Ndomo tu Talavaya Loformulariu Queira Visitar (S-43)

Vo formulariu yaco mu sonehiwe eci tu sanga omunu umue wa lekisa onjongole okuti ka kasi vocikanjo cetu ale una o vangula elimi lio kofeka yikuavo. Kosimbu tua enda oku sonehamo nda tua sanga omanu va vangula elimi lio kofeka yikuavo ndaño va lekisa onjongole ale sio, pole cilo tu sonehamo lika eci tu sanga omunu wa lekisa onjongole. Eci haicoko ci pita nda tua sanga omunu umue okuti ocisitatũi. Nda tua sanga ocisitatũi ndaño wa lekisa onjongole ale sio, tu sukila oku soneha vo formulariu yaco S-43.

Nye tu sukila oku linga lo formulariu noke yoku sonehamo ovina viosi? Yeciwa kukulu wekongelo usonehi. Nda eye wa kũlĩha ekongelo a ka tuma o formulariu yaco, o ka yeca kakulu vekongelo liaco oco va sokiye oku kuatisa omunu wa lekisa onjongole. Nda eye ka kũlĩhĩle kekongelo o formulariu yaco yi loña, ukulu wekongelo usonehi o yi tumisa kofiliale.

Nda omunu wa lekisa onjongole o vangula elimi lio kofeka yikuavo pole o kasi vocikanjo cene, vu sukila oku amamako oku u kuatisa toke eci ku molẽha manji umue o kasi vekongelo va vangula elimi liaco.—Tala Upange Wetu Wusoma wa Kuvala wo 2009 kemẽla 4.