Kuli hẽ Uviali Umue u Kuete Epondolo Lioku Viala Ongongo?—Nye Embimbiliya li popia?

Olombiali viosi voluali, via sakalala. Ndaño muẽle olofeka vina via molehẽle ndu okuti via kolapo, olombiali via sakalala omo liombuanja, oku tatekiwa kuoviela kuenda oku litepa kuovitundo viopulitika.

Embimbiliya li lekisa okuti kuli ombiali yimue yi kuete epondolo lioku viala ongongo. Citava okuti ove wa yevele ale eci catiamẽla kuviali waco. Usoma waco, una Yesu Kristu a tukula vohutililo a longisa.

• “Vu sukila oku likutilila ndoco: “‘A Isietu o kasi kovailu, onduko yove yi sumbiwe. Usoma wove wiye. Ocipango cove ci lingiwe palo posi, ndeci ci lingiwa kilu.’”—Mateo 6:9, 10.

Nye Embimbiliya li popia catiamẽla Kusoma waco?

Usoma—uviali umue wa kolapo

Usoma u viala oku upisa kilu.

• Yesu wa tukula uviali waco okuti, “Usoma wo kovailu.” (Mateo 4:17; 5:3, 10, 19, 20) Omo liaco, eye wa popia hati: “Usoma wange ka u pangi onepa koluali lulo.”—Yoano 18:36.

Usoma waco, u ka piñala olombiali viosi viomanu.

• Embimbiliya li popia ndoco: “Usoma waco . . . u ka nyanyõla loku kundula ovosoma aco osi [omanu] kuenje owo lika u ka kala otembo ka yi pui.”—Daniele 2:44.

Usoma okuti, Yesu Kristu eye Osoma yaco, lalimue eteke u ka nyõliwa.

• Embimbiliya li popia ndoco: “Uviali waye, uviali umue u kala otembo ka yi pui okuti, ka u ka pita kuenda usoma waye ka u ka kunduiwa.”—Daniele 7:13, 14.

Usoma waco u ka nena ombembua kuenda oku kalapo voluali.

• Embimbiliya li popia ndoco: “Ovo va ka tumãla, omunu lomunu vemẽhi liuti waye wuyuva kuenda vuti waye wukuyu, Kuenje lomue o ka va lingisa usumba.”—Mika 4:4.

Lilongisa ovina vikuavo viatiamẽla Kusoma

Yesu eci a kala palo posi, wa pita otembo yalua loku “kunda olondaka viwa Viusoma.” (Mateo 9:35) Eye wa popelevo hati:

• “Olondaka evi viwa Viusoma vi ka kundilua koluali luosi, ha vi lingi uvangi kolofeka viosi, oco esulilo liya noke.”—Mateo 24:14.

Koloneke vilo, olondaka viwa Viusoma vi kasi oku kundiwila kueci ci pitãhala 240 kolofeka. Tukulaleka oco o lilongise ovina vikuavo viatiemẽla Kusoma kuenda ndomo o kuatisiwa luviali waco.

Panga ohenda tala ovideo losapiUsoma wa Suku u Lomboloka Nye?