Velie va Kasi Oku Linga Ocipango ca Yehova Koloneke Vilo?
1. Osemana yipi tu ka fetika oku lilongisa ombrochura Velie va Kasi Oku Linga Ocipango ca Yehova Koloneke Vilo? kuenda tu ka kuatisiwa ndati lelilongiso liaco?
1 Oku upisa kosemana 28 ya Mbalavipembe tu ka fetika oku lilongisa ombrochura Velie va Kasi Oku Linga Ocipango ca Yehova Koloneke Vilo? kelilongiso Liembimbiliya vekongelo. Ombrochura eyi yokaliye ya sandekiwa kohongele yofeka losapi hati: “Lava Utima Wove!” oyo ya pongiyiwa oco yi kuatise vana va lilongisa Embimbiliya oku kũlĩha ocisoko ca Yehova. Poku lilongisa ombrochura yaco ka ci vokiya lika ocisola tu kuetele ocisoko ca Yehova, pole ocimalẽho ci tu kuatisa calua kupange woku kunda.—Osa. 48:13.
2. Ndamupi tu ka lilongisa ombrochura vekongelo?
2 Ndomo yi ka Lilongisiwa: Manji o songola elilongiso o sukila oku sokiya ciwa otembo oco ci kuatise oku kũlĩhĩsa atosi osi a sangiwa vocipama. Poku lilongisa ovipama 28 manji o songola elilongiso oka tukula osapi yocipama. Kuenje o pinga kumanji o kuete ocikele coku tanga oco atange ocinimbu catete. Noke manji o songola o linga kolonjeveleli epulilo a tukula kefetikilo. Ocinimbu locinimbu ci fetika lololetala vitekãva calua, ci tangiwe kuenda ci konomuisiwe. Noke yoku tanga ocinimbu, manji o Songola o laleka olonjeveleli oco vi lombolole ndomo ocinimbu ci tambulula osapi yocipama. Vombrochura mulivo alitalatu alua okuti citava oku a lombolola. Citava oku tanga ovisonehua via velapo nda otembo yecelela. Manji o songola osimbu ka fetikile ocipama cikuãimo, o linga apulilo oku pitulula a sangiwa kesulilo liocipama. Mu sangiwavo okakasia losapi hati: “Kũlĩha Ovina Vikuavo,” eye o ka tanga kuenje o pinga kuvamanji oco va lombolole ndomo vana va lilongisa Embimbiliya va ka kuatisiwa poku kuama olonumbi viaco. Nda otembo yecelela manji o songola, a tukule osapi yocipama ndepulilo lioku pitulula. Kũlĩha okuti poku longisa Embimbiliya komanu, ku sukila oku kuama onjila yimuamue.
3. Tu kuatisiwa ndati poku lilongisa ombrochura yaco?
3 Oco o kuatisiwe lulandu waco o sukila oku lipongiya ciwa. Likolisilako oku eca a tambululo. Vokuenda kuelilongiso, sokolola ndomo ulandu waco u kuatisa vana tu longisa Embimbiliya. Oku kũlĩhĩsa ombrochura eyi yokaliye ci tu ĩha ukũlĩhiso woku kuatisa omanu oco va likongele kokuetu poku linga ocipango ca Suku loku kuata epuluvi lioku kala otembo ka yi pui.—1 Yoa. 2:17.