Ombrochura Yokaliye yi ka Eciwa!
1. Nye tu ka eca vokuenda kuosãi ya Kuvala, kuenda cipi ocimãho combrochura yaco?
1 Kohongele Yofeka yunyamo wo 2009, losapi “Lavululi!,” kua sandekiwa ombrochura yokaliye losapi hati: A Bíblia—Qual é a Sua Mensagem? Vokuenda kuosãi ya Kuvala, akongelo osi voluali a ka eca onjanja yatete ombrochura yaco kupange woku kunda. Ombrochura yaco yi ka kuatisa ndati omanu vocikanjo cetu? Omanu vana vatiamẽla katavo amue okuti Hakristãoko, ka va kũlĩhĩle ovina vialua viatiamẽla Kembimbiliya. Omo liaco, ombrochura eyi kemẽla 3, yi lombolola eci catiamẽla “kovolandu amue Embimbiliya.”
2. Tu eca ndati ombrochura?
2 Ndomo Yeciwa: Tu pondola oku fetika ndoco: “Tu yongola oku kũlĩha ocisimĩlo cove catiamẽla kocinimbu eci Cembimbiliya. [Tanga 2 Timoteo 3:16.] Omanu valua va tava kolondaka evi, pole vakuavo va sima okuti Embimbiliya elivulu limue ño liwa. Cipi ocisimĩlo cove catiamẽla Kembimbiliya? [Ecelela etambululo.] Ndaño tuatiamẽla ketavo limue, pole tu sukila oku konomuisa etu muẽle eci Embimbiliya li popia. [Tanga olondaka viocinimbu catete kemẽla 3.] Osimbu o tanga ulandu wovipama vi sangiwa kemẽla liatete liombrochura yilo, o ka limbuka okuti Embimbiliya li kuete osapi yimue kuenda esapulo limue.”
3. Yipi onumbi yikuavo tu pondola oku kuama poku talavaya vocikanjo muli omanu valua va tiamẽla katavo ana okuti Hakristãoko?
3 Kuli onjila yikuavo tu pondola oku kuama poku eca ombrochura yaco vovikanjo vina okuti, omanu valua vatiamẽla katavo ana okuti Hakristãoko. Omo liaco, tu pondola oku popia ndoco: “Tu yongola oku yeva ocisimĩlo cove catiamẽla kolondaka vi sangiwa Vovisonehua (ale velivulu eli li kola.) [Tanga Osamo 37:11.] Nye osima catiamẽla koluali ndomo lu ka kala eci ocitumasuku eci ci ka tẽlisiwa? [Ecelela etambululo.] Eli olio elavoko kuenda elembeleko omanu vakuapata osi, kuenda vakuatavo osi, va pondola oku sanga Vembimbiliya.” Tanga olondaka viocinimbu catete kemẽla 3, kuenda eca ombrochura yaco.
4. Tu talavaya ndati lombrochura yilo oco tu fetike elilongiso Liembimbiliya?
4 Fetika Elilongiso Liembimbiliya: Poku linga epasu, tu sukila oku ivaluisa omunu tua sapelele laye kuenda oku konomuisa ocinimbu cimosi ale vivali viatiamẽla kovina tua sapela onjanja yatete, loku linga apulilo a sangiwa kesulilo liocipama caco.Nda tu yongola oku eca elivulu Embimbiliya li Longisa Nye?, tu sukila oku tanga tete osapi yombrochura, noke tu eca komunu elivulu, loku u pula osapi yocipama cimue a sola. Noke, tu konomuisa laye ocinimbu cimosi ale vivali viocipama caco. Omo liaco, vosi yetu tu likolisiliko oku panga onepa kupange woku eca ombrochura yaco vokuenda kuosãi ya Kuvala!