Apulilo Vatambuluiwa

◼ Helie o kuete ocikele coku linga apingilo alivulu vo Internet?

Valivulu etu kemẽla lia sulako mua siata oku moleha onumbi yimue okuti citava oku sonehamo kuenda oku yi tuma ko filiale poku pinga elivulu ale epasu Liolombangi via Yehova. Handi vali, citava oku pinga elilongiso Liembimbiliya vonumbi yetu yo Internet www.watchtower.org. Eliangiliyo liaco lia siata oku kuatisa valua oku lilongisa ocili. Pamue akundi vamue va kuata ovitangi vioku talavaya locimãleho caco poku kuatisa vangandiavo ale omanu vakuavo va yongola oku tambula ekuatiso konepa yespiritu.

Omanu vamue va siata oku tumisiwa alivulu ka va pingiwile a tunda ko filiale, loku sima okuti ocisoko cetu ci kasi oku va sakalaisa. Akundi vana va tambula onumbi yoku pasuisa omunu ka pingile epasu, va siata oku sumua eci va limbuka okuti omunu waco wa tema. Omo liaco, epingilo vonumbi yetu yo Internet te li lingiwa lomunu wa lekisa onjongole, ka ci tava okuti li lingiwa lukundi umue. Momo eci o filiale yi limbuka okuti omunu umue wa linga epingilo vonduko yukuavo, epingilo liaco ka li taviwa.

Tu kuatisa ndati vangandietu konepa yespiritu ale omunu ukuavo tua kũlĩha? Nda o yongola okuti eye o tambula elivulu limue, momo lie ku li ecela ove muẽle ndombanjaile? Nda eye wa lekisa onjongole kuenda o yongola oku pasuisiwa Lolombangi via Yehova, pole kua kũlĩhĩle ndomo o sapela lakulu vekongelo vo vocikanjo cekongelo liaco, soneha vo Formulariu Queira Visitar (S-43) kuenje yeca ku manji usonehi vekongelo liove, eye o ka yi konomuisa loku yi tuma ko filiale. Pole nda omunu wa lekisa onjongole o kasi vokayike, kolonjo vina va tata omanu va nyua loku sipa olodroga, ale kosipitali, ku ka sonehele ko filiale vonduko yaye. Vetiya omunu waco oco a vangule la vamanji va nyula ocitumãlo caco, ale eye muẽle a sonehele ko filiale.