka Yegito,+ ‘ocisila cange cina ovo va sinĩla+ ndaño okuti, ame nda kala cime cavo cocili,’* oco Yehova a popia.”
33 “Momo eci oco ocisila ndi ka linga lonjo ya Isareli noke yoloneke viaco,” oco Yehova a popia. “Ndi ka kapa ocihandeleko cange vokati kavo+ kuenda ndi ka ci soneha vutima wavo.+ Kuenje ndi ka linga Suku yavo kuenda ovo va ka linga omanu vange.”+
34 “Ovo ka va ka longisa vali omunu yu a lisungue laye omunu yu a lisungue laye kuenda omunu lomunu oku longisa manjaye hati: ‘Kũlĩhi Yehova!’+ momo vosi yavo va ka ndi kũlĩha oku upisa kutito toke kunene pokati kavo,”+ oco Yehova a popia. “Momo ndi ka ecela oku lueya kuavo kuenda si ka ivaluka vali ekandu liavo.”+
35 Ca popia Yehova,
Una eca ekumbi oco li mĩhile kutanya,
Lovihandeleko* viosãi levi violombungululu oco vi mĩhile kuteke,
Una o lingisa okalunga oku tema kuenda akimba alio oku tumõha
Una okuti, onduko yaye Yehova ukualohoka, ceci hati:+
36 “‘Nda ovihandeleko evi ka via tẽlisiwile,’ oco Yehova a popia,
‘Nda oco lika ocitumbulukila ca Isareli ca imũha ndofeka yimue kovaso yange otembo yosi.’”+
37 Ca popia Yehova ceci hati: “‘Nda ovailu a ponduile oku setekiwa kuenda oviseveto vio kilu lieve vemẽhi via ponduile oku kũlĩhĩsiwa, nda oco lika nda nda likala ocitumbulukila cosi ca Isareli, omo liovina viosi va linga,’ oco Yehova a popia.”+
38 “Tali! Oloneke vi kasi oku iya,” oco Yehova a popia, “eci olupale lu ka tungiwa+ ku Yehova oku upisa Kosapalalo ya Hananele+ toke Kombundi Yevindi.+ 39 Ukolo woku seteka+ u ka enda toke kowulu wo Gareve kuenda u ka ñuala ko Goa. 40 Kuenje ocimbota* cosi covivimbi leci catiko* kuenda alusoka osi toke Kocimbota co Kedrone,+ oku endela kevindi Liombundi Yolokavalu+ oku endela kutundilo, vi ka kala ocina cimue ci kola ku Yehova.+ Oco, lalimue eteke ci ka tukũiwa vali ale oku kunduiwa.”
32 Kunyamo 10 wa Soma Sedekiya wo ko Yuda okuti, kunyamo 18 wa Nevukandesa,+ Yeremiya wa tambula ondaka ya tunda ku Yehova. 2 Kotembo yaco, olohoka via soma yo Bavulono, via ñualele o Yerusalãi ocingonja kuenda uprofeto Yeremiya wa yikiwile Kocitali Colondavululi+ vonjo* ya soma yo Yuda. 3 Momo Soma Sedekiya wo ko Yuda wo yikile poku popia+ hati: “Momo lie wimbila owanji lonjila eyi? Ove o popia hati: ‘Ca popia Yehova ceci hati: “Ndi ka eca olupale olu peka lia soma yo Bavulono kuenje eye o ka lu tambula,+ 4 noke Soma Sedekiya wo ko Yuda ka ka puluka ku va Kaldea, momo eye o ka eciwa muẽle peka lia soma yo Bavulono kuenje eye o ka vangula laye polo la polo kuenda va ka li vanja vaso la vaso.”’+ 5 ‘Eye o kambata Sedekiya ko Bavulono kuenje oko a ka kala toke eci ndi nõlapo eci ndi linga laye,’ oco Yehova a popia. ‘Ndaño okuti ene wamamiko oku liyaka la va Kaldea, ene ka vu ka yula.’”+
6 Yeremiya wa popia hati: “Ondaka ya Yehova yeya kokuange yiti, 7 ‘Hanamele omõla a Sialume inanu* yove, o keya kokuove loku popia hati: “Li landela epia liange ko Anatote,+ momo ove o kuete omoko yatete yoku li yovola.”’”+
8 Hanamele omõla a inanu yange weya kokuange, ndomo Yehova a ci popele Vocitali Colondavululi kuenje wa ndi sapuila hati: “Linga ohenda, landa epia liange ko Anatote kofeka ya Benjamini, momo ove o kuete omoko yoku li tambula kuenda yoku li yovola. Li landa oco li linge liove.” Kuenje nda limbuka okuti, ya kala ondaka ya Yehova.
9 Omo liaco, nda landa epia ko Anatote ku Hanamele omõla a inanu yange. Ame nda pesalisa olombongo+ oco vi eciwe kokuaye okuti, olosiekele* epanduvali kuenda ekũi liolopalata. 10 Noke nda soneha ukanda umue,+ nda kapako ondimbukiso, nda kovonga olombangi+ kuenda nda pesalisa olombongo kombalãsa. 11 Nda tikula ukanda woku landa una wa kapiwa ondimbukiso ndomo ci likuata locihandeleko kuenda olonumbi vi kisikiwa, oku kongelamo una ka wa kapiwile ondimbukiso, 12 kuenje nda eca ukanda woku landa ku Baruke+ omõla a Neriya+ omõla a Maheseiya, kovaso a Hanamele omõla a inanu yange, kovaso yolombangi vina via soneha vukanda woku landa kuenda kovaso ya va Yudea vosi va tumãlele Vocitali Colondavululi.+
13 Nda handeleka Baruke kovaso yavo siti: 14 “Ca popia Yehova ukualohoka, Suku ya Isareli ceci hati: ‘Tikula ovikanda evi okuti, ukanda woku landa wa kapiwa ondimbukiso kuenda ukanda ukuavo ka wa kapiwile ondimbukiso kuenje vi kapa vesanga limue liotuma oco okuti, vi kala otembo yalua.’ 15 Momo ca popia Yehova ukualohoka Suku ya Isareli ceci hati: ‘Olonjo kuenda ovapia kumue loviumbo viayuva, vi ka landiwa vali vofeka yilo.’”+
16 Noke yoku eca ukanda woku landa ku Baruke omõla a Neriya, nda likutilila ku Yehova hati: 17 “Avoyo we, A Ñala Tõlo Yehova! Tala! Ove wa panga ovailu kumue longongo lunene wove walua+ kuenda lokuokuo kuove kuolõha. Ka kuli lacimue kokuove ka ci tẽliwa, 18 Una o lekisa ocisola ka ci pongoloka kolohulukãi, pole, o feta oku lueya kua va isia komãla* vavo noke liavo,+ Suku yocili, ukuolamba haeye Suku ukuonene una okuti, onduko yaye Yehova ukualohoka. 19 Ove unene kelungulo* kuenda ukuonene kovilinga,+ ove una okuti, ovaso ove a lete olonjila viosi viomanu,+ oco wece komunu lomunu ndomo ci likuata lolonjila viaye kuenda eci a linga.+ 20 Ove wa linga olondimbukiso lovikomo kofeka Yegito, vina via kũlĩhĩwa toke etaili kuenje wa li lingila onduko yimue ko Isareli kuenda pokati komanu,+ ndeci ci kasi etaili. 21 Kuenje ove wopa omanu vove va Isareli vofeka Yegito, lolondimbukiso, lovikomo, leka lia pama, lokuokuo kuolõha kuenda ovilinga vi lingisa usumba.+
22 “Vokuenda kuotembo, wa eca kokuavo ofeka eyi, yina wa lisilile oku eca ku vakukululu yavo+ okuti, ofeka yimue yi tumõha asenjele lowiki.+ 23 Kuenje ovo va iñilamo kuenda va tambula ofeka yaco, pole, ka va pokuile kondaka yove ale oku endela vocihandeleko cove. Cosi wa va handeleka oku linga, ovo ka va ci lingile, omo liaco, wa va nenela ohali eyi yosi.+ 24 Tala! Omanu va kasi oku iya lovimbaka vioku katukila oco va tambule olupale+ kuenje omo liosipata,+ lionjala kuenda liefengi,*+ olupale lu ka kupukila muẽle peka lia va Kaldea vana va kasi oku liyaka laluo; ovina viosi wa popia via tẽlisiwa ndomo o ci lete cilo. 25 Pole, ove A Ñala Tõlo Yehova, wa ndi sapuila hati: ‘Li landela epia lolombongo kuenda kovonga olombangi,’ ndaño okuti olupale lu ka eciwa muẽle peka lia va Kaldea.”
26 Kuenje ondaka ya Yehova yeya ku Yeremiya yiti: 27 “Ame ndi Yehova, Suku yomanu vosi.* Anga hẽ kuli ocina cimue ka ci tẽliwa kokuange? 28 Omo liaco, ca popia Yehova ceci hati: ‘Ñasi oku eca olupale olu ku va Kaldea kuenda peka lia Soma Nevukandesa wo ko Bavulono kuenje eye o ka lu tambula.+ 29 Kuenje va Kaldea vana va kasi loku liyaka lolupale olu, va ka iñila kuenda va ka kapa ondalu volupale olu loku lu timĩha+ kumue lolonjo vina okuti, kalusoka aco, omanu va lumbilako Baale ovilumba kuenda va pesailako ovilumba vioku nyua kolosuku vikuavo oco va ndi sanumũle.’+
30 “‘Momo omanu va Isareli kuenda va Yuda va linga lika eci cĩvi kovaso ange tunde vutila wavo;+ omanu va Isareli vamamako oku ndi sanumũla lupange wovaka avo,’ oco Yehova a popia. 31 ‘Momo olupale olu, tunde keteke lua tungiwa toke etaili, lua siata oku wengula onyeño yange kuenda oku tema kuange,+ omo liaco, ndu lu nyõla kovaso ange,+ 32 omo liovilinga viosi vĩvi omanu va Isareli kuenda vo ko Yuda va siata oku linga, oco va ndi sanumũle, ovo, olosoma viavo,+ olombuale viavo,+ ovitunda viavo, ovaprofeto vavo+ kuenda omanu vo ko Yuda kumue lolonungi vio Yerusalãi. 33 Ovo vamamako oku njimba olonyima viavo okuti, ovipala viavo havioko;+ ndaño okuti, nda seteka oku va longisa olonjanja vialua,* lomue pokati kavo wa yevelela oco a tambule epindiso.+ 34 Kuenje ovo va kapa oviteka viavo via vĩha vonjo yi tukuiwa londuko yange, oco va yi vĩhise.+ 35 Handi vali, ovo va tunga ovitumãlo via lepa via Baale Vocimbota Comõla a Hinome,*+ oco va yoke omãla vavo valume kuenda omãla vavo vakãi vondalu ndocilumba* ku Moleke+ okuti, ocina cimue sia va handelekele oku linga+ kuenda lalimue eteke ceyile vutima* wange oku linga ocina caco ca vĩha, poku kokisa Yuda oku linga ekandu.’
36 “Omo liaco, ca popia Yehova Suku ya Isareli catiamẽla kolupale olu, luna vu kasi oku popia okuti, lu ka eciwa peka lia soma yo ko Bavulono losipata, lonjala kuenda lefengi ceci hati: 37 ‘Ndi ka vongolola oku upisa kolofeka viosi nda va sanduila lonyeño yange, lekaka liange kuenda oku tema kuange kualua+ kuenje ndi ka va nena vali vocitumãlo eci loku ecelela okuti, va tunga loku kolapo.+ 38 Kuenje ovo va ka linga omanu vange kuenda ame ndi ka linga Suku yavo.+ 39 Kuenje ndi ka va ĩha utima umuamue+ kuenda onjila yimuamue okuti, va ndi sumbila olonjanja viosi, oco va kuate ekalo liwa kumue lomãla vavo noke liavo.+ 40 Ndi ka linga lavo ocisila cimue cotembo ka yi pui,+ si ka liwekapo oku va lingila ovina viwa;+ kuenje ame ndi ka kapa esumbilo liange vovitima viavo oco okuti, ka va ndi yanduluka.+ 41 Ndi ka sanjukila oku va lingila ovina viwa+ kuenda ndi ka va kokela oku amamako oku tunga vofeka eyi+ lutima wange wosi kuenda longusu yange yosi.’”
42 “Momo ca popia Yehova ceci hati: ‘Ndeci nda nenela omanu ava ohali yosi eyi yalua, haico ndi ka va nenela uwa wosi* ndi kasi oku likuminya kokuavo.+ 43 Kuenje ovapia a ka landiwa vali vofeka eyi+ ndaño okuti ene vu kasi oku popia hati: “Oyo ya siala upolokoso okuti ka muli omanu ndaño ovinyama kuenda ya eciwa peka lia va Kaldea.”’
44 “‘Ovapia a ka landiwa lolombongo, ovikanda vioku landa vi ka sonehiwa kuenda vi ka kapiwa ondimbukiso kuenje olombangi vi ka kovongiwa kofeka ya Benjamini+ kovaimbo a lisungue lo Yerusalãi, valupale o Yuda,+ kovaimbo a kasi kolomunda, kalupale a kasi vemẽhi+ kuenda kalupale o kombuelo, momo ame ndi ka nena vali olomandekua viavo,’+ oco Yehova a popia.”
33 Ondaka ya Yehova yeya ku Yeremiya onjanja yavali osimbu eye a yikiwile Vocitali Colondavululi yiti:+ 2 “Ca popia Yehova Una wa panga ilu lieve, Yehova una wa li sovola kuenje wa li tumbika ciwa; Yehova oyo onduko yaye, ceci hati: 3 ‘Ndi vilikiye kuenje ndi ka ku tambulula kuenda ndi ka ku sapuila ovina vinene haivio ka via lelukile oku kuata elomboloko okuti, kua la vi kũlĩha.’”+
4 “Momo ca popia Yehova Suku ya Isareli catiamẽla kolonjo violupale lulo kuenda kolonjo violosoma vio Yuda, vina vi kasi oku nyõliwa omo liovimbaka vioku katukila kuenda osipata,+ 5 leci catiamẽla ku vana va kasi oku iya oku linga uyaki la va Kaldea, poku yukisa ovitumãlo vilo lovivimbi viomanu vana nda ponda omo lionyeño yange kuenda oku tema kuange kualua vana okuti, evĩho liavo lia ndi kokela oku vundisa ocipala cange kolupale olu ceci hati: 6 ‘Ñasi oku nena etumbululo kuenda uhayele kokualio+ kuenje ndi ka va kayisa loku eca kokuavo ombembua yalua kuenda ocili.+ 7 Ndi ka nena vali olomandekua vio Yuda kuenda olomandekua vio Isareli+ kuenje ndi ka vi sumũlũisa ndeci nda linga kefetikilo.+ 8 Kuenje ndi ka vi yelisa keko liosi liakandu avio via ndi lingila+ kuenda ndi ka ecela eko liosi liakandu avio lakulueya avio via ndi lingila.+ 9 Olupale luaco kokuange, lu ka kala onduko yimue yesanju, esivayo kuenda eposo kovaso yolofeka viosi vio kilu lieve vina vi ka yeva uwa wosi ndi lekisa kokuavo.+ Kuenje ovio vi ka kuata usumba kuenda vi ka luluma+ omo liuwa wosi lombembua ndi ka lekisa kolupale luaco.’”+
10 “Ca popia Yehova ceci hati: ‘Vocitumãlo cilo muna ene vu ka popia hati, ekalasoko okuti ka muli omunu ale ocinyama, valupale o Yuda kuenda volokololo vio Yerusalãi okuti, mua siala upolokoso haimo ka muli omunu, ale onungi, pamue ocinyama, mu ka yeviwa vali 11 ocileñi conjolela kuenda ocileñi cesanju,+ ondaka ya sandombua londaka ya ndombua, ondaka ya vana va kasi oku popia vati: “Eci olopandu ku Yehova ukualohoka, momo Yehova uwa;+ ocisola caye ka ci pongoloka ci kala otembo ka yi pui!”’+
“‘Omanu va ka nena ovilumba violopandu vonjo ya Yehova,+ momo ndi ka nena vali olomandekua viofeka ndeci kefetikilo,’ oco Yehova a popia.”
12 “Ca popia Yehova ukualohoka ceci hati: ‘Vekalasoko eli ka muli omunu, ale ocinyama kuenda valupale alio osi, mu ka kala vali ovisenge vioku lisila oviunda oco angombo va puyukisemo oviunda viavo.’+
13 “‘Valupale o kovaimbo a kasi kolomunda, valupale a kasi vemẽhi, valupale o kombuelo, vofeka ya Benjamini, vovaimbo a lisungue lo Yerusalãi+ kuenda valupale o Yuda,+ angombo va ka tenda vali olomeme viavo,’ oco Yehova a popia.”
14 “‘Tali! Oloneke vi kasi oku iya,’ oco Yehova a popia, ‘eci ndi ka tẽlisa ohuminyo yiwa yina nda popele yatiamẽla konjo ya Isareli kuenda konjo ya Yuda.+ 15 Koloneke viaco kuenda kotembo yaco, ame ndi ka kokisa okuti, ku Daviti ku yova ocinjovelela* cesunga+ kuenje eye o ka sombisa lesunga kuenda lesunguluko vofeka.+ 16 Koloneke viaco, o Yuda yi ka popeliwa+ kuenda o Yerusalãi yi ka tunga loku kolapo.+ Kuenje oyo yi ka tukuiwa ndoco: Yehova Eye Esunga Lietu.’”+
17 “Momo ca popia Yehova ceci hati: ‘Otembo yosi ku ka kala ulume umue ukuacikoti ca Daviti oco a tumãle kocalo conjo ya Isareli,+ 18 ndaño muẽle kovitunda va Lewi ka ku ka kambela omunu umue oco a talame kovaso yange oku eca ovilumba vioku pia elisi, oku yoka ovilumba violomema kuenda oku eca ovilumba.’”
19 Ondaka ya Yehova yeya vali ku Yeremiya yiti: 20 “Ca popia Yehova ceci hati: ‘Nda ene wa tẽleli oku imũla ocisila cange catiamẽla kutanya kuenda ocisila cange catiamẽla kuteke, oco ka ku ka kale utanya ale uteke votembo ya sokiyiwa,+ 21 nda oco lika ocisila cange nda linga lukuenje wange Daviti ca imũha,+ oco ka ka kuate omõla umue o viala ndosoma kocalo caye+ kuendavo ocisila cange nda linga lovitunda va Lewi akuenje vange.+ 22 Ndeci olohoka viovailu ka vi tẽliwa oku tendiwa kuenda eseke liokalunga ka li yongiwa, haico ndi ka vokiya ocitumbulukila* cukuenje wange Daviti kuenda va Lewi vana va kasi oku ndi vumba.’”
23 Ondaka ya Yehova yeya vali ku Yeremiya yiti: 24 “Anga hẽ ove kua limbukile eci omanu ava va kasi oku popia vati: ‘Yehova o ka likala apata avali a nõla’? Ovo va kasi oku tata omanu vange muẽle lekambo liesumbilo kuenda ka va va tendi vali ndofeka.
25 “Ca popia Yehova ceci hati: ‘Ndeci nda tumbika muẽle ocisila cange catiamẽla kutanya kuenda kuteke,+ ovihandeleko* vio kilu levi vio kilu lieve,+ 26 lalimue eteke ndi ka likala ocitumbulukila* ca Yakoba leci cukuenje wange Daviti kuenda ndi kopa kocitumbulukila* caye olombiali vi viala ovitumbulukila* via Avirahama, Isake kuenda Yakoba. Momo ame ndi kongolola vali olomandekua viavo+ kuenje ndi vi kuatela ohenda.’”+
34 Ondaka ya Yehova yina yeya ku Yeremiya, eci Soma Nevukandesa wo ko Bavulono lolohoka viaye viosi kuenda ovosoma osi o killu lieve, ana a kala vemẽhi liuviali waye lomanu vosi va kala oku linga uyaki lo Yerusalãi kuenda alupale aluo osi, yeyi yokuti:+
2 “Ca popia Yehova Suku ya Isareli ceci hati: ‘Kuende, vangula la Soma Sedekiya+ wo ko Yuda kuenje u sapuila okuti: “Ca popia Yehova ceci hati: ‘Ñasi oku eca olupale olu peka lia soma yo Bavulono kuenje eye o ka lu timĩha londalu.+ 3 Ove ku ka puluka peka liaye, momo ove o ka kuatiwa muẽle loku eciwa kokuaye.+ Kuenje o ka mola soma yo Bavulono iso liso kuenda eye o ka sapela love polo la polo noke ove o ka enda ko Bavulono.’+ 4 Pole, A Soma Sedekiya wo ko Yuda, yevelela ondaka ya Yehova yokuti: ‘Ca popia Yehova catiamẽla kokuove ceci hati: “Ove ku ka fa losipata. 5 Ove o ka fa lombembua+ kuenje ovo va ka timĩha olonguendu eci o kendiwa, ndeci va linga la va isiove, olosoma viosimbu vina via ku livangela kuenda va ka ku lila vati: ‘Avoyo we, A cime!’ momo ‘nda popia ondaka,’ oco Yehova a popia.”’”’”
6 Noke uprofeto Yeremiya wa sapuila olondaka evi viosi ku Soma Sedekiya wo ko Yuda ko Yerusalãi, 7 eci olohoka via soma yo Bavulono via kala oku linga uyaki lo Yerusalãi kuenda lalupale osi o Yuda ana a supilepo okuti,+ o Lakisi+ kuenda o Aseka;+ momo pokati kalupale o Yuda, a-a, o-o lika alupale ka a yuliwile handi okuti, a kuatele oviteyuilo.
8 Ondaka ya Yehova yeya ku Yeremiya noke lia Soma Sedekiya oku linga ocisila cimue lomanu vosi vo Yerusalãi oco va yovole apika.+ 9 Omunu wosi o sukila oku yovola upika waye u Heveru, ci kaile ulume ale ukãi, oco okuti lomue amamako oku lingisa manjaye u Yudea ndupika waye. 10 Omo liaco, olombuale viosi kuenda omanu vosi va pokola. Ovo va iñila vocisila cokuti omunu wosi o sukila oku yovola upika waye wulume ale wukãi kuenda ka vamamako vali oku va lingisa ndapika. Ovo va pokola kuenje va va ecelela oku enda. 11 Pole, noke ovo va nena vali apika vavo alume lakãi vana ovo va yovuile kuenje ovo va va kisika vali oku iñila kupika. 12 Omo liaco, Yeremiya wa tambula ondaka ya Yehova ya tunda ku Yehova yiti:
13 “Ca popia Yehova Suku ya Isareli ceci hati: ‘Nda linga ocisila cimue la vakukululu yene+ keteke nda vopa vofeka Yegito vonjo yupika,+ cokuti: 14 “Kesulilo lianyamo epanduvali, omunu lomunu pokati kene o sukila oku yovuisa manjaye u Heveru una wa landisiwile kokuove haeye wa ku vumba vokuenda kuanyamo epandu; ove o sukila oku u yovuisa.”+ Pole, vakukululu yene ka va yevelele, ale oku vonguila ovatũi avo kokuange. 15 Kuenje votembo yimue yitito,* ene wa pongololi olonjila viene kuenda wa lingi eci ca sunguluka kovaso ange poku sandeka eyovo liomunu o lisungue lene kuenje wa lingi ocisila cimue kovaso ange vonjo yambata onduko yange. 16 Pole, noke ene wa pongololi olonjila viene kuenda wa sepuli onduko yange+ poku nena vali apika vene valume kuenda vakãi vana ene wa yovuisi ndomo ci likuata lonjongole yavo kuenje wa va kisiki oku tiukila kupika.’
17 “Omo liaco, ca popia Yehova ceci hati: ‘Ene ka wa pokuili kokuange poku sandeka eyovo liomunu lomunu ku manjaye kuenda komunu a lisungue laye.+ Omo liaco, eyovo ndi kasi oku sapula kokuene lieli,’ oco Yehova a popia, ‘ene vu ka fa losipata, lefengi*+ kuenda lonjala kuenje ndi ka ecelela okuti, ene vu kala ocikuata cimue cocinjoko kovosoma osi o kilu lieve.+ 18 Kuenje eci oco ci ka pita lomanu vana va sinĩla ocisila cange poku yuvula oku kapako olondaka viocisila cina ovo va linga kovaso yange eci ovo va teta onãle volonepa vivali kuenje va pita pokati kolonepa viaco vivali,+ 19 okuti, olombuale vio Yuda, olombuale vio Yerusalãi, vakesongo kelombe, ovitunda kuenda omanu vosi vo vofeka, vana va pita pokati kolonepa vionãle: 20 Ndi ka va eca peka liovanyãli vavo kuenda peka lia vana va sandiliya oku va ponda kuenje atimba avo a ka kala okulia kuolonjila viovailu kuenda kuovinyama vio kilu lieve.+ 21 Ndi ka eca Soma Sedekiya wo ko Yuda lolombuale viaye peka liovanyãli vavo, peka lia vana va sandiliya oku va ponda kuenda peka liolohoka via soma yo Bavulono+ vina vi kasi oku tunda pokati kene.’+
22 “‘Ndi ka eca ocihandeleko,’ oco Yehova a popia ‘kuenje ndi ka vi nena vali volupale olu kuenda ovio vi ka liyaka laluo loku lu tambula, loku lu timĩha londalu;+ kuenje alupale o Yuda ndi ka a lingisa ekalasoko okuti, ka mu kala onungi.’”+
35 Ondaka ya Yehova yeya ku Yeremiya koloneke via Yehoyakimi+ omõla a Yosiya soma yo ko Yuda yiti: 2 “Kuende konjo ya va Rekava+ kuenda sapela lavo kuenje va nena vonjo ya Yehova, vohondo yimue pokati kolohondo vioku lilamo; noke eca kokuavo ovinyu oco va nyue.”
3 Omo liaco, ndambata Yasaniya omõla a Yeremiya omõla a Havaciniya, vamanjaye, omãla vaye vosi kuenda onjo yosi ya va Rekava 4 vonjo ya Yehova. Nda va nena toke vohondo yoku lilamo yomãla va Hanana omõla a Yigidaliya, ukuenje wa Suku yocili, yina ya kala ocipepi lohondo yoku lilamo yolombuale, ya kala kilu liohondo yoku lilamo ya Maaseya, omõla a Sialume ukuakulava ombundi. 5 Kuenje nda kapa kovaso yalume vo konjo ya va Rekava olokopo kuenda olokopo via sanjavala komẽla, vieyuka lovinyu loku va sapuila hati: “Nyui ovinyu.”
6 Pole, ovo va popia vati: “Etu ka tu nyui ovinyu, momo Yehonadava*+ omõla a kukululu yetu Rekava, wa eca kokuetu ocihandeleko cokuti: ‘Ci kaile ene ale omãla vene ko ka nyui ovinyu vokuenda kuoloneke viosi viomuenyo wene. 7 Kuenje ko ka tungi onjo, oku kũla ombuto ale oku tuika pamue oku kuata ocumbo cimue cayuva. Pole, otembo yosi vu sukila oku tunga volombalaka, oco vu kali komuenyo otembo yalua vofeka muna vu kasi ndovingendeleyi.’ 8 Omo liaco, tu kasi oku amamako oku pokola kondaka ya Yehonadava omõla a kukululu yetu Rekava kovina viosi a tu handeleka okuti, ka tua la nyua ovinyu, etu, akãi vetu, omãla vetu valume kuenda omãla vetu vakãi. 9 Ka tu tungi olonjo oco tu kalemo ndaño oku kuata oviumbo viayuva ale ovapia pamue ombuto. 10 Tu kasi oku amamako oku kala volombalaka loku pokola kovina viosi Yehonadava* kukululu yetu a tu handeleka. 11 Pole, eci Soma Nevukandesa wo ko Bavulono a katukila ofeka,+ tua popia hati: ‘Enjui, tu iñili vo Yerusalãi oco tu puluki kolohoka via va Kaldea kuenda via va Suria’ kuenje cilo tu kasi vo Yerusalãi.”
12 Kuenje ondaka ya Yehova yeya ku Yeremiya yiti: 13 “Ca popia Yehova ukualohoka Suku ya Isareli ceci hati: ‘Kuende, sapuila kalume vo ko Yuda kuenda kolonungi vio Yerusalãi siti: “Ene ka wa vetiyiwili hẽ olonjanja viosi oku pokola kolondaka viange?”+ oco Yehova a popia. 14 “Yehonadava omõla a Rekava wa handeleka ovitumbulukila viaye oco ka vi ka nyue ovinyu kuenda toke etaili via siata oku pokola kolondaka viaye vioku yuvula oku yi nyua, poku pokola kolonumbi via kukululu yavo.+ Pole, nda ku sapuili olonjanja vialua,* pole, ene ka wa pokuili kokuange.+ 15 Ame ndamamako oku tumisa kokuene akuenje vange vosi ovaprofeto, poku va tuma olonjanja vialua*+ loku popia hati: ‘Lingi ohenda, tinduki kolonjila viene via vĩha+ omunu lomunu pokati kene kuenda lingi eci ca sunguluka! Ko ka kuami olosuku vikuavo ale oku vi vumba. Kuenje vu kamamako oku kala vofeka yina nda eca kokuene kuenda ku vakukululu yene.’+ Pole, ene ka wa vonguili etũi liene ale oku ndi yevelela. 16 Ovitumbulukila via Yehonadava omõla a Rekava, via kapako ocihandeleko cina kukululu yavo a eca kokuavo,+ pole, omanu ava ka va ndi yevelele.”’”
17 “Omo liaco, ca popia Yehova, Suku ukualohoka, Suku ya Isareli ceci hati: ‘Ñasi oku nena ko Yuda kuenda kolonungi viosi vio Yerusalãi ohali yosi nda va lungula,+ momo ame nda va sapuila, pole, ka va yevelele kuenda ndamamako oku va vilikiya, pole, ka va tambuluile.’”+
18 Kuenje Yeremiya wa sapuila vakuanjo ya va Rekava hati: “Ca popia Yehova ukualohoka, Suku ya Isareli ceci hati: ‘Omo okuti wa pokoli kocihandeleko ca kukululu yene Yehonadava kuenda wamamiko oku kapako olonumbi viaye poku linga muẽle eci a vu handeleki, 19 ca popia Yehova ukualohoka, Suku ya Isareli ceci hati: “Ka ku ka kambela ocitumbulukila cimue ca Yehonadava* omõla a Rekava oku vumba kovaso yange.”’”
36 Kunyamo wakuãla wa Yehoyakimi+ omõla a Yosiya soma yo Yuda, Yeremiya wa tambula ondaka ya tunda ku Yehova yokuti: 2 “Tikula ociña* cimue kuenda sonehamo olondaka viosi nda ku sapuila, viatiamẽla ko Isareli lo ko Yuda+ kuenda kolofeka viosi,+ tunde keteke liatete nda vangula love koloneke via Yosiya toke etaili.+ 3 Pamue eci vakuanjo ya Yuda va yeva ohali yosi ndi laika oku nena kokuavo, ovo va ka tinduka kolonjila viavo vĩvi, oco ndi ecele oku lueya kuavo lekandu liavo.”+
4 Noke Yeremiya wa vilikiya Baruke+ omõla a Neriya kuenje Yeremiya wa popia olondaka viosi Yehova o sapuilile kuenda Baruke wa vi soneha vociña.*+ 5 Noke Yeremiya wa handeleka Baruke hati: “Ame nda tatekiwa kuenda si tẽla oku iñila vonjo ya Yehova. 6 Omo liaco, ove o sukila oku iñila loku tanga lolukandi olondaka via Yehova vina nda popia okuti, wa vi soneha vociña. Vi tangela kovaso yomanu, vonjo ya Yehova keteke lioku likandangiya oku lia; kuenje o ka vi tangelavo komanu vosi vo ko Yuda vana va kasi oku iya oku upisa valupale avo. 7 Pamue epingilo liavo liohenda, li ka pitĩla ku Yehova kuenda va ka tinduka omunu lomunu konjila yaye yĩvi, momo onyeño kuenda oku tema kuna Yehova a tukuila omanu ava, vialua.”
8 Omo liaco, Baruke omõla a Neriya wa linga cosi uprofeto Yeremiya o handelekele; eye wa tanga lolukandi vociña* olondaka via Yehova vonjo ya Yehova.+
9 Kunyamo watãlo wa Yehoyakimi+ omõla a Yosiya, soma yo Yuda, kosãi yecea, omanu vosi vo Yerusalãi lomanu vosi vana veya vo Yerusalãi oku upisa kalupale o Yuda, va fetika oku likandangiya oku lia kovaso a Yehova.+ 10 Noke Baruke wa tanga lolukandi vociña* olondaka via Yeremiya vonjo ya Yehova, vohondo* ya Gemariya+ omõla a Siafane+ ukuavisonehua, vocitali co konano, puvelo wombundi yokaliye yonjo ya Yehova,+ kovaso yomanu vosi.
11 Eci Mikaya omõla a Gemariya omõla a Siafane a yeva olondaka viosi via Yehova oku upisa vociña,* 12 eye wa lokila konjo* ya soma, vohondo yusonehi. Olombuale viosi* omo via tumãlele okuti: Elisiama+ usonehi, Delaya omõla a Semaya, Elinatana+ omõla a Akibore,+ Gemariya omõla a Siafane, Sedekiya omõla a Hananiya kuenda olombuale viosi vikuavo. 13 Mikaya wa va sapuila olondaka viosi a yeva eci Baruke a kala oku tanga ociña* kovaso yomanu.
14 Noke olombuale viosi via tuma Yehundi omõla a Netaniya omõla a Selemiya omõla a Kusi ku Baruke oku popia hati: “Enju kuenda nena ociña cina wa tangela kovaso yomanu.” Baruke omõla a Neriya wa kuata ociña peka liaye kuenje wa enda kokuavo. 15 Ovo vo sapuila vati: “Linga ohenda tumãla kuenda ci tangela kokuetu lolukandi.” Omo liaco, Baruke wa va ci tangela.
16 Eci va yeva olondaka evi viosi, va li vanja omunu lukuavo lusumba kuenje va sapuila Baruke vati: “Tu sukila muẽle oku sapuila soma olondaka evi viosi.” 17 Kuenje ovo va pula Baruke vati: “Linga ohenda tu sapuileko. Pi wopa olondaka evi viosi? Anga hẽ eye wa ku vi sapuila?” 18 Baruke wa va tambulula hati: “Eye wa ndi sapuila olondaka evi viosi kuenje nda vi soneha lotinda vociña* cilo.” 19 Olombuale via sapuila Baruke hati: “Kuendi, li salami ove la Yeremiya kuenda ko ka eceleli okuti, omunu umue o kũlĩha apa vu kasi.”+
20 Noke ovo va iñila ku soma kocitali kuenda va soleka ociña vohondo ya Elisiama usonehi kuenje va sapuila soma ovina viosi va yeva.
21 Omo liaco, soma wa tuma Yehundi+ oco a kope ociña kuenje eye wa ka cupile vohondo ya Elisiama usonehi. Yehundi wa fetika oku ci tangela kovaso ya soma kuenda kolombuale viosi via kala ocipepi la soma. 22 Soma wa kala oku tumãla vonjo yaye vocitumãlo muna eye a siata oku kala kotembo yombambi, kosãi yecea* kuenje ondalu ya kala oku taimĩla pociyo kovaso aye. 23 Eci Yehundi a mala oku tanga ovolala atatu ale akuãla, soma wa enda oku teta onepa yaco lomoko yusonehi loku yimba vondalu ya kala oku taimĩla pociyo, toke eci ociña cosi ca puila vondalu ya kala pociyo. 24 Kuenje soma kuenda akuenje vaye vosi vana va yeva olondaka evi viosi ka va kuatele usumba; ka va tolele ovowalo avo. 25 Ndaño okuti Elinatana,+ Delaya+ kuenda Gemariya+ va livondela ku soma oco ka ka timĩhe ociña, eye ka va yevelile. 26 Handi vali, soma wa handeleka Yerahimele omõla a soma, Seraya omõla a Asiriyele kuenda Selemiya omõla a Avidigele oco va kuate Baruke usonehi kuenda Yeremiya uprofeto, pole, Yehova wa va vundisa.+
27 Kuenje noke lia soma oku timĩha ociña mua kala olondaka Baruke a sonehele vina via sapuiwa la Yeremiya, ondaka ya Yehova yeya vali ku Yeremiya+ yiti: 28 “Tikula ociña cikuavo kuenda sonehamo olondaka viosi vimuamue via kala vociña catete, cina Soma Yehoyakimi wo ko Yuda a timĩha.+ 29 Kuenje ove o sukila oku popia eci catiamẽla ku Soma Yehoyakimi wo ko Yuda okuti: ‘Ca popia Yehova ceci hati: “Ove wa timĩha ociña eci kuenda wa popia hati: ‘Momo lie wa sonehelamo okuti soma yo Bavulono o keya muẽle kuenda o ka kundula ofeka yilo loku nyõlamo omanu kumue lovinyama”?’+ 30 Omo liaco, ca popia Yehova catiamẽla ku Soma Yehoyakimi wo ko Yuda ceci hati: ‘Lomue pokati kovitumbulukila viaye o ka supapo oco a tumãle kocalo ca Daviti+ kuenje etimba liaye li ka kala ño ndoto vowuya kutanya kuenda vombambi kuteke.+ 31 Eye kumue lovitumbulukila* viaye kuenda akuenje vaye, ndi ka va yambula omo liakulueya avo kuenda ndi ka nena kokuavo lo kolonungi vio Yerusalãi lo komanu vo ko Yuda ohali yosi nda popia yatiamẽla kokuavo,+ momo ovo ka va yevelele.’”’”+
32 Noke Yeremiya wa tikula ociña cikuavo kuenje wa ceca ku Baruke omõla a Neriya usonehi+ kuenda ndomo Yeremiya a kala oku popia, eye wa sonehamo olondaka viosi viociña* vina Soma Yehoyakimi wo ko Yuda a timĩha vondalu.+ Kuenje kua vokiyiwa olondaka vialua vikuavo via lisoka.
37 Soma Sedekiya+ omõla a Yosiya wa fetika oku viala pocitumãlo ca Koniya*+ omõla a Yehoyakimi, momo Soma Nevukandesa wo ko Bavulono wo lingisa osoma vofeka yo Yuda.+ 2 Pole, eye kuenda akuenje vaye kumue lomanu vo vofeka, ka va yevele olondaka Yehova a popia pocakati cuprofeto Yeremiya.
3 Kuenje Soma Sedekiya wa tuma Yehukale+ omõla a Selemiya kuenda Sofoniya+ omõla a Maaseya ocitunda, kuprofeto Yeremiya hati: “Linga ohenda, tu likutilileko ku Yehova Suku yetu.” 4 Yeremiya wa endaenda lelianjo pokati komanu, momo handi ka vo kapele vokayike.+ 5 Kuenje olohoka via Fareo via tunda Kegito+ kuenda va Kaldea vana va ñualele ocingonja o Yerusalãi va yeva esapulo liaco liatiamẽla kokuavo. Omo liaco, ovo va tunda vo Yerusalãi.+ 6 Noke ondaka ya Yehova yeya kuprofeto Yeremiya yiti: 7 “Ca popia Yehova Suku ya Isareli ceci hati: ‘Eci vu sukila oku sapuila soma yo Yuda, una wo tumi kokuange oku ndi kũlĩhĩsa ceci hati: “Tali! Olohoka via Fareo vi kasi oku iya oku vu kuatisi, vi ka tiukila kofeka yavio Kegito.+ 8 Kuenje va Kaldea va ka tiuka kulo kuenda va ka liyaka lolupale olu, loku lu tambula kuenda oku lu timĩha londalu.”+ 9 Ca popia Yehova ceci hati: ‘Ko ka likembi ene muẽle poku popia okuti: ‘Va Kaldea va ka tu sia muẽle lika wetu,’ momo ovo ka va ka vu si. 10 Ndaño wa kunduili olohoka viosi via va Kaldea vi kasi oku liyaka lene kuenda pa supile lika alume vavo va lemẽhiwa, ovo nda va tẽla oku votoka volombalaka viavo kuenda oku timĩha olupale olu londalu.”’”+
11 Eci olohoka via va Kaldea via tunda vo Yerusalãi omo liolohoka via Fareo,+ 12 Yeremiya wa tunda ko Yerusalãi oku enda kofeka ya Benjamini+ oco a tambuleko onepa yaye pokati komanu vaye. 13 Pole, eci eye a pitĩla Kombundi ya Benjamini, kesongo kondavululi okuti, onduko yaye Iriya omõla a Selemiya, omõla a Hananiya, wa kuata uprofeto Yeremiya kuenda wo sapuila hati: “Ove o kasi oku tiamẽla konele ya va Kaldea!” 14 Pole, Yeremiya wa popia hati: “Eci uhembi! Ame si kasi oku tiamẽla konele ya va Kaldea.” Pole, eye ko yevelile. Omo liaco, Iriya wa kuata Yeremiya kuenda wo wambata kolombuale. 15 Olombuale via temẽla Yeremiya+ kuenje vio veta loku u* yikila vokayike+ vonjo ya Yehonatana usonehi, yina ya pongoluiwa okayike. 16 Yeremiya wa kapiwa vokayike,* volohondo vio posi kuenda wa kalamo oloneke vialua.
17 Noke Soma Sedekiya wa tuma oku u kovonga kuenda soma wo pula vuyombeki vonjo* yaye.+ Eye wo pula hati: “Kuli hẽ ondaka yimue ya tunda ku Yehova?” Yeremiya wa tambulula hati: “Kuli!” Kuenda wamisako hati: “Ove o ka eciwa peka lia soma yo Bavulono!”+
18 Yeremiya wa pulavo Soma Sedekiya hati: “Ekandu lipi nda ku lingila ove kumue lakuenje vove kuenda omanu ava, oco vu ndi kapi vokayike? 19 Pi ku kasi ovaprofeto vene vana va ku imbili owanji poku popia vati: ‘Soma yo Bavulono ka keya oku vu katukili kuenda oku katukila ofeka eyi’?+ 20 Linga ohenda, kaliye yevelela, A ñala yange a soma. Linga ohenda, tava kepingilo liange liohenda. Ku ka ndi tume vali konjo ya soma Yehonatana+ usonehi, sanga oko ndi ka fila.”+ 21 Omo liaco, Soma Sedekiya wa handeleka okuti, Yeremiya o yikiwa Vocitali Colondavululi+ kuenda eteke leteke kua eciwa kokuaye ombolo yi kasi ndombunje+ ya tunda vokololo ya vakuakuyoka ombolo, toke eci olombolo viosi via pua volupale.+ Kuenje Yeremiya wamamako oku kala Vocitali Colondavululi.
38 Sefatiya omõla a Matana, Gedaliya omõla a Pasihuri, Yukala+ omõla a Selemiya kuenda Pasihuri+ omõla a Malikiya, va yeva olondaka Yeremiya a kala oku sapuila omanu vosi hati: 2 “Ca popia Yehova ceci hati: ‘Omunu wosi amamako volupale olu o ka fa losipata, lonjala kuenda lefengi.*+ Pole, una o lieca* ku va Kaldea, o kamamako lomuenyo kuenda o ka kuata omuenyo waye ndonima* kuenje o ka kala lomuenyo.’+ 3 Ca popia Yehova ceci hati: ‘Olupale olu lu ka eciwa muẽle peka liolohoka via soma yo Bavulono kuenje eye o ka lu tambula.’”+
4 Olombuale via sapuila soma viti: “Linga ohenda, ulume u-u, a pondiwe,+ momo eye o kasi oku honguisa ovaka asualali vana va supa volupale lulo, oku kongelamo omanu vosi poku va sapuila olondaka viaco. Momo ulume u-u, ka kasi oku sandiliya ombembua yomanu ava, pole, te ohali yavo.” 5 Soma Sedekiya wa tambulula hati: “Tali! Eye o kasi povaka ene, momo soma ka tẽla oku linga lacimue oco a ku tateki.”
6 Omo liaco, va kuata Yeremiya kuenje vo wimba vocisimo ca Malikiya omõla a soma, cina ca kala Vocitali Colondavululi.+ Ovo va lowisa Yeremiya lovikolo. Vocisimo caco ka mua kaile ovava, mua kala lika olonata kuenje Yeremiya wa fetika oku vomba volonata.
7 Evede-Meleke+ u Etiopia okuti, enuku* lionjo ya soma, wa yeva okuti va kapa Yeremiya vocisimo. Soma wa tumãlele Pombundi ya Benjamini,+ 8 omo liaco, Evede-Meleke wa tunda konjo* ya soma kuenje wa sapuila soma hati: 9 “A ñala yange a soma, eci omanu ava va linga luprofeto Yeremiya cĩvi! Ovo vo wimba vocisimo kuenda eye o ka filamo omo lionjala, momo volupale ka muli vali ombolo.”+
10 Noke soma wa handeleka Evede-Meleke u Etiopia hati: “Ambata 30 kalume kumue love kuenje upa uprofeto Yeremiya vocisimo osimbu ka file.” 11 Kuenje Evede-Meleke wa tikula alume kumue leye kuenda wa iñila vonjo* ya soma vocitumãlo ci kasi vemẽhi liohondo yoku seleka ovokuasi+ kuenje vopamo ovinyaña vimue kuenda olonanga via kuka kuenje va vi lowisa lovikolo ku Yeremiya vocisimo. 12 Omo liaco, Evede-Meleke u Etiopia wa sapuila Yeremiya hati: “Linga ohenda, kapa ovinyaña lolonanga vemẽhi liolohapia viove kuenda ovikolo.” Kuenje Yeremiya wa ci linga, 13 noke va nãla Yeremiya lovikolo kuenda vo upa vocisimo. Kuenje Yeremiya wamamako oku kala Vocitali Colondavululi.+
14 Soma Sedekiya wa tuma oku vilikiya uprofeto Yeremiya oco eye kokuaye puvelo watatu una u kasi vonjo ya Yehova kuenje soma wa sapuila Yeremiya hati: “Ñuete cimue ndi yongola oku ku pula. Ku ka ndi limbike lacimue.” 15 Yeremiya wa sapuila Sedekiya hati: “Nda nda ku ci sapuila, ove o ka ndi ponda muẽle. Kuenda nda nda eca elungulo kokuove, ove ku ka ndi yevelela.” 16 Omo liaco, Soma Sedekiya wa lisila vuyombeki ku Yeremiya hati: “Ndeci Yehova a kasi lomuenyo una wa tu ĩha omuenyo owu, ame si ka ku ponda kuenda si ka ku eca peka lialume vana va kasi oku sandiliya oku ku ponda.”
17 Yeremiya wa sapuila Sedekiya hati: “Ca popia Yehova, Suku ukualohoka, Suku ya Isareli ceci hati: ‘Nda ove o lieca* kolombuale via soma yo Bavulono, omuenyo wove u ka puluka kuenda olupale olu ka lu ka timĩhiwa londalu kuenje ove kumue la vakuanjo yove vu ka puluka.+ 18 Pole, nda ove ku lieci* kolombuale via soma yo Bavulono, olupale olu lu ka eciwa peka lia va Kaldea kuenje va ka lu timĩha londalu+ kuenda ove ku ka puluka peka liavo.’”+
19 Noke Soma Sedekiya wa sapuila Yeremiya hati: “Ñuetele usumba va Yudea vana va tiamẽla konele ya va Kaldea, momo nda nda eciwa peka liavo citava okuti, va ka ndi tata lungangala.” 20 Pole, Yeremiya wa popia hati: “Ove ku ka eciwa peka liavo. Linga ohenda, pokola kondaka ya Yehova kueci ñasi loku ku sapuila kuenje ci kala ciwa love kuenda ove o kamamako lomuenyo. 21 Pole, nda ove o likala oku lieca,* eci oco Yehova a ndi situluila hati: 22 Tala! Akãi vosi vana va supa vonjo ya soma yo Yuda va kasi oku ambatiwa kolombuale via soma yo Bavulono+ kuenda akãi vaco va kasi loku popia vati:
‘Alume vana eye a kolela* va kasi loku u kemba kuenda oku u yula.+
Ovo va kokela olomãhi viaye oku vomba volonata.
Kaliye va tiukila konyima.’
23 Ovo va kasi oku ambata akãi vove vosi kuenda omãla vove ku va Kaldea kuenje ove ku ka puluka povaka avo, pole, o ka kuatiwa la soma yo Bavulono+ kuenda mekonda liove, olupale olu lu ka timĩhiwa londalu.”+
24 Sedekiya wa sapuila Yeremiya hati: “Ku ka ecelele okuti omunu umue o kũlĩha catiamẽla kovina evi, oco ku ka fe. 25 Kuenje nda olombuale vi yeva okuti ame nda sapela love noke viya loku ku sapuika viti: ‘Linga ohenda tu sapuileko eci wa sapuila soma. Ku ka limbike lacimue kokuetu kuenda ka tu ka ku ponda.+ Nye soma a ku sapuila?’ 26 ove o sukila oku va tambulula hati: ‘Nda kala oku linga epingilo limue ku soma oco ka ka ndi tiuwiye konjo ya Yehonatana sanga oko ndi ka fila.’”+
27 Noke yotembo yimue, olombuale viosi vieya ku Yeremiya kuenje vio pula. Eye wa vi sapuila ovina viosi soma o handelekele oku popia. Omo liaco, ovo ka vo pulile vali cimue, momo lomue wa yeva ombangulo yaco. 28 Yeremiya wamamako oku kala Vocitali Colondavululi+ toke keteke o Yerusalãi ya tambuiwa; eye wa kalamo toke eci o Yerusalãi ya tambuiwa.+
39 Kunyamo wecea wa Soma Sedekiya wo ko Yuda, kosãi yekũi, Soma Nevukandesa wo ko Bavulono kumue lolohoka viaye viosi, veya ko Yerusalãi kuenje va yi ñuala ocingonja.+
2 Kunyamo 11 wa Sedekiya, kosãi ya kuãla, keteke liecea liosãi, ovo va linga epangu limue vocimbaka colupale.+ 3 Kuenje olombuale viosi via soma yo Bavulono via iñila kuenda via tumãla Pombundi yo Pokati,+ olonduko viavo vievi: Nergali-Siaresere u Semigare, Nevo-Sariseki* u Ravisarisi, Nergali-Siaresere u Ravimagi* kuenda olombuale viosi vikuavo via soma yo Bavulono.
4 Eci Soma Sedekiya wo ko Yuda kuenda asualali vosi va va mola, ovo va tila,+ va tunda volupale luteke oku loña konjila yocumbo ca soma, poku pita pombundi yi kasi pokati kovimbaka vivali kuenje ovo vamamako oku endela vonjila yo Araba.+ 5 Pole, olohoka via va Kaldea via va kuama kuenje via sanga Sedekiya vanyãla o vekalasoko lio Yeriko.+ Ovo vo kuata kuenda vo wambata ku Soma Nevukandesa wo ko Bavulono ko Rivila+ kofeka yo Hamati+ kuna eye o sombisila. 6 Omãla va Sedekiya va pondiwila kovaso aye ko Rivila locihandeleko ca soma yo Bavulono kuenda soma yo Bavulono wa tumavo oku ponda olombuale viosi vio Yuda.+ 7 Kuenje eye wa tofola ovaso a Sedekiya noke wo kuta lalienge osipi oco o tuale ko Bavulono.+
8 Va Kaldea va timĩha onjo* ya soma kuenda olonjo viomanu+ kuenje va kupula ovimbaka vio Yerusalãi.+ 9 Nevusaradana+ usongui wolondavululi, wambata kumandekua ko Bavulono omanu va supilepo vana va siwa volupale, va tiamẽlele konele yaye kuenda vosi vana va puluka.
10 Pole, Nevusaradana usongui wolondavululi wa sia vofeka yo Yuda vamue pokati komanu olohukũipo vali, vana ka va kuatele cimue. Keteke liaco, eye wa ecavo kokuavo oviumbo viayuva kuenda ovapia oku talavaya.*+
11 Soma Nevukandesa wo ko Bavulono wa eca ku Nevusaradana usongui wolondavululi ovihandeleko evi viatiamẽla ku Yeremiya viokuti: 12 “Kuendi, u sandi kuenda u tati; ko ko lingi cimue cĩvi kuenda eci kokuaye cosi eye a pinga kokuene.”+
13 Omo liaco, Nevusaradana usongui wolondavululi, Nevusiasibana u Ravisarisi,* Nergali-Siaresere u Ravimagi* kuenda alume vosi va velapo va soma yo Bavulono, va tuma alume 14 oco vope Yeremiya Vocitali Colondavululi+ loku u weca ku Gedaliya+ omõla a Ahikama+ omõla a Siafane+ oco o wambate konjo yaye. Omo liaco, eye wa tunga pokati komanu.
15 Osimbu Yeremiya a yikiwile Vocitali Colondavululi,+ ondaka ya Yehova yeya kokuaye yiti: 16 “Kuende, sapuila Evede-Meleke+ u Etiopia hati: ‘Ca popia Yehova ukualohoka, Suku ya Isareli ceci hati: “Ñasi oku tẽlisa olondaka viange violupale olu vioku nena ohali okuti, uwa hawoko kuenje keteke liaco, ove o ka mola okuti, ci kasi oku tẽlisiwa.”’
17 “‘Pole, ndi ka ku yovola keteke liaco,’ oco Yehova a popia, ‘kuenje ove ku ka eciwa kalume vana ove o kuetele usumba.’
18 “‘Momo ame ndi ka ku yovola muẽle kuenda ove ku ka kupuka kosipata. Ove o ka kuata omuenyo wove ndonima,*+ momo ove wa kolela kokuange,’+ oco Yehova a popia.”
40 Yeremiya wa tambula ondaka ya Yehova noke ya Nevusaradana+ usongui wolondavululi oku u wecelela oku enda oku upisa ko Rama.+ Eye oko o tumile okuti, wa kutiwa lalienge kovoko kuenda wa kala pokati kolomandekua viosi vio ko Yerusalãi levi vio ko Yuda vina via kala oku ambatiwa ko Bavulono. 2 Noke usongui wolondavululi, wambata Yeremiya kuenda wo sapuila hati: “Yehova Suku yove wa sapula ohali eyi yatiamẽla kocitumãlo eci, 3 kuenje Yehova wa yi nena ndomo a ci popele, momo ene amanu, wa lingili Yehova ekandu kuenda ka wa pokuili kondaka yaye. Eli olio esunga lieci ovina evi via pitila lene.+ 4 Kaliye, etaili ñasi oku ku yovola kalienge ana a kala kovoko ove. Nda ca sunguluka kokuove oku enda lame ko Bavulono, enju kuenje ndi ka ku tata. Pole, nda ove ku yongola oku enda lame ko Bavulono, ku keye. Tala! Ofeka yosi yi kasi kovaso yove. Kuende oku kua ku sungulukila.”+
5 Osimbu handi Yeremiya ka nõlelepo oku enda, Nevusaradana wa popia hati: “Tiukila ku Gedaliya+ omõla a Ahikama,+ omõla a Siafane+ una soma yo Bavulono a nõla oco a songuile alupale o Yuda kuenda kala laye pokati komanu; ale kuende oku kua ku sungulukila.”
Usongui wolondavululi wa eca kokuaye okulia kuenda ombanjaile yimue kuenje wo wecelela oku enda. 6 Omo liaco, Yeremiya wa enda ku Gedaliya omõla a Ahikama ko Misipa+ kuenda wa kala laye pokati komanu vana va supile vofeka.
7 Vokuenda kuotembo, asongui vosi volohoka vana va kala vepia lalume vavo, va yeva okuti soma yo Bavulono wa nõla Gedaliya omõla a Ahikama oco a songuile ofeka kuenda wo nõlavo oco a songuile alume, akãi kuenda omãla pokati komanu olohukũi vio vofeka okuti, vana ka vambatiwile ko Bavulono.+ 8 Omo liaco, ovo veya ku Gedaliya ko Misipa.+ Ovo va kala Isameli+ omõla a Netaniya, Yohanana+ la Yonatão okuti, omãla va Karea, Seraya omõla a Tanihumete, omãla va Efai u Netofa kuenda Yisiniya+ omõla a Maakatita kumue lalume vavo. 9 Gedaliya omõla a Ahikama omõla a Siafane, wa linga ocisila cimue lavo kumue lalume vavo cokuti: “Ko ka kuati usumba woku talavayela va Kaldea. Kali vofeka kuenda talavayeli soma yo Bavulono kuenje ovina viosi vi ka enda ciwa lene.+ 10 Catiamẽla kokuange, ndi ka kala ko Misipa oco ndi kale onumiwa yene ku* va Kaldea vana veya kokuetu. Pole, ene vu sukila oku ongolola ovinyu, apako ondombo kuenda ulela kuenje vu vi soleka vasanga ene kuenda kali valupale ana wa nõli.”+
11 Kuenje va Yudea vosi va kala vo Moavi, vo Amoni kuenda vo Edome oku kongelamo vana va kala kolofeka viosi vikuavo, va yevavo okuti soma yo Bavulono wa sile ocisupe cimue vo Yuda kuenje eye wa va nõlela Gedaliya omõla a Ahikama omõla a Siafane oco a va songuile. 12 Omo liaco, va Yudea vosi va fetika oku tunda kovitumãlo viosi kuna va sanduiwile kuenje veya vofeka yo Yuda ku Gedaliya ko Misipa. Kuenje vongolola ovinyu kuenda apako ondombo volonjongo vialua.
13 Yohanana omõla a Karea kuenda asongui vosi volohoka vana va kala vusenge, veya ku Gedaliya ko Misipa. 14 Ovo vo sapuila vati: “Kua kũlĩhĩle hẽ okuti Baalise soma ya va Amoni+ wa tuma Isameli omõla a Netaniya oco a ku ponde?”+ Pole, Gedaliya omõla a Ahikama ka tavele kokuavo.
15 Noke Yohanana omõla a Karea wa vangula la Gedaliya vuyombeki ko Misipa hati: “Ndi yongola oku enda oku ka ponda Isameli omõla a Netaniya kuenje lomue o ka ci kũlĩha. Eye o ku pondela nye kuenda momo lie omanu vosi vo ko Yuda vana va likongela kokuove va sanduiwila kuenda ovisupe vio Yuda vi kunduiwila?” 16 Pole, Gedaliya+ omõla a Ahikama wa sapuila Yohanana omõla a Karea hati: “Ku ka ci linge, momo eci o kasi oku vangula catiamẽla ku Isameli, uhembi.”
41 Kosãi yepanduvali Isameli+ omõla a Netaniya omõla a Elisiama una wa kala ukuacikoti colosoma,* haeye umue pokati kalume va velapo va soma, weya lalume ekũi vakuavo ku Gedaliya omõla a Ahikama ko Misipa.+ Osimbu va kala oku lia kumosi ko Misipa, 2 Isameli omõla a Netaniya kuenda alume ekũi vana va kala laye va votoka kuenje va ponda losipata Gedaliya omõla a Ahikama omõla a Siafane. Omo liaco, eye wa ponda una soma yo Bavulono a nõlele oco a songuile ofeka. 3 Isameli wa pondavo va Yudea vosi vana va kala la Gedaliya ko Misipa, oku kongelamo asualali va va Kaldea vana va kalako.
4 Keteke liavali noke lioku pondiwa kua Gedaliya, osimbu okuti lomue wa ci kũlĩha, 5 kueya 80 kalume va tunda ko Sekeme,+ ko Silo+ kuenda ko Samaria.+ Olonjele viavo via tetiwile, ovowalo avo a toka toka, va liteta ovo muẽle+ kuenda vambatele ovilumba violomema longuendu+ peka liavo oco va vi nene konjo ya Yehova. 6 Noke Isameli omõla a Netaniya wa tunda ko Misipa oku ka lisanga lavo loku lila osimbu a kala oku enda. Eci eye a lisanga lavo wa va sapuila hati: “Enjui ku Gedaliya omõla a Ahikama.” 7 Pole, eci va iñila volupale, Isameli omõla a Netaniya kumue lalume vaye, va va ponda kuenda va va imba vocisimo.
8 Pole, pokati kavo pa kala alume ekũi vana va sapuila Isameli vati: “Ku ka tu ponde, momo tu kuete otiliku, osevata, ulela kuenda owiki via solekiwa vepia.” Omo liaco, eye ka va pondele ndeci a linga la vamanjaye. 9 Isameli wa imba vocisimo cimue cinene ovivimbi viosi vialume eye a ponda, cina Soma Asa a fẽlele omo lia Soma Baasia wo ko Isareli.+ Ocisimo caco, oco Isameli omõla a Netaniya a yukisa lalume va pondiwa.
10 Isameli wambata kumandekua ovisupe viosi viomanu va kala ko Misipa,+ oku kongelamo omãla vakãi va soma kuenda omanu vosi va sialele ko Misipa, vana Nevusaradana usongui wolondavululi a ecele ku Gedaliya+ omõla a Ahikama oco a va lave. Isameli omõla a Netaniya wa vambata kumandekua kuenje wa enda loku loña ku va Amoni.+
11 Eci Yohanana+ omõla a Karea kuenda asongui vosi volohoka vana va kala laye, va yeva ovina viosi vĩvi Isameli omõla a Netaniya a linga, 12 vongolola alume vosi kuenda va tunda oco va liyake la Isameli omõla a Netaniya kuenje vo sanga ocipepi lovava anene* o ko Giveone.
13 Omanu vosi vana va kala la Isameli va sanjuka eci va mola Yohanana omõla a Karea kumue lasongui vosi volohoka va kala laye. 14 Noke omanu vosi vana Isameli ambatele kumandekua oku tunda ko Misipa,+ va ñualapo kuenje va tiukila la Yohanana omõla a Karea. 15 Pole, Isameli omõla a Netaniya kuenda eci ci soka ecelãla kalume vaye, va puluka ku Yohanana kuenje va tilila ku va Amoni.
16 Yohanana omõla a Karea lasongui vosi volohoka va kala laye, vambata omanu va supile ko Misipa, vana eye a yovuile ku Isameli omõla a Netaniya noke yoku ponda Gedaliya+ omõla a Ahikama. Ovo vopa alume, asualali, akãi, omãla kuenda vakesongo kelombe ko Giveone. 17 Omo liaco, ovo va enda kuenda va kala kocitumãlo coku yekisa akombe co ko Kimihama, ocipepi lo Beteleme+ locimãho coku enda Kegito+ 18 omo lia va Kaldea. Momo va va kuatela usumba omo okuti, Isameli omõla a Netaniya wa pondele Gedaliya omõla a Ahikama, una soma yo Bavulono a nõlele oco a songuile ofeka.+
42 Noke asongui vosi volohoka kuenda Yohanana+ omõla a Karea, Yisiniya omõla a Hosiaya kuenda omanu vosi, oku upisa kutito toke kunene, veya 2 kuenje va sapuila uprofeto Yeremiya vati: “Linga ohenda, yevelela epingilo lietu liohenda kuenda tu likutilileko ku Yehova Suku yove, poku pingilako ocisupe cosi eci, momo pa supa lika vatito pokati ka valua,+ ndomo o ci lete. 3 Yehova Suku yove, a tu sapuile onjila tu sukila oku endela kuenda eci tu sukila oku linga.”
4 Uprofeto Yeremiya wa va tambulula hati: “Nda ku yevi kuenda ñasi loku likutilila ku Yehova Suku yene ndomo ci likuata lepingilo liene; kuenje ondaka yosi Yehova a ku tambululi, ndu ku yi sapuili. Si ka limbika ondaka layimue kokuene.”
5 Ovo va tambulula Yeremiya vati: “Yehova a kale ombangi yocili haiyo ya koleliwa kokuetu, nda ka tua lingile muẽle ndeci Yehova Suku yove a tu handeleka pocakati cove. 6 Ci kaile okuti ondaka yaye yiwa ale yĩvi, tu ka pokola kondaka ya Yehova Suku yetu, una tua ku tuma oco ovina vi ende ciwa letu, momo tu pokola kondaka ya Yehova Suku yetu.”
7 Noke yoku pita ekũi koloneke, ondaka ya Yehova yeya ku Yeremiya. 8 Omo liaco, eye wa vilikiya Yohanana omõla a Karea kuenda asongui vosi volohoka vana va kala laye kumue lomanu vosi, oku upisa kutito toke kunene.+ 9 Eye wa va sapuila hati: “Ca popia Yehova Suku ya Isareli una ene wa ndi tumi oco ndu sapuile epingilo liene liohenda kovaso aye ceci hati: 10 ‘Nda ene wamamiko muẽle vofeka yilo, ame ndi ka vu tumbululi kuenda si ka vu nyõli kuenje ndi ka vu kũli okuti, si ka vu tukũli momo, ndi ka kuata ohenda* omo liefengi nda ku neneli.+ 11 Ko ka kuati usumba omo lia soma yo Bavulono una vu yokokela.’+
“‘Ko ka kuati usumba mekonda liaye,’ oco Yehova a popia, ‘momo ame ñasi lene oco ndu vu popeli loku vu yovoli peka liaye. 12 Ndi ka lekisa ohenda kokuene+ kuenda eye o ka lekisa ohenda kokuene kuenje o ka vu tiukilisi kofeka yene muẽle.
13 “‘Pole, nda ene vu popia hati: “Sio, etu ka tu kamamako vofeka eyi!” kuenje vu sinĩla ondaka ya Yehova Suku yene 14 poku popia hati: “Sio, tu enda muẽle kofeka Yegito+ kuna ka tu ka mola uyaki ale oku yeva ocileñi combinga pamue onjala yombolo; oko tu ka kala,” 15 yeveleli ondaka ya Yehova, Acisupe co Yuda. Ca popia Yehova ukualohoka Suku ya Isareli ceci hati: “Nda ene vu tamalãla lasokiyo ene oku enda Kegito kuenda ene vu endako oco vu ka kaliko,* 16 unyãli ene vu kuetele usumba o keya oco a vu katukili losipata osimbu ene vu kasi Kegito kuenda onjala vu yokokela, yi ka vu kuami toke Kegito kuenje oko vu ka fila.+ 17 Kuenje vosi vana va nõlapo oku enda Kegito oku ka kalako, va ka fa losipata, lonjala kuenda lefengi.* Lomue pokati kavo o ka supapo ale oku puluka kohali ndi ka va nenela.”’
18 “Momo ca popia Yehova ukualohoka, Suku ya Isareli ceci hati: ‘Ndeci onyeño yange kuenda oku tema kuange via wengukila olonungi vio Yerusalãi,+ haico onyeño yange yi ka vu wengukili nda wa endi Kegito kuenje vu ka linga esiñalo kuenda ocikuata cocinjoko, epembulo kuenda esepu+ kuenje lalimue eteke vu ka mola vali ocitumãlo eci.’
19 “Yehova wa vangula lene, Acisupe co Yuda. Ko ka endi Kegito. Vu sukila oku kũlĩha muẽle okuti, ame nda ku lunguli etaili 20 okuti oku lueya kuene ku ka pumbisa ovimuenyo viene. Momo ene wa ndi tumi ku Yehova Suku yene poku popia hati: ‘Tu likutilileko ku Yehova Suku yetu kuenda tu sapuile ovina viosi Yehova Suku yetu a popia kuenje tu ka vi linga.’+ 21 Etaili, ñasi oku vu sapuili olondaka evi, pole, ene ka vu ka pokola kondaka ya Yehova Suku yene, ale oku linga eci eye a numa oku vu sapuili.+ 22 Omo liaco, kũlĩhi muẽle okuti ene vu ka fa losipata, lonjala kuenda lefengi kocitumãlo vu yongola oku enda oku ka tunga.”+
43 Eci Yeremiya a mala oku vangula lomanu vosi olondaka viosi evi via Yehova Suku yavo okuti, ondaka yosi yina Yehova Suku yavo o tumile oku va sapuila, 2 Asariya omõla a Hosiaya, Yohanana+ omõla a Karea kuenda alume vosi vakuepela, va sapuila Yeremiya vati: “Eci o kasi oku popia uhembi! Yehova Suku yetu ka ku tumile oco o popie hati: ‘Ko ka endi Kegito oku ka tungako.’ 3 Pole, Baruke+ omõla a Neriya eye o kasi oku ku sosuiya oco o vangule lonjila ndeyi momo eye o yongola okuti, tu kupukila povaka a va Kaldea oco tu pondiwe ale oku ambatiwa ko Bavulono kumandekua.”+
4 Omo liaco, Yohanana omõla a Karea kuenda asongui vosi volohoka kumue lomanu vosi, va sinĩla ondaka ya Yehova yoku amamako oku kala vofeka yo Yuda. 5 Handi vali, Yohanana omõla a Karea kuenda asongui vosi volohoka, vambata ocisupe cosi co ko Yuda cina ca tiukile oco ci tunge vofeka yo Yuda oku tunda kolofeka viosi kuna ca sanduiwile.+ 6 Ovo vambata alume, akãi, omãla, omãla vakãi va soma kuenda omanu vosi vana Nevusaradana+ usongui wolondavululi a sile la Gedaliya+ omõla a Ahikama+ omõla a Siafane,+ vambatavo uprofeto Yeremiya la Baruke omõla a Neriya. 7 Ovo va enda vofeka Yegito momo ka va pokuile kondaka ya Yehova kuenda va enda toke ko Tafanese.+
8 Noke ondaka ya Yehova yeya ku Yeremiya vo Tafanese yiti: 9 “Kuata peka liove ovawe anene kuenje a soleka posi ya pangiwa latisolu, yi kasi puvelo wonjo ya Fareo ko Tafanese kuenda a sitika locikokoto kovaso yalume va Yudea. 10 Kuenje va sapuila hati: ‘Ca popia Yehova ukualohoka Suku ya Isareli ceci hati: “Ñasi oku kovonga Nevukandesa soma yo Bavulono, ukuenje wange+ kuenda ndi ka kapa ocalo caye kilu liovawe a-a nda soleka kuenje eye o ka tumbika ombalaka yaye yusoma kilu liao.+ 11 Eye o keya kuenda o ka katukila ofeka Yegito.+ Wosi o sesamẽla oku fa luvei u ponda, o ka fa luvei, wosi o sesamẽla oku ambatiwa kumandekua o kambatiwa kumandekua kuenda wosi o sesamẽla oku fa losipata o ka fa losipata.+ 12 Kuenje ame ndi ka kapa ondalu kolonjo* violosuku vio Kegito kuenda eye o ka vi timĩha+ loku vi ambata kumandekua. Eye o ka li sikĩlĩla lofeka Yegito ndeci ungombo umue a li sikĩlĩla luwalo waye kuenje o ka tundako lombembua. 13 Kuenje eye o ka teya olongunji vio Bete-Siemese* vofeka Yegito kuenda o ka timĩha londalu olonjo* violosuku vio Kegito.”’”
44 Ondaka yeya ku Yeremiya oco a yi sapuile va Yudea vosi va tungile vofeka Yegito,+ vana va tungile ko Migidolo,+ ko Tafanese,+ ko Nofe*+ kuenda kofeka yo Patirosi+ yeyi yokuti: 2 “Ca popia Yehova ukualohoka Suku ya Isareli ceci hati: ‘Ene wa moli ohali yosi nda nena vo Yerusalãi+ kuenda kalupale osi o Yuda kuenje etaili a siala ovingululu okuti, ka muli onungi layimue.+ 3 Eci ca lingiwa omo liovina vĩvi ovo va linga oco va ndi sanumũle poku enda loku lumba ovilumba+ loku vumba olosuku vikuavo vina ovo ka va kũlĩhĩle, ci kaile ene ale vakukululu yene.+ 4 Ame ndamamako oku tuma akuenje vange vosi ovaprofeto kokuene, poku va tuma olonjanja vialua* hati: “Lingi ohenda, ko ka lingi ovina evi via vĩha vina ame ndi nyãle.”+ 5 Pole, ovo ka va yevele ale oku vonguila etũi liavo okuti, va tinduka koku linga ovina vĩvi, poku yuvula oku eca ovilumba kolosuku vikuavo.+ 6 Omo liaco, onyeño yange kuenda oku tema kuange via wenguka kuenje nda yambula alupale o Yuda kuenda olokololo vio Yerusalãi kuenje ovio via linga ovingululu kuenda upolokoso ndeci vi kasi etaili.’+
7 “Kuenje ca popia Yehova Suku ukualohoka, Suku ya Isareli ceci hati: ‘Momo lie vu kasilili oku likokela ene muẽle ohali yalua, oco ulume wosi, ukãi, omõla kuenda oñaña va nyõliwe ko Yuda okuti, ka pa ku supili ocisupe lacimue? 8 Momo lie vu ndi sanumũila lovopange ovaka ene, poku eca ovilumba kolosuku vikuavo vofeka Yegito muna ene wa endi oku ka tunga? Ene vu ka nyõleha loku linga ocikuata cesiñalo kuenda esepu pokati kolofeka viosi vio kilu lieve.+ 9 Anga hẽ wa ivaliko ovilinga vĩvi via vakukululu yene kuenda ovilinga vĩvi violosoma vio Yuda+ lovilinga vĩvi viakãi vavo,+ oku kongelamo ovilinga viene muẽle vĩvi kuenda ovilinga vĩvi viakãi vene,+ vina via lingiwa vofeka yo Yuda kuenda volokololo vio Yerusalãi? 10 Toke etaili ka va liketisile ovo muẽle,* ka va lekisile esumbilo kokuange+ ndaño oku endela vocihandeleko cange kuenda voviholo viange, vina nda kapa kovaso yene kuenda ku vakukululu yene.’+
11 “Omo liaco, ca popia Yehova ukualohoka Suku ya Isareli ceci hati: ‘Nda nõlapo oku nena ohali kokuene, oco ndi nyõle o Yuda yosi. 12 Ame ndi ka kuata ovisupe vio Yuda vina via nõlapo oku enda kofeka Yegito oco va ka kaleko kuenje vosi yavo va ka nyõleha vofeka Yegito.+ Ovo va ka kupuka losipata kuenda va ka nyõleha lonjala; oku upisa kutito toke kunene, ovo va ka fa losipata kuenda lonjala. Kuenje va ka linga esiñalo, ocikuata cimue cocinjoko, epembulo kuenda esepu.+ 13 Ndi ka yambula vana va tunga vofeka Yegito ndeci nda yambula o Yerusalãi losipata, lonjala kuenda efengi.*+ 14 Kuenje ocisupe co Yuda cina ca enda oco ci ka tunge vofeka Yegito, ka ci ka puluka ale oku supapo oco ci tiukile vofeka yo Yuda. Ovo va ka livela oku tiuka kuenda oku tungamo, pole, ka va ka tiuka, te lika vañamiñami va ka puluka.’”
15 Alume vosi vana va kũlĩhĩle okuti akãi vavo va eca ovilumba kolosuku vikuavo kuenda akãi vosi vana va talamako okuti, va linga ocimunga cimue cinene kumue lomanu vosi va kala vofeka Yegito,+ ko Patirosi,+ va tambulula Yeremiya vati: 16 “Ka tu ka yevelela ondaka wa tu sapuila vonduko ya Yehova. 17 Pole, tu ka tẽlisa muẽle ondaka yosi ovimẽla vietu via popia, poku eca ovilumba ku Nasoma yo Kilu* kuenda oku pesela ovilumba vioku nyua kokuaye+ ndeci etu, vakukululu yetu, olosoma vietu kuenda olombuale vietu va linga valupale o Yuda kuenda volokololo vio Yerusalãi, eci tuekutile lokulia kuenda ekalo liwa, eci ka tua muile ohali layimue. 18 Oku upisa kotembo tua liwekapo oku eca ovilumba ku Nasoma yo Kilu* loku pesila ovilumba vioku nyua kokuaye, tua sukile ovina viosi kuenje tua nyõliwa losipata kuenda lonjala.”
19 Akãi vamisako vati: “Alume vetu va tu ecelela oku eca ovilumba kuenda oku pesila ovilumba vioku nyua ku Nasoma yo Kilu,* loku pangavo olombolo vi kuete esetahãlo liosuku yukãi.”
20 Noke Yeremiya wa sapuila omanu vosi, alume lakãi vavo kuenda omanu vosi va kala oku vangula laye hati: 21 “Ovilumba vina ene, vakukululu yene, olosoma viene, olombuale viene kuenda omanu vo vofeka va linga valupale o Yuda lo volokololo vio Yerusalãi,+ Yehova wa vi ivaluka kuenda eye ka vi ivalele!* 22 Oku sulako Yehova ka pandikisile vali lovilinga viene vĩvi kuenda ovina via vĩha ene wa lingaingi kuenje ofeka yene ya linga ocitumãlo cupolokoso, ocikuata coku yokokisa kuenda cesiñalo okuti, ka muli onungi layimue ndeci ci kasi etaili.+ 23 Omo okuti wa eci ovilumba evi kuenda wa lingili ekandu Yehova poku yuvula oku pokola kondaka ya Yehova loku kuama ocihandeleko caye, oviholo viaye kuenda olonjivaluiso viaye, ohali eyi yeya kokuene, ndeci ci kasi etaili.”+
24 Yeremiya wamamako oku sapuila komanu vosi kuenda kakãi vosi hati: “Yeveleli ondaka ya Yehova ene vosi vo ko Yuda, vu kasi vofeka Yegito. 25 Ca popia Yehova ukualohoka Suku ya Isareli ceci hati: ‘Eci ene kumue lakãi vene wa vanguli lovimẽla viene, wa ci tẽlisi lovaka ene, momo wa popi okuti: “Tu tẽlisa muẽle olohuminyo vietu poku eca ovilumba ku Nasoma yo Kilu* kuenda oku pesila ovilumba vioku nyua kokuaye.”+ Ene akãi, vu ka tẽlisa muẽle olohuminyo viene kuenda oku vi linga.’
26 “Omo liaco, yeveleli ondaka ya Yehova ene vosi vo Yuda wa tungi vofeka Yegito yokuti: ‘“Ndi lisila vonduko yange muẽle yinene,” oco Yehova a popia “okuti, onduko yange ka yi ka tukuiwa vali lomunu umue wo ko Yuda+ vofeka yosi Yegito poku popia hati: ‘Ndeci Ñala Tõlo Yehova a kasi lomuenyo!’+ 27 Kaliye ndi yongola oku nena kokuavo ohali okuti, ocina cimue ciwa hacoko;+ omanu vosi vo ko Yuda va kasi vofeka Yegito, va ka nyõliwa losipata kuenda lonjala, toke eci ka va kalako vali.+ 28 Vañami ñami lika va ka puluka kosipata kuenje va ka tiukila vofeka yo Yuda oku tunda vofeka Yegito.+ Noke ocisupe cosi co ko Yuda cina ceya kofeka Yegito oco ci tungeko, ci ka kũlĩha nda ondaka yelie ya linga yocili, nda yange ale yavo!”’”
29 “‘Kuenje eyi oyo ondimbukiso kokuene,’ oco Yehova a popia, ‘yokuti, ame ndi ka vu yambuli vocitumãlo eci oco vu kũlĩhi okuti, olondaka viange viohuminyo vioku vu neneli ohali, vi ka tẽlisiwa muẽle. 30 Ca popia Yehova ceci hati: “Ñasi oku eca Fareo Hofara, soma yo Egito, peka liovanyãli vaye kuenda peka lia vana va kasi oku sandiliya oku u ponda, ndeci nda eca Soma Sedekiya wo ko Yuda peka lia Soma Nevukandesa wo ko Bavulono, una wa kala unyãli waye haeye wa sandiliya oku u ponda.”’”+
45 Ondaka uprofeto Yeremiya a sapuila Baruke+ omõla a Neriya eci a soneha velivulu limue olondaka evi via vanguiwa la Yeremiya+ kunyamo wakuãla wa Yehoyakimi+ omõla a Yosiya soma yo Yuda, yeyi yokuti:
2 “Ca popia Yehova Suku ya Isareli catiamẽla kokuove a Baruke, ceci okuti: 3 ‘Ove wa popia hati: “Ngongo yange we, momo kevalo liange Yehova wa vokiyako esumuo! Nda kava loku leña leña kuange kuenda sia sangele ocitumãlo lacimue coku puyuka.”’
4 “Ove o sukila oku u sapuila okuti: ‘Ca popia Yehova ceci hati: “Tala! Eci nda tunga ñasi loku ci nyõla kuenda eci nda kũla ñasi loku ci tukũla okuti, ndi ci linga vofeka yosi.+ 5 Pole, ove muẽle o kasi oku lisandela* ovina vinene. Liwekapo oku sanda ovina viaco.”’
“‘Momo ndopo ndi nena ohali komanu vosi,’+ oco Yehova a popia, ‘kuenje kuosi ove wenda, ndi ka ku ĩha omuenyo wove ndonima.’”*+
46 Ondaka ya Yehova ya eciwa kuprofeto Yeremiya yatiamẽla kolofeka yeyi yokuti:+ 2 Eli olio esapulo lia loña Kegito+ liatiamẽla kolohoka via Fareo Neko+ soma Yegito, vina via kala ocipepi Lolui Ferati haivio via yuliwa ko Karekemisi la Soma Nevukandesa wo ko Bavulono, kunyamo wakuãla wa Yehoyakimi+ omõla a Yosiya soma yo Yuda liokuti:
3 “Pongiyi oviyepelo* viene kuenda oviyepelo vinene,
Kuenje kuendi kuyaki.
4 Ponginyi olokavalu kuenje kuendi, A vakuakuendela kolokavalu.
Limalẽhi kuenda wali ovikoko viene.
Lepiki olonjelia viene kuenda wali ovikutu viene viovivela.
5 ‘Momo lie ndi va letele locinjoko?
Ovo va kasi oku tiukila konyima, asualali vavo va yuliwa.
Va kasi oku tila lesakalalo, asualali vavo ka va vanji konyima.
Kolonepa viosi kuli ocinjoko,’ oco Yehova a popia.
6 ‘Ukualupesi ka tẽla oku tila kuenda asualali ka va tẽla oku puluka.
Konano, ocipepi longenge Yolui Ferati,
Ovo va lilondoka kuenje va kupuka.’+
7 Helie u-u o kasi oku lamana Ndolui Nilu,
Ndolondui viovava a tumõha?
8 O Egito yi lamana Ndolui Nilu,+
Ndolondui viovava a tumõha,
Kuenje yi popia yiti: ‘Ndi ka lamana kuenda ndi ka sitika ilu lieve.
Ndi ka nyõla olupale kumue la vana va tungamo.’
9 Ene alokavalu, lamani!
Ene akãlu, yoloki ndeyui!
Asualali va liange,
Kusi la Puti, vana va kasi oku talavaya lociyepelo,+
10 “Eteke liaco, lia tiamẽla ku Ñala Tõlo, Yehova ukualohoka okuti, eteke lioku fetuluinya oco a fetuluinye ovanyãli vaye. Kuenje osipata yi ka lia toke eci yi kuta kuenda yi ka nyua toke eci yi ka yuka losonde yavo, momo Ñala Tõlo, Yehova ukualohoka o kuete ocilumba* cimue vofeka yo konano, ocipepi Lolui Ferati.+
11 Lamanela ko Gileada, oco o kope onguendu,+
Amõla ufeko wosombo wo Kegito.
Ovihemba viove vialua via linga vielivova,
Momo ove ku kayisiwa.+
12 Olofeka via yeva oku sepuiwa kuove,+
Kuenje oku liyula kuove, kua yukisa ofeka.
Momo esualali li lilondoka kesualali likuavo,
Kuenda kavali kavo va kupukila kumosi.”
13 Ondaka Yehova a sapuila uprofeto Yeremiya yatiamẽla koku iya kua Soma Nevukandesa wo ko Bavulono, oco a kundule ofeka Yegito yeyi yokuti:+
14 “Ci sapuila Vegito, ci sandeka vo Migidolo.+
Ci sandeka vo Nofe* kuenda vo Tafanese.+
Popia hati: ‘Kali povitumãlo viene kuenda lipongiyi,
Momo osipata yi ka lia omanu vosi va lisungue love.
15 Momo lie alume vove va pama va kunduiwila?
Ovo ka va kolelepo,
Momo Yehova wa va kundula.
16 Ovo va kasi loku lilondoka kuenda oku kupuka vetendelo limue linene.
Va kasi oku popia omunu lukuavo vati:
“Katuki! Tu tiukili komanu vetu kuenda kofeka yetu
Omo liosipata ya kãla.”’
17 Ovo va siata oku imbilako oluiya luokuti:
‘Fareo soma Yegito o vangula calua, pole, ka lingi lacimue
Una wa ecelela okuti epuluvi* liu pita.’+
18 ‘Ndeci ame ndi kasi lomuenyo,’ oco ca popia Soma una okuti, onduko yaye Yehova ukualohoka,
Kuenda ndo Karimele+ ocipepi lokalunga.
19 Pongiya ovikuata viove vioku enda kumandekua,
Amõla ukãi wa tunga Vegito.
Momo o Nofe* yi ka kala ocikuata cimue coku yokoka;
Oyo yi ka kapiwa ondalu* kuenda ka mu ka siala onungi layimue.+
20 O Egito yi kasi ndongombe yimue yomange ya posoka,
Pole, olohamue vi ka yi katukila oku upisa konano.
21 Ndaño muẽle asualali vayo va pañinyiwa pokati kalio, va kasi ndolonãle via lẽla,
Pole, ovo va tiukilavo konyima kuenje va tilila kumosi.
Ovo ka va kolelepo,+
Momo eteke liefengi liavo lieya kokuavo,
Okuti otembo yavo yoku tetulula ovitangi.’
22 ‘Ocileñi Cegito ci kasi ndeci conyõha yi kasi oku sielena,
Momo ovo veya kokuayo longusu, lolondiaviti,
Ndalume va kasi oku teta oviti.*
23 Ovo va ka teta oviti viayo viovusenge,’ oco Yehova a popia, ‘ndaño ci molẽha okuti, ka mu iñiliwa.
Momo ovo valua vali okuti olohuma vi sule, ovo ka va tendiwa.
24 Omõla ufeko Wegito o ka kutisiwa osõi.
Eye o ka eciwa komanu vo konano.’+
25 “Ca popia Yehova ukualohoka Suku ya Isareli ceci hati: ‘Ndi ka yambula Amoni+ wo ko No,*+ Fareo, o Egito, olosuku vialio+ kuenda olosoma vialio, ocili, Fareo kuenda vosi vana va kolela kokuaye.’+
26 “‘Kuenje ndi ka va eca ku vana va kasi oku sandiliya oku va ponda, ku Soma Nevukandesa wo ko Bavulono+ kuenda kakuenje vaye. Pole, noke yovina viaco, omo mu ka kala vali olonungi ndeci ya kala kosimbu,’ oco Yehova a popia.+
27 ‘Catiamẽla kokuove, ku ka kuate usumba okuenje wange Yakoba,
Kuenda ku ka yokoke, A Isareli.+
Momo ame ndi ka ku popela oku upisa ocipãla
Kuenda ocitumbulukila* cove, oku upisa kofeka yumandekua wavo.+
Yakoba o ka tiuka kuenje o sanga etulumũho kuenda ka ka sengiwa,
Okuti lomue o ka va lingisa usumba.+
28 Omo liaco, ku ka kuate usumba okuenje wange Yakoba,’ oco Yehova a popia, ‘momo ame ñasi love.
47 Eyi oyo ondaka ya Yehova yina uprofeto Yeremiya a tambula yatiamẽla ku va Filisiti+ osimbu Fareo ka yulile o Gasa. 2 Ca popia Yehova ceci hati:
“Tali! Ovava a kasi oku iya oku tunda konano.
O-o, a ka kala etande limue liovava.
Kuenje a ka lundula ofeka kumue lovina viosi vi kasimo,
Olupale kuenda olonungi vialio.
Omanu va ka kaluka,
Kuenda vosi vana va kasi vofeka va ka lisiõsiõla.
3 Poku yeva ocileñi cakonjo olokavalu viovanyãli,
Onjuvungo yakãlu wuyaki
Kuenda onjuela yalola alio,
Ndaño muẽle va isia ka va ka tiuka omo liomãla vavo,
Omo ovaka avo a ka hongua,
4 Momo eteke liaco, li ka nyõla va Filisiti vosi, li kasi oku iya;+
Olio li ka nyõla oloñuatisi viosi via supapo vio ko Turo+ kuenda vio ko Sidono.+
5 Etoto* li keya ko Gasa.
O Asikelone yi ka nyõliwa.+
6 Avoyo we! Osipata ya Yehova!+
Toke otembo yipi ove ku ka liwekapo oku ũha?
Tiukila vocilalo cove.
Puyuka kuenda ũhako.
7 Oyo yi ũhako ndati
Nda Yehova wa eca kokualio ocihandeleko cimue?
Eye wa tuma osipata
Oco yi katukile o Asikelone kuenda kohulo yokalunga.”+
48 Ca popia Yehova ukualohoka Suku ya Isareli, catiamẽla ko Moavi+ ceci hati:
“Ngongo yo Nevo,+ momo oyo ya nyõliwa!
O Kiriyatayi+ ya kutisiwa osõi kuenda ya tambuiwa.
Ocitililo ca koka,* ca kutisiwa osõi kuenda ca teyiwa.+
2 Ovo ka va sivaya vali o Moavi.
Ko Hesibone+ ovo va sokiya enyõleho liayo vati:
‘Enjui, tu yi kunduli okuti ka yi lingi vali ofeka.’
Lovevo, A Mademene amamako oku ũha,
Momo osipata yi kasi oku ku kuama.
3 Ko Horonayimi+ ku yevala ondaka yoku kaluka,
Momo enyõleho kuenda ocilunga cimue cinene ceya kokuavo.
4 O Moavi ya nyõliwa.
Omãla vayo vatito va kasi oku lila.
5 Osimbu va lamana ko Luhiti omanu vamamako oku lila.
Kuenda osimbu va kala kociloka co Horonayimi, ovo va yeva oku lila kuesumuo omo liocilunga.+
6 Tili, popeli omuenyo wene!
Vu sukila oku kala nduti wongaye vekalasoko.
7 Omo okuti, ene wa koleli kovopange ene kuenda kovokuasi ene,
Ene vu ka kuatiwavo.
Kuenje Kemosi+ o kambatiwa kumandekua,
Kumue lovitunda viaye kuenda olombuale viaye.
8 Ukuakunyõla o keya kalupale osi,
Kuenda lalumue olupale lu ka puluka.+
Ocimbota* ci ka kunduiwa,
Ofeka ya tapika yi ka nyõliwa, ndeci Yehova a ci popia.
9 Kapa ondimbukiso yimue ko Moavi,
Momo eci yi siala ovingululu yi ka tila,
Kuenda alupale alio a ka linga ocikuata cimue cocinjoko,
Okuti ka mu kala onungi layimue.+
10 Una o tẽlisa upange wa Yehova locekelela wa siñaliwa!
Una o liwekapo oku pesela osonde losipata yaye wa siñaliwa!
11 Va Moavi va tula utima tunde vutila wavo,
Ndovinyu ya kapiwa vovikuata.
Ovo lalimue eteke va pesiwile vocikuata cikuavo,
Kuenda lalimue eteke vambatiwile kumandekua.
Eli olio esunga lieci epepo liavo li kasilili limuamue,
Kuenda elemba liavo ka lia pongolokele.
12 “‘Omo liaco, tali! Oloneke vi kasi oku iya,’ oco Yehova a popia, ‘eci ndi ka tuma alume kokuavo vana va ka va pesela. Ovo va ka va pesela kuenda va ka sia asanga avo upolokoso kuenje va ka nyanyõla asanga avo anene oco a linge ovimuanyuĩla. 13 Kuenje va Moavi va ka kuatela osõi Kemosi, ndeci onjo ya Isareli ya kuatela osõi o Betele okuti, oyo va kolelele.+
14 Ene vu popia ndati okuti: “Etu tuasualali vamue va pama, va lipongiyila uyaki”?’+
15 ‘O Moavi ya kunduiwa,
Alupale alio a nyõliwa,+
Kuenda amalẽhe vavo valume va velapo, va pondiwa,’+
Oco ca popia Soma una okuti, onduko yaye Yehova ukualohoka.+
16 Ocilunga ca va Moavi ci panda oku pitĩla,
Kuenda ekundu liavo li kasi loku iya lonjanga.+
17 Vosi vana va va ñuala va linga ukamba lavo,
Vosi vana va kũlĩha onduko yavo.
Va sapuili okuti: ‘Ndomo ombueti yunene ya teka, ombueti yeposo!’
18 Loka kulamba wove,
Kuenda tumãla lenyõna,* Amõla ufeko haeve wunungi yo Divone,+
Momo ukuakunyõla wo ko Moavi wa ku katukila,
Kuenje eye o ka lundula ovitumãlo viove vi kuete oviteyuilo.+
19 Talama kohulo yetapalo kuenda lavulula, anungi yo Aroere.+
Pula kulume o kasi oku tila kuenda kukãi wa puluka hati: ‘Nye ca pita?’
20 O Moavi ya kutisiwa osõi kuenda ya yokoka.
Lili kuenda liteteli.
Sapuli ko Arinone+ okuti, o Moavi ya kunduiwa.
21 “Esombiso lieya kofeka ya tapika+ oku katukila o Holone, o Yahaca+ kuenda o Mefaata;+ 22 o Divone,+ o Nevo+ kuenda o Bete-divilataimi; 23 o Kiriyatayi,+ o Bete-Gamuli kuenda o Bete-Meone;+ 24 o Keriote+ lo Bosara; kuenda alupale osi o vofeka yo Moavi, ana a kasi ocipãla la-a ocipepi.
25 ‘Ongusu* yo Moavi ya pua;
Okuoko kualio kua teyiwa,’ oco Yehova a popia.
26 ‘Yi koluisi,+ momo oyo ya litunuila Yehova.+
O Moavi ya li tiñolola volosanjo viayo,
Kuenda oyo ya linga ocikuata cimue cesepu.
27 Anga hẽ Isareli ka kaile ocikuata cimue cesepu kokuove?+
Eye wa sangiwile hẽ pokati kovimunu,
Okuti ove o puka puka kutue loku vangula catiamẽla kokuaye?
28 Tundi valupale kuenda tungi vesenje, alonungi vio Moavi,
Kuenda kali ndopomba yi panga ocanju cayo koviwulu viovitunu.’”
29 “Tua yeva eci catiamẽla kepela lio Moavi, oyo yi litunula calua,
Eci catiamẽla koku lipanda kuayo, kepela liayo, koku litunula kuayo kuenda koku livelisapo kutima wayo.”+
30 “‘Nda kũlĩha onyeño yayo,’ oco Yehova a popia.
‘Pole, va Moavi ka va ka tẽlisa lacimue ndeci va litunula;
Oku litunula kuavo kua kala kuesanda.
31 Eli olio esunga lieci ame ndi ka lisiõsuĩla o Moavi,
Momo ame ndi ka litetela omo lio Moavi yosi
Kuenda ndi ka lilila omanu vo ko Kiri-heresi.+
32 Ndi ka lila calua okuti oku lilila Yasere+ ci sule,
Ndi ka ku lilila, Ove uti wuyuva wo ko Sivima.+
Ovianja viove via kula calua, via pitahãla okalunga.
Via lisanduila toke kokalunga, toke ko Yasere.
Kapako ove ondombo kuenda koku ungula kuove kuayuva,
Ukuakunyõla wa lokilako.+
33 Esanju lonjolela viopiwa kocumbo coviti viapako
Kuenda kofeka yo Moavi.+
Nda imũla ovinyu kocikoselo cayuva.
Lomue vali o ka kosa loku kaluka kuesanju.
Kuenje ku ka kala oku kaluka, pole, hakukalukako kuesanju.’”+
34 “‘Kuli oku kaluka kumue oku upisa ko Hesibone+ toke ko Eleale.+
Ovo va votola ondaka yavo toke ko Yahaca,+
Oku upisa ko Cohara toke ko Horonayimi,+ toke ko Englatisielisiya.
Ndaño muẽle ovava o ko Nimirimi a ka takata.+
35 ‘Una o nena ocilumba kocitumãlo ca lepa,
Kuenda una eca ovilumba ku suku yaye
Ndi ka va malako ko Moavi,’ oco Yehova a popia.
36 Eli olio esunga lieci utima wange u ka lilila* Moavi ndolumbendo,*+
Kuenda utima wange u ka lilila* alume vo ko Kiri-heresi ndolumbendo.*
Momo ukuasi eye a kuete u ka pua.
37 Momo ovitue viosi via pemũiwa,+
Kuenda olonjele viosi via tetiwa.
38 “‘Valusoka osi o ko Moavi
Kuenda volokololo vialio viosi,
Ka muli lacimue, te lika oku lisiõsiõla.
Momo nda kundula o Moavi
Ndesanga limue lia inasiwa,’ oco Yehova a popia.
39 ‘Oyo ya yokoka calua! Lisiõsiõli!
O Moavi ya imba onyima yalio losõi!
O Moavi ya linga ocikuata cesepu,
Ocina cimue coku yokoka ku vosi vana va yi ñuala.’”
40 “Momo ca popia Yehova ceci hati:
‘Tali! Ndeci ongonga yimue yi palãla oco yi kuate ocinyama cimue,+
Eye o ka nyanyumũila avava aye ko Moavi.+
41 Alupale a ka tambuiwa,
Kuenda oviteyuilo vialio vi ka tambuiwa.
Keteke liaco, utima wasualali vo Moavi
U ka kala ndutima wukãi o kasi oku citisa.’”
43 Momo ocinjoko, ocitunu kuenda onjanjo vi kasi kovaso yove,
Anungi yo Moavi,’ oco Yehova a popia.
44 ‘Wosi una o tila ocinjoko, o ka kupukila vocitunu,
Kuenda wosi una o tunda vocitunu, o ka kuatiwa vonjanjo.’
‘Momo ndi ka nenela o Moavi unyamo weyambulo liavo,’ oco Yehova a popia.
45 ‘Vana va kasi loku tila, va talama vulembo wo Hesibone okuti, ka va kuata unene.
Momo ko Hesibone ku ka tunda ondalu
Kuenda ulienge u ka tunda vokati ko Sihoni.+
Owo wu ka lia upolo wo Moavi
Kuenda utue womãla olongangala.’+
46 ‘Ngongo yove, A Moavi!
Omanu va Kemosi+ va kunduiwa.
Momo omãla vove valume vambatiwa kumandekua,
Kuenda omãla vove vakãi vambatiwa kumandekua.+
47 Pole, konepa ya sulako yoloneke, ndi kongolola olomandekua vio Moavi,’ oco Yehova a popia.
‘Palo, opo pa sulila esapulo lioku sombisa o Moavi.’”+
49 Ca popia Yehova catiamẽla ku va Amoni+ ceci hati:
“Anga hẽ Isareli ka kuete omãla?
Anga hẽ eye ka kuete kapiñala?
Momo lie Malikama+ a piñalela o Gadi?+
Kuenda momo lie omanu vaye va tungila valupale o Isareli?”
2 “‘Omo liaco, tala! oloneke vi kasi oku iya,’ oco Yehova a popia,
‘Eci ame ndi ka lingisa okuti ocileñi cimue condimbukiso yuyaki,* ci yeviwa poku katukila o Raba+ ya va Amoni.+
Oyo yi ka kala omunda yimue yekalasoko,
Kuenda alupale alio a sungueko a ka imbiwa ondalu.’
‘Kuenje Isareli o ka tambula vali ofeka yina ovo va tambuile kokuaye,’+ oco Yehova a popia.
3 ‘Lisiõsiõla, A Hesibone, momo o Hai ya kunduiwa!
Kaluki, Ene alupale a sungueko o ko Raba.
Wali ovikelẽyi.
Lisiõsiõli kuenda ñuali ñuali pokati koviunda viovawe,*
Momo Malikama o kambatiwa kumandekua,
Kumue lovitunda viaye kuenda olombuale viaye.+
4 Momo lie o lipandela catiamẽla kovimbota,*
Catiamẽla ketapi liove lima ciwa, Ove amõla wukãi wa kamba ekolelo,
Una o kolela kovokuasi aye
Kuenda una o popia hati: “Helie o ka ndi katukila?”’”
5 “‘Ñasi oku nena ocina cimue ci lingisa usumba kokuove,’ oco Ñala Tõlo Yehova ukualohoka a popia,
‘Ci tunda ku vosi vana va ku ñuala.
Ove o ka sanduiwa kolonele viosi,
Kuenje lomue o kongolola vana va tila.’”
6 “‘Pole, noke yovina viaco, ame ndi kongolola olomandekua via va Amoni,’ oco Yehova a popia.”
7 Ca popia Yehova ukualohoka catiamẽla ko Edome ceci hati:
“Anga hẽ ka kuli vali olondunge lavimue ko Temani?+
Anga hẽ elungulo liwa lina li tunda ku vana va kuete olondunge lia imũha?
Anga hẽ olondunge viavo ka vi silivila?
8 Tili, ñualipo!
Kuendi, li salami valondo, Alonungi vio Dedane!+
Momo ndi ka nenela Esau ocilunga
Eci otembo yi pitĩla yoku u yambula.
9 Nda vakuakungula ayuva veyile kokuove,
Nda ka va sile hẽ amue konyima oco a pupuluiwe?
Nda ovimunu vieyile kuteke,
Ovio nda via nyõla lika eci via yonguile.+
10 Pole, ndi ka sia Esau epõlõla.
Ndi ka sikũlũla ovitumãlo viaye vioku li salama,
Oco eye ka ka tẽle oku li salama.
Omãla vaye kuenda epata liaye kumue lomanu vana va lisungue laye, vosi yavo va ka nyõliwa,+
Kuenje eye ka ka kalako vali.+
11 Sia omãla vove ka va kuete isia,
Kuenje ndi ka ecelela okuti, vamamako lomuenyo,
Kuenje ovimbumba viove vi ka kolela kokuange.”
12 Momo ca popia Yehova ceci hati: “Tali! Nda vana ka va pisiwile oco va nyue okopo va sukila oku yi nyua, anga hẽ ove ku sesamẽla oku yambuiwa muẽle? Ove ku ka siwa okuti ku yambuiwa, momo o sukila oku yi nyua.”+
13 “Momo ame muẽle nda lisila,” oco Yehova a popia “okuti, o Bosara yi ka linga ocikuata cocinjoko,+ esepu, enyõleho kuenda esiñalo; kuenje alupale alio osi a ka linga ovingululu otembo ka yi pui.”+
14 Ame nda yeva esapulo limue li tunda ku Yehova,
Omunga yimue ya tumiwa pokati kolofeka, yiti:
“Liongololi kuenda enjui oku yi katukila;
Lipongiyili oku yaka.”+
15 “Momo tala! Nda ku lingisa okuti ku kuata esilivilo pokati kolofeka,
Wa pembuiwa pokati komanu.+
16 Usumba ove wa kokela vakuene wa ku yapuisa,
Ndaño muẽle epela lio vutima wove,
Ove wa tunga vovitililo viesenje,
Kilu liomunda.
Ndaño ove o tunga ocanju cove kilu ndongonga,
Ame ndi ka ku kupulako,” oco Yehova a popia.
17 “Kuenje o Edome yi ka linga ocikuata coku yokoka.+ Omunu wosi o pita ocipepi layo, o ka vanja loku yokoka kuenda o ka sika ovilua omo liafengi alio osi. 18 Ndeci ca pita koku kunduiwa kuo Sodoma lo Gomora kuenda alupale a lisunguile la-o,”+ Yehova wa popia hati: “lomue o ka tungamo kuenda lomue omunu o ka kalamo.+
19 “Tali! Ndeci ohosi yimue yi tunda vusenge woviti via pulika+ vio ko Yordão, omunu umue o ka tunda loku katukila ovisenge via kolapo vioku lisila oviunda vio ko Edome. Pole, vepuluvi liaco, ndu ko lingisa okuti eye o tilamo. Kuenje ndi ka yi nõlela onõliwe yimue. Momo helie wa lisoka lame kuenda helie o ka tamalãla lame? Ungombo upi o tẽla oku talama kovaso yange?+ 20 Omo liaco, ene Amanu yeveleli onjila* Yehova a nõlapo yoku katukila o Edome kuenda ovisimĩlo a kuete vioku katukila olonungi vio Temani+ yokuti:
Ocili muẽle, olomeme vitito viocunda vi ka kokiwila kupãla.
Eye o ka lingisa okuti, ocitumãlo cavio ci siala upolokoso mekonda liavo.+
21 Ongongo ya luluma locileñi coku kupuiwa kuavo.
Kuli oku kaluka kualua!
Ocileñi ca yevala toke Kokalunga Kakusuka.+
22 Tali! Eye o ka lamana kuenda o ka palãla ndongonga yimue,+
Eye o ka nyanyumuĩla avava aye ko Bosara.+
Keteke liaco, utima wasualali vo ko Edome
U ka kala ndutima wukãi o kasi oku citisa.”
23 Esapulo liatiamẽla ko Damasko+ lieli liokuti:
“O Hamati+ lo Aripade via kutisiwa osõi,
Momo ovio via yeva esapulo limue lĩvi.
Ovio vi yenguluka lusumba.
Esakalalo li kasi vokalunga kana okuti, ka citava oku ka tulumũla.
24 O Damasko yapua utõi.
Oyo ya ñualapo oco yi tile, pole, ya kuatiwa lusumba.
Oyo ya kuatiwa lesakalalo kuenda evalo,
Ndukãi umue o kasi oku cita.
25 Citava ndati okuti olupale luesivayo ka lua yandulukiwile,
Okuti olupale luonjolela?
26 Momo amalẽhe alume valio va ka kupukila volokololo,
Kuenda asualali vosi va ka kunduiwa keteke liaco,” oco Yehova ukualohoka a popia.
27 “Ocimbaka co ko Damasko ndi ka cimba ondalu,
Kuenje oyo yi ka nyõla olosapalalo vi kuete oviteyuilo via Benehadada.”+
28 Ca popia Yehova catiamẽla ko Kedare+ kuenda kovosoma o ko Hasore ana Soma Nevukandesa wo ko Bavulono a lundula, ceci hati:
“Katuki, lamaneli ko Kedare,
Kuenje kunduli omãla vo Kutundilo.
29 Olombalaka viavo loviunda viavo vi ka tambuiwa,
Lolonanga viavo viombalaka kuenda ovipako viavo viosi.
Olongamelo viavo vi kambatiwa,
Kuenje ovo va ka kalukila kokuavo vati: ‘Ocinjoko ci kasi kolonele viosi!’”
30 “Tili, kuendi ocipãla!
Kuendi, lisalami valondo, Ene alonungi vio Hasore,” oco Yehova a popia.
“Momo Soma Nevukandesa wo ko Bavulono wa tumbika ongombo yoku vu katukili,
Kuenda eye wa linga esokiyo limue lioku vu katukili.”
31 “Katuki, lamaneli kofeka yi kasi vombembua,
Ya tunga loku kolapo!” oco Yehova a popia.
“Oyo ka yi kuete apito ale ovikundiko; ovo va kasi lika wavo.
32 Olongamelo viavo vi ka tambuiwa,
Kuenda oviunda viavo vialua vi ka pundiwa.
Ndi ka va sanduila kolofela viosi,*
Okuti vana va teta esinga liavo kolombanjo,+
Kuenje ndi ka nena ocilunga cavo oku upisa kolonele viosi,” oco Yehova a popia.
33 “Kuenje o Hasore yi ka kala ocivundilo colombua viovusenge,*
Ekalasoko limue liotembo ka yi pui.
Lomue o ka tungamo,
Kuenda lomue omunu o ka kalamo.”
34 Ondaka ya Yehova yina yeya kuprofeto Yeremiya yatiamẽla ko Elami+ kefetikilo liuviali wa Soma Sedekiya+ wo ko Yuda yeyi yokuti: 35 “Ca popia Yehova ukualohoka ceci hati: ‘Ndi kasi loku teya ohonji yo Elami+ okuti, ono* yunene wavo. 36 Ndi ka nena vo Elami olofela vikuãla vi tundilila kasulilo akuãla ovailu kuenda ndi ka va sanduila kolofela viosi evi. Ka ku ka kala ofeka layimue okuti ka ku ka enda vana va sanduiwa vo ko Elami.’”
37 “Ndi ka lingisa okuti, va Elami va kuatela usumba ovanyãli vavo kuenda vana va kasi oku sandiliya oku va ponda kuenje ndi ka va nenela ohali, onyeño yange yalua,” oco Yehova a popia. “Ndi ka tuma osipata konyima yavo toke eci ndi va nyõla.”
38 “Kuenje ndi ka tumbika ocalo cange ko Elami+ kuenda ndi ka kundula soma kumue lolombuale vio ko Elami,” oco Yehova a popia.
39 “Pole, konepa ya sulako yoloneke, ndi kongolola olomandekua vio ko Elami,” oco Yehova a popia.
50 Ondaka Yehova a popia yatiamẽla ko Bavulono,+ catiamẽla kofeka ya va Kaldea pocakati cuprofeto Yeremiya yeyi yokuti:
2 “Yi sapuli pokati kolofeka kuenda Yi sandeki.
Katuli ondimbukiso* yimue kuenda yi sandeki.
Ko ka limbiki cimue!
Popi ndoco: ‘O Bavulono ya tambuiwa.+
O Bele ya kutisiwa osõi.+
O Merodaka ya kuatiwa locinjoko.
Oviñumañuma vialio via kutisiwa osõi.
Oviteka vialio via vĩha* via kuatiwa locinjoko.’
3 Momo konano kua tunda ofeka yimue ya yi katukila.+
Oyo ya lingisa ofeka yalio ocikuata cimue coku yokoka;
Lomue vali wa tungamo.
Ci kaile omanu ci kaile ovinyama, va tila;
Ovo ka va kasiko vali.”
4 “Koloneke viaco kuenda kotembo yaco,” oco Yehova a popia, “omanu vo ko Isareli kuenda omanu vo ko Yuda va keyilila kumosi.+ Ovo va keya loku lila+ kuenda va ka sandela kumosi Yehova Suku yavo.+ 5 Ovo va ka pula onjila yi loña ko Siono, loku ñualisa ovipala viavo konele yaco,+ vati: ‘Enjui kuenda tu likongeli ku Yehova vocisila cimue cotembo ka yi pui, cina okuti lalimue eteke ci ka ivaliwa.’+ 6 Omanu vange va linga ocunda cimue colomeme via nyelẽla.+ Angombo vavo muẽle va va lingisa okuti, va nyelẽla.+ Ovo va va songuila kolomunda, poku ñuala ñuala oku upisa komunda toke kowulu. Ovo va ivalako ocitumãlo cavo cepuyuko. 7 Eci ovanyãli vavo va va sanga,+ va va lia kuenda va popia vati: ‘Etu ka tu kuete eko, momo ovo va lueyela Yehova, locitumãlo cesunga kuenda elavoko lia vakukululu yavo okuti, Yehova.’”
9 Ame ndi kasi oku pañinya kuenda oku nenela o Bavulono
Ekongelo limue linene liolofeka li tunda kofeka yo konano.+
Ovo va ka yi katukila ndovimunga viasualali;
Oku upisa kocitumãlo caco, oyo yi ka tambuiwa.
Ovisongo viavo vi kasi ndevi viesualali limue
Okuti vi tateka olonjali oku kala lomãla vavo;+
Ovo ka va tiuka okuti, ka va kuata onima.
10 O Kaldea yi ka kala ocina cimue ca pundiwa.+
Vosi vana va yi punda va kekuta calua,”+ oco Yehova a popia.
Momo wamamiko oku tẽha tẽha ndongombe yomange vowangu u talala,
Kuenda wamamiko oku fembula ndolokavalu.
12 Ina yene wa kutisiwa osõi.+
Una wa ku citi wa sumuisiwa.
Tali! Eye o sule pokati kolofeka,
Ekalasoko limue ka li kuete ovava kuenda ekango.+
Omunu wosi o pita ocipepi lo Bavulono, o ka lu vanja loku yokoka
Kuenda o ka sika ovilua omo liafengi alio osi.+
14 Enjui oku katukila o Bavulono vuyaki kolonele viosi,
Vosi yene vu kasi oku tieña* ohonji.
Hasi kokualio, ko ka tetelẽli ovisongo.+
Momo oyo ya lingila ekandu Yehova.+
15 Kalukili kokualio londaka yuyaki kolonele vialio viosi.
Oyo ya lieca.*
Yi fetuluinyi.
Lingi layo ndeci oyo ya linga.+
16 Nyõli ko Bavulono ukuakulima
Kuenda una o talavaya lomĩla kotembo yoku ungula.+
Omo liosipata yi nyõla, omunu lomunu o ka tiukila komanu vaye muẽle,
Omunu lomunu o ka tilila kofeka yaye muẽle.+
17 “Omanu va Isareli va kasi ndolomeme via nyelẽla.+ Olohosi via vi sandola.+ Tete soma yo Asuria wa vi lia;+ noke Soma Nevukandesa wo ko Bavulono wa takĩla akepa avio.+ 18 Omo liaco, ca popia Yehova ukualohoka Suku ya Isareli ceci hati: ‘Ndi ka yambula soma yo Bavulono kumue lofeka yaye ndeci nda yambula soma yo Asuria.+ 19 Kuenje ndi ka nena vali Isareli kusenge waye woku lisila oviunda+ noke eye o ka lia ko Karimele lo ko Basiane+ kuenje eye o kekuta kolomunda vio ko Efarimi+ levi vio ko Gileada.’”+
20 “Koloneke viaco kuenda kotembo yaco,” oco Yehova a popia,
“Eko lia Isareli li ka sandiliyiwa,
Pole, ka ku ka kala lalimue,
Kuenje akandu a Yuda ka a ka sangiwa,
Momo ame ndi ka ecela vana nda sia lomuenyo.”+
21 “Katukila ofeka yo Meratayi kuenda olonungi vio Pekode.+
Ovo va pondiwe kuenda va kunduiwe pe,”* oco Yehova a popia.
“Linga cosi nda ku handeleka.
22 Vofeka muli ocileñi cimue cuyaki,
Ocilunga cimue cinene.
23 Omatelo yina ya nyanyõla olofeka vio kilu lieve liosi ya tetiwa kuenda ya nyanyuĩwa!+
O Bavulono ya linga ocikuata cimue cocinjoko pokati kolofeka!+
24 Nda ku kapela onjanjo yimue kuenda ove wa kuatiwa, A Bavulono,
Kuenje ove kua ci limbukile.
Ove wa sangiwa kuenda wambatiwa,+
Momo ove wa tamalãla la Yehova.
25 Yehova wa yikula osila yaye,
Kuenje wa tundisa ovimalẽho a siata oku talavaya lavio oco a lekise onyeño yaye.+
Momo Ñala Tõlo, Yehova ukualohoka, o kuete upange umue
Kofeka ya va Kaldea.
26 Enjui oku yi katukila oku upisa kovitumãlo viocipãla.+
Yikuli olosila vialio.+
Longeki ovina vialio via pundiwa ndolondunda violomema.
Ka mu ka supe laumue.
27 Pondi olonãle vialio viosi;+
Ovio vi ambatiwe kepondelo.
Ngongo yavio, momo eteke liavio lieya,
Otembo yavio yoku yambuiwa!
28 Ku yevala ondaka yava va kasi oku tila,
Vana va kasi oku puluka kofeka yo Bavulono,
Oco va sapule ko Siono efetuluinyo lia Yehova Suku yetu,
Efetuluinyo omo lionembele yaye.+
Tungi ovilombo kolonele vialio viosi; lomue ka ka puluke.
Yi fetuluinyi ndomo ci likuata lovilinga vialio.+
Linga layo ndomo oyo ya linga.+
Momo oyo ya litunuila Yehova,
Una o Kola wa Isareli.+
30 Omo liaco, amalẽhe valio va ka kupukila volokololo vialio,+
Kuenje asualali valio vosi va ka nyõliwa* keteke liaco,” oco Yehova a popia.
31 “Tala! Ame ñasi oku ku katukila,+ Ove ukuesino,”+ oco Ñala Tõlo, Yehova ukualohoka a popia,
“Momo eteke liove li sesamẽla oku iya, otembo yina ndi ka ku yambula.
32 Ove, Okuesino, o ka lilondoka loku kupuka,
Okuti lomue o ku katula.+
Kuenda ndi ka kapa ondalu valupale ove,
Kuenje oyo yi ka lia ovina viosi via ku ñuala.”
33 Ca popia Yehova ukualohoka ceci hati:
“Omanu vo ko Isareli kuenda vo ko Yuda va kasi oku talisiwa ohali,
Kuenda vosi vana va vambata kumandekua, va va yika.+
Ovo va likala oku va eca.+
34 Pole, Onjovoli yavo ya pama.+
Yehova ukualohoka, oyo onduko yaye.+
Kuenda oku nena esakalalo kolonungi vio Bavulono.”+
35 “Kuli osipata yimue yi ka katukila va Kaldea,” oco Yehova a popia,
“Oku katukila olonungi vio Bavulono kuenda olombuale vialio kumue lalume valio vakualondunge.+
36 Kuli osipata yimue yi ka katukila ovaprofeto vesanda* kuenje ovo va ka lekisa uveke.
Kuli osipata yimue yi ka katukila asualali valio kuenje ovo va ka yokoka.+
37 Kuli osipata yimue yi ka katukila olokavalu viavo kuenda akãlu avo wuyaki,
Kuenda omanu vosi va litepa va kasi pokati kalio,
Kuenje ovo va ka kala ndakãi.+
Kuli osipata yi ka katukila ovokuasi alio kuenje a ka pundiwa.+
38 Kuli enyõleho limue kovava alio kuenje a ka kukuta.+
Momo oyo ofeka yimue yoviñumañuma via songiwa,+
Kuenda omo liovinjonde viavo vi yokokisa, ovo vamamako oku kala ndayui.
39 Omo liaco, oviluvo vio vekalasoko vi ka tunga kumuamue lovinyama vi yuela,
Kuenda vokualio mu ka tunga olombo.+
Oyo lalimue eteke yi ka tungiwa vali,
Ndaño oku kala ocitumãlo cimue coku tunga vokuenda kuovitumbulukila viosi.”+
40 “Ndeci ca pita eci Suku a kundula o Sodoma lo Gomora+ kuenda alupale a lisunguile la-o,”+ oco Yehova a popia, “lomue o ka tungamo kuenda lomue omunu o ka kalamo.+
41 Tali! Omanu va kasi oku iya oku tundilila konano;
Ofeka yimue yinene kuenda olosoma vinene,+ vi ka katuiwa
Oku upisa kolonepa viocipãla vio kilu lieve.+
42 Ovo va limalẽha lohonji kuenda onjelia.+
Ovo olongangala kuenda ka va ka lekisa ohenda.+
Ocileñi cavo ci kasi ndokuõla kuokalunga,+
Osimbu va endela volokavalu viavo.
Ndulume umue, ovo va lipongiya ndovimunga viasualali oco va ku katukile, Amõla ukãi wo ko Bavulono.+
Eye wa kuatiwa lesumuo,
Lolongembia ndevi viukãi umue o kasi oku cita.
44 “Tali! Ndeci ohosi yimue yi tunda vusenge woviti via pulika vio ko Yordão, omunu umue o ka tunda loku katukila ovisenge via kolapo vioku lisila oviunda vio ko Bavulono. Pole, vepuluvi liaco, ndi ka va lingisa okuti ovo va tilamo. Kuenje ndi ka yi nõlela onõliwe yimue.+ Momo helie wa lisoka lame kuenda helie o ka tamalãla lame? Ungombo upi o tẽla oku talama kovaso yange?+ 45 Omo liaco, ene Amanu, yeveleli onjila* Yehova a nõlapo yoku katukila o Bavulono+ kuenda ovisimĩlo a kuete vioku katukila ofeka ya va Kaldea.
Ocili muẽle, olomeme vitito viocunda vi ka kokiwila kupãla.
Eye o ka lingisa okuti, ocitumãlo cavio ci siala upolokoso mekonda liavo.+
46 Ongongo yi ka luluma locileñi coku tambuiwa kuo Bavulono,
Kuenda oku kaluka kumue ku ka yevala pokati kolofeka.”+
51 Ca popia Yehova ceci hati:
“Ñasi oku katula ofela yimue yi nyõla
Oco yi katukile o Bavulono+ kuenda olonungi vio Leve-kamai.*
2 Ndi ka tuma omanu ko Bavulono oco va yi sandole ndeci ofela yi sandola inene,
Kuenje va ka yi sandola loku sia ofeka yaco upolokoso;
Ovo va ka yi katukila kolonele vialio viosi keteke liohali.+
3 Ukualohonji ka ka tieñe* ohonji yaye.
Kuenda lomue ka ka katuke locikutu caye covivela.
Ko ka lekisi ohenda kalume amalẽhe+ vo vofeka yaco.
Olohoka viavo viosi vi kunduli.
4 Ovo va ka pondiwila vofeka ya va Kaldea,
Va ka lemẽhiwa calua volokololo vialio.+
5 Momo Yehova ukualohoka+ ka yandulukile Isareli la Yuda. Ovo ka va lingile ndovimbumba.
Pole, ofeka* yavo yeyuka leko kovaso ya Una o Kola wa Isareli.
Ko ka pondiwi omo lieko liayo.
Momo eyi oyo otembo yefetuluinyo lia Yehova.
Eye o kasi oku yi fetuluinya omo lieci ya linga.+
7 O Bavulono ya siata oku kala okopo yimue yulu peka lia Yehova;
Oyo ya koluisa ilu lieve liosi.
8 Vocipikipiki o Bavulono ya kupuka kuenda ya nyõliwa.+
Yi lisiõsuĩli!+
Tikuli onguendu omo lievalo liayo; pamue oyo yi ka sakuiwa.”
9 “Tua seteka oku sakula o Bavulono, pole, oyo ka ya kayele.
Yi yanduluki kuenda tuendi omunu lomunu kofeka yaye.+
Momo ovilinga vialio vina vi sesamẽla esombiso, via pitĩla toke kovailu.
Ovio via lepa calua ndalende.+
10 Yehova wa tu nenela esunga.+
Enjui, tu lomboluili ko Siono upange wa Yehova Suku yetu.”+
11 “Lepiki ovisongo viene;+ tikuli oviyepelo viene vi kasi ndolumbala.*
Yehova wa vetiya utima wolosoma via va Media,
Momo eye o yongola oku kundula o Bavulono.
Momo eli olio efetuluinyo lia Yehova, efetuluinyo omo lionembele yaye.
12 Tuliki ondimbukiso*+ yimue yoku katukila ovimbaka vio Bavulono.
Vokiyi olondavululi, kapi alume vakuakulavulula.
Pongiyi vana va lavekela vonutula.
Momo Yehova wa linga esokiyo,
Kuenda o ka tẽlisa eci a likuminya okuti, oku katukila olonungi vio Bavulono.”+
14 Yehova ukualohoka wa lisila eye muẽle hati:
‘Ndi ka ku yukisa lomanu okuti, va ka lua calua ndolohuma,
Kuenje ovo va ka kalukila leyulo kokuove.’+
15 Eye Una wa panga ongongo lunene waye,
Una wa tumbika ofeka yima ciwa lolondunge viaye+
Kuenda wa yala ovailu luloño waye.+
16 Eci eye a yevalisa ondaka yaye,
Ovava o kovailu a tumõha,
Kuenda eye o kokisa okuti, alende* a londa oku upisa kasulilo o kilu lieve
Eye o tuma oviliakulo kumue lombela,
Kuenda eye o tundisa ofela volosila viaye.+
17 Omanu vosi va tuwa ndaveke kuenda ka va kuete ukũlĩhĩso.
Omunu wosi ukuakutela utale o ka kutisiwa osõi omo liociñumañuma ca songiwa;+
Momo ociñumañuma caye cutale cuhembi,
18 Ovio viesanda,*+ upange woku yoliwa epembe.
Eci eteke liavio liesombiso li pitĩla, ovio vi ka nyõleha.
19 Onepa ya Yakoba ka yi sokisiwa lovina evi,
Momo eye Una wa sovola ovina viosi,
Ndaño muẽle ombueti yocipiñalo caye.+
Yehova ukualohoka, oyo onduko yaye.”+
20 “Ove wucimãleho cimue cuyaki kokuange, uta umue wuyaki,
Momo, love ndi ka nyanyõla olofeka.
Love ndi ka nyõla ovosoma.
21 Love ndi ka nyanyõla okavalu kuenda una endelako.
Love ndi ka nyanyõla ekãlu liuyaki kuenda una endelamo.
22 Love ndi ka nyanyõla ulume kuenda ukãi.
Love ndi ka nyanyõla ulume wa kuka kuenda ukuenje.
Love ndi ka nyanyõla umalẽhe ulume kuenda umalẽhe ukãi.
23 Love ndi ka nyanyõla ungombo kuenda ocunda caye.
Love ndi ka nyanyõla ongunja kuenda ovinyama viaye vioku lima.
Love ndi ka nyanyõla olonguluvulu kuenda va kalei kolombiali.
24 Ndi ka fetuluinya o Bavulono kuenda olonungi viosi vio ko Kaldea
Omo lievĩho va lingila ko Siono komanu vo ko Yuda,”+ oco Yehova a popia.
25 “Ame ñasi oku ku katukila,+ Amunda ukuakunyõla,” oco Yehova a popia,
“Ove ukuakunyõla ongongo yosi.+
Ndi koluĩla okuokuo kuange kokuove kuenda ndi ka ku tiñuluila asenje
Kuenje ndi ka ku pongolola omunda yimue ya pia.”
26 “Omanu ka va kopa kokuove ewe limue lievindi ale ewe liociseveto,
Momo ove o ka siala upolokoso otembo ka yi pui,”+ oco Yehova a popia.
27 “Tuliki ondimbukiso* yimue vofeka.+
Siki ombinga pokati kolofeka.
Nõli* olofeka oco vi yi katukile.
Yi kovongeli ovosoma o ko Ararate,+ o ko Mimi kuenda o ko Asikinasi.+
Yi nõleli kesongo umue wolohoka.
Eceleli okuti, olokavalu vi votoka ndolohuma viamalẽhe.
28 Nõli* olofeka oco vi yi katukile,
Okuti olosoma vio Media,+ olonguluvulu vialio kuenda va kalei valio vosi kolombiali
Kuenda olofeka viosi ovo va viala.
29 Kuenje ilu lieve li ka lisenga kuenda oku luluma,
Momo ovisimĩlo via Yehova vioku katukila o Bavulono vi ka tẽlisiwa
Oco ofeka yo Bavulono yi linge ocikuata cimue cocinjoko okuti, ka mu kala onungi.+
30 Asualali vo ko Bavulono va liwekapo oku yaka.
Ovo va tumãla voviteyuilo viavo.
Ongusu yavo ya pua.+
Ovo va linga ndakãi.+
Olonjo vialio via timĩhiwa.
Ovikundiko vialio via teyiwa.+
31 Omunga yimue yi lupuka oco yi lisange lomunga yikuavo,
Kuenda onumiwa yimue yi lisanga lonumiwa yikuavo,
Oco yi sapule ku soma yo Bavulono okuti, olupale luaye lua tambuiwa kolonele viosi,+
32 Olonepa vioku yoka via tambuiwa,+
Awato a pangiwa loloneva a timĩhiwa londalu,
Kuenda asualali va yokoka.”
33 Momo ca popia Yehova ukualohoka Suku ya Isareli ceci hati:
“Omõla ufeko wo Bavulono o kasi ndocimbandi.
Eyi oyo otembo yoku u sasa.
Ndopo otembo yoku ungula yi ka pitĩla kokuaye.”
34 “Soma Nevukandesa wo ko Bavulono wa ndi lia;+
Eye wa njimba vonjuela.
Eye wa ndi tepulula ndesanga limue li kasi upolokoso.
Eye wa ndi ina ndonyõha yimue yinene;+
Eye wa yukisa imo liaye lovina viange viwa.
Eye wa njimba kosamua.
35 ‘Ungangala wa lingiwa kokuange kuenda ketimba liange, u wile ko Bavulono!’ oco onungi yo Siono ya popia.+
‘Kuenda eko liosonde yange li wile kolonungi vio Kaldea!’ oco ca popia o Yerusalãi.”
36 Omo liaco, ca popia Yehova ceci hati:
Ndi ka kukutisa okalunga kumue lovisimo vialio.+
37 Kuenje o Bavulono yi ka linga ondunda yovawe,+
Ocivundilo cimue colombua viovusenge,*+
Ocikuata cimue coku yokoka kuenda ocina cimue coku sika ovilua,
Okuti, ka mu ka kala onungi.+
38 Vosi yavo va ka koma ndolohosi viamalẽhe.*
Ovo va ka koma ndomãla volohosi.”
39 “Eci olonjongole viavo vi livokiya, ndi ka pongiya ocipito cimue loku va koluisa,
Oco va sanjuke;+
Noke va ka pekela otulo ka tu pui,
Okuti ka va ka pasuka,”+ oco Yehova a popia.
40 “Ame ndi ka va nena ndotulomeme tua loña kepondelo,
Ndovitupi violomeme kumue lovitupi violohombo.”
Ndomo o Bavulono ya linga ocikuata cimue coku yokoka pokati kolofeka!
42 Okalunga ka lamana toke ko Bavulono.
Oyo ya sitikiwa lakimba alio alua.
43 Alupale ayo, a linga ocikuata cimue coku yokoka, ofeka yimue ka yi kuete ovava haiyo yekango.
Ofeka yimue okuti, lomue o ka kalamo kuenda lomue omunu o ka pitamo.+
Kokuayo olofeka ka vi ka endako vali,
Kuenda ocimbaka co Bavulono ci ka kupuka.+
45 Tundi pokati kayo, amanu vange!+
Popeli ovimuenyo viene+ konyeño ya piãla ya Yehova!+
46 Ko ka sumui ale oku kuata usumba omo liesapulo li ka yeviwa vofeka.
Vunyamo umue ku keya esapulo limue,
Kuenda vunyamo u kuamamo ku iya esapulo likuavo,
Liungangala vofeka kuenda liombiali yi katukila ombiali.
47 Omo liaco, tali! Oloneke vi kasi oku iya
Eci ame ndi ka yambula oviñumañuma via songiwa vio Bavulono.
Ofeka yalio yosi yi ka kutisiwa osõi,
Kuenje ovivimbi vialio viosi vi ka kupukila pokati kalio.+
48 Ovailu kuenda ongongo lovina viosi vi kasimo
Vi ka kaluka lonjolela omo lio Bavulono,+
Momo vakuakunyõla va keya kokualio oku tunda konano,”+ oco Yehova a popia.
49 “O Bavulono ka ya kupuile lika ovivimbi vio Isareli+
Pole, ko Bavulono kua kupukavo ovivimbi vio kilu lieve liosi.
50 Ene wa puluki kosipata, amamiko oku enda, ko ka talami!+
Ene vu kasi kupãla, ivaluki Yehova,
Kuenda sokololi eci catiamẽla ko Yerusalãi.”+
51 “Tua kutisiwa osõi, momo tua yeva olondaka vioku sanumũla.
Esepu lia sitika ovipala vietu,
Momo ovingendeleyi* vieya oku katukila ovitumãlo vi kola vionjo ya Yehova.”+
52 “Omo liaco, oloneke vi kasi oku iya,” oco Yehova a popia,
“Eci ndi ka yambula oviñumañuma vialio via songiwa,
Kuenje kofeka yalio yosi, vana va lemẽhiwa va ka leña leña.”+
53 “Ndaño o Bavulono yi lamana kovailu,+
Ndaño oyo yi pamisa oviteyuilo vialio vinene,
Kokualio ku ka pitĩla vakuakunyõla va tunda kokuange,”+ oco Yehova a popia.
54 “Yeveleli! Ko Bavulono+ ku yevala oku kaluka kumue,
Ocileñi cocilunga cinene ci tundilila kofeka ya va Kaldea,+
55 Momo Yehova o kasi oku kundula o Bavulono,
Eye o ka lingisa okuti, ondaka yalio yinene yũha,
Kuenje akimba avo a kõla ndovava alua.
Ocileñi condaka yavo ci ka yeviwa.
56 Momo ukuakunyõla o keya ko Bavulono;+
Asualali valio va ka kuatiwa,+
Olohonji viavo vi ka teyiwa,
Momo Yehova eye Suku una eca komunu lomunu eyambulo a sesamẽla.+
Eye o ka fetuluinya muẽle.+
57 Ndi ka koluisa olombuale vialio kuenda alume valio vakualondunge,+
Olonguluvulu vialio la va kalei kolombiali kuenda asualali valio,
Kuenje ovo va ka pekela otulo ka tu pui,
Okuti ka va ka pasuka,”+ oco ca popia Soma una okuti, onduko yaye Yehova ukualohoka.
58 Ca popia Yehova ukualohoka ceci hati:
“Ocimbaka co Bavulono, ndaño okuti ca tanda, ci ka nyõliwa pe,+
Olombundi vialio, ndaño okuti via lepa, vi ka imbiwa vondalu.
Omanu va ka talavaya calua elivova;
Olofeka vi ka likavisa ño ovio muẽle oco vi tekule ondalu.”+
59 Eyi oyo ondaka uprofeto Yeremiya a eca ndocihandeleko ku Seraya omõla a Neriya+ omõla a Maheseiya, eci eye a enda ko Bavulono la Soma Sedekiya wo ko Yuda kunyamo wakuãla wuviali waye; Seraya eye wa kala kesongo kovina via soma. 60 Yeremiya wa soneha velivulu limue ohali yosi ya laikele oku pita ko Bavulono okuti, olondaka viosi evi via sonehiwa viatiamẽla ko Bavulono. 61 Handi vali, Yeremiya wa sapuila Seraya hati: “Eci o pitĩla ko Bavulono loku yi mola, o sukila oku tanga lolukandi olondaka viosi evi. 62 Noke popia hati: ‘A Yehova, ove wa popia eci catiamẽla kocitumãlo eci okuti, ci ka nyõliwa kuenda ka mu ka siala onungi layimue, omunu ale ocinyama kuenje oyo yi ka siala upolokoso otembo ka yi pui.’+ 63 Kuenje eci o mala oku tanga elivulu eli, kutilako ewe limue kuenje limba vokati ko Ferati. 64 Noke popia hati: ‘Eyi oyo onjila ndomo o Bavulono yi ka vomba kuenda lalimue eteke yi ka katuka vali,+ omo liohali ndi kasi oku yi nenela; kuenje ovo va ka kava.’”+
Palo, opo pa sulila olondaka via Yeremiya.
52 Sedekiya+ wa kuata 21 kanyamo eci a linga osoma kuenda wa viala 11 kanyamo ko Yerusalãi. Onduko ya inaye ya kala Hamutala+ omõla ukãi wa Yeremiya wo ko Livina. 2 Eye wamamako oku linga eci cĩvi kovaso a Yehova, ndomo ci likuata lovina viosi Yehoyakimi a lingile.+ 3 Ovina evi via pita vo Yerusalãi kuenda vo Yuda omo lionyeño ya Yehova toke eci eye a va tundisa kovaso yaye.+ Kuenje Sedekiya wa sinĩla soma yo Bavulono.+ 4 Kunyamo wecea wuviali wa Sedekiya, kosãi yekũi, keteke liekũi liosãi, Soma Nevukandesa wo Bavulono weya lolohoka viaye viosi oco a katukile o Yerusalãi. Ovo va tunga ocilombo oco va yi katukile kuenda va tunga ocimbaka cimue kolonele vialio viosi.+ 5 Kuenje olupale lua ñualiwa ocingonja toke kunyamo 11 wa Soma Sedekiya.
6 Kosãi yakuãla, keteke liecea liosãi,+ onjala ya luile calua volupale kuenje omanu vo vofeka ka va kuatele okulia.+ 7 Oku sulako, va tuiya epangu limue vocimbaka colupale kuenje asualali vosi va tila, va tunda volupale luteke poku pita pombundi yi kasi pokati kovimbaka vivali, ocipepi locumbo ca soma osimbu va Kaldea va ñualele olupale; kuenje ovo vamamako vonjila yo Araba.+ 8 Pole, olohoka via va Kaldea via landula soma Sedekiya kuenje vio kuatela+ vanyãla o vekalasoko lio Yeriko kuenda asualali vaye vosi va tunda konele yaye kuenje va sanduiwa. 9 Noke ovo va kuata soma kuenda vo nena ku soma yo Bavulono ko Rivila kofeka yo Hamati kuenje eye wo sombisa. 10 Kuenje soma yo Bavulono wa pondela omãla va Sedekiya kovaso aye kuenda wa pondavo olombuale viosi vio Yuda ko Rivila. 11 Noke soma yo Bavulono wa tofola ovaso a Sedekiya,+ wo kuta lalienge osipi, wo tuala ko Bavulono kuenje wo kapa vokayike toke keteke lioku fa kuaye.
12 Kosãi yatãlo, keteke liekũi yosãi okuti, kunyamo 19 wa Soma Nevukandesa soma yo Bavulono, Nevusaradana usongui wolondavululi una wa kala oñuatisi ya soma yo Bavulono, wa iñila vo Yerusalãi.+ 13 Eye wa timĩha onjo ya Yehova,+ lonjo* ya soma kuenda olonjo viosi vio Yerusalãi; eye wa timĩhavo olonjo viosi vinene. 14 Ovimbaka vina via ñualele o Yerusalãi, via kupuiwa lolohoka viosi via va Kaldea vina via kala lusongui wolondavululi.+
15 Nevusaradana usongui wolondavululi, wambata kumandekua vamue pokati komanu olosuke kuenda omanu va supilepo vana va siwa volupale. Eye wambatavo vana va tiamẽlele konele ya soma yo Bavulono kuenda olomesele via loñoloha vina via supilepo.+ 16 Pole, Nevusaradana usongui wolondavululi, wa sia vamue pokati komanu olohukũipo vali vo vofeka, oco va talavaye vocumbo cayuva loku linga upange wa tĩla.+
17 Kuenje va Kaldea va nyanyõla olongunji viosipi+ vionjo ya Yehova kuenda otuakãlu+ lombasiya yinene yovava yosipi yi tukuiwa okuti, Okalunga,+ vina via kala vonjo ya Yehova kuenje vambata osipi yosi ko Bavulono.+ 18 Ovo vambatavo ovikuata viatiko, olopa, ovikuata vioku teta omutusila, atiyela,+ olokopo+ kuenda ovikuata viosi viosipi va enda oku talavaya lavio kupange wonembele. 19 Usongui wolondavululi wambata olombasiya,+ oviyukilo viondalu, atiyela, ovikuata viatiko, oviyekelo violondiyelo,+ olokopo, latiyela ana a kala wulu wa fina kuenda opalata.+ 20 Catiamẽla kolongunji vivali, kombasiya yinene yovava yi tukuiwa okuti, Okalunga,+ kolongombe vi soka 12 viosipi vina via kala vemẽhi Liokalunga kuenda kotuakãlu tuna Soma Salomone a pangela onjo ya Yehova, osipi yovikuata viaco viosi, ka ca tavele oku yi pesalisa.
21 Catiamẽla kolongunji, ongunji longunji ya kuatele 18 kovikeya* koku lepa kuenda ukolo umue woku yonga wa kuatele 12 kovikeya, wa ponduile oku yi ñuala;+ upamo walio wa lisokele lovimuine vikuãla* kuenda vokati kayo ka mua kaile lacimue. 22 Utue wongunji wa kala wosipi; kuenje oku lepa kutue umosi wongunji kua kala kuovikeya vitãlo;+ owanda kuenda olo romã viosi vina via ñuala kutue, viosi via pangiwile losipi. Ongunji yavali ya lisokele lalio oku kongelamo olo romã. 23 Kua kala 96 kolo romã konele yo kosamua; vo cosi, kua kala 100 kolo romã via ñualele owanda.+
24 Usongui wolondavululi wambatavo Seraya+ ocitunda ca velapo, Sofoniya+ ocitunda cavali kuenda vakualombundi va soka vatatu.+ 25 Kuenje eye wopa volupale kesongo umue welombe wa kala usongui wasualali, olondunguli epanduvali via soma vina via sangiwa volupale, oku kongelamo usonehi wusongui wolohoka, una wa enda oku konga omanu vo vofeka kovita kuenda 60 kalume vomanu vaño vo vofeka vana okuti, handi va sangiwile volupale. 26 Nevusaradana usongui wolondavululi, wa vambata kuenje wa va tuala ku soma yo Bavulono ko Rivila. 27 Soma yo Bavulono wa va lemẽha kuenje wa va pondela vo Rivila+ vofeka yo Hamati. Pole, Yuda wambatiwa kumandekua oku tunda vofeka yaye.+
28 Omanu vana Nevukandesa ambata kumandekua vava: Kunyamo wepanduvali, 3.023 va Yudea.+
29 Kunyamo 18 wa Nevukandesa,+ 832 komanu vopiwa vo Yerusalãi.
30 Kunyamo 23 wa Nevukandesa, Nevusaradana usongui wolondavululi, wambata va Yudea kumandekua okuti, 745 komanu.+
Vo cosi, ci soka 4.600 komanu vambatiwa kumandekua.
31 Noke kunyamo 37 wumandekua wa Soma Yehoyakini+ wo ko Yuda, kosãi 12 keteke 25 yosãi, Soma Evile-Merodake wo ko Bavulono, kunyamo a linga osoma, wa yovola* Soma Yehoyakini wo ko Yuda kuenje wo upa vokayike.+ 32 Eye wa vangula laye lohenda kuenda wo kapa kocalo ca velapo okuti, ovialo violosoma vikuavo vina via kala laye ko Bavulono vi sule. 33 Omo liaco, Yehoyakini wa lula uwalo waye wo vokayike kuenje olonjanja viosi wa lia lia komesa ya soma oloneke viosi viomuenyo waye. 34 Eye wa enda oku tambula olonjanja viosi okulia kua enda oku tunda ku soma yo Bavulono, eteke leteke, toke keteke liolofa viaye okuti, oloneke viosi viomuenyo waye.
Pamue yi lomboloka “Yehova o Kemãlisa.”
Ale “nda ku nõla.”
Lit., “osimbu kua tundile vimo.”
Ale “umalẽhe.”
Lit., “una o kasi oku lavulula.”
Ale “ombia yimue yoku telekelamo ya sanjavala.”
Lit., “oku pepeliwa,” ci lekisa okuti, ondalu yi kasi oku taima vemi liayo.
Lit., “oku itika ombunda yove.”
Ale “ocisola ka ci pongoloka.”
Ale “ovifuka.”
Ale “va sokotola,” vesenje.
Ale “ayove olohosi.”
Ale “Mefisi.”
Okuti, onepa yimue Yolui Nilu.
Okuti, o Ferati.
Lit., “osãi yalio.”
Ale “olosuku viñi.”
Lit., “u Arabia umue.”
Ci lombolokavo, ombela yatete.
Lit., “upolo.”
Lit., “oku kupuisa ocipala cange.”
Lit., “olonjila.”
Ale “olosuku viñi.”
Ale pamue, “alume vene.”
Lit., “utima wange.”
Lit., “olohoka violofeka.”
Lit., “ekamba.”
Ale “osuku yimue yi kuete osõi.”
Ale “ombueti yondimbukiso.”
Ale “Veti volonete viene.”
Ale “utõi.”
Ale “utõi.”
Upopi umue wocindekaise okuti pamue, u situlula ohenda ale ocikembe.
Lit., “Olondavululi,” okuti, vana va lavulula olupale oco va kũlĩhĩse eteke va lu katukila.
Lit., “ovãla ange.”
Lit., “vovimano viutima wange.”
Ale pamue, “ocileñi conjuela yuyaki.”
Ale “ombueti yondimbukiso.”
Ale “olondunge.”
Ale “oku livela.”
Lit., “ovo ka va honguele.”
Ale pamue, “Eye ka kasi komuenyo.”
Okuti, ondaka ya Suku.
Lit., “ene amanu aveke ka vu kuete utima.”
Ale “ombela yatete.”
Lit., “Oku kolisa.”
Lit., “Etũi liavo ka lia seviwile evamba.”
Lit., “vana veyukisiwa loloneke.”
Ale “oku lemẽhiwa.”
Ale “onumbi.”
Olundeya lumue luelemba liwa.
Lit., “Olongembia vioku cita.”
Okuti, Yeremiya.
Ocimalẽho cimue ukuakutela utale a siata oku talavaya laco oco a pepelele vondalu okuti, yi taima ciwa.
Lit., “Ovio,” vi tiamisiwila kolosapalalo viosi vionembele via tungiwa.
Ale “omãla ka va kuete isia.”
Ale “tunde ka ku ci toke ka ku ci.”
Ale “oku tuimisa owisi wocilumba.”
Lit., “oku pasuka selo loku vangula.”
Onduko yosuku yimue yukãi ya fendeliwa la va Isareli olonanguluke; pamue osuku yukãi yuyali.
Ale “oku ndi sanumũla.”
Ale “velungulo.”
Lit., “eteke leteke oku pasuka selo loku tuma.”
Lit., “ovo va tĩlisa osingo yavo.”
Lit., “ca tetiwa komẽla wavo.”
Ale “ocisungo cesumuo.”
Tala Elomboluilo, “Ongehena.”
Ale “ka ca la kala vovisimĩlo viange.”
Tala Elomboluilo, “Ongehena.”
Ale “otembo ya sokiyiwa.”
Ale “onumbi.”
Ale “yesanda.”
Ale “vakuakusoneha.”
Ale “oku lemẽhiwa.”
Ale “umbanda.”
Ale “onguendu yi tulumuisa.”
Ale “ukuakukayisa.”
Ale “ocisungo cesumuo.”
Ocinyama cimue covusenge ca setahãla ombulu.
Ale “onumbi.”
Tala Elomboluilo.
Ale “ovisungo viesumuo.”
Ale “ocisungo coku lila.”
Ale “ocisungo cesumuo.”
Ale “ka vi silivila.”
Ale “ka a kuete esilivilo.”
Ocin. 11 ca sonehiwa tete kelimi lio Aramaiku.
Ale “ombundu.”
Ale “efuimo.”
Ale “ka vi kuete esilivilo.”
Ale “oku imba lepipili.”
Ale “oku lemẽhiwa.”
Ocinyama cimue covusenge ca setahãla ombulu.
Ci molẽha okuti, ca tiamisiwila ku Yeremiya.
Ale “Ci lingiwe!”
Lit., “oku pasuka selo kuenda oku lungula.”
Ale “oku tuimisa owisi wocilumba.”
Ale “osuku yi kutisa osõi.”
Okuti, Yeremiya.
Okuti, ovilumba vi eciwa vonembele.
Ale “ovisimĩlo viovokati.” Lit., “olongẽla.”
Ale “yi kuete atota.”
Ale pamue, “Oyo yi lila.”
Lit., “kositu layimue.”
Ale “ñala yukãi.”
Ale “oku ñualiwa ocingonja.”
Ale “u Etiopia.”
Ale “vana vatito.”
Ale “katangi.”
Ocinyama cimue covusenge ca setahãla ombulu.
Ale “uvei.”
Ale pamue, “asombiso akuãla.” Lit., “apata akuãla.”
Ale pamue, “amamako oku enda ocinyimame.”
Ale “oku lekisa ocikembe.”
Ale pamue, “Owo wa yeva osõi kuenda wa sepuiwa.”
Lit., “Ku ka ndi kundule.”
Ale “esapulo limue lieyambulo.”
Ale “oku kala kapitiya kange.”
Ovihilahila viatavo esanda viatiamẽla kesumuo citava okuti, via enda oku kuamiwa lo Isareli olonanguluke.
Lit., “olonjila viavo viosi.”
Lit., “ovivimbi.”
Tala Elomboluilo.
Ale pamue, “Momo ndondalu yimue, ene wa taimi vonyeño yange.”
Ale “omunu wa pama.”
Lit., “o lingisa ositu okuokuo kuaye.”
Ale “omunu wa pama.”
Ale pamue, “ka u kayisiwa.”
Ale “ovisimĩlo vio vokati.” Lit., “olongẽla.”
Ale “pole, halesungako.”
Lit., “va ndi,” citava okuti, ci tiamisiwila ku Yehova.
Ale “va kundula olonjanja vivali.”
Lit., “ovo va tĩlisa osingo yavo.”
Ale “kombuelo.”
Lit., “ndomo ca sungulukile kovaso yukuakutalavaya lotuma.”
Ale “oku livela omo.”
Ale “oku livela omo.”
Lit., “oku sokiya.”
Ale “oku tuimisa owisi wovilumba.”
Ale “ka a tungiwile.”
Ale “onumbi.”
Lit., “tu u veti lelimi.”
Ale “ka ca la kala vovisimĩlo viange.”
Lit., “ovo va tĩlisa osingo yavo.”
Ale “ovisimĩlo vio vokati.” Lit., “olongẽla.”
Ale “uvei.”
Ale “vetapi lia vomba.”
Ale “kelombe.”
Ale “osiwe.”
Lit., “oku kolisa.”
O tukuiwavo hati, Yehoahasi.
Lit., “Olongembia vioku cita.”
O tukuiwavo hati, Yehoyakini kuenda Yekoniya.
Ale “ofeka.”
Lit., “oloneke.”
Ale “ukuakupiñala.”
Ale “va vĩha.”
Lit., “va pamisa ovaka vo.”
Tala Elomboluilo.
Ale “Ovo va kasi oku vu yukisi lelavoko liuhembi.”
Ale “esapulo limue lia lema.” Ondaka yo Heveru yi kuete alomboloko avali: “esapulo limue lio kilu,” ale “ocina cimue ca lema.”
Ale “esapulo limue lia lema.”
Ale “esapulo limue lia lema.”
Ale “esapulo limue lia lema.”
Ale “esapulo limue lia lema.”
Ale “esapulo limue lia lema.”
Ale “esapulo limue lia lema.”
O tukuiwavo hati, Yehoyakini kuenda Koniya.
Ale pamue, “vakuakutunga ovimbaka.”
Ale “uvei.”
Lit., “oku pasuka selo loku vangula.”
Lit., “oku pasuka selo loku tuma.”
Citava okuti, onjila yikuavo yoku soneha onduko Bavele (Bavulono).
Lit., “ositu yosi.”
Ale “eyove liohosi.”
Ale “oku petamẽla.”
Ale “oku livela omo.”
Lit., “oku pasuka selo loku tuma.”
Ale “kelombe.”
Ale “oku livela omo.”
Ale “omunda yonembele.”
Ale “oku tulumũla ocipala ca Yehova.”
Ale “oku livela omo.”
Lit., “ku una wa sunguluka kovaso ange.”
Ale “uvei.”
Lit., “epuyuko.”
Lit., “anyamo oloneke.”
Ale “Ci lingiwe!”
Ale “uvei.”
Ale “ñala yukãi.”
Ale pamue, “vakuakutunga ovimbaka.”
Ale “uvei.”
Ale pamue, “a tuika.”
Lit., “oku pasuka selo loku tuma.”
Ale “vociwuta.”
Lit., “linene.”
Lit., “alienge.”
Ale “ovo.”
Ale “oku lungula.”
Ale pamue, “oku sumbiwa.”
Lit., “oku eca utima waye ndonjeke.”
Ale “ndamamako oku lekisa ocisola ka ci pongoloka kokuove.”
Ale “o ka tunda loku piluka kua vana va kasi oku yola.”
Ale “vakango.”
Ale “oku yovola.”
Ale “ovina viwa vi tunda ku.”
Lit., “ulela.”
Lit., “ovãla.”
Ale “ocitumbulukila.”
Lit., “a kuna.”
Ale pamue, “ulume wavo.”
Ale “oviholo.”
Ale “etapi lia vomba.”
Ale “atiko a lẽla” okuti, atiko a litenga lulela wovilumba.
Ale “velombe.”
Okuti, inanu konepa ya isia.
Osiekele yimosi yi soka 11.4 kolograma. Tala Alombo. B14.
Lit., “ponete yomãla.”
Ale “unene ndomo ci likuata locipango cove.”
Ale “uvei.”
Lit., “ositu yosi.”
Lit., “oku pasuka selo loku longisa.”
Tala Elomboluilo, “Ongehena.”
Lit., “oku pitisa vondalu.”
Ale “ka ca la iñila vovisimĩlo viange.”
Ale “ovina viwa.”
Ale “ukuakupiñala.”
Lit., “ombuto.”
Ale “ociholo.”
Lit., “ombuto.”
Lit., “ombuto.”
Lit., “ombuto.”
Lit., “etaili.”
Ale “uvei.”
Lit., “Yonadava,” onjila yimue yoku tepulula onduko Yehonadava.
Lit., “Yonadava,” onjila yimue yoku tepulula onduko Yehonadava.
Lit., “oku pasuka selo loku vangula.”
Lit., “oku pasuka selo loku tuma.”
Lit., “Yonadava,” onjila yimue yoku tepulula onduko Yehonadava.
Lit., “ociña celivulu.”
Lit., “vociña celivulu.”
Ale “elivulu.”
Ale “elivulu.”
Ale “vohondo yoku lilamo.”
Ale “elivulu.”
Ale “kelombe.”
Ale “vakesongo kelombe.”
Ale “elivulu.”
Ale “elivulu.”
Onepa ya sulako ya Kuvala kuenda onepa yatete ya Cembanima. Tala Alombo. B15.
Lit., “ombuto.”
Ale “elivulu.”
O tukuiwavo hati Yehoyakini kuenda Yekoniya.
Lit., “vio kapa vonjo yalienge.”
Lit., “vonjo yocisimo.”
Ale “kelombe.”
Ale “uvei.”
Lit., “o tunda.”
Lit., “ndocina ca pundiwa.”
Ale “ukuenje welombe.”
Ale “elombe.”
Ale “velombe.”
Lit., “nda o tunda.”
Lit., “nda ku tundi.”
Lit., “oku tunda.”
Lit., “Alume vombembua yove.”
Ale ndomo ci likuata letepiso liolondaka viocisonehua co Heveru, “Nergali-Siaresere, Semigare-Nevo, Sariseki, Ravisarisi.”
Ale “usongui wovimbanda (ukuakukũlĩhĩsa olombungululu).”
Ale “elombe.”
Ale pamue, “ovopange a tĩla.”
Ale “kesongo wa velapo welombe.”
Ale “usongui wovimbanda (ukuakukũlĩhĩsa olombungululu).”
Lit., “ndocina ca pundiwa.”
Lit., “oku talama kovaso.”
Lit., “ombuto yusoma.”
Ale pamue, “ociva cinene.”
Ale “oku yeva ocikembe.”
Ale “oco vu kaliko otembo yimue.”
Ale “uvei.”
Ale “olonembele.”
Ale “Onjo (Onembele) Yekumbi” okuti, Heliyapoli.
Ale “olonembele.”
Ale “Mefise.”
Lit., “oku pasuka selo kuenda oku tuma.”
Ale “ka va likekembelele.”
Ale “uvei.”
Onduko yosuku yimue yukãi ya fendeliwa la va Isareli olonanguluke; pamue osuku yukãi yuyali.
Onduko yosuku yimue yukãi ya fendeliwa la va Isareli olonanguluke; pamue osuku yukãi yuyali.
Onduko yosuku yimue yukãi ya fendeliwa la va Isareli olonanguluke; pamue osuku yukãi yuyali.
Lit., “vieya vutima waye.”
Onduko yosuku yimue yukãi ya fendeliwa la va Isareli olonanguluke; pamue osuku yukãi yuyali.
Ale “oku kevelela.”
Ale “ndocina cimue ca pundiwa.”
Ociyepelo cimue citito okuti, ca enda oku ambatiwa la vakualohonji.
Lit., “oku liata.”
Ale “oku ponda.”
Ale “Mefise.”
Lit., “otembo ya sokiyiwa.”
Okuti, ukuakuyula o Egito.
Ale “Mefise.”
Ale pamue, “yi ka siala upolokoso.”
Ale “oku ongolola avaya.”
Okuti, o Tebe.
Lit., “ombuto.”
Ale “oku lungula.”
Okuti, o “Kurete.”
Okuti, va ka pemũla ovitue viavo vesumuo kuenda vosõi.
Ale “etapi lia vomba.”
Ale “ociteyuilo ca lepa.”
Ale “etapi lia vomba.”
Ale pamue, “posi yimue ya kukuta.”
Lit., “ombinga.”
Ale “oku sakalala.”
Okuti, olumbendo lumue lu sikiwa polonambi.
Ale “oku sakalala.”
Okuti, olumbendo lumue lu sikiwa polonambi.
Ale pamue, “ocileñi coku kaluka cuyaki.”
Ale “oviunda violomeme.”
Ale “atapi a vomba.”
Ale “elungulo.”
Ale “kolonele viosi.”
Ocinyama cimue covusenge ca setahãla ombulu.
Lit., “efetikilo.”
Ale “ombueti yondimbukiso.”
Ondaka yaco kelimi lio Heveru citava okuti, yi tiamisiwila kondaka “aniña” kuenda ya enda oku tukuiwavo ndondaka yoku nyehũla.
Lit., “oku liata.”
Lit., “lia eca eka liayo.”
Ale “kuenda va eca kenyõleho.”
Ale “yeci kenyõleho.”
Lit., “oku liata.”
Lit., “va kõha.”
Ale “vakuakuvangula esanda.”
Ale “elungulo.”
Citava okuti, onjila yikuavo yoku soneha onduko Kaldea.
Lit., “oku liata.”
Okuti, ofeka ya va Kaldea.
Ale pamue, “yukisi ovilalo viovisongo.”
Ale “ombueti yondimbukiso.”
Ale “ombundu.”
Ale “efuimo.”
Ale “ka vi kuete esilivilo.”
Ale “ombueti yondimbukiso.”
Lit., “Oku Kolisa.”
Lit., “Oku Kolisa.”
Ocinyama cimue covusenge ca setahãla ombulu.
Ale “ayove olohosi.”
Citava okuti onjila yikuavo yoku soneha onduko Bavele (Bavulono).
Ale “omanu vo kofeka yiñi.”
Ale “elombe.”
Ukeya umosi u soka 44.5 kolosentimetulu. Tala Alombo. B14.
Omuine umosi u soka 1.85 kolosentimetulu. Tala Alombo. B14.
Lit., “wa votola utue wa.”