“Ocisola ca Kristu ci tu vetiya.” —2 Va Kor. 5:14.
EKALO LIAKRISTÃO
O Pondola hẽ Oku Kala Ukundi Wasokamo Vosãi Yelombo Kuenda ya Kupupu?
O yongola hẽ oku vokiya vali upange wove vokuenda kuosãi Yonjivaluko? (2 Va Kor. 5:14, 15) Vokuenda kuosãi Yelombo kuenda ya Kupupu, akundi vasokamo citava okuti va nõla oku eca 30 ale 50 kolowola. Nda o yongola oku panga onepa kupange waco pinga ocicapa cimue Kakulu Vekongelo Vakuacikele Cupange Woku Kunda. Osãi losãi, olonduko via vana va taviwa oco va talavaye ndakundi va sokamo va sapuiwa vekongelo. Eci ku eciwa esapulo liaco, vamanji vekongelo va pondola oku kuatisa akundi va sokamo kupange woku kunda. Kuenje vosi yetu tu kuatisiwa vokuenda kuepuluvi liaco Lionjivaluko kuenda tu mioñolola uloño wetu kupange woku kunda loku livetiya pokati.—1 Va Tes. 5:11.