Seleka
Ove hẽ o Kasi Oku Talavaya Lolombrochura Evi?
A Bíblia—Qual é a sua Mensagem?
Via sandekiwila oku kuatisa vana ka va kuete ukũlĩhĩso walua Wembimbiliya, capiãla enene vakuatavo ana ka va tava ku Kristu
Ndomo yeciwa: “Tu yongola oku kũlĩha ocisimĩlo cove catiamẽla Kocisonehua eci (ale kelivulu eli li kola). [Tanga Osamo 37:11, ya tukuiwa kocipama 11.] Kocisimĩlo cove, oluali lu ka kala ndati eci ocitumasuku eci ci ka tẽlisiwa? [Ecelela etambululo.] Eli olio elavoko lelembeleko omanu vakuapata osi kuenda vakuatavo osi va pondola oku sanga Vembimbiliya.” Tanga ocinimbu ci sangiwa konano yemẽla 3, noke eca ombrochura yaco.
O pondolavo oku linga ndoco: Nda o kasi oku songola elilongiso Liembimbiliya velivulu Embimbiliya li Longisa lomunu umue watiamẽla ketavo lina okuti ka va tava ku Kristu, kefetikilo lielilongiso ale kesulilo, sokiya akukutu amue oku konomuisa laye ocipama cimue combrochura eyi oco a kũlĩhe ovina vimue vi sangiwa Vembimbiliya.
Um Livro para todas as Pessoas
Ya sandekiwila oku kuatisa vana ka va kuete ukũlĩhĩso walua Wembimbiliya
Ndomo yeciwa: Tanga 2 Timoteo 3:16, 17. Noke popia ndoco: “Ove hẽ, o tava okuti, Embimbiliya ocitumasuku? Ale o sima okuti Embimbiliya elivulu limue ño liwa? [Ecelela etambululo.] Omanu valua va kuete ovisimĩlo via litepa viatiamẽla kepulilo eli, pole ka va luile va siata oku konomuisa ovo muẽle Embimbiliya. [Tanga ulandu u sangiwa vemehi liosapi kemẽla 3.] Ombrochura eyi, yi lombolola esunga lieci omanu vakuapata osi kuenda vakuatavo osi va sukilila oku konomuisa Embimbiliya.”
O pondolavo oku linga ndoco: Nda omunu o tava oku tambula ombrochura, popia ndoco: “Esunga lieci omanu valua va simila okuti Embimbiliya ka li tu longisa ovina vi kuete esilivilo, lieli okuti atavo alua va sepula Embimbiliya kuenda va pengisa alongiso alio. Eteke likuavo eci ndi tiuka, ndu ku nenela ombrochura ndeyi.” Eci o tiuka, kũlĩhĩsa laye ulandu u sangiwa kamẽla 4-5.
Citava Okuti Okala Ekamba lia Suku!
Ya sandekiwila oku kuatisa vana ka va lilongisile calua kosikola ale vava ka va tẽla oku tanga
Ndomo yeciwa: “Ove hẽ, o sima okuti tu pondola oku kala akamba va Suku? [Ecelela etambululo. Noke tanga Tiago 2:23.] Ombrochura eyi ya sandekiwila oku tu kuatisa oku kala akamba va Suku, ndeci Avirahama a kala.”
O pondolavo oku linga ndoco: Konjanja yatete ale poku linga epasu, lekisa ndomo elilongiso Liembimbiliya li lingiwa poku kũlĩhĩsa ulandu wosi wocipama 1 ale onepa yimue yocipama caco.
Como ter uma—Vida Satisfatória
Ya sandekiwila oku kuatisa vana ka va tiamẽlele ketavo
Ndomo yeciwa: “Tu eya oku ku pasuisa, momo omanu valua va yongola oku kuata omuenyo wesanju. Vosi yetu tua siata oku liyaka lovitangi vi sumuisa. Eci tu liyaka lovitangi viaco, tua siata oku sandiliya ekuatiso kepata lietu, kakamba, valivulu, ale vo Internet. Pi ove o sima okuti oko ku sangiwa olonumbi viwa? [Ecelela etambululo.] Vamue va siata oku komõha calua poku sanga Vembimbiliya olonumbi via sunguluka. Kũlĩhĩsa ocindekaise eci. [Lekisa komunu ocipama 2, kuenda tanga ocisonehua cimue Cembimbiliya ca tukuiwamo.] Ombrochura yilo, yi lombolola ndomo tu pondola oku sanga esanju komuenyo.”
O pondolavo oku linga ndoco: Nda omunu o tava oku tambula ombrochura, popia ndoco: “Omanu valua va siata oku yeva okuti, Vembimbiliya muli ovolandu alua a pengisiwa. Eteke likuavo eci ndi tiuka, ndu ku lekisa ulandu umue u ka ku komõhisa weca uvangi wokuti Embimbiliya elivulu limue liuloño wasuapo.” Eci o tiuka, kũlĩhĩsa laye ocinimbu 4 kemẽla 12.
A Origem da Vida—Cinco que Merecem Respostas
Ya sandekiwila oku kuatisa amalẽhe Akristão vana va kasi oku longisiwa kosikola elongiso liokuti ovina viosi via tukuluka ño kuenda yi va kuatisa oku sapela la vana ka va tava okuti ovina viosi via lulikiwa, vana va tatãla nda okuti kuli Suku ale sio, kuenda vana va popia hati ka kuli Suku. (Ombrochura eyi ka yeciwa kupange woku kunda konjo lanjo.)
Ndomo yeciwa poku sapela la vana va popia hati, ovina viosi via tukuluka ño kuenda vana va tatãla nda okuti kuli Suku ale sio: “Alivulu osi olonoño a longisa okuti ovina viosi via tukuluka ño. Ove hẽ o tava okuti elongiso liokuti ovina viosi via tukuluka ño ocisimĩlo cimue ño, ale ocili cimue ci kuete uvangi? [Ecelela etambululo.] Ndi sima okuti, oco tu kuate elomboloko liwa liatiamẽla kondaka eyi, tu sukila oku kũlĩhĩsa ovina evi vivali. Ombrochura eyi yi lekisa ovovangi amue a siata oku vetiya omanu valua oku tava okuti omuenyo wa lulikiwa.”
O pondolavo oku linga ndoco: Nda o kasi oku tanga kosikola, kapa ombrochura yaco kilu liomesa yove kuenda kũlĩhĩsa nda yi vetiya vana o tangela lavo kumosi.
Onjila yi tuala Komuenyo Ko Pui—Ove hẽ wa yi Sanga?
Ya sandekiwila oku kuatisa vana va yongola oku kũlĩha ocili Condaka ya Suku, ca piãla enene vo Afrika, mu sangiwa atavo alua kuenda olonjila via litepa vioku fendela.
Ndomo yeciwa: “Kocisimĩlo cove, o tava hẽ okuti atavo osi a taviwa la Suku? [Ecelela etambululo. Noke tanga Mateo 7:13, 14 kuenda ocinimbu 1 kemẽla 19 Yombrochura.] Ombrochura eyi yi lekisa ndomo tu pondola oku sanga onjila yi tuala komuenyo ko pui kuenda ndomo tu liteyuila kovohembi a siata koloneke vilo.”
O pondolavo oku linga ndoco: Nda kua fetikiwa elilongiso Liembimbiliya, o sukila oku kũlĩhĩsa ovipama vimue vi pondola oku kuatisa ondonge. Noke o pongoluila elilongiso liaco velivulu Embimbiliya li Longisa.
O Caminho para a Paz e Felicidade
Ya sandekiwila oku kuatisa vakuetavo lio Budista
Ndomo yeciwa kakulu vendamba vakuetavo lio Budista: “Citava okuti ove wa sakalalavo lovisimĩlo vĩvi viomanu kuenda ndomo vi kasi oku nyõla omãla vetu. Nye ove o sima okuti oco ci kasi oku vokiya evĩho pokati kamalẽhe? [Ecelela etambululo.] Ove hẽ wa kũlĩha okuti ovina evi via popiwile ale velivulu limue lia sonehiwa kosimbu eci handi ka kua kaile etavo Liakristão, lio Hindu kuenda lio Musulumanu? [Tanga 2 Timoteo 3:1-3.] Ivaluka okuti ekalo eli li kasi oku amamako ndaño okuti ukũlĩhĩso womanu u kasi oku livokiya. [Tanga ocinimbu 7.] Ulandu u sangiwa vombrochura eyi, wa ndi kuatisa oku kuata elomboloko liocili cimue okuti omanu valua lalimue eteke va ci lilongisile. O yongola hẽ oku ci tanga?”
O pondolavo oku linga ndoco: Kepasu likuavo, noke yoku vetiya utima womunu oku sola Embimbiliya, u lekisa apulilo a sangiwa konyima yombrochura kuenda ndomo a pondola oku lilongisa elivulu Embimbiliya li Longisa. U sapuila okuti, nda eye o yongola elilongiso Liembimbiliya, o nena elivulu liaco. U lekisa ulala wolosapi viovipama vi sangiwa velivulu liaco, kuenda kũlĩhĩsa laye ocinimbu cimue ale vivali viocipama cimue a nõla.
Verdadeira Fé—O Segredo de uma vida feliz
Ya sandekiwila oku kuatisa vakuetavo lio Musulumanu va kasi pocitumãlo pana ovo va sima okuti va kuete elianjo lioku lilongisa Embimbiliya
Ndomo yeciwa: “Nda kũlĩha okuti va Musulumanu va tava ku Suku umue wocili kuenda kovaprofeto vosi. Eci hẽ siti ocili? [Ecelela etambululo.] Ndi yongola oku sapela love catiamẽla kocitumasuku cimue cosimbu ci lombolola okuti oluali lu ka pongoluiwa oco lu linge luokaliye. Citava hẽ okuti ndu ku tangela ocitumasuku caco? [Tanga Isaya 11:6-9.] Valua va siata oku komõha ndomo Suku a ka nena apongoloko aco voluali. Ombrochura eyi yi lekisa eci ovaprofeto va popia catiamẽla kondaka eyi.”
O pondolavo oku linga ndoco: Nda omunu waco o tava oku tambula ombrochura, popia ndoco: “Elivulu eli lia Suku li lombolola okuti, kefetikilo omunu wa kala vocumbo celau. Onjanja yikuavo, ndu ku sapuila etambululo liepulilo eli: ‘Ndamupi omunu a yapuka volonumbi via Suku loku pumba ocumbo celau?’” Eci o tiuka sapela laye ulandu u fetikila kemẽla 6 u lekisa elitokeko lia kala pokati komanu kefetikilo.
Como ter Verdadeira Paz e Felicidade
Ya sandekiwila oku kuatisa va kuafeka yo China
Ndomo yeciwa: “Koloneke vilo, omuenyo weyuka ovitangi vialua vi tu nenela esumuo. Nye ci tu kuatisa oku kuata esanju ndaño lovitangi? [Ecelela etambululo.] Omanu valua va siata oku sanga esanju li tunda koku kuama olonumbi Viembimbiliya. [Tanga Osamo 119:1, 2.] Vamue va sepula loku popia hati, Embimbiliya elivulu limue lio kocifuka co Amerika ale ko Europa. Pole, kũlĩhĩsa ndoco. [Tanga ocinimbu 16 kemẽla 17.] Ombrochura eyi yi lekisa ndomo tu pondola oku sanga ombembua ya velapo kuenda esanju.”
O pondolavo oku linga ndoco: Nda omunu waco o tava oku tambula ombrochura yaco, tangeli kumosi ovilala vitatu viatete viocinimbu 18 kemẽla 17, kuenda popia ndoco: “Eci ndi tiuka, ndu ku lekisa ovina tu lavoka ndomo ca lomboluiwa Vembimbiliya.” Poku linga epasu, kũlĩhĩsa laye etosi limue li sangiwa kocinimbu 6 kemẽla 30.
As orientações de Deus O caminho para o Paraíso
Ya sandekiwila oku kuatisa vakuetavo lio Musulumanu va kasi pocitumãlo pana ovo va sima okuti va kuete elianjo lioku lilongisa Embimbiliya
Ndomo yeciwa: Lekisa elitalatu li sangiwa kemẽla 16-17 kuenje popia ndoco: “Elitalatu eli lia litepa lovina tu lete voluali. Ove hẽ, o sima okuti eteke limue oluali lu ka kala ndoco? [Ecelela etambululo.] Kũlĩhĩsa ohuminyo yelivulu eli lia Suku. [Tanga ocisonehua cimue Vembimbiliya liove.] Ombrochura eyi yi tu kuatisa oku kũlĩha ndomo tu kolela kolohuminyo evi vi ka tẽlisiwa.”
O pondolavo oku linga ndoco: Kesulilo liombangulo yatete, pinga omunu waco oco a nõle limue pokati kapulilo a sangiwa konyima yokapa yombrochura yaco. Noke linga esokiyo lioku tiuka oco wece etambululo liaco li sangiwa vombrochura.