Ndomo tu Talavaya Lombrochura A Mensagem da Bíblia

Valua vocikanjo cetu, va tiamẽla vatavo ana okuti ka va tava ku Kristu, ka va kũlĩhĩle ciwa Embimbiliya. Akundi vamue poku lilongisa lomanu vaco elivulu Embimbiliya li Longisa, va kuamavo ombrochura A Mensagem da Bíblia oco yi va kuatise oku kũlĩha ciwa Embimbiliya. Manji umue poku konomuisa ocipama ca 3 velivulu Embimbiliya li Longisa wa kongelamo onepa 1 yombrochura. Noke kesulilo lielilongiso lelilongiso va konomuisa ocipama cikuavo combrochura. O kasi hẽ oku lilongisa la umue o kuete ukũlĩhĩso utito ale ka kũlĩhĩle lacimue catiamẽla Kembimbiliya? Oco u kuatise oku lilongisa ‘ovisonehua vi kola, haivio vi tẽla oku u longisa ndomo a tẽla oku popeliwa,’ konomuisa elivulu Embimbiliya li Longisa, lekuatiso liombrochura A Mensagem da Bíblia.—2 Tim. 3:15.